დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „გორის მუნიციპალიტეტის ადმინისტრაციულ საზღვრებში M2 და M3 კატეგორიების ავტობუსებით რეგულარული სამგზავრო გადაყვანის ტარიფის განსაზღვრის შესახებ“ გორის მუნიციპალიტეტის საკრებულოს 2020 წლის 13 ნოემბრის №49 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 26 |
| დოკუმენტის მიმღები | გორის მუნიციპალიტეტი |
| მიღების თარიღი | 11/06/2021 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 14/06/2021 |
| სარეგისტრაციო კოდი | 010250050.35.148.016671 |
|
საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის 1-ლი და მე-2 პუნქტების, „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, გორის მუნიციპალიტეტის საკრებულო ადგენს: |
| მუხლი 1 |
„გორის მუნიციპალიტეტის ადმინისტრაციულ საზღვრებში M2 და M3 კატეგორიების ავტობუსებით რეგულარული სამგზავრო გადაყვანის ტარიფის განსაზღვრის შესახებ“ გორის მუნიციპალიტეტის საკრებულოს 2020 წლის 13 ნოემბრის №49 დადგენილებაში (www.matsne.gov.ge, 16/11/2020, 010250050.35.148.016639) შეტანილ იქნეს შემდეგი ცვლილება:
ა) დადგენილების 21 მუხლი ჩამოყალიბდეს შემდეგი რედაქციით: „მუხლი 21. გორის მუნიციპალიტეტის ადმინისტრაციულ საზღვრებში M3 კატეგორიის ავტობუსებით რეგულარული სამგზავრო გადაყვანის ტარიფი განისაზღვროს მარშრუტების მიხედვით დანართი 3-ის შესაბამისად.“. ბ) დადგენილების 22 მუხლი ჩამოყალიბდეს შემდეგი რედაქციით: „მუხლი 22. 1. მგზავრი ვალდებულია დადგენილების დანართი 3-ით განსაზღვრულ მარშრუტებზე M3 კატეგორიის ავტობუსებით მგზავრობისთვის რეგულარული სამგზავრო გადაყვანის ტარიფით განსაზღვრული თანხა გადაიხადოს ელექტრონული გადახდის საშუალებით. 2. პირისთვის, რომელიც მგზავრობს დადგენილების დანართი 3-ით განსაზღვრულ მარშრუტებზე M3 კატეგორიის ავტობუსებით, პირველი მგზავრობის საფასურის გადახდის შემდეგ ერთი საათის განმავლობაში აღნიშნული ავტობუსებით განხორციელებული შემდგომი მგზავრობები უფასოა. შეღავათით სარგებლობის ერთსაათიან პერიოდში განმეორებითი მგზავრობისას მგზავრმა კვლავ უნდა გაატაროს ელეტრონული გადახდის საშუალება ელეტრონული გადახდის სპეციალურ მოწყობილობაზე და ავტობუსში მოქმედი გადახდის სისტემა უზრუნველყოფს ნულოვანი ტარიფის დაანგარიშებას – სისტემა დაიანგარიშებს წინა ფასიანი მგზავრობის დროს და თუ მის შემდეგ არ არის გასული საშეღავათო ერთსაათიანი პერიოდი, მგზავრობის ღირებულებაში დააფიქსირებს 0 თეთრს. 3. ამ მუხლის მეორე პუნქტიდან გამონაკლისს წარმოადგენს შემთხვევა, როდესაც უფასოდ მგზავრობის ერთსაათიანი პერიოდის განმავლობაში ერთი და იმავე ავტობუსის მარშრუტზე, ერთი და იგივე ავტობუსში, მგზავრს აქვს ელექტრონული გადახდის საშუალებით სამგზავრო ტარიფით განსაზღვრული ღირებულების რამდენჯერმე გადახდის შესაძლებლობა. ამ დროს, სპეციალურ ელექტრონულ მოწყობილობაზე ელექტრონული გადახდის საშუალების პირველადი გატარებისას მომხმარებელი იხდის მგზავრობის საფასურს ერთსაათიანი შეღავათის გათვალისწინებით, თუმცა, იმავე ავტობუსში ელექტრონული გადახდის საშუალების პირველი გატარების შემდეგ თხუთმეტი წუთის განმავლობაში მეორე და შემდგომი გატარებისას, იხდის ბილეთის სრულ ღირებულებას.“. გ) დადგენილებას დაემატოს დანართი 3 – გორის მუნიციპალიტეტის ადმინისტრაციულ საზღვრებში (M3 კატეგორიის) ავტობუსით რეგულარული სამგზავრო გადაყვანის ტარიფი. |
| მუხლი 2 |
დადგენილება ამოქმედდეს გამოქვეყნებისთანავე და 1-ლი მუხლის „ა“ და „გ“ ქვეპუნქტების მოქმედება გავრცელდეს 2021 წლის 19 მაისიდან წარმოშობილ სამართალურთიერთობებზე. |
|
დანართი №3
|
გორის მუნიციპალიტეტის ადმინისტრაციულ საზღვრებში (M3 კატეგორიის) ავტობუსით რეგულარული სამგზავრო გადაყვანის ტარიფი
|
|
დოკუმენტის კომენტარები