„2021 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2020 წლის 31 დეკემბრის №828 დადგენილებაში ცვლილების შეტანის თაობაზე

1. №2 დანართის („იმუნიზაცია“):

ა) მე-3 მუხლს დაემატოს შემდეგი შინაარსის „თ“ ქვეპუნქტი:

„თ) ახალი კორონავირუსული დაავადების − COVID 19-ის საწინააღმდეგო ვაქცინით აცრების ადმინისტრირებას სამედიცინო დაწესებულებებში არსებული ამცრელი კაბინეტებისა და გამსვლელი ბრიგადების მეშვეობით.“;

ბ) მე-4 მუხლს დაემატოს შემდეგი შინაარსის მე-3 პუნქტი:

„3. მე-3 მუხლის „თ“ ქვეპუნქტით გათვალისწინებული მიზნობრივი ჯგუფის მომსახურების ღირებულება (რომელიც არ მოიცავს პირადი დაცვის საშუალებებსა და სახარჯ მასალას, რომლის უზრუნველყოფა ხორციელდება ცენტრალიზებულად) შეადგენს:

ა) ამცრელ კაბინეტში პირველი დოზით აცრის მომსახურების ღირებულება − 1.5 ლარს, ხოლო მეორე დოზით აცრის მომსახურების ღირებულება − 3.5 ლარს;

ბ) გამსვლელი ბრიგადის მიერ შესაბამისი სამიზნე ჯგუფის (საზოგადოებრივი ჯანდაცვის სამსახურების მიერ იდენტიფიცირებული, ჯანმრთელობის სხვადასხვა პრობლემის მქონე ბენეფიციარები, რომლებსაც აცრის სერვისი ადგილზე მიეწოდება) პირველი დოზით აცრის მომსახურების ღირებულება − 6.75 ლარს, ასევე მეორე დოზით აცრის მომსახურების ღირებულება − 6.75 ლარს.“;

გ) მე-5 მუხლის:

გ.ა) მე-3 პუნქტი ჩამოყალიბდეს შემდეგი რედაქციით:

„3. მე-3 მუხლის „ა“, „ბ“, „გ“ და „დ“ ქვეპუნქტებით გათვალისწინებული საქონლის, ასევე „ვ“ და „თ“ ქვეპუნქტებით გათვალისწინებული მომსახურების მიწოდება ბენეფიციართათვის ხორციელდება არამატერიალიზებული სამედიცინო ვაუჩერის მეშვეობით.“;

გ.ბ) მე-8 პუნქტის შემდეგ დაემატოს შემდეგი შინაარსის მე-9 პუნქტი:  

„9. მე-3 მუხლის „თ“ ქვეპუნქტით განსაზღვრული ახალი კორონავირუსული დაავადების − COVID 19-ის საწინააღმდეგო აცრის მომსახურებას ახორციელებს აღნიშნული მომსახურების მიმწოდებლად ცენტრში რეგისტრირებული სამედიცინო დაწესებულება.“;

დ) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 29,825.0 ათასი ლარით, შემდეგი ცხრილის შესაბამისად:

ე) მე-9 მუხლს დაემატოს შემდეგი შინაარსის მე-15 პუნქტი:

„15. მე-3 მუხლის „თ“ ქვეპუნქტით განსაზღვრული ახალი კორონავირუსული დაავადების − COVID 19-ის საწინააღმდეგო ვაქცინით აცრის მომსახურების მიმწოდებლებად რეგისტრაციის მსურველი სამედიცინო დაწესებულება/სოფლის ექიმი უნდა ფლობდეს ვაქცინების შენახვისთვის/ლოჯისტიკისთვის/ადმინისტრირებისთვის აუცილებელ პირობებს, ჰქონდეს გაკეთებული შეტყობინება აღნიშნული საქმიანობის წარმოებაზე რეგულირების სააგენტოში, დადგენილი ფორმით დარეგისტრირდეს ცენტრში სჯდ ცენტრების მეშვეობით და მოსარგებლეებს ვაქცინები და აცრის მომსახურება მიაწოდოს იმუნიზაციის სახელმწიფო პროგრამით გათვალისწინებული პირობებით, ამასთან:

ა) ვაქცინაციის კაბინეტი შესაბამისობაში უნდა იყოს  COVID 19-ის საწინააღმდეგო ვაქცინაციის მარეგულირებელი დოკუმენტით განსაზღვრულ პირობებთან;

ბ) ახალი კორონავირუსული დაავადების − COVID 19-ის საწინააღმდეგო ვაქცინით აცრის მომსახურების მიმწოდებლებად რეგისტრირებული სამედიცინო დაწესებულების ამცრელ ბრიგადაში უნდა შედიოდნენ ექიმი, ამცრელი მედდა და იმუნიზაციის ერთიან ელექტრონულ სისტემაში მონაცემთა რეგისტრატორი. ერთი ბრიგადის დღიური დატვირთვა არ უნდა აღემატებოდეს 40-45 აცრას. ამასთან, აცრების რეგისტრაცია ელექტრონულ სისტემაში უნდა განხორციელდეს დაუყოვნებლივ, მაგრამ არა უგვიანეს აცრის ჩატარების დღის ბოლომდე;

გ) სამედიცინო დაწესებულება ვალდებულია, გამოყოს ასაცრელი კონტინგენტის მობილიზაციისათვის შესაბამისი პერსონალი, რომელიც, ამცრელი ბრიგადის მიერ დაგეგმილი აცრა-ვიზიტების საფუძველზე, განახორციელებს ასაცრელი კონტინგენტის მობილიზაციისათვის საჭირო ღონისძიებებს; 

დ) იმ ვაქცინისათვის, რომელიც მოითხოვს +2/+8⁰C ტემპერატურის პირობებში შენახვას,  ახალი კორონავირუსული დაავადების − COVID 19-ის საწინააღმდეგო ვაქცინით აცრის მომსახურების მიმწოდებლებად, ავტომატურად ითვლებიან „პირველადი და გადაუდებელი სამედიცინო დახმარების უზრუნველყოფის“ სახელმწიფო პროგრამის სოფლის ექიმის კომპონენტით გათვალისწინებული მომსახურების მიმწოდებლები და საყოველთაო ჯანდაცვის პროგრამაში მონაწილე სამედიცინო დაწესებულებები, რომლებიც ახორციელებენ გეგმურ ამბულატორიულ მომსახურებას და აქვთ ვაქცინების შენახვისათვის/ ლოჯისტიკისათვის/ადმინისტრირებისათვის აუცილებელი პირობები, ასევე, ის სამედიცინო დაწესებულებები, რომლებსაც აქვთ შესაბამისი პირობები, არ წარმოადგენენ ზემოაღნიშნული პროგრამების მიმწოდებლებს, მაგრამ დადგენილი ფორმით დარეგისტრირდებიან ცენტრში სჯდ ცენტრების მეშვეობით და მოსარგებლეებს ვაქცინებს მიაწვდიან იმუნიზაციის სახელმწიფო პროგრამით გათვალისწინებული პირობებით;

ე) იმ ვაქცინისათვის, რომელიც მოითხოვს -70/-80⁰C ტემპერატურის პირობებში შენახვას, ახალი კორონავირუსული დაავადების − COVID 19-ის საწინააღმდეგო ვაქცინით აცრის მომსახურების მიმწოდებლებად რეგისტრაციისთვის სამედიცინო დაწესებულება უნდა აკმაყოფილებდეს შემდეგ კრიტერიუმებს:

ე.ა) სამედიცინო დაწესებულება უნდა იყოს განთავსებული ქ. თბილისში, ქ. ქუთაისსა და ქ. ბათუმში;

ე.ბ) „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის №385 დადგენილების მიხედვით, ფლობდეს სტაციონარული დაწესებულების ნებართვას და დანართს გადაუდებელი სამედიცინო დახმარების (EMERGENCY) მომსახურებაში;

ე.გ) „მაღალი რისკის შემცველი სამედიცინო საქმიანობის ტექნიკური რეგლამენტის დამტკიცების თაობაზე“ საქართველოს მთავრობის 2010 წლის 22 ნოემბრის №359 დადგენილების საფუძველზე, რეგულირების სააგენტოში ჰქონდეს გაკეთებული შეტყობინება იმუნიზაციის წარმოებაზე;

ე.დ) ქ. თბილისში განთავსებულ სამედიცინო დაწესებულებას უნდა ჰქონდეს შესაძლებლობა, დააკომპლექტოს, სულ მცირე, 3 ამცრელი ბრიგადა, ხოლო ქ. ქუთაისსა და ქ. ბათუმში განთავსებულ სამედიცინო დაწესებულებას − 2-2 ბრიგადა მასთან მიმართული ასაცრელი კონტინგენტის ერთი დოზით მოსაცველად არაუმეტეს 15 კალენდარული დღის განმავლობაში, ვაქცინის ინსტრუქციით დადგენილი ინტერვალის გათვალისწინებით, პირველი და მეორე დოზების მიწოდება;

ე.ე) სამედიცინო დაწესებულებაში უზრუნველყოფილი უნდა იყოს სათადარიგო ბრიგადების არსებობა, საჭიროების შემთხვევაში ძირითად ბრიგადაში ჩართული პერსონალის სრულად ჩასანაცვლებლად;

ე.ვ) სამედიცინო დაწესებულებას უნდა გააჩნდეს იზოლირებული შესასვლელი ვაქცინაციაზე მისული პირებისათვის და ერთდროულად მინიმუმ 10 ვაქცინირებული პირის მოსაცდელი სივრცე აცრის შემდგომი დაკვირვებისთვის;

ე.ზ) სამედიცინო დაწესებულებამ უნდა უზრუნველყოს ასაცრელი სამიზნე კონტინგენტის წინასწარი აღრიცხვა მათ მობილიზაციაზე პასუხისმგებელი სამსახურებიდან მიღებული ინფორმაციის საფუძველზე და განახორციელოს აცრების წინასწარი დაგეგმვა;

ე.თ) სამედიცინო დაწესებულებამ უნდა უზრუნველყოს პირველ დოზაზე აცრილი პირების მეორე დოზით რევაქცინაციის მიზნით შესაბამისი კონტინგენტის მობილიზაცია;

ე.ი) დაცული უნდა იყოს ინფექციის კონტროლის პირობების მოთხოვნები, რიგების მართვის, მოსაცდელი და აცრის სივრცეების მოწყობასთან მიმართებით;

ე.კ) უზრუნველყოფილი უნდა იყოს აცრების წარმოება უქმე და დასვენების დღეების გარეშე;

ვ) ამ დადგენილებითა და სხვა ნორმატიული აქტებით განსაზღვრულ პირობებთან სამედიცინო დაწესებულების შესაბამისობას განსაზღვრავს რეგულირების სააგენტო;

ზ) სამედიცინო დაწესებულების მიერ პროგრამაში მონაწილეობის მიღების მიზნით შევსებული განაცხადის ფორმა და რეგულირების სააგენტოს მიერ მომზადებული შესაბამისობის დასკვნა წარმოადგენს სამედიცინო დაწესებულების ვაუჩერული პროგრამის მიმწოდებლად რეგისტრაციის ერთადერთ პირობას.“. 

2.  №3 დანართის („ეპიდზედამხედველობა“) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 1,958.0 ათასი ლარით, შემდეგი ცხრილის შესაბამისად:

3. №6 დანართის („ტუბერკულოზის მართვა“) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 16,534.0 ათასი ლარით, შემდეგი ცხრილის შესაბამისად:

4. №7 დანართის („აივ-ინფექციის/შიდსის მართვა“) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 13,060.0 ათასი ლარით, შემდეგი ცხრილის შესაბამისად:

5. №11 დანართის („ფსიქიკური ჯანმრთელობა“) №11.8 დანართი „თემზე დაფუძნებული მობილური გუნდის კომპონენტის თვის ბიუჯეტი, მიმწოდებლების მიხედვით“ ჩამოყალიბდეს შემდეგი რედაქციით:

„დანართი 11.8

თემზე დაფუძნებული მობილური გუნდის კომპონენტის თვის ბიუჯეტი, მიმწოდებლების მიხედვით

6.  №20 დანართის („ახალი კორონავირუსული დაავადების COVID 19-ის მართვა“):

ა)  მე-2 მუხლის  მე-2 პუნქტი ჩამოყალიბდეს შემდეგი რედაქციით:

„2. პროგრამის მე-3 მუხლის „ბ“ ქვეპუნქტის  მოსარგებლეა საქართველოს მოქალაქე, საქართველოში მუდმივად მცხოვრები პირი, საქართველოს ოკუპირებულ ტერიტორიაზე მცხოვრები პირი და საქართველოს შინაგან საქმეთა სამინისტროს მიგრაციის დეპარტამენტში მოთავსებული საქართველოს მოქალაქეობის არმქონე პირები; ასევე, ქართული დიასპორის სამშობლოსთან კავშირის ხელშეწყობისა და დიასპორაში ეროვნული და კულტურული თვითმყოფადობის შენარჩუნების მიზნით მოსარგებლეები არიან ზოგადი, საშუალო, პროფესიული და უმაღლესი განათლების მიღების მსურველი უცხო ქვეყნის მოქალაქეები საქართველოს განათლების, მეცნიერების, კულტურისა და სპორტის სამინისტროს მიერ პროგრამის განმახორციელებელთან წარდგენილი სიის შესაბამისად. კერძოდ:

ა) უცხო ქვეყნის მოქალაქე საქართველოს საჯარო/კერძო სკოლის მოსწავლეები, რომლებიც მოსწავლის სტატუსით  ირიცხებოდნენ/ირიცხებიან 2019-2020 ან 2020-2021 სასწავლო წელს და არიან თანამემამულის სტატუსის მქონე ან ასეთი სტატუსის მქონე პირის არასრულწლოვანი შვილები, მოსწავლის სტატუსით;

ბ) უცხო ქვეყნის მოქალაქე სწავლის უფლების მქონე აბიტურიენტი ან პროფესიული სტუდენტი, რომელიც არის  თანამემამულის სტატუსის მქონე ან ასეთი სტატუსის მქონე პირის ოჯახის წევრი (მეუღლე, შვილი, და ან ძმა); 

გ) 2020 წელს ერთიან ეროვნულ გამოცდებზე დარეგისტრირებული თანამემამულის სტატუსის მქონე უცხო ქვეყნის მოქალაქეები, რომლებიც წარმოადგენენ საქართველოს განათლების, მეცნიერების, კულტურისა და სპორტის სამინისტროს მიერ დამტკიცებული „ოკუპირებულ ტერიტორიებზე მცხოვრები პირებისა და თანამემამულის სტატუსის მქონე პირების უმაღლესი განათლების ხელშეწყობის პროგრამის“ მოსარგებლეებს.“;

ბ) მე-3 მუხლის:

ბ.ა) „ბ.გ“ ქვეპუნქტი ჩამოყალიბდეს შემდეგი რედაქციით:

„ბ.გ) COVID-19-ის დასადგენად ტესტირების ჩატარებას სწრაფი/მარტივი მეთოდით, მათ შორის:

ბ.გ.ა) ტესტირებას ანტიგენის განმსაზღვრელი სწრაფი/მარტივი მეთოდით (საჭიროების შემთხვევაში, ცენტრის მიერ გადაცემული ტესტსისტემების გამოყენებით);

ბ.გ.ბ) ტესტირებას ანტისხეულის განმსაზღვრელი სწრაფი/მარტივი მეთოდით (მათ შორის, აივ-ინფექციის/შიდსის მართვის სახელმწიფო პროგრამის ამბულატორიულ და სტაციონარულ სერვისებში ჩართული პირების  ტესტირება (საჭიროების შემთხვევაში, ცენტრის მიერ გადაცემული ტესტსისტემების გამოყენებით);“;

ბ.ბ) „დ“ ქვეპუნქტი ჩამოყალიბდეს შემდეგი რედაქციით:

„დ) COVID-19-ის საეჭვო და/ან დადასტურებულ შემთხვევათა იდენტიფიცირების, სწორი რეფერალის,  ბინაზე მეთვალყურეობისა და პროცესის მონიტორინგის უზრუნველყოფას, ცენტრალური ონლაინკლინიკის  მეშვეობით. მომსახურება მოიცავს ა(ა)იპ – საქართველოს სამედიცინო ჰოლდინგის მიერ შრომითი ხელშეკრულებით დასაქმებული პირების (არაუმეტეს 300 ერთეულისა) შრომის ანაზღაურებას;“;

ბ.გ) „ნ“ ქვეპუნქტის შემდეგ დაემატოს შემდეგი შინაარსის „ო“ ქვეპუნქტი:

„ო) გადაუდებელი დახმარების ცენტრში დასაქმებული ახალი კორონავირუსით (SARS-CoV-2) გამოწვეული ინფექციის (COVID-19) საეჭვო და/ან დადასტურებული შემთხვევების მართვაში ჩართული რაიონული სამსახურების, ქ. თბილისის ფილიალების, რეფერალური ეკიპაჟის წევრებისა და ცვლაში მომუშავე ცენტრალური სადისპეტჩეროს თანამშრომლების ყოველთვიური დამატებითი ანაზღაურებისა და სხვა ლოჯისტიკური ღონისძიებების (მ.შ. სასაწყობო ფართის ქირაობა) უზრუნველყოფას.“;

გ) მე-7 მუხლს დაემატოს შემდეგი შინაარსის მე-4 პუნქტი:

„4. პროგრამის მე-3 მუხლის „ო“ ქვეპუნქტის განმახორციელებელია გადაუდებელი დახმარების ცენტრი.“;

დ) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 336,009.0 ათასი ლარით.“;

ე) მე-9 მუხლის მე-14 პუნქტი ჩამოყალიბდეს შემდეგი რედაქციით:

„14. იმ ლაბორატორიებისთვის, რომლებიც რეგისტრირებულნი არიან პროგრამის  ფარგლებში პჯრ ტესტირების მომსახურების მიმწოდებლებად, ამ მუხლის მე-12 პუნქტით გათვალისწინებული ჯგუფების ტესტირება ნებადართულია მხოლოდ პულირების (დაჯგუფების) მეთოდით და პჯრ ტესტირების მომსახურების ღირებულება ანაზღაურდება მე-4 მუხლის „გ.ბ.გ“ და „გ.ბ.დ“ ქვეპუნქტების შესაბამისად.“.