„საქართველოს თავდაცვის სამინისტროს დებულების დამტკიცების შესახებ“ საქართველოს მთავრობის 2018 წლის 12 დეკემბრის №580 დადგენილებაში ცვლილების შეტანის თაობაზე

1. მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. ამ დებულების მე-5 მუხლის პირველი პუნქტის „ა“ – „პ​²“ ქვეპუნქტებით განსაზღვრული სამინისტროს სტრუქტურული ქვედანაყოფები ერთიანდებიან სამოქალაქო ოფისში.“.

2. მე-5 მუხლის:

ა) პირველი პუნქტის „პ¹“ ქვეპუნქტი ჩამოყალიბდეს შემდეგი რედაქციით:

„პ​¹) ხარისხის კონტროლისა და სამშენებლო ზედამხედველობის დეპარტამენტი;“;

ბ) პირველ პუნქტს დაემატოს შემდეგი შინაარსის „პ​²“ ქვეპუნქტი:

„პ​²) ინფრასტრუქტურის მართვის, სტანდარტიზაციისა და კოდიფიკაციის დეპარტამენტი;“.

3. მე-6 მუხლის 15¹ პუნქტი ჩამოყალიბდეს  შემდეგი  რედაქციით:

„15^​​​1. ხარისხის კონტროლისა და სამშენებლო ზედამხედველობის დეპარტამენტი:

ა) ახორციელებს სამინისტროს მიერ გაფორმებული სახელმწიფო შესყიდვების შესახებ ხელშეკრულების კონტროლს საქონლის/კვების მომსახურების ტექნიკურ მახასიათებლებთან მიწოდებული საქონლის/კვების მომსახურების შესაბამისობისა და ხარისხის დადგენის მიზნით;

ბ) კანონმდებლობით დადგენილი წესით, უზრუნველყოფს სამინისტროს ბალანსზე რიცხული/სარგებლობაში გადაცემული ქონების სამშენებლო, სარემონტო, სამონტაჟო-სარეკონსტრუქციო სამუშაოების ზედამხედველობას დამტკიცებული პროექტის შესაბამისად.“.

4. მე-6 მუხლს 15¹ პუნქტის შემდგომ დაემატოს შემდეგი შინაარსის 15² პუნქტი:

„15². ინფრასტრუქტურის მართვის, სტანდარტიზაციისა და კოდიფიკაციის დეპარტამენტი:

ა) უზრუნველყოფს სამინისტროს ინფრასტრუქტურის სისტემის განვითარების პოლიტიკის შემუშავებასა და მისი განხორციელების მონიტორინგს;  

ბ) უზრუნველყოფს სამინისტროს სტანდარტიზაციის მართვისა და სამინისტროს კოდიფიკაციის სისტემების შექმნასა და მათ ფუნქციონირებას.“.