შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“ ხონის მუნიციპალიტეტის საკრებულოს 2020 წლის 26 აგვისტოს №22 დადგენილებაში ცვლილების შეტანის თაობაზე

ა) დადგენილების პრეამბულა ჩამოყალიბდეს შემდეგი რედაქციით: 

„საქარველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „უ“ ქვეპუნქტის და მე-4 პუნქტის, 24-ე მუხლის პირველი პუნქტის „ბ.თ“ ქვეპუნქტის, 61-ე მუხლის მე-2 პუნქტის, საქართველოს კანონის „საქართველოს ზოგადი ადმინისტრაციული კოდექსი“ 61-ე მუხლის პირველი პუნქტისა და „შეზღუდული შესაძლებლობის მქონე პირთა სოციალური დაცვის შესახებ“ საქართველოს კანონის თანახმად, ხონის მუნიციპალიტეტის საკრებულო ადგენს:“ 

ბ) დადგენილებით დამტკიცებული დებულების მე-3 მუხლის პირველი პუნქტი ჩამოყალიბდეს შემდეგი რედაქციით:

„1. საბჭო შედგება 9 (ცხრა) წევრისაგან“ 

გ) დებულების მე-9 მუხლის მე-4 პუნქტს დაემატოს „ე“, „ვ“, „ზ“  ქვეპუნქტები და იგი ჩამოყალიბდეს შემდეგი რედაქციით:

„4. საბჭოს წევრს უფლებამოსილება შეუწყდება, თუ: ა). იგი ზედიზედ 3-ჯერ გააცდენს სხდომას არასაპატიო მიზეზით; ბ) მის მიმართ კანონიერ ძალაში შევიდა საბოლოო ინსტანციის სასამართლოს გამამტყუნებელი განაჩენი ან გავიდა კანონიერ ძალაში შესული სასამართლოს გამამტყუნებელი განაჩენის ზემდგომი ინსტანციის სასამართლოში გასაჩივრების ვადა; გ). სასამართლომ აღიარა მხარდამჭერის მიმღებად ან უგზოუკვლოდ დაკარგულად ან გამოაცხადა გარდაცვლილად; დ) გარდაიცვალა; ე) ამ დებულების მე-3 მუხლის მე-5 პუნქტის „ა“, „ბ“, „გ“ ქვეპუნქტებით განსაზღვრული პირი გათავისუფლდება სამსახურიდან; ვ) მერიის პოლიტიკური თანამდებობის პირების უფლებამოსილების შეწყვეტა; ზ) შეზღუდული შესაძლებლობის მქონე პირთა წარმომადგენლების მიმართ უფლებამოსილების შეწყვეტის საფუძველია საბჭოს წევრის პირადი განცხადება.“