„ქალაქ რუსთავის მუნიციპალიტეტის ბიუჯეტით გათვალისწინებული „შეღავათები მუნიციპალურ ტრანსპორტზე“ ქვეპროგრამის განხორციელების წესის დამტკიცების შესახებ“ ქალაქ რუსთავის მუნიციპალიტეტის საკრებულოს 2018 წლის 24 დეკემბრის №87 დადგენილებაში ცვლილების შეტანის თაობაზე

1. წესის მე-2 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) მკვეთრად და მნიშვნელოვნად გამოხატული შეზღუდული შესაძლებლობების მქონე პირები;“

2. წესის მე-2 მუხლის პირველი პუნქტის „ბ¹“ ქვეპუნქტი ჩამოყალიბდეს შემდეგი რედაქციით:

„ბ¹) ზომიერად გამოხატული შეზღუდული შესაძლებლობის მქონე პირები.“

3. წესის მე-2 მუხლის დაემატოს 1¹ პუნქტი და ჩამოყალიბდეს შემდეგი რედაქციით:

„1¹. ამ მუხლის პირველი პუნქტით გათვალიწინებული პირების გარდა, ქვეპროგრამით სარგებლობა შეუძლიათ რუსთავის ადმინისტრაციულ საზღვრებში მცხოვრები და რეგისტრირებულ  პედაგოგებს, რომლებიც პედაგოგიურ საქმიანობას ახორციელებენ გარდაბნის მუნიციპალიტეტის საჯარო სკოლებში.“  

4. წესის მე-3 მუხლის პირველი პუნქტის „გ“ ქვეპუნქტი  ჩამოყალიბდეს შემდეგი შინაარსით:

„გ) ამ წესის მე-2 მუხლის პირველი პუნქტის „ე“, „ვ“ „ზ“,„კ“ ქვეპუნქტებითა და 1¹ პუნქტით გათვალისწინებულ პირებს 0.30 ლარის ოდენობით.“

5. წესის მე-4 მუხლის მე-3 პუნქტს დაემატოს „გ“ ქვეპუნქტი და ჩამოყალიბდეს შემდეგი რედაქციით:

„გ) ცნობა ზოგადსაგანმანათლებლო დაწესებულებაში პედაგოგიური საქმიანობის განხორციელების შესახებ, ამ წესის მე-2 მუხლის 1¹ პუნქტით გათვალისწინებული პირების შემთხვევაში, რომელიც განმცხადებლის მიერ წარმოდგენილი უნდა იქნას სამ თვეში ერთხელ, დოკუმენტების წარმოუდგენლობის შემთხვევაში, სამსახური უფლებამოსილია მიმართოს ბანკს ბარათის დაბლოკვის მოთხოვნით.“