„საქართველოს პრეზიდენტობის კანდიდატთა მიერ საარჩევნო კამპანიისათვის საარჩევნო ფონდის შექმნისა და გამოყენების წესის შესახებ“

სახელმწიფო სარეგისტრაციო კოდი                           010.008.004.100

საქართველოს ცენტრალური საარჩევნო კომისიის

დადგენილება №19/2000

2000 წლის 17 თებერვალი

ქ. თბილისი

საქართველოს პრეზიდენტობის კანდიდატთა მიერ საარჩევნო კამპანიისათვის საარჩევნო ფონდის შექმნისა და გამოყენების წესის შესახებ

საქართველოს ცენტრალური საარჩევნო კომისია ადგენს:

1. „საქართველოს პრეზიდენტის არჩევნების შესახებ“  საქართველოს ორგანული კანონის მე-13 მუხლის შესაბამისად, საქართველოს პრეზიდენტობის კანდიდატები სახსრების გამოყენებასა და საფინანსო-საბუღალტრო საქმიანობას ეწევიან „საქართველოს პრეზიდენტის არჩევნების შესახებ“ საქართველოს ორგანული კანონის, ამ საქმიანობის მარეგულირებელი სხვა ნორმატიული აქტებისა და ამ დადგენილების შესაბამისად.

2. საქართველოს პრეზიდენტის არჩევნებში მონაწილე პრეზიდენტობის კანდიდატებს შეუძლიათ შექმნან საარჩევნო ფონდები, რისთვისაც ხსნიან ბანკში საანგარიშსწორებო ანგარიშს. ამ მიზნით მათ უფლება აქვთ გამოიყენონ სახელმწიფოს მიერ გამოყოფილი თანხა, საკუთარი სახსრები, მხოლოდ საქართველოში რეგისტრირებულ არასახაზინო საწარმოთა, საქართველოს მოქალაქეთა, პოლიტიკურ და საზოგადოებრივ გაერთიანებათა შემოწირულობანი.

3. დადგინდეს საქართველოს პრეზიდენტობის კანდიდატის საარჩევნო ფონდში ერთი (იურიდიული, ფიზიკური) პირის შემოწირულობის ზღვრული ოდენობა _ 50000 ლარი.

4. დადგინდეს საქართველოს პრეზიდენტის არჩევნებში მონაწილე პრეზიდენტობის კანდიდატის საარჩევნო ფონდიდან დახარჯული თანხის ზღვრული ოდენობა _ 1000000 ლარი.

5. პრეზიდენტობის კანდიდატების მიერ არჩევნებისათვის ამ დადგენილების მე-2 პუნქტით გათვალისწინებული თანხების დახარჯვა ხდება მხოლოდ საარჩევნო ფონდის საშუალებით.

6. საარჩევნო ფონდს განაგებს მისი გამგეობა ფონდის გამგებლის, ბუღალტრისა და მოლარის შემადგენლობით, რომელთაც ნიშნავს პრეზიდენტობის კანდიდატი.

7. პასუხისმგებლობა ფონდის მიზნობრივი გამოყენებისათვის ეკისრება საარჩევნო ფონდის გამგებელს.

8. საარჩევნო ფონდი იქმნება ცენტრალურ საარჩევნო კომისიაში პრეზიდენტობის კანდიდატის რეგისტრაციის შემდეგ.

9. პრეზიდენტობის კანდიდატი ცენტრალური საარჩევნო კომისიის მიმართვის საფუძველზე ხსნის ანგარიშს საქართველოში რეგისტრირებულ ბანკებში (მათ შესაბამის განყოფილებებში), რის შესახებ აცნობებს ცენტრალურ საარჩევნო კომისიას. ანგარიში იხსნება მხოლოდ ეროვნული ვალუტით.

10. პრეზიდენტობის კანდიდატის საარჩევნო ფონდს შეიძლება ჰქონდეს მხოლოდ ერთი საბანკო ანგარიში. პრეზიდენტობის კანდიდატის პირადი ანგარიში არ შეიძლება გამოყენებულ იქნეს საარჩევნო ფონდის ანგარიშად.

11. ნება დაერთოს საარჩევნო ფონდს მოზიდული სახსრების ხარჯვა აწარმოოს როგორც უნაღდო, ისე ნაღდი ანგარიშსწორებით. ყველა სახის ოპერაციები უნდა გაფორმდეს დოკუმენტურად.

12. საარჩევნო ფონდის შემოსავლად ჩაითვალოს როგორც მის ანგარიშზე ჩარიცხული ფულადი სახსრები, ასევე უფასოდ მიღებული ყველა საქონელი, სამუშაოები, მომსახურება (საბაზრო ფასებით).

13. პრეზიდენტის არჩევნების საბოლოო შედეგების გამოქვეყნებიდან არა უგვიანეს 30 დღისა პრეზიდენტობის კანდიდატები ცენტრალურ საარჩევნო კომისიაში წარადგენენ მათ მიერ არჩევნებისათვის გამოყენებული სახსრების ანგარიშს დადგენილი ფორმით, შესაბამისი ბანკის ამონაწერითურთ.

14. არჩევნების დამთავრების შემდეგ პრეზიდენტობის კანდიდატის საარჩევნო ფონდის ნაშთი ჩაირიცხოს საქართველოს ბიუჯეტში.

15. საარჩევნო ფონდის მოქმედება შეწყდეს პრეზიდენტობის კანდიდატის საფინანსო ანგარიშის წარდგენის შემდეგ.

16. პრეზიდენტობის კანდიდატების მიერ საარჩევნო ფონდის შექმნამდე ხარჯების გაწევა ჩაითვალოს ამ დადგენილების დარღვევად.

17. დამტკიცდეს:

ა) ცენტრალური საარჩევნო კომისიის მიმართვის ფორმა საარჩევნო ფონდის ანგარიშის გახსნასთან დაკავშირებით (დანართი №1);

ბ) საქართველოს პრეზიდენტის 2000 წლის 9 აპრილის არჩევნებში მონაწილე პრეზიდენტობის კანდიდატების საფინანსო ანგარიშის ფორმა (დანართი №2)

ჯ. ლომინაძე

დანართი №1

მიმართვა-ცნობა

--------------------------------------

(ბანკის დასახელება)

__________________________________________________________________________________

_________________________________________________________________________________

(საქართველოს პრეზიდენტის არჩევნებში მონაწილე პრეზიდენტობის კანდიდატის

სახელი,გვარი, პირადი ნომერი, მისამართი, ტელეფონის ნომერი)

რეგისტრირებულია საქართველოს პრეზიდენტის 2000 წლის 9 აპრილის არჩევნებში. მას შექმნილი აქვს საარჩევნო ფონდი, რომლის გამგებელიცაა

_________________________________________________________________________________

                         (სახელი, გვარი, პირადი ნომერი, მისამართი, ტელეფონის ნომერი)

ბუღალტერი ______________________________________________________________________

                                     (სახელი, გვარი, პირადი ნომერი, მისამართი, ტელეფონის ნომერი)

გთხოვთ გაუხსნათ საარჩევნო ფონდის ანგარიში.

__________________________________________________________________________________

კომისიის თავმჯდომარე

დანართი №2

საქართველოს პრეზიდენტის 2000 წლის 9 აპრილის არჩევნებში მონაწილე პრეზიდენტობის კანდიდატის

ს ა ფ ი ნ ა ნ ს ო  ა ნ გ ა რ ი შ ი

__________________________________________________________________________________

__________________________________________________________________________________

(საქართველოს პრეზიდენტის არჩევნებში მონაწილე პრეზიდენტობის კანდიდატის

სახელი,გვარი, პირადი ნომერი, მისამართი, ტელეფონის ნომერი)

საარჩევნო ფონდის საბანკო რეკვიზიტები ________________________

საარჩევნო ფონდის გახსნის თარიღი         ________________________

საარჩევნო ფონდის დახურვის თარიღი     ________________________

საარჩევნო ფონდის გამგებელი:

საარჩევნო ფონდის ბუღალტერი: