“საქართველოს იუსტიციის სამინისტროსა და მის სისტემაში შემავალ ორგანოებში არსებული ინფორმაციისათვის საიდუმლო გრიფის მინიჭებაზე უფლებამოსილი თანამდებობის პირების შესახებ”

სახელმწიფო სარგეისტრაციო კოდი 010.012.004.193

საქართველოს იუსტიციის  მინისტრის

 ბრძანება №45

2000 წლის 11 აპრილი

ქ. თბილისი

საქართველოს იუსტიციის სამინისტროსა და მის სისტემაში შემავალ  ორგანოებში არსებული ინფორმაციისათვის საიდუმლო გრიფის მინიჭებაზე უფლებამოსილი თანამდებობის პირების შესახებ

1. საქართველოს ზოგადი ადმინისტრაციული კოდექსის მოთხოვნათა შესაბამისად, საქართველოს იუსტიციის სამინისტროსა და მის სისტემაში შემავალ ორგანოებში არსებული ინფორმაციისათვის პროფესიული, კომერციული და პირადი საიდუმლოებისადმი მიკუთვნება და დადგენილი ნიმუშის გრიფის მინიჭება განახორციელონ იუსტიციის მინისტრის მოადგილეებმა (ტ. კულულაშვილი, მ. ცაცანაშვილი, ე. სვანიძე);

2. სამინისტროს საერთო განყოფილებამ (ლ. ბაგაშვილი) მიიღოს სათანადო ზომები, რათა არ დაუშვას პროფესიული, კომერციული და პირადი საიდუმლოებისადმი მიკუთვნებული ინფორმაციის შეტანა საჯარო რეესტრში.

3. ეს ბრძანება ამოქმედდეს გამოქვეყნებისთანავე.

ჯ. ხეცურიანი