„საოლქო საარჩევნო კომისიების მიერ საუბნო საარჩევნო კომისიებში ვაკანტური ადგილების შევსების წესის შესახებ”

საქართველოს ცენტრალური საარჩევნო კომისიის

დადგენილება №26/2000

2000 წლის 1 მარტი

ქ. თბილისი

საოლქო საარჩევნო კომისიების მიერ საუბნო საარჩევნო კომისიებში ვაკანტური ადგილების შევსების წესის შესახებ

I. „ საქართველოს პარლამენტის არჩევნების შესახებ“ ორგანული კანონის მე-18  მუხლის მე-5 პუნქტის შესაბამისად და საარჩევნო კანონმდებლობის ერთგვაროვანი გამოყენების მიზნით,

საქართველოს ცენტრალური საარჩევნო კომისია ადგენს:

1. საუბნო საარჩევნო კომისიებში კომისიის წევრის ვაკანტური ადგილის წარმოშობის შემთხვევაში საოლქო საარჩევნო კომისიამ „საქართველოს პარლამენტის არჩევნების შესახებ“ საქართველოს ორგანული კანონის 27-ე მუხლის შესაბამისად ახალი წარდგინებები მიიღოს 3 დღის ვადაში და კომისიის წევრები დანიშნოს წარდგინების ვადის დამთავრებიდან 3 დღეში.

2. ამ დადგენილების მიღებამდე აღმოჩენილ ვაკანტურ ადგილზე წარდგინებების მიღება განახორციელოს საოლქო საარჩევნო კომისიამ ამ დადგენილების მიღებიდან ერთი კვირის ვადაში (არაუგვიანეს 10 მარტისა) და კომისიის წევრები დანიშნოს წარდგინების ვადის დამთავრებიდან 5 დღეში (არაუგვიანეს 15 მარტისა).

II. ეს დადგენილება ამოქმედდეს გამოქვეყნებისთანავე.

კომისიის თავმჯდომარე                                                                                               ჯუმბერ ლომინაძე