,,ყვარლის მუნიციპალიტეტის მოსახლეობის ჯანმრთელობისა და სოციალური დაცვის 2021 წლის პროგრამის დამტკიცების შესახებ” ყვარლის მუნიციპალიტეტის საკრებულოს 2021 წლის 26 იანვრის N1 დადგენილებაში ცვლილების შეტანის თაობაზე

1. დადგენილებით დამტკიცებული დანართის სახელწოდების შემდეგ პირველი მუხლის სათაურს ზემოთ ჩანაწერი: „ყვარლის მუნიციპალიტეტის მოსახლეობის ჯანმრთელობისა და სოციალური დაცვის პროგრამის მიმოხილვა“ ამოღებული იქნას.

2. დადგენილებით დამტკიცებული დანართის მე-5 მუხლის მე-2 პუნქტი ჩამოყალიბდეს შემდეგი რედაქციით:

„2) ახალშობილ ბავშვთა ოჯახების ერთჯერადი დახმარების ქვეპროგრამა

დახმარება გაიცეს ყვარლის მუნიციპალიტეტის ტერიტორიაზე რეგისტრირებულ ახალშობილზე, თუ ახალშობილის ერთ-ერთი მშობელი მაინც არის რეგისტრირებული ყვარლის მუნიციპალიტეტის ტერიტორიაზე. დახმარების მისაღებად მშობელს განცხადების წარდგენა შეუძლია ბავშვის დაბადებიდან 6 თვის განმავლობაში. პირველ ბავშვზე გაიცემა – 200 ლარი, მეორე ბავშვზე – 250 ლარი, ორი ტყუპის დაბადების შემთხვევაში – 450 ლარი

ქვეპროგრამით სარგებლობისათვის საჭირო დოკუმენტაცია:

ა) მშობლის განცხადება;

ბ) ბავშვის/ბავშვების დაბადების მოწმობის ასლები;

გ) მარტოხელა მშობლის შემთხვევაში, სტატუსის  დამადასტურებელი დოკუმენტი;

დ) ერთ-ერთი მშობლის საბანკო ანგარიშის ნომერი.“.

3. დადგენილებით დამტკიცებული დანართის მე-8 მუხლი ამოღებული იქნას.