„დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამისა და მისი ბიუჯეტის დამტკიცების შესახებ“ დედოფლისწყაროს მუნიციპალიტეტის საკრებულოს 2020 წლის 18 დეკემბრის №28 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამისა და მისი ბიუჯეტის დამტკიცების შესახებ“ დედოფლისწყაროს მუნიციპალიტეტის საკრებულოს 2020 წლის 18 დეკემბრის №28 დადგენილებაში ცვლილების შეტანის თაობაზე
დოკუმენტის ნომერი	9
დოკუმენტის მიმღები	დედოფლისწყაროს მუნიციპალიტეტი
მიღების თარიღი	25/05/2021
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 27/05/2021
ძალის დაკარგვის თარიღი	01/01/2022
სარეგისტრაციო კოდი	190040000.35.169.016482

PDF გადმოწერა

„დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამისა და მისი ბიუჯეტის დამტკიცების შესახებ“ დედოფლისწყაროს მუნიციპალიტეტის საკრებულოს 2020 წლის 18 დეკემბრის №28 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, დედოფლისწყაროს მუნიციპალიტეტის საკრებულო ადგენს:

მუხლი 1

„დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამისა და მისი ბიუჯეტის დამტკიცების შესახებ“ დედოფლისწყაროს მუნიციპალიტეტის საკრებულოს 2020 წლის 18 დეკემბრის №28 დადგენილებაში (www.matsne.gov.ge. 22.12.2020წ, სარეგისტრაციო კოდი 190040000.35.169.016473) შეტანილ იქნეს შემდეგი ცვლილება:

1. დადგენილებით დამტკიცებული დანართ 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამა“) მე- 5 მუხლის 1-ლ პუნქტს დაემატოს „ს)“ ქვეპუნქტი და ჩამოყალიბდეს შემდეგი რედაქციით:

„ს) რეაბილიტაცია/აბილიტაციის სახელმწიფო პროგრამით მოსარგებლე 18 წლამდე ასაკის შშმ პირი.“

2. დადგენილებით დამტკიცებული დანართ 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამა“) მე-5 მუხლის მე-2 პუნქტი ჩამოყალიბდეს ახალი რედაქციით:

„2. სოციალური დახმარება II თავის მე-5 მუხლის 1-ლი პუნქტით განსაზღვრულ კატეგორიებზე, გარდა „ზ“; „თ“; „ი“; „მ“; „ნ“; „ო“; „პ“; „რ“; „ს“ ქვეპუნქტებისა, გაიცემა მხოლოდ იმ შემთხვევაში, თუ ოჯახი დარეგისტრირებულია სიღატაკის დაძლევის სახელმწიფო პროგრამის მონაცემთა ერთიან ბაზაში და სარეიტინგო ქულა 150 000 ან ნაკლებია.“

3. დადგენილებით დამტკიცებული დანართ 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამა“) მე-9 მუხლს დაემატოს „17¹“ პუნქტი და ჩამოყალიბდეს შემდეგი რედაქციით:

„17¹. 18 წლამდე ასაკის შშმ პირთათვის, რეაბილიტაცია/აბილიტაციის კურსის ჩასატარებლად ტრანსპორტირების ხარჯის თანადაფინანსება:

ა) განცხადება;

ბ) განმცხადებლის პირადობის დამადასტურებელი დოკუმენტის ასლი;

გ) ბავშვის დაბადების მოწმობის ასლი;

დ) შეზღუდული შესაძლებლობის სტატუსის დამადასტურებელი დოკუმენტის ასლი;

ე) ადმინისტრაციულ ერთეულში დედოფლისწყაროს მუნიციპალიტეტის მერის წარმომადგენლის რეკომენდაცია,18 წლამდე ასაკის შშმ პირის რეაბილიტაცია/აბილიტაციის კურსის ჩასატარებლად ტრანსპორტირების ხარჯის თანადაფინანსების შესახებ, ფაქტობრივი საცხოვრებელი ადგილის მიხედვით;

ვ) ცნობა მომსახურე კლინიკიდან/ცენტრიდან სარეაბილიტაციო მკურნალობის საჭიროების შესახებ;

ზ) ცნობა ჯანმრთელობის მდგომარეობის შესახებ (დედანი ფორმა №100);

თ) გადაწყვეტილება სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს კახეთის რეგიონალური ცენტრიდან;

ი) განმცხადებლის საბანკო ანგარიშის რეკვიზიტები.“

4. დადგენილებით დამტკიცებული დანართ 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამა“) მე-10 მუხლს დაემატოს „20“-ე პუნქტი და ჩამოყალიბდეს შემდეგი რედაქციით:

„20. 18 წლამდე ასაკის შშმ პირთათვის, რეაბილიტაცია/აბილიტაციის კურსის ჩასატარებლად ტრანსპორტირების ხარჯის თანადაფინანსება:

ა) ქ. თბილისში მდებარე სარეაბილიტაციო კლინიკებსა და ცენტრებში გადასაადგილებლად - 200 ლარი ყოველთვიურად;

ბ) ქ. დედოფლისწყაროში მდებარე სარეაბილიტაციო ცენტრში გადასაადგილებლად ახლომდებარე დასახლებული პუნქტებიდან (ქ. დედოფლისწყარო, სამრეკლო, ხორნაბუჯი, ჭოეთი (ხორნაბუჯის ადმინისტრაციული ერთეული), თავწყარო (ოზაანის ადმინისტრაციული ერთეული), გამარჯვება) - 50 ლარი, ხოლო, დედოფლისწყაროს მუნიციპალიტეტის სხვა სოფლებიდან (ზემო მაჩხაანი, არბოშიკი, მირზაანი, ოზაანი, ზემო ქედი, არხილოსკალო, ქვემო ქედი, სამთაწყარო, ფიროსმანი, საბათლო) - 100 ლარი ყოველთვიურად;

5. დადგენილებით დამტკიცებული დანართ 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამა“) მე-14 მუხლის 1-ლ პუნქტს დაემატოს „დ)“ ქვეპუნქტი და ჩამოყალიბდეს შემდეგი რედაქციით:

„დ) მე-10 მუხლის 20-ე პუნქტით გათვალისწინებული 18 წლამდე ასაკის შშმ პირთათვის რეაბილიტაცია/აბილიტაციის კურსის ჩასატარებლად, ტრანპორტირების ხარჯით უზრუნველყოფის მიზნით, ყოველთვიური ფულადი დახმარება 50, 100 ან 200 ლარი 2021 წლის განმავლობაში დაინიშნება და გაიცემა განცხადების წარმოდგენის თვის პირველი რიცხვიდან.

6. დადგენილებით დამტკიცებული დანართი 2 („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამის ბიუჯეტი“) ჩამოყალიბდეს ახალი რედაქციით:

მუხლი 2

დადგენილება ამოქმედდეს გამოქვეყნებისთანავე.

დედოფლისწყაროს მუნიციპალიტეტის საკრებულოს თავმჯდომარე ნუგზარ პაპიაშვილი

,,დანართი 2

დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2021 წლის პროგრამის ბიუჯეტი

№	დასახელება	სოციალური დახმარების მოცულობა (ლარი)
№	დასახელება	ერთ ბენეფიციარზე ან ოჯახზე	სულ
I	1. უფასო კვების ობიექტის დაფინანსება		275 000
II	2. სამშობლოს დაცვისას დაღუპულთა და ომის შემდეგ გარდაცვლილ მეომართა სარიტუალო მომსახურება	300 ლარი	2 300
IV	3.სოციალურად დაუცველი მოსახლეობის დახმარება		422 000
	ა) მშშს, შშს მქონე არასრულწლოვან ბავშვთა, ობოლ და მარჩენალდაკარგულ ბავშვთა, მარტოხელა მშობელთა, მრავალშვილიან მშობელთა (ერთი, ორი ან სამი არასრულწლოვანი ბავშვით მათ შორის გერი შვილ(ებ)ი), საქართველოს ტერიტორიული მთლიანობისათვის ბრძოლაში დაღუპულისა და მეორე მსოფლიო ომის მონაწილის ოჯახთა ყოველთვიური ფულადი დახმარება, მოხმარებული ელექტროენერგიის ან ბუნებრივი აირის ღირებულების დასაფარად, ბენეფიციარის არჩევანის შესაბამისად.	18 ან 22 ლარი ყოველთვიურად	42 000
	ბ) საქართველოს ტერიტორიული მთლიანობისათვის ბრძოლაში დაღუპულის ოჯახი	1000 ლარი ერთჯერადად	11 000
	გ) მეორე მსოფლიო ომის მონაწილე	250 ლარი ერთჯერადად	500
	დ) ხანძრით, მიწისძვრით, ბუნებრივი კატასტროფით, სხვა განსაკუთრებული შემთხვევით დაზარალებული ოჯახი, უსახლკარო ოჯახი და ოჯახი, რომლის ავარიული საცხოვრებელი სახლი საფრთხეს უქმნის ადამიანის სიცოცხლეს	63.16 ლარამდე ყოველთვიურად (საშემოსავლო გადასახადის ჩათვლით)	14000
	ე) 100 და 100 წელზე ზევით ხანდაზმული მოქალაქე	300 ლარი ერთჯერადად	900
	ვ) ახალდაბადებული ბავშვიანი ოჯახი (2020 წლის ვალდებულების გათვალისწინებით)	300 ლარი ერთჯერადად	50 000
	ზ) ჰემოდიალიზზე მყოფი მოქალაქე	200 ლარი ყოველთვიურად	25 000
	თ) მრავალშვილიანი ოჯახი, რომელსაც ჰყავს ოთხი და მეტი შვილი (მათ შორის გერი შვილ(ებ)ი) და ოთხი მაინც არის არასრულწლოვანი	თითოეულ ბავშვზე 50 ლარი ერთჯერადად	16 000
	ი) სამედიცინო მომსახურების დაფინანსება ან თანადაფინანსება (2020 წლის ვალდებულების გათვალისწინებით)	500 ლარამდე	115 000
	კ) სოციალურად დაუცველი მოქალაქეების გათბობის ხარჯით უზრუნველყოფა	100 ლარი ერთჯერადად	80 000
	ლ) აუტიზმისა და დაუნის სინდრომის მქონე არასრულწლოვან ბავშვთა ოჯახი	500 ლარი ერთჯერადად	7 000
	მ) სუბსიდია - სოციალურად დაუცველი მოსახლეობის, ხანდაზმულთა, იძულებით გადაადგილებულ პირთა და ზოგადად მოწყვლადი მოსახლეობის ჯანმრთელობის მდგომარეობის გაუმჯობესება დედოფლისწყაროს მუნიციპალიტეტის ქალაქსა და სოფლებში.	__	52 000
	ნ) 18 წლამდე ასაკის შშმ პირთათვის, რეაბილიტაცია/აბილიტაციის კურსის ჩასატარებლად ტრანსპორტირების ხარჯის თანადაფინანსება	50, 100 ან 200 ლარი ყოველთვიურად	8 600
სულ:			699 300