„ჯანმრთელობის დაცვისა და სოციალური უზრუნველყოფის პროგრამის დამტკიცების შესახებ“ ხონის მუნიციპალიტეტის საკრებულოს 2019 წლის 7 მარტის №88 დადგენილებაში ცვლილების შეტანის შესახებ

1. პროგრამის მეორე თავის მე-2 მუხლის მე-2 პუნქტი ჩამოყალიბდეს შემდეგი რედაქციიით:

„2 პროგრამით სარგებლობისათვის დახმარების მიმღებმა ხონის მუნიციპალიტეტის მერიაში უნდა წარმოადგინოს: ა) განცხადება ხონის მუნიციპალიტეტის მერის სახელზე; ბ) პირადობის დამადასტურებელი დოკუმენტის ასლი; გ) ამონაწერი სსიპ – სოციალური მომსახურების სააგენტოს ხონის რაიონული განყოფილებიდან სარეიტინგო ქულის შესახებ (მოკვლეული ხონის მუნიციპალიტეტის ტერიტორიაზე); დ) ბანკის ანგარიშის ნომერი“;

2. პროგრამის მეორე თავის მე-7 მუხლის მე-3 პუნქტი ჩამოყალიბდეს შემდეგი რედაქციიით:

„3. პროგრამით სარგებლობისათვის დახმარების მიმღებმა პირმა ხონის მუნიციპალიტეტის მერიაში უნდა წარმოადგინოს: ა) განცხადება ხონის მუნიციპალიტეტის მერის სახელზე; ბ) ბენეფიციარის პირადობის დამადასტურებელი დოკუმენტის ასლი; გ) ჯანმრთელობის მდგომარეობის შესახებ ცნობა ფორმა NIV-100/ა; დ) ანგარიშ-ფაქტურა (ინვოისი), შესაბამისი სამედიცინო დაწესებულებიდან, სადაც ბენეფიციარი იღებს სამედიცინო მომსახურეობას; ე) ამონაწერი სსიპ სოციალური მომსახურების სააგენტოს, ხონის რაიონული განყოფილებიდან სოციალურად დაუცველი ოჯახების მონაცემთა ერთიანი ბაზიდან, მოკვლეული ხონის მუნიციპალიტეტის ტერიტორიაზე; ვ) პირი, რომელსაც სსიპ –სოციალური მომსახურების სააგენტოს შედეგად მინიჭებული აქვს სარეიტინგო ქულა 150001-ის ზევით ან არ არიან რეგისტრირებული სოციალური სააგენტოს მონაცემთა ერთიან ბაზაში, არ საჭიროებს ამონაწერის/ცნობის წარმოდგენას; ზ) მიმართვა სსიპ – სოციალური მომსახურების სააგენტოს საყოველთაო ჯანდაცვის მართვის დეპარტამენტიდან, ბენეფიციარისათვის მოსახლეობის საყოველთაო ჯანმრთელობის დაცვის პროგრამის ფარგლებში გაწეული დაფინანსება/თანადაფინანსების შესახებ (არსებობის შემ თხვევაში); თ) არასრულწლოვანი ბენეფიციარის სამედიცინო მომსახურების შემთხვევაში მისი დაბადების მოწმობის ასლი და მშობლის პირადობის დამადასტურებელი დოკუმენტი; ი) ხელშეკრულება ვალის აღიარების შესახებ (არსებობის შემთხვევაში)“

3. პროგრამის მეორე თავის მე-8 მუხლის პირველი პუნქტი ჩამოყალიბდეს შემდეგი რედაქციიით:

„1. ხონის მუნიციპალიტეტში რეგისტრირებული ავთვისებიანი სიმსივნით დაავადებული პირების ჯანმრთელობის მდგომარეობის აუცილებლობიდან გამომდინარე, ონკოლოგიური მიმართულებით ყველა სახის სამედიცინო მომსახურების და მედიკამენტოზური მკურნალობის დაფინანსება/თანადაფინანსება კალენდარული წლის განმავლობაში განისაზღვროს 1200 (ათას ორასი) ლარის ოდენობით. მათ შორის, სამედიცინო მომსახურების გაწევაზე ვალის აღიარების შესახებ ( ხელშეკრულების გაფორმებიდან 30 კალენდარული დღის განმავლობაში).“

4. პროგრამის მეორე თავის მე-8 მუხლის მე-2 პუნქტი ჩამოყალიბდეს შემდეგი რედაქციიით:

„2. ამ პროგრამით სარგებლობისათვის დახმარების მიმღებმა ბენეფიციარმა ხონის მუნიციპალიტეტის მერიაში უნდა წარმოადგინოს: ა) განცხადება ხონის მუნიციპალიტეტის მერის სახელზე; ბ) ბენეფიციარის პირადობის დამადასტურებელი დოკუმენტის ასლი; გ) ჯანმრთელობის მდგომარეობის შესახებ ცნობა ფორმა NIV-100/ა; დ) ანგარიშფაქტურა/ინვოისი ან კალკულაცია სამედიცინო/სააფთიაქო დაწესებულებიდან, სადაც მოქალაქე იღებს შესაბამის მომსახურებას; ე) მიმართვა სსიპ – სოციალური მომსახურების სააგენტოს საყოველთაო ჯანდაცვის მართვის დეპარტამენტის – ბენეფიციარისათვის მოსახლეობის საყოველთაო ჯანმრთელობის დაცვის პროგრამის ფარგლებში გაწეული თანადაფინანსების შესახებ (არსებობის შემთხვევაში) ვ)ხელშეკრულება ვალის აღიარების შესახებ (არსებობის შემთხვევაში).“

5. პროგრამის მეორე თავის მე-19 მუხლის პირველი პუნქტი ჩამოყალიბდეს შემდეგი რედაქციიით:

,,1 ხონის მუნიციპალიტეტში რეგისტრირებული მხედველობით მკვეთრად გამოხატული შეზღუდული შესაძლებლობის მქონე პირის (ტერმინალური სტადია) ყოველთვიური ფულადი დახმარება განისაზღვროს თვეში 50 (ორმოცდაათი) ლარის ოდენობით.“

6. პროგრამის მეორე თავის მე-19 მუხლის მე-2 პუნქტი ჩამოყალიბდეს შემდეგი რედაქციიით:

„2 პროგრამით სარგებლობისათვის დახმარების მისაღებად ბენეფიციარის ოჯახის უფლებამოსილმა წარმომადგენელმა უნდა წარმოადგინოს: ა) განცხადება ხონის მუნიციპალიტეტის მერის სახელზე; ბ) ბენეფიციარის პირადობის მოწმობის ასლი; გ) სამედიცინო სოციალური ექსპერტიზის შემოწმების აქტი ან ფორმა IV-50/4; დ) ცნობა შშმ პირის (მკვეთრად გამოხატული) სტატუსის შესახებ (არსებობის შემთხვევაში ); ე) ოჯახის წევრის მომართვის შემთხვევაში შესაბამისი დამადასტურებელი დოკუმენტი (დაბადების, ქორწინების მოწმობის ასლი ან სანოტარო აქტი); ვ) „ე“ პუნქტის არსებობის შემთხვევაში განმცხადებლის პირადობის მოწმობის ასლი; ზ) ბენეფიციარის საბანკო ანგარიშის ნომერი.“

7. პროგრამის მეორე თავის მე-20 მუხლის მე-2 პუნქტი ჩამოყალიბდეს შემდეგი რედაქციიით:

„2“ პროგრამით სარგებლობისათვის დახმარების მიღებისათვის ხონის მუნიციპალიტეტის მერიაში უნდა წარმოადგინოს: ა) განცხადება ხონის მუნიციპალიტეტის მერის სახელზე; ბ) მშობლის პირადობის მოწმობის ასლი; გ) ბენეფიციარის (ბავშვის) დაბადების მოწმობის ასლი; დ) ბენეფიციარის ჯანმრთელობის მდგომარეობის ფორმა N1V-100/ა; ე) შესაბამისი სამედიცინო დაწესებულებიდან ანგარიშფაქტურა“;

8. პროგრამის მეორე თავის 25 - ე მუხლი ჩამოყალიბდეს შემდეგი რედაქციიით:

„მუხლი 25. ხონის მუნიციპალიტეტში რეგისტრირებული 0-დან 15 წლამდე აუტიზმის სპექტრის მქონე ბავშვების რეაბილიტაციის დაფინანსება/ თანადაფინანსების პროგრამა

1. პროგრამა ითვალისწინებს აუტიზმის სპექტრის მქონე ბავშვების რეაბილიტაციის დაფინასება/თანადაფინანსებას თვეში არაუმეტეს 200 ლარის ოდენობით.

2. პროგრამით სარგებლობისათვის განმცხადებელმა ხონის მუნიციპალიტეტის მერიაში უნდა წარმოადგინოს: ა) განცხადება ხონის მუნიციპალიტის მერის სახელზე; ბ) მშობლის პირადობის მოწმობის ასლი; გ) დახმარების მიმღები (ბენეფიციარის) დაბადების მოწმობის ასლი, დევნილის შემთხვევაში – დევნილობის მოწმობის ასლები; დ) ექიმ-სპეციალისტის მიერ გაცემული ცნობა ჯანმრთელობის მდგომარეობის შესახებ (ფორმა IVN100) ე) ანგარიშფაქტურა (ინვოისი) შესაბამისი დაწესებულებიდან, რომლის განახლება მოხდება ყოველთვიურად.

3. ექიმ-სპეციალისტის მიერ გაცემული ცნობა ჯანმრთელობის მდგომარეობის შესახებ (ფორმა IVN100) -ის განახლება უნდა მოხდეს თორმეტ თვეში ერთხელ.

4. ბენეფიციარი დაფინანსებისა/თანადაფინანსებისას იღებს ყოველთვიურად საგარანტიო წერილს, რომელსაც გასცემს ხონის მუნიციპალიტეტის მერი.

5. თანხის ჩარიცხვა მოხდება შესაბამისი დაწესებულებიდან ყოველთვიურად შესრულებული სამუშაოს დამადასტურებელი დოკუმენტაციის წარმოდგენის შემდეგ, ხონის მუნიციპალიტეტის მერის ბრძანების საფუძველზე.“