დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „სპეციალური ნებართვის გაცემის წესის დამტკიცების შესახებ“ სსიპ სამოქალაქო ავიაციის სააგენტოს დირექტორის 2021 წლის 31 მარტის N70 ბრძანებაში ცვლილების შეტანის შესახებ“ | |
|---|---|
| დოკუმენტის ნომერი | 106 |
| დოკუმენტის მიმღები | სამოქალაქო ავიაციის სააგენტოს დირექტორი |
| მიღების თარიღი | 29/04/2021 |
| დოკუმენტის ტიპი | სამოქალაქო ავიაციის სააგენტოს დირექტორის ბრძანება |
| გამოქვეყნების წყარო, თარიღი | ვებგვერდი, 04/05/2021 |
| სარეგისტრაციო კოდი | 310050000.54.066.016223 |
|
„სპეციალური ნებართვის გაცემის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2021 წლის 31 მარტის N70 ბრძანებაში ცვლილების შეტანის შესახებ“
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„სპეციალური ნებართვის გაცემის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2021 წლის 31 მარტის N70 ბრძანებით (სსმ, ვებგვერდი, 310050000.54.066.016219, 02/04/2021) დამტკიცებულ „სპეციალური ნებართვის გაცემის წესში“ შეტანილ იქნეს შემდეგი ცვლილებები:
1. 24-ე მუხლის მე-3 და მე-4 პუნქტები ჩამოყალიბდეს შემდეგი რედაქციით: „3. ექსპლუატანტმა უნდა უზრუნველყოს, რომ სხ-ზე დამონტაჟებული ელექტრონული საფრენოსნო მოწყობილობა (EFB) სხ-ზე განთავსებული იყოს საჰაერო ხომალდის მწარმოებლის/შემმუშავებლის პროექტის მიხედვით, ან მოდიფიკაციისთვის საქართველოს კანონმდებლობით დადგენილი მოთხოვნების შესაბამისად, ხოლო გადასატანი ელექტრონული საფრენოსნო მოწყობილობა (EFB), თუ მისი კომპონენტები (სამაგრი, კვების წყარო და სხვა) არ საჭიროებს დამონტაჟებას სხ-ზე, სერტიფიცირებული/დაშვებული იყოს რომელიმე ქვეყნის საავიაციო უწყების მიერ და განთავსდეს ეკიპაჟისთვის ხელმისაწვდომ ისეთ ადგილას, რომ ხელს არ უშლიდეს სხ-ის მართვის საშუალებების ვიზუალურ და/ან ფიზიკურ ხელმისაწვდომობას, საფრენოსნო ეკიპაჟის წევრების სავარძელში ჩაჯდომას ან სავარძლიდან ადგომას და/ან გარე ხედვას. 4. ელექტრონული საფრენოსნო მოწყობილობის (EFB) სტაციონარული სამაგრი და კვების წყარო სხ-ზე დამონტაჟებული უნდა იყოს მწარმოებლის ან სერტიფიცირებული ტექნიკური მომსახურების საწარმოს მიერ.“. 2. 33-ე მუხლის: ა) სათაური ჩამოყალიბდეს შემდეგი რედაქციით: „მუხლი 33. საექსპლუატაციო მოთხოვნები“ ბ) პირველი პუნქტი ჩამოყალიბდეს შემდეგი რედაქციით: „1. ექსპლუატანტი ვალდებულია საფრენად ვარგისობის შენარჩუნებისთვის დადგენილი ტექმომსახურების სახეები და ინტერვალები აღწეროს ტექმომსახურების პროგრამაში.“. |
| მუხლი 2 |
ბრძანება ამოქმედდეს გამოქვეყნებისთანავე. |
|
დოკუმენტის კომენტარები