,,საქართველოს ტერიტორიულ წყლებსა და სანაპირო ზოლში შემოსული გემების შუქურით მომსახურების ტარიფების ოდენობის დამტკიცების შესახებ“

საქართველოს მთავრობის

დადგენილება №109

2009 წლის 16 ივნისი

ქ. თბილისი

საქართველოს ტერიტორიულ წყლებსა და სანაპირო ზოლში შემოსული გემების შუქურით მომსახურების ტარიფების ოდენობის დამტკიცების შესახებ

    მუხლი 1.

 საქართველოს საზღვაო კოდექსის 791 მუხლის შესაბამისად, დამტკიცდეს საქართველოს ტერიტორიულ წყლებსა და სანაპირო ზოლში შემოსული გემების შუქურით მომსახურების ტარიფების ოდენობა.

    მუხლი 2.

 დადგენილება ამოქმედდეს გამოქვეყნებიდან მე-15 დღეს.

პრემიერ-მინისტრი  ნ. გილაური

საქართველოს ტერიტორიულ წყლებსა და სანაპირო ზოლში შემოსული გემების შუქურით მომსახურების ტარიფების ოდენობა

 1. საქართველოს ტერიტორიულ წყლებსა და სანაპირო ზოლში შემოსული გემების ნავსადგურში შესვლისას შუქურით მომსახურების ტარიფები (შემდგომში – მომსახურების ტარიფები) განისაზღვრება შემდეგი ოდენობით:

2. მომსახურების ტარიფების გადახდა ხორციელდება ერთჯერადად იმ რეისიდან, რომლითაც გემი გადის ნავსადგურიდან.

3. გემები ჯგუფდებიან შემდეგნაირად:

ა) A – ნავსადგურში სახაზო განრიგით შემავალი სატვირთო გემები;

ბ) B – შორეული ნაოსნობის სატვირთო გემები, გარდა A და C ჯგუფებისა;

გ) C – „ეროვნული გადამზიდავი“ სატვირთო-სამგზავრო ბორნები;

დ) D – შორეული ნაოსნობის უცხო ქვეყნების სატვირთო-სამგზავრო ბორნები;

ე) E – „ეროვნული გადამზიდავი“ სამგზავრო გემები;

ვ) F – „ეროვნული გადამზიდავი“ ტანკერები;

ზ) G – „ეროვნული გადამზიდავი“ ნაოსნობის სატვირთო გემები და მცურავი ერთეულები, გარდა C და E ჯგუფებისა;

თ) H – ლიხტერები ლიხტერმზიდ სისტემებში, სამხედრო გემები, საჰოსპიტალო გემები;

ი) I – ლიხტერები, ბუქსირმზიდები, თვითმავალი სამდინარო, თევზსაჭერი და 200 საერთო სარეგისტრაციო ტონამდე წყალწყვის მქონე გემები;

კ) J – ნავსადგურში თავშესაფრად, შეკეთებისათვის, წყლის, ბუნკერის მარაგის შევსების მიზნით, უკიდურეს გარემოებათა, ავარიული მდგომარეობის გამო შესული გემები;

ლ) K – სასამსახურო გემები, სასწავლო, სასწავლო-სასამსახურო, სამეცნიერო-კვლევითი გემები;

მ) L – სპორტული, ფსკერდამაღრმავებელი და სამაშველო გემები, იახტები.

შენიშვნა: ტერმინში „ეროვნული გადამზიდავი“ – იგულისხმება საქართველოს სახელმწიფო დროშით მცურავი გემები.

4. თუ სხვა სახელმწიფოსთან შესაბამისი საერთაშორისო ხელშეკრულებით ამ სახელმწიფოს დროშით მცურავი გემებისათვის დადგენილია პირველი პუნქტით გათვალისწინებული მომსახურების ტარიფებისაგან განსხვავებული ტარიფი, შესაბამისი გემებისათვის მოქმედებს საერთაშორისო ხელშეკრულებით დადგენილი ტარიფები.