„ჯანმრთელობის დაცვის სახელმწიფო პროგრამების ფარგლებში სტაციონარულ სამედიცინო დაწესებულებებში ინფექციების კონტროლის სისტემის ფუნქციონირების შემოწმების წესის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 8 სექტემბრის №01-100/ნ ბრძანებაში ცვლილების შეტანის თაობაზე

№

კრიტერიუმი

კი

არა

მითითებები მონიტორისთვის

მონიტორის შენიშვნა/ კომენტარი

დაწესებულების ხელმძღვანელის ხელმოწერა

 1

ნოზოკომიური ინფექციების საინჟინრო კონტროლი

1.1

დაწესებულებაში არსებობს მოძრაობის ნაკადების ამსახველი ბლოკ-სქემები (მაგალითად, ამბულატორიული და ჰოსპიტალური სერვისების,  

ვიზიტორების, ჯანდაცვის პერსონალის (ექიმები,  ექთნები), მასალების  (სახარჯი,  სტერილური, საკვები,  თეთრეული და სხვ.)

ფასდება ასეთი ბლოკ-სქემების ამსახველი დოკუმენტების გაცნობით. დადებითი პასუხი მოინიშნება მინიმუმ ნარჩენების, სტერილიზაციას დაქვემდებარებული ინსტრუმენტებისა და თეთრეულის გადაადგილების მიმართულებების ამსახველი ბლოკ-სქემების არსებობის შემთხვევაში.

1.2

დაწესებულებაში არის სულ მცირე ერთი ბოქსირებული პალატა ინფექციური ავადმყოფების დროებითი იზოლაციისათვის

კრიტერიუმი წარმოადგენს სტაციონარული დაწესებულების სანებართვო პირობას და საჭიროებს მის შესაბამისობის შეფასებას „ნოზოკომიური ინფექციების ეპიდზედამხედველობის, პრევენციისა და კონტროლის წესების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2015 წლის 7 სექტემბრის №01-38/ნ ბრძანების დეფინიციასთან; კერძოდ:

• საიზოლაციო სათავსი ინფექციური პაციენტებისათვის უნდა შედგებოდეს პალატის, რაბისა და სანიტარიული კვანძისაგან; 
• დერეფნიდან რაბში შესასვლელი და რაბიდან პალატაში შესასვლელი კარები შესაძლებელია, განლაგებული იქნეს ერთმანეთის მოპირდაპირედ, ასევე,  საკვების, წამლების, თეთრეულის მიწოდება შეიძლება ხორციელდებოდეს უშუალოდ დერეფნიდან, სპეციალური გადასაცემი კონტეინერის მეშვეობით;
•  სანიტარიული კვანძი განკუთვნილი უნდა იყოს პაციენტებისთვის, ხოლო პერსონალის ხელსაბანი ნიჟარა (თხევადი საპნით, ანტისეპტიკური ხსნარითა და ხელის ერთჯერადი გასამშრალებელი საშუალებებით აღჭურვილი) განთავსებული უნდა იყოს რაბში.

1.3

დაწესებულებას აქვს გვამის დროებითი დაყოვნების სათავსი, რომელიც მდებარეობს სხვა სივრცეებისგან იზოლირებულ და ადვილად მისადგომ სივრცეში და COVID-19-ით დაინფიცირებული, ან საეჭვო გარდაცვლილი პაციენტების განსათავსებლად აქვთ გვამის შესანახი ჩანთა

„კი“ პასუხი მოინიშნება იმ შემთხვევაში, როდესაც სახეზეა გვამის დროებითი დაყოვნების სათავსი და იგი აკმაყოფილებს შემდეგ მოთხოვნებს:

• განთავსებულია დაწესებულების  იზოლირებულ და ადვილად მისადგომ სათავსში
• სათავსის კედლები და იატაკი დაფარულია რეცხვისა და დეზინფექციისადმი გამძლე მასალით;
• აქვს ვენტილაცია (ასევე, შესაძლებელია მექანიკური ვენტილაცია გარეთ გამავალი ვენტილატორით)
• სათავსის კარები დაკეტილია და გასაღები შენახულია სათანადო ადგილას
• თითოეული მიცვალებულის გადასვენების შემდგომ ხორციელდება სათავსის, აგრეთვე გვამის სატრანსპორტო ან განსათავსებელი ურიკებისა და ზედაპირების დასუფთავება და დეზინფექცია, რომლის თაობაზე დაწესებულებაში არსებობს პროტოკოლი/სოპი;
• კლინიკას აქვს მინიმუმ 1 გვამის ჩანთა გარდაცვლილი პაციენტების გვამის შესანახად.

1.4

დაწესებულების მაღალი და ძალიან მაღალი რისკის ზონებში ვენტილაცია უზრუნველყოფს ინფექციების გადაცემის რისკების შემცირებას

გამოიყენება დაკვირვება სისტემის მუშაობაზე და სათანადო დოკუმენტაციის (ე.წ. აპარატურის პასპორტი და ჩანაწერები აპარატურის პერიოდული შემოწმების თაობაზე) გამოთხოვა და მათზე  დაყრდნობით ვენტილაციის სისტემის შეფასება. აღნიშნული დოკუმენტაციის ვერ- ან არწარმოდგენის, ან სისტემის არმუშაობის შემთხვევაში, კრიტერიუმი ფასდება უარყოფითად.

• დადებითი პასუხი მოინიშნება მხოლოდ ორივე პირობის (სისტემის მუშაობა და დოკუმენტაციის არსებობა) შესრულების შემთხვევაში.
• „მაღალი“ რისკის სათავსებია: საიზოლაციო (ბოქსი, ნახევრად ბოქსი, ბოქსირებული პალატა, რეანიმაციის საიზოლაციო პალატა) და კრიტიკული, ინტენსიური მოვლის (II-III)  სათავსები/ განყოფილებები; „ძალიან მაღალი“ რისკის სათავსია, მაგ., საოპერაციო ბლოკი.
• საიზოლაციო სათავსებში  (ბოქსი, ნახევრად ბოქსი, ბოქსირებული პალატა, რეანიმაციის საიზოლაციო პალატა) ქმნის წნევათა სხვაობის ისეთ რეჟიმს, რომ არ მოხდეს ჰაერის გადადინება „სუფთა“ სათავსებისკენ.

1.5

გათბობის, სავენტილაციო და კონდიცირების ფილტრები რეგულარულად მოწმდება მტვრით დაბინძურების თავიდან აცილების მიზნით

შეფასების მიზნით გამოიყენება,   შესაბამისი ჩანაწერების (მათ შორის, შემოწმების აქტი, ფილტრების შეძენის/გამოცვლის დამადასტურებელი დოკუმენტი, ფილტრების მონიტორინგის აღრიცხვის ჟურნალი) ან სათანადო ელექტრონული პროგრამის გაცნობა. 

დადებითი პასუხი მოინიშნება იმ შემთხვევაში, როცა არსებობს შესაბამისი ჩანაწერები, ან ავტომატური პროგრამა, რომლითაც დასტურდება ფილტრების დაბინძურების ყოველთვიური მონიტორინგი.

2.

წყალმომარაგება, ჰიგიენა და სანიტარია (WASH)

2.1

დაწესებულება  უზრუნველყოფილია სასმელი წყლის მუდმივი წყალმომარაგებით

კრიტერიუმი ფასდება დადებითად იმ შემთხვევაში, როცა დაწესებულების შენობაში არსებული ონკანები მიერთებულია მუდმივი წყალმომარაგების წყაროსთან (მნიშვნელობა არ აქვს ცენტრალიზებულია წყალმომარაგება თუ ადგილობრივი, მაგ.; ჭაბურღილთან. არაცენტრალიზებული სისტემის შემთხვევაში, წარმოდგენილი უნდა იყოს სათანადო დასკვნა სასმელი წყლის ტექნიკურ რეგლამენტთან შესაბამისობის თაობაზე).

2.2

სამედიცინო სერვისების სათავსები (დაწესებულების ყველა კაბინეტი, საპროცედურო,საოპერაციო ბლოკი, ემერჯენსი,  სარეანიმაციო და ინტენსიური თერაპიის დარბაზი, საიზოლაციო პალატა, საექთნო პოსტი) აღჭურვილია გამართულად მოფუნქციონირე  ხელის დასაბანი საშუალებებით (ხელსაბანი ნიჟარა, წყალმომარაგება, თხევადი საპონი და ხელის გასამშრალებელი ერთჯერადი საშუალებები)

ფასდება ყველა კაბინეტის (სადაც ექიმი სინჯავს პაციენტს), საპროცედუროს/ საოპერაციოს, ემერჯენსის, ინტენსიური და სარეანიმაციო დარბაზის, შესახევევის, საიზოლაციო პალატის, საექთნო პოსტის დათვალიერებით.

დადებითი პასუხი იწერება იმ შემთხვევაში, როცა ხელსაბანების ონკანები არის გამართულ მდგომარეობაში (მ.შ. მუშაობს საკეტი), მათში მოდის წყალი, ხოლო ონკანის ნიჟარა მიერთებულია საკანალიზაციო მილთან (ადგილობრივი ან ცენტრალური) და აღჭურვილია თხევადი საპნითა და ხელის გასამშრალებელი ერთჯერადი საშუალებებით

ასევე, შესაძლებელია საოპერაციოს/ საპროცედუროს/შესახვევის/გასასინჯი კაბინეტის შესასვლელში არსებობდეს წინასაოპერაციოს ტიპის სათავსი (მათ შორის, რაბი), სადაც განთავსებულია ხელსაბანი ნიჟარა. ამასთან, დაუშვებელია საპირფარეშოში არსებული ხელსაბანების ამ მიზნით გამოყენება.

2.3

ყველა სანიტარიულ კვანძში ან მის შესასვლელთან ხელმისაწვდომია ხელის დასაბანი წერტილები (ხელსაბანი ნიჟარა, თხევადი საპონი და  ხელის ერთჯერადი გასამშრალებელი საშუალებები)

ფასდება დადებითად იმ შემთხვევაში, როდესაც ყველა საპირფარეშო (მათ შორის პაციენტებისთვის განკუთვნილიც) ან მისი შესასვლელი აღჭურვილია ხელსაბანით (რომელსაც მიეწოდება წყალი) და თხევადი საპნით, ხელის ერთჯერადი გასამშრალებელი საშუალებებით.

შენიშვნა:პაციენტის პალატებში, რომლებიც ცარიელია, შესაძლებელია არ იყოს თხევადი საპონი და ხელის გასამშრალებელი საშუალებები.

2.4

დაწესებულების შესასვლელებში, სამედიცინო სერვისის (დაწესებულების ყველა კაბინეტი, საპროცედურო/შესახევევი, სარეანიმაციო და ინტენსიური თერაპიის დარბაზი/პალატა, საიზოლაციო პალატა, საექთნო პოსტი)  სივრცეებსა და დერეფანში ხელმისაწვდომია ხელის ალკოჰოლშემცველი ანტისეპტიკური საშუალებები (სანიტაიზერები)

დადებითი პასუხი მოინიშნება იმ შემთხვევაში, როდესაც ყველა შესაბამის წერტილში არის ხელმისაწვდომი ხელის სანიტაიზერები

შენიშვნა: სამედიცინო სერვისების მიწოდების (მათ შორის, ამბულატორიულად) სივრცეების დერეფნებში ყოველ 3-5 ოთახზე უნდა იყოს - 1 დისპენსერი.

2.5

დაწესებულებაში პერსონალისთვის ხელმისაწვდომია ხელის ჰიგიენის 5 მომენტის ამსახველი თვალსაჩინო და მარტივად გასაგები სქემა (WHO)

ფასდება კლინიკური მოვლის სივრცეების ყველა კაბინეტის (სადაც ექიმი სინჯავს პაციენტს), შესახვევის, საპროცედუროს/საოპერაციოს, საიზოლაციო პალატის, ემერჯენსის, ინტენსიურისა და სარეანიმაციო პალატის/დარბაზის ხელსაბანების მიმდებარე ტერიტორიის, საექთნო პოსტის დათვალიერებით.

„კი“ პასუხი მოინიშნება, როცა ასეთი სქემები გამოკრულია შესაბამის ადგილებზე.

2.6

პაციენტთა მოსაცდელი და კლინიკური სერვისის ყველა სათავსისა (იატაკი, კედლები და ყველა ხილული ზედაპირი) და აღჭურვილობის ზედაპირები არის სუფთა და თავისუფალი მტვრისა და ბიოლოგიური დაბინძურებისგან

კრიტერიუმის შეფასება ხდება ასეთი სათავსების დათვალიერებით. მიზანშეწონილია, ყველა სათავსის კედლების, იატაკის, ჭერისა და აღჭურვილობის (მაგალითად საწერი მაგიდის, სამედიცინო აპარატურის, თაროების, კარადების, საწოლის კიდეების და აშ.) დათვალიერება. დიდი კლინიკის შემთხვევაში (100 და მეტი საწოლი), შემოწმებას ექვემდებარება სათავსების არანაკლებ 80%. დადებითი პასუხის მოსანიშნად ზედაპირებზე არ უნდა იყოს დაბინძურების არცერთი კერა ნანახი.

2.7

დაწესებულებაში არის დასუფთავებისთვის საჭირო ადეკვატური რაოდენობის შესაბამისად მარკირებული ინვენტარი

კრიტერიუმი ფასდება დათვალიერებით და დადებითი პასუხი იწერება იმ შემთხვევაში, როცა ასეთი ინვენტარი ინახება სხვა სამეურნეო ინვენტარისაგან იზოლირებულად, აქვს შესაბამისი მარკირება და არის საკმარისი რაოდენობით (საკმარისი რაოდენობა: თითოეულ განყოფილებას უნდა ჰქონდეს მინიმუმ ერთი ასეთი კომპლექტი ან თუ ერთ სართულზე რამდენიმე განყოფილებაა, – ერთი საერთო კომპლექტი; თუმცა, მაღალი და დაბალი რისკის განყოფილებებს არ უნდა ჰქონდეთ  დასუფთავებისათვის საერთო ინვენტარი; საოპერაციოს უნდა ჰქონდეს ცალკე კომპლექტი; ასევე, განცალკევებული უნდა იყოს საპირფარეშოებისა და საპალატე ნაწილის დასასუფთავებელი ინვენტარი).

ასევე ცალკე ინვენტარია მოთხოვნილი საიზოლაციო ოთახების (მარკირებული), სასტერილიზაციოსა და ადმინისტრაციული სივრცეებისთვის.

2.8

დაწესებულებაში კლინიკური სერვისის სათავსების კედლებისა და იატაკის ზედაპირებს აქვთ სველი წესით დალაგებისა და ქიმიური ხსნარებით დამუშავებისადმი გამძლე საფარი

კრიტერიუმის შეფასება ხდება დათვალიერებით  და „კი“ მოინიშნება იმ შემთხვევაში, როცა  საფარი აკმაყოფილებს აღნიშნულ მოთხოვნას.

თუ ზედაპირების მთლიანობა დაზიანებულია,  მაშინ მოინიშნება პასუხი „არა“.

2.9

დაწესებულების კლინიკური სერვისის სათავსებში ხშირად შეხებადი ზედაპირები (საწოლის სახელურები, ტუმბოები, კარების სახელურები და ა.შ), რეგულარულად დეზინფიცირდება

შეფასებისათვის მონიტორმა უნდა მოითხოვოს შესაბამისი წესი/ინსტრუქცია ასეთი პროცედურების ჩატარების თაობაზე. დადებითი პასუხი მოინიშნება მხოლოდ შესაბამისი დოკუმენტაციის არსებობის შემთხვევაში.

2.10

სუფთა  და  გამართულად მოფუნქციონირე საპირფარეშოები ხელმისაწვდომია პაციენტებისა და პერსონალისათვის

ფასდება დათვალიერებით 2.4. კრიტერიუმის მსგავსად, დადებითი პასუხი მოინიშნება იმ შემთხვევაში, როცა ყველა ნანახი საპირფარეშო სუფთაა, ხოლო უნიტაზი (პისუარი) ფუნქციონირებს გამართულად (თავსახური მუშაობს და არ არის დაზიანებული, ასევე მუშაობს ჩამრეცხი სისტემა), ამასთან, არ არსებობს არანაირი შეზღუდვა (მათ შორის: ფიზიკური, მაგ., კარები ჩაკეტილია და გასაღები არ არის ხელმისაწვდომი პაციენტებისთვის, ან საპირფარეშო ძალიან მოშორებულია ძირითადი სამუშაო ადგილიდან/პალატებიდან და იქ მოსახვედრად სხვა  სართულზე ასვლაა  საჭირო ან არსებობს ფინანსური ბარიერი – მაგ., არის ფასიანი) პაციენტისა თუ პერსონალის იქ მოსახვედრად.

3

სამედიცინო ნარჩენების მენეჯმენტი

3.1

დაწესებულებაში არსებობს სამედიცინო ნარჩენების მართვაზე პასუხისმგებელი პირი

დადებითი პასუხი ფიქსირდება იმ შემთხვევაში, თუ არსებობს დაწესებულების ხელმძღვანელის ბრძანებით დანიშნული თანამშრომელი (გარემოსდაცვითი მმართველი), რომლის სამუშაოთა აღწერილობა/დაკისრებული მოვალეობა მოიცავს სამედიცინო ნარჩენების მართვაზე პასუხისმგებლობას (შესაძლებელია, იმავე პირს ჰქონდეს სხვა პასუხისმგებლობაც, მაგალითად,  25-ზე ნაკლები საწოლფონდის შემთხვევაში - იყოს ინფექციების კონტროლზე პასუხისმგებელი პირი).

3.2

დაწესებულებას აქვს სათანადოდ აღჭურვილი სახიფათო ნარჩენების დროებითი შესანახი სათავსი, ან სახიფათო ნარჩენების (ინფექციური ნარჩენები და ბასრი საგნები) შესაგროვებელი დროებითი კონტეინერების განსათავსებლად იყენებს  მოასფალტებულ, შენობიდან დაცილებულ და ყოველი მხრიდან შემოსაზღვრულ დაცულ ღია მოედანს და აწარმოებს ნარჩენების აღრიცხვის ჟურნალს კანონმდებლობის შესაბამისად

კრიტერიუმი ფასდება დათვალიერებით და დადებითი პასუხი ინიშნება იმ შემთხვევაში, როცა სახიფათო ნარჩენების დროებითი შესანახი სათავსის/ სახიფათო ნარჩენების შესაგროვებელი დროებითი კონტეინერების განსათავსებელი მოედნის ყველა მახასიათებელი კომპონენტი სახეზეა. კერძოდ:

• სახიფათო ნარჩენების დროებითი შესანახი სათავსის იატაკი, კედლები და ჭერი მოპირკეთებულია ისეთი მასალით, რომელიც ექვემდებარება სველი წესით დამუშავებასა და დეზინფექციას, ის აღჭურვილია ხელსაბანით, წყლის ჩასადინარით (ტრაპი), ვენტილაციით და არ გამოიყენება არასახიფათო საერთო სამედიცინო ნარჩენების განსათავსებლად, ამავე დროს, სათავსში განთავსებული კონტეინერები მჭიდროდ თავდახურულია

ან

• შენობაში სახიფათო ნარჩენების დროებითი შესანახი სათავსის არარსებობისას, გამოიყენება სპეციალური მოედანი, რომელზეც ხდება სახიფათო ნარჩენებიდან მხოლოდ ინფექციური ნარჩენებისა და ბასრი საგნების კონტეინერების განთავსება და კონტეინერები არის  მჭიდროდ თავდახურულია.  მოედანი შემოსაზღვრულია, მოასფალტებული/მობეტონებული, აღჭურვილი ხელსაბანით, წყლის ჩასადინარით (ტრაპი), ადვილად მისადგომია ავტოტრანსპორტისა და მოხერხებული ჩატვირთვა-გადმოტვირთვის სამუშაოებისათვის (ეს მოედანი ასევე შესაძლებელია გამოყენებული იყოს მუნიციპალური, არასახიფათო ნარჩენებისათვის განკუთვნილი კონტეინერების განსათავსებლადაც).
• დაწესებულება აწარმოებს ნარჩენების აღრიცხვის ჟურნალს „ტექნიკური რეგლამენტის – „სამედიცინო ნარჩენების მართვა“ დამტკიცების შესახებ“ საქართველოს მთავრობის 2017 წლის 16 ივნისის №294 დადგენილების შესაბამისად.

3.3

დაწესებულებაში არსებობს მყარი, ერთჯერადი გამოყენების ტარის საკმარისი რაოდენობა ბასრი ინსტრუმენტების (ნემსები, კალმები) სხვა ნარჩენებისაგან განცალკევებით შესაგროვებლად

კრიტერიუმი ფასდება დადებითად იმ შემთხვევაში, როცა დაწესებულების ყველა შესაბამისი სათავსი (მაგალითად, საპროცედურო, სამანიპულაციო და ა.შ.) და საინექციო სივრცე უზრუნველყოფილია მყარი (მუყაოს/პლასტმასის), ერთჯერადი (უტილიზაციას დაქვემდებარებული) გამოყენების ტარით ბასრი ინსტრუმენტების (ნემსები, კალმები) სხვა ნარჩენებისაგან განცალკევებით შესაგროვებლად.

3.4

დაწესებულებაში უზრუნველყოფილია ნარჩენების  წარმოქმნის ადგილზე სეპარაცია კანონმდებლობით განსაზღვრული კლასიფიკაციის შესაბამისად

კრიტერიუმი ფასდება დადებითად, თუ დაწესებულების სამედიცინო სერვისებისთვის განკუთვნილ სივრცეებში დანერგილია 3 კონტეინერის  (არასახიფათო, ინფექციური და ბასრი ნარჩენებისთვის განკუთვნილი) სისტემა ან აღნიშნული უზრუნველყოფილია მოძრავი საინექციო სივრცეების საშუალებით.

3.5

დაწესებულებაში უზრუნველყოფილია სამედიცინო ნარჩენების კონტეინერების დაცლის შემდგომ მათი რეცხვა/დეზინფექცია ან მათი ჩანაცვლება დამუშავებული კონტეინერებით

დადებითი პასუხი მოინიშნება ასეთი პრაქტიკის არსებობის შემთხვევაში, რაც შეფასდება ხელშეკრულების პირობების ან  წესის/პოტოკოლის/სოპის არსებობით, რომელშიც გაწერილია დაწესებულების მიერ სამედიცინო ნარჩენების კონტეინერების დაცლის შემდგომ დამუშავების პროცედურა.

3.6

დაწესებულების არცერთ სტრუქტურულ ერთეულში არ არის ბასრი საგნებით გადავსებული ან გახვრეტილი კონტეინერები

ფასდება დათვალიერებით და დადებითი პასუხი მოინიშნება იმ შემთხვევაში, როცა არ იქნება ნანახი 3/4 -ზე მეტად შევსებული ან დაუზიანებელი არცერთი კონტეინერი.

4.

ინფექციების  პრევენციისა და კონტროლის ორგანიზაციული უზრუნველყოფა

4.1

დაწესებულებას ჰყავს ეპიდემიოლოგი/ინფექციის კონტროლის სპეციალისტი

კრიტერიუმი ფასდება შესაბამისი ჩანაწერით და/ან თანამშრომლის დანიშვნის ბრძანებით/ ხელშეკრულებით. ასევე წარმოდგენილ იქნეს შესაბამისი სამუშაოთა აღწერილობა (შესაძლებელია იგი გაწერილ იყოს დანიშვნის ბრძანებაში ან ხელშეკრულებაში).

4.2

დაწესებულებაში ფუნქციონირებს ინფექციების კონტროლის კომიტეტი

კრიტერიუმი ფასდება შესაბამისი ბრძანების საფუძველზე, რომლითაც განსაზღვრულია ინფექციების კონტროლის კომიტეტის შექმნა და მისი შემადგენლობა, ასევე არსებობს კომიტეტის ფუნქციონირების დამადასტურებელი დოკუმენტები ((უკანასკნელი ერთი წლის განმავლობაში, ჩატარებული სხდომის მინიმუმ 4 ოქმი),

4.3

დაწესებულებას გააჩნია ნოზოკომიური ინფექციების კონტროლის სამოქმედო გეგმა - ინფექციის კონტროლის პროგრამა

შეფასების მიზნით უნდა მოხდეს შესაბამისი დოკუმენტის გაცნობა „ნოზოკომიური ინფექციების ეპიდზედამხედველობის, პრევენციისა და კონტროლის წესების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2015 წლის 7 სექტემბრის №01-38/ნ ბრძანების მოთხოვნებთან შესაბამისობის შეფასება. დადებითი პასუხი მიეთითება მხოლოდ დოკუმენტის არსებობისა და მისი მოქმედ ნორმატიულ აქტთან შესაბამისობის შემთხვევაში.

4.4

დაწესებულებას აქვს დაავადება-სპეციფიკური, ანტიბიოტიკების გამოყენების პროგრამა ანტიმიკრობული პრეპარატებისადმი მგრძნობელობის პრევალირებადი მოდელისა (ასეთი შესაძლებლობის შემთხვევაში) და სარეზერვო ანტიმიკრობული პრეპარატების კონტროლირებადი გამოყენების შესახებ

ანტიბიოტიკების გამოყენების პოლიტიკა ფასდება შესაბამისი პროგრამის მოთხოვნისა და მისი ამოცანების „ნოზოკომიური ინფექციების ეპიდზედამხედველობის, პრევენციისა და კონტროლის წესების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2015 წლის 7 სექტემბრის №01-38/ნ ბრძანების მოთხოვნებთან შესაბამისობის არსებობის შემთხვევაში.

გასათვალისწინებელია, რომ დაწესებულებაში უნდა არსებობდეს შეზღუდულად გამოყენებადი (ე.წ. სარეზერვო) ანტიბიოტიკების ჩამონათვალი და მათი დანიშვნის პოლიტიკა (პროტოკოლი/წესი და სხვ.), ასევე, გამოყენებული ანტიმიკრობული საშუალებების მონიტორინგისა და აუდიტის წესი.

4.5

დაწესებულებაში ხორციელდება ნოზოკომიური ინფექციების ცალკეული შემთხვევის აღრიცხვა და დადგენილი წესით შეტყობინება

კრიტერიუმი ფასდება შესაბამისი ჩანაწერების საფუძველზე, რომელიც მოიცავს ნოზოკომიური ინფექციის შემთხვევის გამოვლენა-აღრიცხვასა და შეტყობინებასთან დაკავშირებული პროცედურის შესახებ ინსტრუქციის/ შიდა ბრძანების/ წესის/ პროტოკოლის და ჟურნალის გაცნობასა და უკანასკნელი ერთი წლის განმავლობაში განხორციელებული შეტყობინებების თაობაზე ინფორმაციის შეფასებას. აღნიშნული მტკიცებულების ვერ წარმოდგენის შემთხვევაში, მოინიშნება უარყოფითი პასუხი. უარყოფითი პასუხი მოინიშნება იმ შემთხვევაშიც, როცა დაწესებულებას გამოვლენილი აქვს ნოზოკომიური ინფექციების შემთხვევები და არ აქვს შეტყობინება გაკეთებული.

იმ შემთხვევაში, როცა დაწესებულება აცხადებს, რომ უკანასკნელი ერთი წლის განმავლობაში არ ჰქონია ნოზოკომიური ინფექციის არც ერთი შემთხვევა, ასეთ შემთხვევაში, საჭიროა საანგარიშგებო დოკუმენტების, ნოზოკომიური ინფექციების აღრიცხვის ჟურნალის (შესაძლებელია ელექტრონული ფორმატიც), ბაქტერიოლოგიური კვლევების ჟურნალისა და, საჭიროების შემთხვევაში, შერჩეული სამედიცინო დოკუმენტაციის გაცნობა და თუნდაც ერთი ნოზოკომიურ ინფექციაზე საეჭვო შემთხვევის აღმოჩენისას, რომელიც არ იქნება დაწესებულების მიერ ეპიდანალიზით შესწავლილი, პუნქტი ფასდება უარყოფითად.

დადებითი პასუხი მოინიშნება იმ  შემთხვევაში, თუ ბოლო 1 წლის განმავლობაში არ ინახა ნოზოკომიურ ინფექციაზე არცერთი საეჭვო შემთხვევა.

4.6

დაწესებულებაში უზრუნველყოფილია კლინიკური მასალის ბაქტერიოლოგიური დიაგნოსტიკა და არსებობს გამოკვლევის შედეგების ერთიანი აღრიცხვის სისტემა

ფასდება დათვალიერებით (ლაბორატორიის ადგილზე არსებობისას) ან ხელშეკრულების პირობების გაცნობით. აგრეთვე ბაქტერიოლოგიური კვლევის ჟურნალის დათვალიერებით,  იმ შემთხვევაში თუ დაწესებულებას არ აქვს საკუთარი მიკრობიოლოგიური ლაბორატორია ან ხელშეკრულება სერვისის სხვა მიმწოდებელთან ან/და არ აწარმოებს გამოკველევების ერთიან აღრიცხვას, კრიტერიუმი ფასდება უარყოფითად.

შენიშვნა:  ბაქტერიოლოგიური კვლევების აღრიცხვის ჟურნალი მოიცავს შემდეგ ინფორმაციას: პაციენტის საიდენტიფიკაციო მონაცემები, ჰოსპიტალიზაციის/ აბულატორიული ვიზიტის დრო და თარიღი, კლინიკური მასალის აღების დრო და თარიღი, წინასწარი დიაგნოზი და ლაბორატორიული კვლევის შედეგები (იდენტიფიცირებული შტამები, რეზისტენტობა).

4.7

დაწესებულებაში დანერგილია პრაქტიკა /პროცედურა, რომლის დროსაც ანტიბიოტიკებით მკურნალობის დაწყებამდე, საჭიროების შემთხვევაში, ხდება კლინიკური მასალის აღება ბაქტერიოლოგიური გამოკვლევისათვის

ფასდება დადებითად შესაბამისი ინსტრუქციის/წესის/ალგორითმის არსებობისას (ნაბეჭდი ან ელექტრონული)

5.

სტერილიზაცია/დეზინფექცია

5.1

დაწესებულებას აქვს ოპერირების წესი /პროცედურა (წერილობითი ფორმით) სტერილიზაცია-დეზინფექციის განხორციელების თაობაზე , რომელიც მოიცავს წინასასტერილიზაციო დამუშავების პროცედურას და სტერილიზაციის კონტროლის (მათ შორის, ინიდკატორებით და  ბაქტერიოლოგიური) პროცედურას

ფასდება ამ დოკუმენტების ნაბეჭდი ვერსიების არსებობის საფუძველზე, დადებითი პასუხი მოინიშნება იმ შემთხვევაში, როცა არსებობს ასეთი დოკუმენტი და ხელმისაწვდომია იგი შესაბამისი პერსონალისათვის

იმ დაწესებულებებში, რომლებიც სტერილიზაციას ახორციელებენ ხელშეკრულების ფარგლებში, ინსტრუქცია/სოპ-ი უნდა მოიცავდეს სტერილიზაციის პროცესის სტანდარტულობის უზრუნველმყოფ პროცედურებს, კერძოდ:

• წინასასტერილიზაციო დამუშავების ოპერირების წესს;

• გასასტერილებელი ინსტრუმენტების შეკრებისა და სასტერილიზაციომდე ტრანსპორტირების წესს;
• სტერილული ინსტრუმენტების ბაქტერიოლოგიური კონტროლის წესს.

5.2

დაწესებულებას აქვს ცალკე სათავსი („სასტერილიზაციო“), სადაც წარმოებს ინსტრუმენტების/სამედიცინო დანიშნულების საგნების დეზინფექცია/სტერილიზაცია/ან აღნიშნულ სერვისს უზრუნველყოფს სხვა დაწესებულებასთან ხელშეკრულების საფუძველზე

ფასდება ასეთი სათავსის დათვალიერებით და დადებითი პასუხი ჩაიწერება ასეთი ცალკე სათავსის არსებობის შემთხვევაში, თუ იგი აკმაყოფილებს კანონმდებლობით განსაზღვრულ მოთხოვნებს.

იმ შემთხვევაში, როცა სტერილიზაცია დაწესებულების ცალკეულ სტრუქტურულ ერთეულებში ხორციელდება ერთმანეთისგან დამოუკიდებლად, არაცენტრალიზებულად (ანუ თითოეულ სტრუქტურულ ერთეულს აქვს საკუთარი შესაბამისი სასტერილიზაციო), ეს კრიტერიუმი ასევე ფასდება დადებითად.

ასევე, შესაძლებელია, დაწესებულება ხსენებულ სერვისს უზრუნველყოფდეს სხვა პროვაიდერისაგან შესყიდვის საშუალებით - ამ შემთხვევაში არ ივსება არცერთი („კი“ ან „არა“) ველი, გარდა შენიშვნის ველისა, სადაც კეთდება სათანადო ჩანაწერი.

5.3

სასტერილიზაციოს დაგეგმარება უზრუნველყოფს მის სივრცობრივ ზონირებას „ჭუჭყიან“ ანუ დეკონტამინაციის, „სუფთა“ ანუ შეფუთვის და „სტერილურ“ ზონებად, ან წინასასტერილიზაციო დამუშავებისა და შეფუთვის (მათ შორის, სატრანსპორტო კონტეინერებში განთავსების) ეტაპების თანმიმდევრობა უზრუნველყოფს „ჭუჭყიანი“ და „სუფთა“ ზონების გადაკვეთის პრევენციას

ფასდება დათვალიერებით და პროცესზე დაკვირვებით. სასტერილიზაციოს დაგეგმარების შეფასებისათვის გამოყენებული უნდა იქნეს შესაბამისი ტექნიკური რეგლამენტი („სამედიცინო, საზოგადოებრივი ჯანმრთელობისა და საზოგადოებრივი მნიშვნელობის დაწესებულებებში დეზინფექციისა და სტერილიზაციის ტექნიკური რეგლამენტის დამტკიცების შესახებ“ საქართველოს მთავრობის 2015 წლის 24 აპრილის №185 დადგენილება). იმ შემთხვევაში, თუ სათავსის ზონირება დარღვეულია, კრიტერიუმი ფასდება უარყოფითად.

იმ შემთხვევაში, როცა სტერილიზაცია დაწესებულების ცალკეულ სტრუქტურულ ერთეულებში ხორციელდება ერთმანეთისგან დამოუკიდებლად, არაცენტრალიზებულად (ანუ თითოეულ სტრუქტურულ ერთეულს აქვს საკუთარი შესაბამისი სასტერილიზაციო), ეს კრიტერიუმი ფასდება დადებითად, თუ თითოეული მათგანი აკმაყოფილებს ზონირებასთან დაკავშირებულ ზემოაღნიშნულ მოთხოვნებს.

შესაძლებელია დაწესებულება ხსენებულ სერვისს უზრუნველყოფდეს სხვა პროვაიდერისაგან შესყიდვის საშუალებით, ამ შემთხვევაში არ ივსება არცერთი („კი“ ან „არა“) ველი, გარდა შენიშვნის ველისა, სადაც კეთდება სათანადო ჩანაწერი.

5.4

დაწესებულებაში არის  სპეციალური თავდახურული კონტეინერ(ებ)ი,  რომლითაც ხორციელდება ინსტრუმენტების/  სამედიცინო დანიშნულების საგნების ტრანსპორტირება

სასტერილიზაციომდე  

დადებითი პასუხი მოინიშნება იმ შემთხვევაში, როდესაც სახეზეა ასეთი კონტეინერები. ამასთან, არსებობს ამ კონტეინერების დიფერენცირების საშუალება: მარკირებით (მაგ.: „სტერილური იარაღებისთვის“და „ჭუჭყიანი იარაღებისთვის“), ფერით (სხვადასხვა ფერისაა „გასასტერილებელი“ და „სტერილური“ იარაღების კონტეინერები), ან ფორმით (განსხვავებული ფორმისაა „გასასტერილებელი“ და „სტერილური“ იარაღების კონტეინერები).

შენიშვნა:  იმ დაწესებულებებში, რომლებიც სტერილიზაციას ახორციელებენ ხელშეკრულების ფარგლებში, შეფასებული უნდა იქნეს ინსტრუქციაში/სოპ-ში ან ხელშეკრულებაში არის თუ არა გათვალისწინებული სტერილიზაციის პროცესის სტანდარტულობის უზრუნველმყოფი პროცედურა (გასასტერილებელი ინსტრუმენტების შეკრება და ტრანსპორტირება სასტერილიზაციომდე) და არის, თუ არა სახეზე სათანადოდ (მარკირებით, ფერით, ფორმით) დიფერენცირებული კონტეინერები.

5.5

სტერილური ინსტრუმენტები/სამედიცინო დანიშნულების საგნები ინახება შესაბამის შეფუთვებში (მ.შ. ბიქსებში) და სტერილური ინსტრუმენტების/სამედიცინო დანიშნულების საგნებისათვის განკუთვნილ კარადებში/  თაროებზე არ არის განთავსებული შეუფუთავი ინსტრუმენტები

შეფასებისათვის გამოიყენება დათვალიერების, პროცესზე დაკვირვების მეთოდი (ინსტრუმენტები ინახება შეფუთულ მდგომარეობაში (მ.შ. ბიქსებში). დადებითი პასუხი მოინიშნება იმ შემთხვევაში, როცა არ იქნება არცერთი შეუფუთავი ინსტრუმენტი ნანახი.

5.6

სტერილური ინსტრუმენტების/სამედიცინო დანიშნულების საგნების შესანახ კარადას/თაროებს გააჩნიათ რეცხვისა და დეზინფექციის მიმართ მდგრადი და მოსახერხებელი ზედაპირები

ფასდება დათვალიერებით. შესაძლებელია, ასევე, დაწესებულებაში არსებობდეს ამ ზედაპირების მასალის სერტიფიკატი, რომელშიც მითითებულია აღნიშნული. დადებითი პასუხი მოინიშნება, თუ დათვალიერებითა ან ზედაპირების მასალის სერტიფიკატის საფუძველზე დასტურდება ზედაპირების რეცხვისა და დეზინფექციის მიმართ მდგრადობა.

5.7

სტერილიზაციის ყოველდღიური კონტროლისათვის გამოიყენება ქიმიური ინდიკატორები, იმპრეგნირებული ზოლები, გრანულები, სპეციალური აბები, მექანიკური ინდიკატორები

ფასდება შესაბამის ჟურნალებში (სტერილიზაციის აღრიცხვის ჟურნალი) და სტერილული ინსტრუმენტების შეფუთვებზე (მათ შორის, ბიქსებზე) სათანადო მტკიცებულების (მაგალითად, ჩაკრული/დაკრული ინდიკატორი) არსებობით.

5.8

დაწესებულებაში ხორციელდება სტერილიზაციის ბაქტერიოლოგიური კონტროლი

შეფასებისათვის მოთხოვნილ უნდა იქნეს  სტერილიზაციის ბაქტერიოლოგიური კონტროლის შესრულების დამამტკიცებელი დოკუმენტები (მაგ., ლაბორატორიული კვლევის დაკვნები) და მხოლოდ მათი წარმოდგენის შემთხვევაში გაკეთდეს დადებითი ჩანაწერი.

აღნიშნული მოეთხოვება იმ დაწესებულებებსაც, რომლებიც სტერილიზაციას უზრუნველყოფენ ხელშეკრულების ფარგლებში

5.9

დაწესებულებაში სასტერილიზაციო დანადგარების (ან ქიმიური სტერილიზაციის) მუშაობის აღრიცხვა ხდება სპეციალურ ჟურნალში, რომელშიც ყველა ჩანაწერი სრულყოფილია

ან სტერილიზაციის  ხელშეკრულებით უზრუნველყოფის პირობისთვის აწარმოებს სპეციალური ჟურნალს, რომელშიც დაფიქსირებულია გასასტერილებელი საგნების/შეფუთვების ჩამონათვალი და რაოდენობა, სასტერილიზაციოში გაგზავნის თარიღი, გასტერილებული მასალის მიღების თარიღი და პასუხისმგებელი პირების ხელმოწერა.

შეფასების მიზნით გულდასმით უნდა დათვალიერდეს სტერილიზაციის აღრიცხვის ჟურნალი, მასში არსებული ჩანაწერები. დადებითი პასუხი იწერება მხოლოდ იმ შემთხვევაში, როცა ჟურნალში ჩანაწერები არის სრულყოფილი და ზუსტი (თერმული სტერილიზაციის მეთოდის გამოყენებისას ექსპოზიციის დრო/წნევა/ტემპერატურა ფასდება სასტერილიზაციო აპარატის ინსტრუქციის შესაბამისად).

შენიშვნა: სტერილიზაციის ხელშეკრულების ფარგლებში უზრუნველყოფის შემთხვევაში, უნდა არსებობდეს სპეციალური აღრიცხვის ჟურნალი/ფორმა (შესაძლებელია ელექტრონული ფორმითაც), რომელშიც დაფიქსირებულია გასასტერილებელი საგნების ჩამონათვალი და რაოდენობა, სასტერილიზაციოში გაგზავნის თარიღი, გასტერილებული მასალის მიღების თარიღი და პასუხისმგებელი პირების ხელმოწერა.

იმ შემთხვევაში, როცა სასტერილიზაციოში გაგზავნამდე ხორციელდება სამედიცინო საგნების წინასასტერილიზაციო დამუშავება, აღნიშნულ ჟურნალში შესაძლებელია დამატებითი ველის გათვალისწინება, რომელშიც მიეთითება წინასასტერილიზაციო დამუშავების თარიღი.

5.10

გამოცვლილი თეთრეულის შეგროვება ხდება სპეციალურად ამ მიზნისთვის განკუთვნილ ტომარაში ან სხვა თავდახურულ მოცულობაში

ფასდება დათვალიერებით და შესაბამისი ინსტრუქციის არსებობობით თეთრეულის რეცხვის რეჟიმთან დაკავშირებულ დოკუმენტაციაში /პროტოკოლში/წესში.

დადებითი პასუხი მოინიშნება იმ შემთხვევაში, როცა არსებობს სათანადო ინვენტარი (ტომარა/მოცულობა) და არსებობს სპეციალურად გაწერილი ინსტრუქცია შესაბამის დოკუმენტაციაში 

5.11

დაწესებულებაში თეთრეულის სანიტარიული რეჟიმის დაცვა ხორციელდება რეცხვისას  „სუფთა“ და „ჭუჭყიანი“ თეთრეულის ნაკადების გადაკვეთის პრევენციის უზრუნველყოფით

დადებითი პასუხი მოინიშნება იმ შემთხვევაში, როცა:

• არსებობს ამ ნაკადების ფიზიკურად გამიჯვნის შესაძლებლობა (მისაღები და გასაცემი ადგილები იზოლირებულია) ან არსებობს სპეციალურად გაწერილი პროცედურა (მაგ., დროით დაცვა – როცა აღნიშნული ნაკადების გადაადგილება ხდება მკაცრად გაწერილი დროის მიხედვით), ან გამოიყენება შესაბამისი შეფუთვა (დახურული კონტეინერები), რაც, ასევე, თეთრეულის „სუფთა“ და „ჭუჭყიანი“ ნაკადების გადაკვეთის პრევენციას ახდენს. ამასთან, სამრეცხაოს დათვალიერებით ფიქსირდება, რომ სამედიცინო დაწესებულების თეთრეულის რეცხვის მთელი ციკლისათვის (მიღება, დახარისხება, რეცხვა, გაშრობა, გაუთოება, დასაწყობება, შენახვა და გაცემა) არსებობს დამოუკიდებელი ტექნოლოგიური ხაზი.

ან

• დაწესებულებებს, რომელთაც საკუთარი სამრეცხაო არ გააჩნიათ, აქვთ ხელშეკრულება სხვა  სამრეცხაოსთან გაფორმებული და ხელშეკრულების, აგრეთვე, ყველა იმ დოკუმენტით, რომელიც აღწერს თეთრეულის რეცხვის რეჟიმს. არის გათვალისწინებული თეთრეულის რეცხვის მთელი ციკლისათვის დამოუკიდებელი ტექნოლოგიური ხაზისა და თეთრეულის „სუფთა“ და „ჭუჭყიანი“ ნაკადების გადაკვეთის პრევენციის უზრუნველყოფა, თეთრეულის რეცხვის რეჟიმის შეფასებასთან დაკავშირებული დამატებითი დეტალები, მიზანშეწონილია ჩაიწეროს „შენიშვნის“ ველში.

5.12

ჩვილ ბავშვთა თეთრეული ირეცხება სხვა თეთრეულისაგან დამოუკიდებელად და გამოიყენება სპეციალური (არასინთეზური) საშუალებები

• ფასდება დაწესებულებაში სამრეცხაოს (ასეთის არსებობის შემთხვევაში) დათვალირებით და  შესაბამისი წესის/პროტოკოლის გაცნობით. აუცილებლად უნდა იყოს სამრეცხაოში გაწერილი წესი, რომელშიც აღწერილი იქნება ჩვილ ბავშვთა თეთრეულის რეცხვის რეჟიმი, შესაბამისი სარეცხი საშუალებების არსებობა და მათი გამოყენების ინსტრუქცია. დადებითი პასუხი მოინიშნება იმ შემთხვევაში, როცა ნანახი იქნება სათანადო ინვენტარი/საშუალებები და არსებობს სპეციალურად გაწერილი დოკუმენტი.

იმ დაწესებულებებში, რომელთაც საკუთარი სამრეცხაო არ გააჩნიათ, მიზანშეწონილია, სამრეცხაოსთან გაფორმებული ხელშეკრულებისა და ყველა იმ დოკუმენტის შეფასება, რომელიც აღწერს თეთრეულის რეცხვის რეჟიმს. თუ ამ დოკუმენტებით არ არის გათვალისწინებული ჩვილ ბავშვთა თეთრეულის რეცხვის მთელი ციკლისათვის  დამოუკიდებელი ტექნოლოგიური ხაზისა და თეთრეულის „სუფთა“ და „ჭუჭყიანი“ ნაკადების გადაკვეთის პრევენციის უზრუნველყოფა, ასევე არასინთეზური სარეცხი საშუალებების გამოყენების ვალდებულება, მოინიშნება უარყოფითი პასუხი.

6.

პერსონალის ჯანმრთელობა და უსაფრთხოება

6.1

დაწესებულებას აქვს საგანგებო მდგომარეობისათვის პერსონალის მართვის გეგმა, რომლითაც განსაზღვრულია მუშაობის /დასვენების/ ჩანაცვლების გრაფიკი 

კრიტერიუმი ფასდება დადებითად ასეთი გეგმის არსებობისას, თუ იგი მოიცავს კრიტერიუმით განსაზღვრულ ყველა პუნქტს.

6.2

დაწესებულების ინფექციის კონტროლზე პასუხისმგებელ მენეჯერულ პოზიციაზე დასაქმებულ პერსონალს  ჩატარებული აქვს  მინიმუმ ერთი ტრენინგი ინფექციის კონტროლის ძირითად საკითხებზე და მის მნიშვნელობაზე

ფასდება ტრენინგის ჩატარებისა და სასწავლო მასალის შესახებ შესაბამისი დოკუმენტაციის (მაგ., ჟურნალი, ჩანაწერები ტრენინგის თაობაზე) შემოწმების საფუძველზე. ამასთან, აღნიშნული, შესაძლებელია, მოიცავდეს დაწესებულების მიერ ჩატარებულ შიდა ტრენინგს. თუ დოკუმენტაციის საფუძველზე არ დადასტურდება ტრენინგის ჩატარება, კრიტერიუმი ფასდება უარყოფითად.

6.3

დაწესებულების სხვადასხვა ზონებში დასაქმებულ ჯანდაცვის პერსონალს უკანასკნელი ერთი წლის მანძილზე ჩატარებული აქვს  მინიმუმ ერთი ტრენინგი დასუფთავება/დეზინფექციის წესების შესახებ

ფასდება ტრენინგის ჩატარებისა და სასწავლო მასალის შესახებ შესაბამისი დოკუმენტაციის (მაგ., ჟურნალი, ჩანაწერები ტრენინგის თაობაზე, სასწავლო მასალის) შემოწმების საფუძველზე. ამასთან, აღნიშნული, შესაძლებელია, მოიცავდეს დაწესებულების მიერ ჩატარებულ შიდა ტრენინგს. ტრენინგის სამიზნე ჯგუფად მოიაზრება ჯანდაცვის პერსონალი, რომელიც არ წარმოადგენს ინფექციის პრევენციისა და კონტროლზე პასუხისმგებელ, მენეჯერულ რგოლს. თუ დოკუმენტაციის საფუძველზე არ დადასტურდება ტრენინგის ჩატარება, კრიტერიუმი ფასდება უარყოფითად.

6.4

დაწესებულების ჯანდაცვის პერსონალს უკანასკნელი ერთი წლის მანძილზე  ჩაუტარდა მინიმუმ ერთი ტრენინგი ხელების ჰიგიენის საკითხებზე

ფასდება ტრენინგის ჩატარებისა და სასწავლო მასალის შესახებ შესაბამისი დოკუმენტაციის (მაგ., ჟურნალი, ჩანაწერები ტრენინგის თაობაზე, სასწავლო მასალის) შემოწმების საფუძველზე. ამასთან, აღნიშნული, შესაძლებელია, მოიცავდეს დაწესებულების მიერ ჩატარებულ შიდა ტრენინგს. ტრენინგის სამიზნე ჯგუფად მოიაზრება ჯანდაცვის პერსონალი, რომელიც არ წარმოადგენს ინფექციის პრევენციისა და კონტროლზე პასუხისმგებელ, მენეჯერულ რგოლს. თუ დოკუმენტაციის საფუძველზე არ დადასტურდება ტრენინგის ჩატარება, კრიტერიუმი ფასდება უარყოფითად.

6.5

დაწესებულების პერსონალს უკანასკნელი ერთი წლის მანძილზე ჩაუტარდა მინიმუმ ერთი ტრენინგი სტანდარტული და გადაცემის გზებზე დაფუძნებული (წვეთოვანი, კონტაქტური და ჰაეროვანი) უსაფრთხოების ზომების შესახებ

ფასდება ტრენინგის ჩატარებისა და სასწავლო მასალის შესახებ შესაბამისი დოკუმენტაციის (მაგ., ჟურნალი, ჩანაწერები ტრენინგის თაობაზე, სასწავლო მასალის) შემოწმების საფუძველზე. ამასთან, აღნიშნული, შესაძლებელია, მოიცავდეს დაწესებულების მიერ ჩატარებულ შიდა ტრენინგს. ტრენინგის სამიზნე ჯგუფად მოიაზრება ჯანდაცვის პერსონალი, რომელიც არ წარმოადგენს ინფექციის პრევენციისა და კონტროლზე პასუხისმგებელ, მენეჯერულ რგოლს. თუ დოკუმენტაციის საფუძველზე არ დადასტურდება ტრენინგის ჩატარება, კრიტერიუმი ფასდება უარყოფითად.

6.6

ექიმი- ეპიდემიოლოგი უფროს ექთანთან ერთად ახორციელებს ხელის ჰიგიენის დანერგვას და მონიტორინგს

კრიტერიუმი ფასდება მონიტორინგის თაობაზე სათანადო ანგარიშის/ჩანაწერების არსებობის გათვალისწინებით (ხელის ჰიგიენის ჯანმო-ს  5 მომენტთან შესაბამისობის მონიტორინგის ბოლო ერთი წლის პერიოდის დოკუმენტაცია - შევსებული ფორმა და დასკვნა, ან ხელის ჰიგიენის ტექნიკის მონიტორინგის ბოლო ერთი წლის პერიოდის დოკუმენტაცია ან სხვა სახის მონიტორინგის  ბოლო ერთი წლის პერიოდის დოკუმენტაცია).

„კი“ პასუხი მოინიშნება, თუ ჩანაწერები სახეზეა.

6.7

პერსონალი უკანასკნელი ერთი წლის მანძილზე დატრენინგებულია იდს-ს ჩაცმა-გახდასა და გამოყენებაში და იცავს მას

ფასდება ტრენინგის ჩატარებისა და სასწავლო მასალის შესახებ შესაბამისი დოკუმენტაციის (მაგ., ჟურნალი, ჩანაწერები ტრენინგის თაობაზე, სასწავლო მასალის) შემოწმების საფუძველზე. ამასთან, აღნიშნული, შესაძლებელია, მოიცავდეს დაწესებულების მიერ ჩატარებულ შიდა ტრენინგს. ტრენინგის სამიზნე ჯგუფად მოიაზრება ჯანდაცვის პერსონალი, რომელიც არ წარმოადგენს ინფექციის პრევენციისა და კონტროლზე პასუხისმგებელ, მენეჯერულ რგოლს. თუ დოკუმენტაციის საფუძველზე არ დადასტურდება ტრენინგის ჩატარება, კრიტერიუმი ფასდება უარყოფითად

6.8

უკანასკნელი ერთი წლის განმავლობაში დაწესებულების ჯანდაცვის შესაბამის პერსონალს ჩაუტარდა სულ მცირე ერთი ტრენინგი უსაფრთხო ინექციების საკითხებზე

ფასდება ტრენინგის ჩატარებისა და სასწავლო მასალის შესახებ შესაბამისი დოკუმენტაციის (მაგ., ჟურნალი, ჩანაწერები ტრენინგის თაობაზე, სასწავლო მასალის) შემოწმების საფუძველზე. ამასთან, აღნიშნული, შესაძლებელია, მოიცავდეს დაწესებულების მიერ ჩატარებულ შიდა ტრენინგს. ტრენინგის სამიზნე ჯგუფად მოიაზრება ჯანდაცვის პერსონალი, რომელიც არ წარმოადგენს ინფექციის პრევენციისა და კონტროლზე პასუხისმგებელ, მენეჯერულ რგოლს. თუ დოკუმენტაციის საფუძველზე არ დადასტურდება ტრენინგის ჩატარება, კრიტერიუმი ფასდება უარყოფითად

6.9

დაწესებულებაში ხორციელდება  პერსონალის სავალდებულო იმუნიზაცია  კანონმდებლობით განსაზღვრული მოთხოვნების შესაბამისად

კრიტერიუმის შეფასებისათვის გამოითხოვება შესაბამისი დოკუმენტაცია, ჟურნალი, რომელშიც დაფიქსირებულია ინფორმაცია ჩატარების შესახებ.

1.B ჰეპატიტის ვაქცინაცია სავალდებულოა ჯანდაცვის პერსონალისთვის, რომლებიც დასაქმებული არიან:

• ძალიან მაღალი და მაღალი რისკის ზონებში („მაღალი“ რისკის სათავსებია: საიზოლაციო (ბოქსი, ნახევრადბოქსი, ბოქსირებული პალატა) და კრიტიკული, ინტენსიური მოვლის სათავსები /განყოფილებები. „ძალიან მაღალი“ რისკის სათავსია საოპერაციო ბლოკი)
• პერინატალური სერვისის მიმწოდებელ დაწესებულებებში/განყოფილებებში
• გადაუდებელი  დახმარების სერვისების მიმწოდებელ განყოფილებებში;
• სტერილიზაციასა და დეზინფექციაზე, სამედიცინო ნარჩენების შეგროვება/ შეკრება/გატანაზე დასაქმებული პერსონალისთვის.

2.გრიპი წელიწადში ერთხელ სეზონურად სავალდებულოა ყველა პერსონალისთვის

3.წითელა/წითურა სავალდებულოა 1978 წლის შემდეგ დაბადებული არავაქცინირებული კონტინგენტისთვის

4. ტეტანუსი, დიფთერია სავალდებულოა სამედიცინო დიაგნოსტიკური ლაბორატორიების (მ.შ. ანატომიური, პათოლოგანატომიური, ბიოქიმიური, მიკრობიოლოგიური,) პერსონალისთვის.

დადებითი პასუხი მონიშნება იმ შემთხვევაში, როდესაც შესრულებულია კანონმდებლობის მოთხოვნა პერსონალის იმუნიზაციის თაობაზე,

თუ აცრები არ არის სრულად ჩატარებული, ფასდება აღნიშნულის უზრუნველმყოფი ორგანიზაციული პროცესი; დადებითი პასუხი მოინიშნება მაშინ, როცა დაკმაყოფილებულია ყველა ქვემოთ ჩამოთვლილი პირობა

• იდენტიფიცირებულია ასაცრელი კონტიგენტი (არსებობს სია),

და

• შეფასებულია პერსონალის აცრის სტატუსი (არსებული დოკუმენტაციის საფუძველზე),

და

• დაგეგმილია და დაწყებულია იმუნიზაციის სტატუსის შესაფასებელი სკრინინგი (საჭიროების შემთხვევაში),

და

• დაგეგმილია/დაწყებულია ვაქცინაციის პროცესი (არსებობს ვაქცინების შესყიდვასთან დაკავშირებული დოკუმენტაცია ან ხელშეკრულება ვაქცინაციის განმახორციელებელ დაწესებულებასთან).

6.10

დაწესებულებაში დასაქმებულ სამედიცინო პერსონალს ჩატარებული აქვს სკრინინგი  B და C ჰეპატიტზე ვირუსის საწინააღმდეგო ანტისხეულების განსაზღვრის მიზნით.

კრიტერიუმი ფასდება „ნოზოკომიური ინფექციების ეპიდზედამხედველობის, პრევენციისა და კონტროლის წესების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2015 წლის 7 სექტემბრის №01-38/ნ ბრძანების  მე-12 მუხლით განსაზღვრული მოთხოვნის შესრულების დამადასტურებელი დოკუმენტის გაცნობით (გასათვალისწიენებელია ბრძანებით განსაზღვრული გამონაკლისები)

№

კრიტერიუმი

კი

არა

მითითებები მონიტორისთვის

მონიტორის შენიშვნა/

კომენტარი

დაწესებულების ხელმძღვანელის ხელმოწერა

1

დაწესებულების შენობის დაგეგმარება იძლევა შესასვლელიდან კლინიკური სერვისების მიწოდებამდე  ე.წ. ტრიაჟის/ მოსაცდელ სივრცემდე  ცხელებიანი და რესპირატორული სიმპტომების მქონე პაციენტთა ნაკადის გადაადგილებას  ისე, რომ გამოირიცხოს მისი გადაკვეთა რესპირატორული ინფექციის სიმპტომების არმქონე პაციენტების ნაკადთან

კრიტერიუმი ფასდება დათვალიერებით;

„პასუხი კი“ მოინიშნება იმ შემთხვევაში, თუ:

• ცხელებიანი და რესპირატორული სიმპტომების მქონე პაციენტების კლინიკაში შესვლა ხორციელდება სხვა პაციენტებისთვის განკუთვნილი შესასვლელი კარისგან დამოუკიდებლად, რაც დასტურდება შესაბამისი აღნიშვნით (აბრით, სტიკერებით) და  პრეჰოსპიტალური სერვისის მიწოდების სივრცეები (ტრიაჟი და განთავსება მოსაცდელ სივრცეში) გამიჯნულია ერთმანეთისგან და არ ხდება პაციენტთა ნაკადების გადაკვეთა

ან

• დაწესებულების შენობის შესასვლელიდან ხორციელდება რესპირატორული სიმპტომების მქონე  პაციენტიების  ნაკადის მიმართვა ისე, რომ არ მოხდეს გადაკვეთა სხვა ნაკადებთან, რაც დასტურდება შესაბამისი აღნიშვნებით (აბრებით, სტიკერებით); ამასთან, პაციენტთა ნაკადის მართვა ხორციელდება სპეციალურად გამოყოფილი სამედიცინო პერსონალის მიერ (პაციენტის თანხლებით, მარშრუტის მინიშნებით, სხვა მიმართულებით გადაადგილების შეზღუდვით, მაგ. არსებობს ლიფტის კარების შესაბამის სივრცეში გახსნის შემზღუდავი პირობები და სხვა) და არსებობს სპეციალური წესი (სოპ-ი) პაციენტების მოძრაობის მარშრუტების კვეთის სივრცეში დროით და/ან დამატებითი დაცვის საშუალებების (პაციენტისთვის ნიღაბის, ხალათის და ა.შ.) გამოყენებით. აღნიშნული პროცესის განმსაზღვრელი დოკუმენტი (წესი/ინსტრუქცის/სოპი) დამტკიცებული უნდა იყოს კლინიკის ხელმძღვანელის ბრძანებით და თვალსაჩინოდ ხელმისაწვდომი ყველა შესაბამის სივრცეში.

ან

• დაწესებულებას აქვს სხვა სერვისებისაგან იზოლირებული (გამიჯნული) ინფექციური სერვისი/ერთეული,დამოუკიდებელი შესასვლელით (შესასვლელი - შესაბამისი აღნიშვნით).

2

სტაციონარის ყველა შესასვლელთან მოწყობილია სპეციალური სივრცე ხელის ჰიგიენის ჩატარების პროცედურის შესაძლებლობით (ხელის დეზინფექტანტით-სანიტაიზერით)

„კი“ პასუხი მოინიშნება იმ შემთხვევაში, თუ ამ სივრცეში არის ხელის სანიტაიზერი, რომელიც ხელმისაწვდომია დაწესებულებაში  შემომსვლელი ყველა პირისთვის.

3

სტაციონარის ყველა შესასვლელთან  სპეციალური სივრცეში  განთავსებულია ნიღბები პაციენტებისათვის

„კი“ პასუხი მოინიშნება იმ შემთხვევაში, როცა ნიღბები ხელმისაწვდომია დაწესებულებაში  შემომსვლელი ყველა პირისთვის შეფასების მომენტში.

4

სტაციონარის ყველა შესასვლელთან  მოწყობილ სპეციალური სივრცეში  განთავსებულია ხელის ჰიგიენის,  რესპირატორული ჰიგიენის და/ან კორონავირუსული ინფექციის გადაცემის თავიდან აცილების  სხვა თვალსაჩინოებები  

„კი“ პასუხი მოინიშნება იმ შემთხვევაში, როცა აუცილებელი წესით  ხელისა და რესპირატორული ჰიგიენის თვალსაჩინოებები არის შესასვლელში გამოკრული პაციენტებისთვის ხილულ და თვალსაჩინო ადგილას.

5

პაციენტების მოძრაობის ტრაექტორია  ნაჩვენებია ისრებით შესასვლელსა და ტრიაჟის სივრცეში

„კი“ პასუხი მოინიშნება იმ შემთხვევაში, როცა ასეთი ისრები სახეზეა და შეესაბამება დაგეგმილი ტრაექტორიის მიმართულებას.

6

რეგისტრატურაში პერსონალის დაცულობის უზრუნველსაყოფად არის გამჭვირვალე ბარიერი

„კი“ პასუხი მოინიშნება იმ შემთხვევაში, როცა ასეთი ბარიერი სახეზეა და უზრუნველყოფს პერსონალის დაცულობას.

7

დაწესებულებაში რესპირატორული სიმპტომების მქონე და/ან ცხელებიანი პაციენტების ტრიაჟის დროს პერსონალი იყენებს ტრიაჟის ალგორითმს/კითხვარს თითოეული პაციენტისთვის

კრიტერიუმი დადებითად ფასდება იმ შემთხვევაში, როცა ასეთი კითხვარი არსებობს და პერსონალს შეუძლია წარმოადგინოს ტრიაჟის კითხვარი (როგორც შევსებული, ასევე ცარიელი) / ალგორითმი

8

დაწესებულებას აქვს რესპირატორული სიმპტომების მქონე პაციენტებისთვის განკუთვნილი  ტრიაჟის სივრცე, რომელიც შედგება ერთმანეთისგან იზოლირებული, ერთი ან რამდენიმე, ინდივიდუალური მოსაცდელი ვენტილირებული (გარეთ გამავალი ფანჯარა ან კარი) ოთახების/სივრცეებისგან

დადებითი პასუხი მოინიშნება, როცა სახეზეა  მწვავე რესპირატორული სიმპტომების მქონე პაციენტებისთვის, განკუთვნილი ტრიაჟის სივრცე, რომელშიც:

• პაციენტისთვის განკუთვნილ საწოლებს/ტახტსა და სკამებს/სავარძლებს შორის დაშორება არანაკლებ 2მ-ია, ხოლო  სივრცეები იზოლირებულია ისეთი მოძრავი კედლების/შირმის გამოყენებით, რომელიც ექვემდებარება რეცხვა/დეზინფექციას.

• მოსაცდელი ადგილების (სკამების, ტახტის, საწოლის ჩათვლით) საერთო რაოდენობა შეადგენს არანაკლებ 1-ს ყოველ ≤30 საწოლზე, მაგრამ თითოეული დაწესებულებისთვის სავალდებულოა არანაკლებ 2 საწოლის არსებობა.

• პაციენტისთვის ხელმისაწვდომია სანიტარიული კვანძი (ტუალეტი, ხელსაბანი ნიჟარა, თხევადი საპონითა და ხელის გასამშრალებელი ერთჯერადი ხელსახოცებით, ხელის სანიტაიზერით)

• უზრუნველყოფილია ვენტილირებული გარემო გარეთ გამავალი ფანჯრით/კარით.

შენიშვნა:

„ტრიაჟის“ სივრცის არსებობის ვალდებულება არ ვრცელდება დაწესებულებაზე, რომელსაც აქვს სხვა სერვისებისაგან იზოლირებული (გამიჯნული) ინფექციური განყოფილება/ერთეული  დამოუკიდებელი შესასვლელით.

9

დაწესებულებაში რესპირატორული სიმპტომების მქონე პაციენტების განთავსება ხდება ერთსაწოლიან პალატებში, რომლებსაც აქვს საკუთარი სანიტარიული კვანძი (იმ შემთხვევაში, როდესაც რამდენიმე პალატას აქვს საერთო სანიტარიული კვანძი, რომელშიც მოსახვედრად პაციენტებს უწევთ დერეფანში გამოსვლა, სხვა პაციენტებთან დერეფანში შეხვედრისა და კონტაქტის გამორიცხვის მიზნით, უზრუნველყოფილია მუდმივი მონიტორინგი სპეციალურად ამ მიზნისთვის გამოყოფილი პერსონალის პოსტის/ან ვიდეოკონტროლის საშუალებით)

დადებითი პასუხი მოინიშნება, თუ დაწესებულებას აქვს კარგად ვენტილირებული (სულ მცირე ბუნებრივი  ვენტილაცია) სპეციალური პალატა, სადაც ხორციელდება  COVID-19-ზე საეჭვო პაციენტების ჰოსპიტალიზაცია (მათ შორის, გამოკვლევის შედეგების მიღებამდე). ჩვეულებრივ, პალატაში თავსდება ერთი პაციენტი, გარდა იმ შემთხვევებისა, როცა  შესაძლებელია პაციენტების კოჰორტულად განთავსება (მაგალითად, ერთი ოჯახის ორი ან მეტი წევრი)

ამ მიზნით შესაძლებელია საიზოლაციო პალატების (მათ შორის, ინფექციური სერვისი ერთეულის ბოქსი, ნახევრად ბოქსი და ბოქსირებული პალატა) გამოყენებაც.

შენიშნა: ასეთი პალატების რაოდენობა განსაზღვრულია დაწესებულების საგანგებო სიტუაციებზე რეგირების გეგმით.

• კრიტერიუმი დადებითად ფასდება, თუ პალატების 100%-ს აქვს საკუთარი სანიტარიული კვანძი;

ან

• საერთო სანიტარიული კვანძის არსებობის შემთხვევაში, პაციენტების დერეფანში შეხვედრისა და კონტაქტის გამორიცხვის მიზნით, მუდმივ  მონიტორინგს ახორციელებს  პერსონალი და ყოველი პაციენტის პალატიდან გამოსვლა, საპირფარეშოში შესვლა და პალატაში დაბრუნება ხორციელდება მისი მეთვალყურეობით ისე, რომ თავიდან იქნეს აცილებული სხვა პაციენტებთან დერეფანში კონტაქტი. ამასთან, ყოველი გამოყენების შემდეგ სანიტარიული კვანძი ექვემდებარება დასუფთავებასა და დეზინფექციას და არსებობს აღნიშნული პროცედურის შესაბამისი ინსტრუქცია/წესი/სოპი.

10

დაწესებულებაში ხელმისაწვდომია/ დანერგილია კორონავირუსული ინფექციის შემთხვევის სტანდარტული განსაზღვრება, დადასტურების და  განთავსების კრიტერიუმები

დაწესებულებაში არსებობს პროტოკოლი, რომელიც შესაბამისობაშია უახლეს კლინიკური პრაქტიკის ეროვნულ რეკომენდაციებთან.

11

დაწესებულებაში განსაზღვრულია პერსონალი, რომელიც პასუხისმგებელია კორონავირუსული ინფექციის დიაგნოსტიკისთვის ცხვირ-ხახის ნაცხის აღებაზე

კრიტერიუმი ფასდება დადებითად, როდესაც ასეთი პერსონალის დაწესებულებაში არსებობა მტკიცდება შესაბამისი ჩანაწერით ინსტრუქციაში/წესსა თუ სოპ-ში და/ან თანამშრომლის დანიშვნის ბრძანებით/ ხელშეკრულებით. ასევე, შესაძლებელია, წარმოდგენილ იქნეს შესაბამისი სამუშაოთა აღწერილობა (არსებობის შემთხვევაში).

12

დაწესებულებაში არსებობს საგანგებო სიტუაციებზე რეაგირების გეგმა, COVID-19- პანდემიასთან დაკავშირებული რისკების მართვის გათვალისწინებით

დადებითი პასუხი მოინიშნება იმ შემთხვევაში, როცა სახეზეა განახლებული გეგმა და მასში ადაპტირებულია პანდემიის პირობებში მოსალოდნელ  რისკებზე რეაგირების მექანიზმები.

შენიშვნა:  დაწესებულების ხელმძღვანელის ბრძანებით დამტკიცებული გეგმა მიწოდებულ უნდა იყოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთვის ბრძანების გამოქვეყნებიდან 1 თვის ვადაში

13

დაწესებულებაში არსებობს საგანგებო სიტუაციებზე რეაგირების კომიტეტი/ჯგუფი, რომლის შემადგენლობაში მონაწილეობას ღებულობენ ინფექციის კონტროლზე პასუხისმგებელი პირები და რომელიც მუდმივ რეჟიმში განიხილავს COVID-19-თან დაკავშირებული დაგეგმვის და/ან რეაგირების საკითხებს

კრიტერიუმი ფასდება დადებითად, თუ:

• სახეზეა დაწესებულების დირექტორის ბრძანება კომიტეტის/ჯგუფის შექმნასთან დაკავშირებით და მასში შეყვანილია ეპიდემიოლოგი/ ინფექციის კონტროლის სპეციალისტი და ინფექციის კონტროლის მედდა
• სახეზეა სხდომის ოქმები ან მათი ჩატარების დამადასტურებელი სხვა მტკიცებულებები (ვიდეო, აუდიოჩანაწერები), რომლებითაც მტკიცდება მათი მონაწილეობა კომიტეტის/ჯგუფის მუშაობაში.

14

დაწესებულებას ჰყავს გაპიროვნებული საკონტაქტო პირ(ებ)ი, რომლებიც უწყვეტ რეჟიმში იღებენ ინფორმაციას   COVID-19-ის შესაძლო ან დადასტურებულ შემთხვევებზე

კრიტერიუმი მოინიშნება დადებითად, თუ სახეზეა რაიმე ტიპის ადმინისტრაციული დოკუმენტი (ბრძანება, ინსტრუქცია), რომელშიც მითითებულია COVID-19-ის შესაძლო ან დადასტურებულ შემთხვევებზე ინფორმაციის უწყვეტ რეჟიმში მიმღები დაწესებულების თანამშრომელი (ან თანამშრომლები), ყველა სამორიგეო პოსტზე მითითითებულია ასეთი საკონტაქტო ინფორმაცია (ტელეფონის ნომრის მითითებით).

15

COVID-19-ის საკონტაქტო პირმა, დაწესებულების ხელმძღვანელობამ და/ან საგანგებო კომიტეტის წევრებმა იციან ვის უნდა გადასცენ ინფორმაცია ეროვნულ და რეგიონულ დონეზე COVID-19-ის შესაძლო ან დადასტურებული შემთხვევების თაობაზე

კრიტერიუმი დადებითად ფასდება, როცა სახეზეა ბრძანება/ ინსტრუქცია/ წესი, რომელითაც განისაზღვრება დაწესებულებიდან COVID-19-ის შესაძლო ან დადასტურებული შემთხვევების თაობაზე ინფორმაციის მიმღები პირი რეგიონულ ან ეროვნულ დონეზე და მასში აღწერილია შეტყობინების პროცედურა და განსაზღვრულია პასუხისმგებელი პირები.

16

COVID-19-ის საკონტაქტო პირ(ებ)ი და დაწესებულების ხელმძღვანელობა იცნობს ეროვნულ რეკომენდაციებს/ ინსტრუქციებს  COVID-19-ის შესაძლო ან დადასტურებული დიაგნოზის მქონე პაციენტების რეფერირების შესახებ (ონლაინ კლინიკა, ცხელების ცენტრი, COVID-კლინიკა, და ა.შ.)

კრიტერიუმი ფასდება დადებითად, როცა შესაბამისი პირის მიერ წარმოდგენილი იქნება ამ ინსტრუქციების/რეკომენდაციების ნაბეჭდი, ან ელექტრონული ვერსიები (მაგ, კომპიუტერში).

17

დაწესებულებაში არის იდს-ს სათანადო მარაგი (ნიღაბი,  ერთჯერადი ხალათი, სათვალე/სახის ფარი, ხელთათმანები და სხვ.) და პერსონალი უზრუნველყოფილია ინდივიდუალური დაცვის საშუალებებით რისკის ზონების შესაბამისად

კრიტერიუმი ფასდება სხვადასხვა სივრცეში დასაქმებული პერსონალის იდს-ებით აღჭურვის შეფასებით, აგრეთვე მარაგების დათვალიერებით.

კრიტერიუმი ფასდება დადებითად, როდესაც დაწესებულებას აქვს მარაგში  იდს-ს  სტანდარტული კომპლექტების

(1 ქირურგიული ხალათი, 1 ნიღაბი, 3 წყვილი ხელთათმანი) მინიმუმ ერთი თვის მარაგი:

50≥ საწოლფონდის შემთხვევაში - 1000  50≤საწოლფონდის შემთხვევაში  - 2000

18

აეროზოლწარმომქნელი პროცედურების განმახორციელებელი პერსონალი უზრუნველყოფილია რესპირატორებით

დადებითი პასუხი მოინიშნებ იმ შემთხვევაში, როცა დაწესებულებაში არსებობს რესპირატორების მინიმუმ 1 თვის მარაგი შემდეგი ანგარიშით:

50≥ საწოლფონდის შემთხვევაში - 100 ც  50≤საწოლფონდის შემთხვევაში  - 200 ც

19

დაწესებულება განსაზღვრავს მოხმარების დონეს (კვირის განმავლობაში საჭირო სახარჯი მასალები) კრიტიკული სახარჯი მასალებისათვის იდს-ს, ხელის ჰიგიენის და დეზინფექტანტების ჩათვლით

კრიტერიუმი ფასდება დადებითად, თუ დაწესებულებაში არსებობს იდს-ების, ხელის სანიტაიზერისა და თხევადი საპონის მოხმარების აღრიცხვის სისტემა, რომლის საშუალებითაც შესაძლებელია განისაზღვროს ჩამოთვლილი საშუალებების ხარჯი დროის მოთხოვნილი პერიოდისათვის (კვირის, თვის და ა.შ.)

20

დაწესებულებაში ხორციელდება სავალდებულო პჯრ-ტესტირებას დაქვემდებარებული სამედიცინო პერსონალის კანონმდებლობით განსაზღვრული წესით ტესტირება

დადებითი პასუხი მონიშნება იმ შემთხვევაში, როდესაც იდენტიფიცირებულია სავალდებულო ტესტირებას დაქვემდებარებული პერსონალი (არსებობს სრული სია), აღრიცხულია მათი ტესტირების სტატუსი და ტესტირების შედეგი