„საჯარო სამართლის იურიდიული პირის – შრომის ინსპექციის სამსახურის დებულების დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 26 ნოემბრის N01-119/ნ ბრძანებაში ცვლილების შეტანის თაობაზე

„3. ამ ბრძანების ამოქმედებიდან, 2021 წლის 1 აპრილის ჩათვლით, დაწესდეს გარდამავალი პერიოდი (შემდგომში − გარდამავალი პერიოდი). სსიპ – შრომის ინსპექციის სამსახურს მიეცეს უფლება, გარდამავალ პერიოდში, თავისი უფლებამოსილებების განხორციელების მიზნით, შესაბამისი დოკუმენტაციის და/ან ინვენტარის ქონების გადაცემამდე ან შეძენამდე, ისარგებლოს სამინიტროს ბალანსზე რიცხული შესაბამისი ქონებითა და სამსახურებრივი დოკუმენტაციით (მათ შორის, შესაბამისი საარქივო მასალითა და სხვა დოკუმენტაციით) ელექტრონული სერვისებით/სისტემებით, მონაცემთა ბაზებით, ვებგვერდითა და სხვა. ასევე, სსიპ – შრომის ინსპექციის სამსახურმა მარაგის ამოწურვამდე გამოიყენოს „საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ გამოსაყენებელი ადმინისტრაციული სამართალდარღვევის ოქმის ფორმის, მისი შევსებისა და წარდგენის წესის, სააღსრულებო ფურცლის ფორმის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2018 წლის 19 ივლისის №01-1/ნ ბრძანებით დამტკიცებული ადმინისტრაციული სამართალდარღვევის ოქმი და სააღსრულებო ფურცელი, სათანადო ფორმით.“.