„მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონის მიზნებისათვის, სისტემური რეგისტრაციის გეოგრაფიული არეალების განსაზღვრის თაობაზე“ საქართველოს იუსტიციის მინისტრის 2020 წლის 3 ივლისის №562 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონის მე-5 მუხლის მე-2 და მე-4 პუნქტების შესაბამისად,  ვბრძანებ:

„მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონის მიზნებისათვის, სისტემური რეგისტრაციის გეოგრაფიული არეალების განსაზღვრის თაობაზე“ საქართველოს იუსტიციის მინისტრის 2020 წლის 3 ივლისის №562 ბრძანების (საქართველოს საკანონმდებლო მაცნე (www.matsne.gov.ge), 03/07/2020, სარეგისტრაციო კოდი: 040150000.22.027.017058) მე-3 პუნქტი ჩამოყალიბდეს შემდეგი რედაქციით: 

 

„3. უფლებათა სისტემური რეგისტრაცია დაიწყოს ამ ბრძანების ამოქმედებისთანავე და დასრულდეს ამავე ბრძანების პირველი პუნქტის:

ა) „ა“ და „გ“ ქვეპუნქტებით განსაზღვრულ გეოგრაფიულ არეალებში 2020 წლის 31 დეკემბრის ჩათვლით;

ბ) „ბ“ ქვეპუნქტით განსაზღვრულ გეოგრაფიულ არეალებში – 2021 წლის 31 იანვრის ჩათვლით;

გ) „დ“ ქვეპუნქტით განსაზღვრულ გეოგრაფიულ არეალში – 2021 წლის 28 თებერვლის ჩათვლით.“.

ეს ბრძანება ამოქმედდეს გამოქვეყნებისთანავე.