საქართველოში ახალი კორონა ვირუსით გამოწვეული სოციალურ-ეკონომიკური მდგომარეობის გაუარესების გამო, ადიგენის მუნიციპალიტეტის მოსახლეობის (ფიზიკური პირები) დასუფთავების მოსაკრებლისაგან გათავისუფლების შესახებ

საქართველოს ორგანული კანონის ,,ადგილობრივი თვითმმართველობის კოდექსი“ 24-ე მუხლის პირველი პუნქტის ,,დ.ბ“ ქვეპუნქტის, „ადგილობრივი მოსაკრებლების შესახებ“ საქართველოს კანონის მე-3 მუხლის პირველი პუნქტის, მე-4 მუხლის მე-2 პუნქტის საფუძველზე და ,,კომუნალური გადასახადების სუბსიდირების წესისა და პირობების დამტკიცების შესახებ“ საქართველოს მთავრობის 2020 წლის 30 ოქტომბრის  №655 დადგენილების მე-6 მუხლის  შესაბამისად, ადიგენის მუნიციპალიტეტის საკრებულო ადგენს:

საქართველოში ახალი კორონა ვირუსით გამოწვეული სოციალურ ეკონომიკური მდგომარეობის გაუარესების გამო, ადიგენის მოსახლეობა (ფიზიკური პირები) სრულიად გათავისუფლდნენ 2020 წლის ნოემბრის, დეკემბრის და 2021 წლის იანვრის, თებერვლის თვეების დასუფთავების მოსაკრებლის გადასახადისაგან.

ფიზიკურ პირებს, რომლებსაც უკვე გადახდილი აქვთ 2020 წლის ნოემბრის, დეკემბრის და 2021 წლის იანვრის და თებერვლის თვეების დასუფთავების მოსაკრებელი, გადახდილი თანხა აესახოთ პირად სააბონენტო ბარათზე, გარდა მე-3 მუხლში ჩამოთვლილი პირებისა.

ფიზიკურ პირებს უფლება აქვთ უარი განაცხადონ სუბსიდირებაზე, რომლის შესახებაც განცხადებით უნდა მიმართონ ა.ა.ი.პ.  „ადიგენის დასუფთავების სამსახურის“ ადმინისტრაციას (ს/კ 422720611).

დადგენილება ამოქმედდეს გამოქვეყნებისთანავე და მისი მოქმედება გავრცელდეს 2020 წლის 1 ნოემბრიდან წარმოშობილ სამართლებრივ ურთიერთობებზე.