„დანერგე მომავალი“ სახელმწიფო პროგრამის დამტკიცების შესახებ“ საქართველოს მთავრობის 2015 წლის 12 თებერვლის №56 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„დანერგე მომავალი“ სახელმწიფო პროგრამის დამტკიცების შესახებ“ საქართველოს მთავრობის 2015 წლის 12 თებერვლის №56 დადგენილებაში ცვლილების შეტანის თაობაზე
დოკუმენტის ნომერი	33
დოკუმენტის მიმღები	საქართველოს მთავრობა
მიღების თარიღი	28/01/2021
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 29/01/2021
სარეგისტრაციო კოდი	340170000.10.003.022585

PDF გადმოწერა

„დანერგე მომავალი“ სახელმწიფო პროგრამის დამტკიცების შესახებ“ საქართველოს მთავრობის 2015 წლის 12 თებერვლის №56 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, „დანერგე მომავალი“ სახელმწიფო პროგრამის დამტკიცების შესახებ“ საქართველოს მთავრობის 2015 წლის 12 თებერვლის №56 დადგენილებაში (www.matsne.gov.ge, 16/02/2015, 340170000.10.003.018441) შეტანილ იქნეს ცვლილება და დადგენილებით დამტკიცებული სახელმწიფო პროგრამის – „დანერგე მომავლის“:

1. მე-2 მუხლი ჩამოყალიბდეს შემდეგი რედაქციით:

„მუხლი 2. პროგრამის კომპონენტები

1. მრავალწლიანი ბაღის გაშენებისა და სანერგე მეურნეობის მხარდაჭერის პირობებისა და პოტენციური ბენეფიციარების შესაბამისობის კრიტერიუმების განსხვავებულობიდან გამომდინარე, თანადაფინანსება/ დაფინანსება განხორციელდება ოთხი დამოუკიდებელი კომპონენტის ფარგლებში:

ა) მრავალწლიანი ბაღების თანადაფინანსების კომპონენტი:

ბ) სანერგე მეურნეობების თანადაფინანსების კომპონენტი;

გ) სეტყვის საწინააღმდეგო სისტემების ან/და ჭის/ჭაბურღილის/ წვეთოვანი სარწყავი სისტემის მოწყობის თანადაფინანსების კომპონენტი;

დ) სტიქიური მოვლენების შედეგად დაზიანებული ნერგების დაფინანსების კომპონენტი.

2. ამ პროგრამით განისაზღვრება ამ მუხლის პირველ პუნქტში მითითებული კომპონენტების ფინანსური და ტექნიკური დახმარების პირობები.

3. პოტენციურ ბენეფიციარს შეუძლია, ისარგებლოს პროგრამის ოთხივე კომპონენტით დადგენილი წესებითა და პირობებით.“.

2. მე-10 მუხლის მე-7 პუნქტი ჩამოყალიბდეს შემდეგი რედაქციით:

„7. ფსტის (ფისტა), დაფნისა და ზეთისხილის კულტურების, ხოლო გურიაში, აჭარასა და სამეგრელოში თხილის კულტურის ბაღის გაშენება შესაძლებელია წვეთოვანი სარწყავი სისტემის მოწყობის გარეშე. ამასთან, პროგრამის ფარგლებში გაშენებულ ბაღებში, სადაც არ მოწყობილა წვეთოვანი სარწყავი სისტემა, შესაძლებელია, დაფინანსდეს წვეთოვანი სარწყავი სისტემის მოწყობა შესასყიდი სარწყავი სისტემის ინვოისის ან ხელშეკრულების (ქართულ ენაზე/ნოტარიულად დამოწმებული თარგმანი ქართულ ენაზე) საფუძველზე, პროგრამის მე-4 მუხლის მე-3 პუნქტის შესაბამისად.“.

3. 14¹− 14¹⁰მუხლები ამოღებულ იქნეს.

4. მე-17 მუხლის პირველი პუნქტი ჩამოყალიბდეს შემდეგი რედაქციით:

„1. სანერგეების კომპონენტი ითვალისწინებს ამ მუხლის მე-2 პუნქტით განსაზღვრული მიზნობრიობ(ებ)ის თანადაფინანსებას არა უმეტეს ჯამური ღირებულების 50%-ით, მაგრამ არაუმეტეს 250 000 ლარისა, ამასთან, ახალი სანერგე მეურნეობის შექმნის შემთხვევაში, სანერგეების კომპონენტით განსაზღვრული მიზნობრიობ(ებ)ის ჯამური ღირებულება უნდა შეადგენდეს არანაკლებ 100 000 ლარს.“.

5. დანართი №1, დანართი №2, დანართი №4 და დანართი №9 ჩამოყალიბდეს თანდართული რედაქციით.

6. დანართი №6, დანართი №7 და დანართი №8 ამოღებულ იქნეს.

მუხლი 2

დადგენილება ამოქმედდეს გამოქვეყნებისთანავე და არ გავრცელდეს ა(ა)იპ − სოფლის განვითარების სააგენტოში დადგენილების ამოქმედებამდე წარდგენილ განაცხადებზე, გარდა სანერგე მეურნეობის თანადაფინანსების კომპონენტის ფარგლებში წარდგენილი განაცხადებისა. ამ განაცხადებზე, გარდა სანერგე მეურნეობის თანადაფინანსების კომპონენტის ფარგლებში წარდგენილი განაცხადებისა, გავრცელდეს „დანერგე მომავალი“ სახელმწიფო პროგრამის დამტკიცების შესახებ“ საქართველოს მთავრობის 2015 წლის 12 თებერვლის №56 დადგენილებით დამტკიცებული „სახელმწიფო პროგრამის − „დანერგე მომავლის“ განაცხადების წარდგენის დროს მოქმედი რედაქციით განსაზღვრული პირობები.

პრემიერ - მინისტრი გიორგი გახარია

დანართი №1

მრავალწლიანი კულტურების ნუსხა რეგიონების მიხედვით

რეგიონი	კურკოვანი	კენკროვნები	სუბტროპიკული	კაკლოვანი	თესლოვანი
კახეთი	ატამი, ქლიავი, ტყემალი, ბალი, ზეთისხილი, ალუბალი, გარგარი.	ჟოლო, მაყვალი.	ხურმა, ბროწეული, კივი, ლეღვი	კაკალი, ნუში თხილი, ფსტა (ფისტა).	ვაშლი, მსხალი, კომში.
შიდა ქართლი	ატამი, ქლიავი, ტყემალი, ბალი, გარგარი, შინდი, ალუბალი.	მოცხარი, ხურტკმელი, ჟოლო, მაყვალი.	-	კაკალი, თხილი, ნუში.	ვაშლი, მსხალი, კომში.
ქვემო ქართლი	ატამი, ქლიავი, ტყემალი, ბალი, გარგარი, ალუბალი, ზეთისხილი.	მოცხარი, ხურტკმელი, ჟოლო, მაყვალი.	ხურმა, ბროწეული, ლეღვი.	კაკალი, ნუში, თხილი, ფსტა (ფისტა).	მსხალი, ვაშლი, კომში.
მცხეთა-მთიანეთი	ატამი, ქლიავი, ტყემალი, ბალი, ალუბალი.	მოცხარი, ხურტკმელი, ჟოლო, მაყვალი.	-	კაკალი, ნუში, თხილი.	ვაშლი, მსხალი, კომში.
სამცხე-ჯავახეთი	ატამი, ქლიავი, ტყემალი, ბალი, ალუბალი.	მოცხარი, ხურტკმელი, ჟოლო, მაყვალი.	-	კაკალი	ვაშლი, მსხალი, კომში.
იმერეთი	ქლიავი, ტყემალი, ბალი, ალუბალი.	მოცხარი, ხურტკმე ლი, ჟოლო, ლურჯი მოცვი, მაყვალი.	ხურმა, ლეღვი, დაფნა**.	კაკალი, თხილი.	ვაშლი, მსხალი.
რაჭა-ლეჩხუმი ქვემო სვანეთი	ქლიავი, ტყემალი, ბალი, ალუბალი.	მაყვალი, ჟოლო.	ხურმა, ლეღვი.	კაკალი, თხილი.	ვაშლი, მსხალი, კომში.
სამეგრელო-ზემო სვანეთი	ქლიავი, ტყემალი, ალუბალი, ბალი.	ლურჯი მოცვი, მაყვალი, ჟოლო.	ხურმა, კივი, ფეიხოა, მანდარინი, ფორთოხალი, ლეღვი, ლიმონი, დაფნა.	თხილი, კაკალი.	მსხალი, ვაშლი.
გურია	ქლიავი, ტყემალი, ბალი, ალუბალი.	ლურჯი მოცვი, მაყვალი, ჟოლო.	ხურმა, კივი, ფეიხოა, მანდარინი, ლეღვი, ფორთოხალი, ლიმონი, დაფნა.	თხილი, კაკალი.	ვაშლი, მსხალი.
აჭარა	ქლიავი, ტყემალი, ბალი, ალუბალი.	ლურჯი მოცვი, მაყვალი, ჟოლო.	ხურმა, კივი, ფეიხოა, მანდარინი, ფორთოხალი, ლეღვი, ლიმონი, დაფნა***.	თხილი, კაკალი.	ვაშლი, მსხალი.

*შენიშვნა: ზეთისხილის კულტურა დაფინანსდება ქვემო ქართლის მხოლოდ გარდაბნისა და მარნეულის მუნიციპალიტეტებში.

** დაფნის კულტურა დაფინანსდება იმერეთის ყველა მუნიციპალიტეტში, გარდა ტყიბულის, ჭიათურის, საჩხერისა და ხარაგაულის მუნიციპალიტეტებისა;

*** დაფნის კულტურა დაფინანსდება აჭარის ყველა მუნიციპალიტეტში, გარდა ქედის, შუახევისა და ხულოს მუნიციპალიტეტებისა.

დანართი №2

თანადაფინანსების მაქსიმალური მოცულობის ცხრილი კულტურების მიხედვით

კულტურის დასახელება	თანადაფინანსების მაქსიმალური ოდენობა ადგილზე შეძენილ ერთ ნერგზე (ლარში)	თანადაფინანსების მაქსიმალური ოდენობა იმპორტირებულ (აშშ /ევროკავშირი/დიდი ბრიტანეთი) ერთ ნერგზე (ლარში )	თანადაფინანსების მაქსიმალური ოდენობა იმპორტირებულ (სხვა დანარჩენი მსოფლიო) ერთ ნერგზე ლარში)	თანადაფინანსე ბის მაქსიმალური ოდენობა ადგილზე შეძენილ ერთ ნერგზე (ლარში)	თანადაფინანსების მაქსიმალური ოდენობა იმპორტირებულ (აშშ /ევროკავშირი/დიდი ბრიტანეთი) ერთ ნერგზე (ლარში)	თანადაფინანსე ბის მაქსიმალური ოდენობა იმპორტირებულ (სხვა დანარჩენი მსოფლიო) ერთ ნერგზე (ლარში)
	ფიზიკურ და იურიდიულ პირებს			სასოფლო -სამეურნეო სტატუსის მქონე კოოპერატივებს , გამყოფი ხაზის მიმდებარე სოფლებსა და მაღალმთიან დასახლებებს
კურკოვანი კულტურები
ატამი	3.50	4.69	4.06	4.00	5.36	4.64
ქლიავი	3.50	4.62	3.99	4.00	5.28	4.56
ბალი	3.50	4.76	4.34	4.00	5.44	4.96
ალუბალი	3.50	3.29	3.01	4.00	3.76	3.44
გარგარი	3.50	5.11	4.69	4.00	5.84	5.36
ტყემალი	3.50	4.41	3.71	4.00	5.04	4.24
შინდი	3.50	4.69	4.06	4.00	5.36	4.64
ზეთისხილი	4.90	7.91	6.65	5.60	9.04	7.60
კენკროვანი კულტურები
მოცხარი	2.10	2.45	1.89	2.40	2.80	2.16
ხურტკმელი	1.40	2.45	1.89	1.60	2.80	2.16
ჟოლო	1.40	2.24	1.75	1.60	2.56	2.00
მაყვალი	1.40	2.52	2.17	1.60	2.88	2.48
ლურჯი მოცვი	4.90	6.16	5.46	5.60	7.04	6.24
სუბტროპიკული კულტურები
ხურმა	2.80	5.11	4.55	3.20	5.84	5.20
კივი	1.40	4.69	4.41	1.60	5.36	5.04
ფეიხოა	1.40	3.99	3.64	1.60	4.56	4.16
ბროწეული	1.40	3.15	2.94	1.60	3.60	3.36
ლიმონი	2.10	3.99	3.64	2.40	4.56	4.16
ფორთოხალი	2.10	3.99	3.64	2.40	4.56	4.16
მანდარინი	2.10	3.99	3.64	2.40	4.56	4.16
ლეღვი	2.80	11.13	8.47	3.20	12.72	9.68
დაფნა	1.40	-	-	1.60	-	-
თესლოვანი კულტურები
მსხალი	3.50	4.34	3.22	4.00	4.96	3.68
კომში	3.50	5.18	4.34	4.00	5.92	4.96
ვაშლი	3.50	6.86	5.18	4.00	7.84	5.92
კაკლოვანი კულტურები
თხილი	1.75	1.68	1.89	2.00	1.92	2.16
კაკალი	10.5	12.25	11.13	12.00	14.00	12.72
ნუში	4.20	6.23	4.97	4.80	7.12	5.68
ფსტა (ფისტა) ნამყენი	10.50	18.62	13.44	12.00	21.28	15.36
ფსტა (ფისტა)	5,60	11,27	9,59	6,4	12.88	10,96

დანართი №4

ნერგების 1 ჰა-ზე დასარგავი მინიმალური რაოდენობა მრავალწლიანი კულტურების მიხედვით

(მცენარეების დასაშვები მინიმალური სიხშირე 1 ჰა-ზე ინტენსიური და ნახევრად ინტენსიური ტიპის ბაღების გაშენების მიზნით)

მრავალწლოვანი კულტურები	ნერგების მინიმალური რაოდენობა - 1 ჰა	ნარგაობის ტიპი	სარეკომენდაციო კვების არე, მეტრი
კურკოვნები
ატამი	500	ნახევრად ინტენსიური	5 X 4, 5 X 3,
ქლიავი	660	ნახევრად ინტენსიური	5 X 4, 5 X 3,
ბალი	660	ნახევრად ინტენსიური	5 X 4, 5 X 3,
ტყემალი	500	ნახევრად ინტენსიური	5 X 4, 5 X 3,
გარგარი	400	ნახევრად ინტენსიური	5 X 4, 5 X 3
ზეთისხილი	500	ნახევრად ინტენსიური	6 X 3, 5 X 3,
ალუბალი	350	ნახევრად ინტენსიური	6 X 4, 7 X 4, 5 X 4
შინდი	350	ნახევრად ინტენსიური	6 X 4, 7 X 4, 5 X 4
თესლოვნები
ვაშლი MM106	660	ნახევრად ინტენსიური	5 X 3, 5 X 2.5
ვაშლი M9	1 660	ინტენსიური	4,0-3,6 X 1, 5 - 1,0
მსხალი	600	ნახევრად ინტენსიური	5 X 3, 5 X 3,3 საშუალო საძირე, 4 X 2, 4 X 1,5, 4 X 1,25 - სუსტი საძირე (ნაგალა)
კომში	500
სუბტროპიკული
ხურმა	400	ნახევრად ინტენსიური	6 X 4, 5 X 4,
ბროწეული	500	ნახევრად ინტენსიური	5 X 4, 5 X 3,
კივი	400	ინტენსიური	4 X 4,
ფეიხოა	500	ინტენსიური	5 X 4, 5 X 3,
ლიმონი	800	ინტენსიური	4 X 2, 4 X 2,5, 4 X 3
ფორთოხალი	500	ინტენსიური	6 X 4, 5 X 4, 5 X 3
მანდარინი	500	ინტენსიური
ლეღვი	333		6 X 5
დაფნა	5700		1,75X1
კაკლოვანი
კაკალი	155	ინტენსიური	8 X 5, 8 X 6, 7 X 5
თხილი	500	ინტენსიური	5 X 4, 5 X 3, 5 X 2
ნუში	300	ინტენსიური	6 X 4, 5 X 4,
ფსტა (ფისტა)	270
კენკროვანი
ლურჯი მოცვი	3 000	ინტენსიური	3,0-2,0 X 1,0 - 1,2
მოცხარი	2100	ინტენსიური	3,0-2,0 X 1,0 - 1,2
მაყვალი (უეკლო ან მსხვილნაყოფა)	2500	ინტენსიური	3,0 X 1,30, 2,5 X 1,30
ხურტკმელი	2100	ინტენსიური	3,0-2,0 X 1,0 - 1,2
ჟოლო	4700	ინტენსიური	3,0-2,0 X 0,5 - 0,7

დანართი №9

1 ჰა-ზე სეტყვის საწინააღმდეგო სისტემების მოწყობის ღირებულება

სასოფლო-სამეურნეო კულტურა	მწარმოებელი ქვეყანა	სეტყვის საწინააღმდეგო სისტემის ღირებულება	სეტყვის საწინააღმდეგო სისტემის მონტაჟის ღირებულება
ვაშლი, მსხალი, ბალი	ევროპული წარმოების	63,000 ლარი	10,000 ლარი
ვაშლი, მსხალი, ბალი	თურქული წარმოების	42,000 ლარი	5,500 ლარი