„საჯარო სამართლის იურიდიული პირის – სასწავლო უნივერსიტეტის – ბათუმის სახელმწიფო საზღვაო აკადემიის წესდების დამტკიცების შესახებ საქართველოს ეკონომიკისა და მდგრადი განვითარების მინისტრის 2012 წლის 10 ივლისის №1-1/1439 ბრძანებაში ცვლილების შეტანის შესახებ“

1. წესდების მე-6 მუხლის:

ა) მე-2 პუნქტს დაემატოს შემდეგი შინაარსის „ე“ ქვეპუნქტი:

„ე) ფოთის ფილიალი – „ფოთის საზღვაო სასწავლო-საწვრთნელი ცენტრი“;

ბ) მე-4 პუნქტის „დ“ ქვეპუნქტი ამოღებულ იქნეს.

2. წესდების 15¹ მუხლი ჩამოყალიბდეს შემდეგი შინაარსით:

„მუხლი 15¹. ფოთის ფილიალი – „ფოთის საზღვაო სასწავლო-საწვრთნელი ცენტრი“.

1. ფოთის საზღვაო სასწავლო-საწვრთნელი ცენტრი არის აკადემიის ნაწილი და ახორციელებს იმავე საგანმანათლებლო საქმიანობას, რასაც აკადემია.

2. ფოთის საზღვაო სასწავლო-საწვრთნელი ცენტრის საქმიანობა, მიზნები და ფუნქციები რეგულირდება სსიპ – სასწავლო უნივერსიტეტის – ბათუმის სახელმწიფო საზღვაო აკადემიის ფოთის ფილიალის – ფოთის საზღვაო სასწავლო საწვრთნელი ცენტრის დებულებით, რომელსაც ამტკიცებს სენატი.

3. ფოთის საზღვაო სასწავლო-საწვრთნელი ცენტრის ქონება და ფულადი სახსრები წარმოადგენს აკადემიის საკუთრებას და აღირიცხება აკადემიის ბალანსზე“.