„თეთრიწყაროს მუნიციპალიტეტის მერიის პირველადი სტრუქტურული ერთეულის - საფინანსო-საბიუჯეტო და შესყიდვების სამსახურის დებულების დამტკიცების შესახებ“ თეთრიწყაროს მუნიციპალიტეტის საკრებულოს 2018 წლის 26 იანვრის №203 დადგენილებაში ცვლილების შეტანის თაობაზე

„მუხლი 2. სამსახურის ფუნქციები

 სამსახურის ფუნქციებია:

ა) თეთრიწყაროს მუნიციპალიტეტის ბიუჯეტის პროექტის შედგენა;

ბ) ბიუჯეტის პროექტის შესადგენად საჭირო სამუშაოების ორგანიზება;

გ) მუნიციპალური პროგრამების პროექტების საფინანსო გაანგარიშება და დასაბუთება;

დ) მერიის სამსახურებისა და მუნიციპალიტეტის მიერ დაფუძნებული იურიდიული პირების წლიური ხარჯთაღრიცხვის პროექტების შესახებ წინადადებების შემუშავება;

ე) საჭირო ინფორმაციის დამუშავება და წინადადებების მომზადება ფინანსთა სამინისტროს მიერ გათანაბრებითი, მიზნობრივი, კაპიტალური და სპეციალური ტრანსფერების გასაანგარიშებლად;

ვ) მუნიციპალიტეტის ბიუჯეტის შესრულების მიზნით სახაზინო ოპერაციების განხორციელება;

ზ) ერთიანი მუნიციპალური ბიუჯეტის შესახებ სტატისტიკური ინფორმაციის მომზადება;

თ) კანონმდებლობის შესაბამისად მუნიციპალიტეტის სახელით სახელმწიფო შესყიდვებისა და ბუღალტრული აღრიცხვა-ანგარიშგების განხორციელება;

ი) მერის დავალების შემთხვევაში ბიუჯეტის სარეზერვო ფონდის შესახებ წინადადებების მომზადება;

კ) მუნიციპალიტეტის მიერ დაფუძნებული საწარმოების დივიდენდების პროგნოზირება, შესაბამისი წინადადებებისა და რეკომენდაციების შემუშავება;

ლ) წინადადებების და რეკომენდაციების შემუშავება მუნიციპალიტეტის მიერ სესხის აღებისა და გაცემის თაობაზე;

მ) დასკვნებისა და რეკომენდაციების შემუშავება ბიუჯეტის პროექტის თაობაზე მერიაში შემოსულ შენიშვნებსა და წინადადებებზე;

ნ) საკრებულოს მიერ გამოთქმული შენიშვნების გათვალისწინებით ბიუჯეტის პროექტის რედაქტირება;

ო) ბიუჯეტის შემოსულობებისა და გადასახდელების გაწერა კვარტალების ან/და თვეების მიხედვით;

პ) საფინანსო ზედამხედველობა მიღებული ბიუჯეტის შესრულებაზე;

ჟ) ბიუჯეტის შემოსულობების შესახებ ინფორმაციის შეკრება და გაანალიზება; წინადადებების, დასკვნებისა და რეკომენდაციების შემუშავება; ინფორმაციის მიწოდება შესაბამისი სამსახურებისათვის;

რ) ბიუჯეტის ხარჯვის მიზნობრიობის, ეკონომიკური მიზანშეწონილობისა და ეფექტიანობის ანალიზი, შესაბამისი წინადადების, დასკვნებისა და რეკომენდაციების შემუშავება;

ს) მიმდინარე და ყოველწლიური ანგარიშების მომზადება ბიუჯეტის შესრულების შესახებ;

ტ) სახელმწიფო შესყიდვების წლიური გეგმის პროექტის მომზადება;

უ) სატენდერო კომისიის ოქმების და სხვა დოკუმენტების წარმოება;

ფ) ელექტრონული ტენდერის შესახებ განცხადებისა და სატენდერო დოკუმენტაციის პროექტის მომზადება და გამოქვეყნება;

ქ) მუნიციპალიტეტის სატენდერო კომისიის გადაწყვეტილების შესაბამისად ხელშეკრულების პროექტის შემუშავება;

ღ) სახელმწიფო შესყიდვების შესახებ ხელშეკრულებების პროექტების მომზადება;

ყ) სახელმწიფო შესყიდვების შესახებ ანგარიშების მომზადება;

შ) კანონმდებლობით დადგენილი წესის შესაბამისად ბუღალტრული აღრიცხვა-ანგარიშგების უზრუნველყოფა;

ჩ) ბიუჯეტით გათვალისწინებული ასიგნებების შესაბამისად ხარჯის გაწევა, საფინანსო ოპერაციების წარმოება;

ც) მუნიციპალიტეტის საბანკო ანგარიშების მართვა, ურთიერთობები ხაზინასთან და საბანკო დაწესებულებებთან;

ძ) მუნიციპალიტეტის მიერ აღებული და გაცემული სესხების მართვა;

წ) საკრებულოს, მუნიციპალური სამსახურებისა და ტერიტორიული ორგანოების სარგებლობაში არსებული ქონების აღწერა-ინვენტარიზაციის პროცესის ორგანიზაციულ-ტექნიკური ხელშეწყობა;

ჭ) მუნიციპალიტეტის საჯარო მოსამსახურეთა ხელფასების, სამივლინებო ხარჯების და სხვა გადასახდელების გაცემა;

ხ) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.