დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | 2021 წლის გამოშვების 5 და 20 ლარის ნომინალის ბანკნოტების მიმოქცევაში გაშვების თაობაზე | |
|---|---|
| დოკუმენტის ნომერი | 3 |
| დოკუმენტის მიმღები | საქართველოს ეროვნული ბანკის საბჭო |
| მიღების თარიღი | 28/05/2021 |
| დოკუმენტის ტიპი | საქართველოს ეროვნული ბანკის საბჭოს დადგენილება |
| გამოქვეყნების წყარო, თარიღი | ვებგვერდი, 31/05/2021 |
| ძალაში შესვლის თარიღი | 01/07/2021 |
| სარეგისტრაციო კოდი | 220090000.11.004.016073 |
|
„საქართველოს ეროვნული ბანკის შესახებ“ საქართველოს ორგანული კანონის მე-9 მუხლის „ვ“ ქვეპუნქტის და 35-ე მუხლის პირველი და მე-3 პუნქტების შესაბამისად, საქართველოს ეროვნული ბანკის საბჭო ადგენს:
|
| მუხლი 1 |
2021 წლის პირველი ივლისიდან მიმოქცევაში გაშვებულ იქნეს:
1. 2021 წლის გამოშვების 5 ლარის ნომინალის ბანკნოტები, როგორც გადახდის კანონიერი საშუალება, 2017 წლის გამოშვების იგივე ნომინალის ბანკნოტის იდენტური დიზაინისა და სხვა მახასიათებლების მიხედვით, ფონური ბადეების ტონალობების ცვლილების (ბანკნოტის ძირითადი ფერის შეუცვლელად) გათვალისწინებით და გამოშვების წლით „2021“; 2. 2021 წლის გამოშვების 20 ლარის ნომინალის ბანკნოტები, როგორც გადახდის კანონიერი საშუალება, 2016 წლის გამოშვების იგივე ნომინალის ბანკნოტის იდენტური დიზაინისა და სხვა მახასიათებლების მიხედვით, ბანკნოტის ძირითადი ფერის შეუცვლელად ფონური ბადეების ტონალობების, საქართველოს ეროვნული ბანკის მოქმედი პრეზიდენტის ხელმოწერის ცვლილებების გათვალისწინებით და გამოშვების წლით „2021“.
|
| მუხლი 2 |
2021 წლის გამოშვების 5 და 20 ლარის ნომინალის ბანკნოტები მიმოიქცევა წინა წლების გამოშვების იგივე ნომინალების ბანკნოტების პარალელურად.
|
| მუხლი 3 |
საქართველოს ტერიტორიაზე 2021 წლის გამოშვების 5 და 20 ლარის ნომინალის ბანკნოტებით ანგარიშსწორება განხორციელდეს შეუფერხებლად.
|
| მუხლი 4 |
ეს დადგენილება ამოქმედდეს 2021 წლის პირველი ივლისიდან.
|
|
დოკუმენტის კომენტარები