„საბიუჯეტო ორგანიზაციების ბუღალტრული აღრიცხვის ანგარიშთა გეგმის და მისი გამოყენების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2020 წლის 15 იანვრის №17 ბრძანებაში ცვლილების შეტანის თაობაზე

1. ბრძანების პირველი მუხლის მე-2 პუნქტი ჩამოყალიბდეს შემდეგი რედაქციით:

„2. ამ ბრძანებით დამტკიცებული ინსტრუქციით ბუღალტრული აღრიცხვის წარმოებისას იხელმძღვანელონ:

ა) საქართველოს ცენტრალური ხელისუფლების საბიუჯეტო ორგანიზაციებმა – 2020 წლის და შემდგომი წლების ეკონომიკური მოვლენების ასახვისათვის;

ბ) საქართველოს ავტონომიური რესპუბლიკის და ადგილობრივი ხელისუფლების საბიუჯეტო ორგანიზაციებმა – 2021 წლის და შემდგომი წლების ეკონომიკური მოვლენების ასახვისთვის.“.

2. ბრძანებით დამტკიცებული „საბიუჯეტო ორგანიზაციების ბუღალტრული აღრიცხვის ანგარიშთა გეგმის და მისი გამოყენების შესახებ ინსტრუქციის“ (შემდგომში – ინსტრუქცია) პირველი მუხლის მე-4 პუნქტი ჩამოყალიბდეს შემდეგი რედაქციით:

„4. აღნიშნული ინსტრუქცია მომზადებულია შემდეგი საჯარო სექტორის ბუღალტრული აღრიცხვის საერთაშორისო სტანდარტების (სსბასს-ების) 2018 წლის ვერსიის საფუძველზე:

ა) სსბასს 1 – ფინანსური ანგარიშგების წარდგენა;

ბ) სსბასს 2 – ფულადი სახსრების მოძრაობის შესახებ ანგარიშგება;

გ) სსბასს 3 – სააღრიცხვო პოლიტიკა, ცვლილებები სააღრიცხვო შეფასებებში და შეცდომები;

დ) სსბასს 4 – უცხოური ვალუტის კურსის ცვლილებებით გამოწვეული შედეგები;

ე) სსბასს 5 – ნასესხებ სახსრებთან დაკავშირებული დანახარჯები;

ვ) სსბასს 9 – შემოსავალი გაცვლითი ოპერაციებიდან;

ზ) სსბასს 12 – მატერიალური მარაგები;

თ) სსბასს 13 – იჯარა;

ი) სსბასს 14 – ანგარიშგების თარიღის შემდგომი მოვლენები;

კ) სსბასს 16 – საინვესტიციო ქონება;

ლ) სსბასს 17 – ძირითადი აქტივები;

მ) სსბასს 19 – ანარიცხები, პირობითი ვალდებულებები და პირობითი აქტივები;

ნ) სსბასს 20 – დაკავშირებულ მხარეთა შესახებ განმარტებითი შენიშვნები;

ო) სსბასს 21 – ფულადი სახსრების არწარმომქმნელი აქტივების გაუფასურება;

პ) სსბასს 23 – შემოსავალი არაგაცვლითი ოპერაციებიდან (გადასახადები და ტრანსფერები);

ჟ) სსბასს 24 – ბიუჯეტის შესახებ ინფორმაციის წარდგენა ფინანსურ ანგარიშგებაში;

რ) სსბასს 26 – ფულადი სახსრების წარმომქმნელი აქტივების გაუფასურება;

ს) სსბასს 31 – არამატერიალური აქტივები;

ტ) სსბასს 32 – შეღავათიანი მომსახურების შეთანხმებები: უფლების გადამცემი;

უ) სსბასს 34 – ინდივიდუალური ფინანსური ანგარიშგება;

ფ) სსბასს 35 – კონსოლიდირებული ფინანსური ანგარიშგება;

ქ) სსბასს 36 – ინვესტიციები მეკავშირე ერთეულებსა და ერთობლივ საქმიანობებში;

ღ) სსბასს 37 – ერთობლივი შეთანხმებები;

ყ) სსბასს 39 – დაქირავებულთა სარგებელი.“.

3. ინსტრუქციის მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. ეკონომიკური მოვლენების მოკორესპოდენტო ბუღალტრულ ანგარიშებზე (ბუღალტრულ გატარებებში) ასახვა ხდება პირველად დოკუმენტებში მითითებული ოპერაციების და სხვა მოვლენების მოხდენის თარიღით და მიეკუთვნება იმ პერიოდის ანგარიშგებას, რომელსაც უკავშირდება აღნიშნული მოვლენა, გარდა კანონმდებლობით გათვალისწინებული გამონაკლისი შემთხვევებისა“.

4. ინსტრუქციის მე-6 მუხლი ჩამოყალიბდეს შემდეგი რედაქციით: 

„მუხლი 6. ფულადი სახსრები და მათი ეკვივალენტები

1. ანგარიში – ფულადი სახსრები და მათ ეკვივალენტები (1-11-0000) მოიცავს: ფულად სახსრებს სალაროში (1-11-1000), მიმდინარე ანგარიშებს ბანკში (1-11-2000) და ფულადი სახსრების ეკვივალენტებს (1-11-3000).
2. ანგარიში – ფულადი სახსრები სალაროში მოიცავს: ნაღდ ფულს ეროვნულ ვალუტაში (1-11-1100) და ნაღდ ფულს უცხოურ ვალუტაში (1-11-1200).
3. ანგარიშზე – „ფულადი სახსრები სალაროში ეროვნულ ვალუტაში“ (1-11-1100)– აღირიცხება სალაროში არსებული ნაღდი ფული ეროვნულ ვალუტაში.
4. ანგარიშზე – „ფულადი სახსრები სალაროში უცხოურ ვალუტაში“ (1-11-1200)– აღირიცხება სალაროში არსებული ნაღდი ფული უცხოურ ვალუტაში, უცხოური ვალუტის ნომინალით და შესაბამისი კურსით ეროვნულ ვალუტაში.
5. ანგარიში – მიმდინარე ანგარიში ბანკში მოიცავს: ხაზინის ერთიან ანგარიშს ეროვნულ ბანკში (1-11-2100), ხაზინის სავალუტო ანგარიშს ეროვნულ ბანკში (1-11-2200), ხაზინის ანგარიშებს კომერციულ ბანკებში (1-11-2300) და საბიუჯეტო ორგანიზაციების ანგარიშებს კომერციულ ბანკებში (1-11-2400).
6. ანგარიში – ხაზინის ერთიან ანგარიში ეროვნულ ბანკში (1-11-2100) მოიცავს: სახელმწიფო ბიუჯეტის ფულად სახსრებს (1-11-2110), დეპოზიტებს ხაზინაში ეროვნულ ვალუტაში (1-11-2120), დეპოზიტებს ხაზინაში უცხოურ ვალუტაში (1-11-2130) და სხვა ანგარიშებს ხაზინაში (1-11-2140).
7. ანგარიშზე – „სახელმწიფო ბიუჯეტის ფულადი სახსრები“ (1-11-2110) აღირიცხება ეროვნულ ბანკში სახელმწიფო ხაზინის განკარგულებაში არსებული ფულადი სახსრები, ეროვნულ ვალუტაში.
8. ანგარიშზე – „დეპოზიტები ხაზინაში ეროვნულ ვალუტაში“ (1-11-2120) აღირიცხება ხაზინის ანგარიშებზე განთავსებული დეპოზიტები ეროვნულ ვალუტაში.
9. ანგარიშზე – „დეპოზიტები ხაზინაში უცხოურ ვალუტაში“ (1-11-2130) აღირიცხება ხაზინის ანგარიშებზე განთავსებული დეპოზიტები უცხოურ ვალუტაში.
10. ანგარიშზე – „სხვა ანგარიშები ხაზინაში“ (1-11-2140) აღირიცხება ხაზინაში გახსნილ ანგარიშებზე განთავსებული ნებისმიერი სხვა სახსრები, რომელთა აღრიცხვა არ არის გათვალისწინებული ხაზინაში გახსნილი ანგარიშების ზემოთ ჩამოთვლილ კატეგორიებში.
11. ანგარიშზე – „ხაზინის სავალუტო ანგარიში ეროვნულ ბანკში“ (1-11-2200) აღირიცხება ეროვნულ ბანკში სახელმწიფო ხაზინის განკარგულებაში არსებული ფულადი სახსრები, უცხოურ ვალუტაში, უცხოური ვალუტის ნომინალით და შესაბამისი კურსით ეროვნულ ვალუტაში.
12. ანგარიში – ხაზინის ანგარიშები კომერციულ ბანკებში (1-11-2300) მოიცავს: ხაზინის ანგარიშს კომერციულ ბანკში ეროვნულ ვალუტაში (1-11-2310) და ხაზინის ანგარიშს კომერციულ ბანკში უცხოურ ვალუტაში (1-11-2320).
13. ანგარიშზე – „ხაზინის ანგარიში კომერციულ ბანკში ეროვნულ ვალუტაში“ (1-11-2310) აღირიცხება კომერციულ ბანკში სახელმწიფო ხაზინის განკარგულებაში არსებული ფულადი სახსრები ეროვნულ ვალუტაში.
14. ანგარიშზე – „ხაზინის ანგარიში კომერციულ ბანკში უცხოურ ვალუტაში“ (1-11-2320) აღირიცხება კომერციულ ბანკში სახელმწიფო ხაზინის განკარგულებაში არსებული ფულადი სახსრები უცხოურ ვალუტაში, უცხოური ვალუტის ნომინალით და შესაბამისი კურსით ეროვნულ ვალუტაში.
15. ანგარიში – საბიუჯეტო ორგანიზაციების ანგარიშები კომერციულ ბანკებში (1-11-2400) მოიცავს საბიუჯეტო ორგანიზაციის ანგარიშს კომერციულ ბანკში ეროვნულ ვალუტაში (1-11-2410); საბიუჯეტო ორგანიზაციის ანგარიშს კომერციულ ბანკში უცხოურ ვალუტაში (1-11-2420) და საბიუჯეტო ორგანიზაციის სხვა ანგარიშს კომერციულ ბანკში (1-11-2430).
16.  ანგარიში – „საბიუჯეტო ორგანიზაციის ანგარიში კომერციულ ბანკში ეროვნულ ვალუტაში“ (1-11-2410) მოიცავს: საბიუჯეტო ორგანიზაციის მიმდინარე ანგარიშს კომერციულ ბანკში ეროვნულ ვალუტაში (1-11-2411) და საბიუჯეტო ორგანიზაციის ანგარიშს დეპოზიტებით კომერციულ ბანკში ეროვნულ ვალუტაში (1-11-2412).
17.  ანგარიშზე – „საბიუჯეტო ორგანიზაციის მიმდინარე ანგარიში კომერციულ ბანკში ეროვნულ ვალუტაში (1-11-2411) აღირიცხება ორგანიზაციის არასაბიუჯეტო (საკუთარი) სახსრებით საქმიანობასთან და საბიუჯეტო საქმიანობასთან დაკავშირებული ფულადი სახსრები ეროვნულ ვალუტაში, მიმდინარე ანგარიშზე კომერციულ ბანკში.
18.  ანგარიშზე – „საბიუჯეტო ორგანიზაციის ანგარიში დეპოზიტებით კომერციულ ბანკში ეროვნულ ვალუტაში (1-11-2412) აღირიცხება ორგანიზაციის არასაბიუჯეტო (საკუთარი) სახსრებით საქმიანობასთან და საბიუჯეტო საქმიანობასთან დაკავშირებული დეპოზიტები ეროვნულ ვალუტაში კომერციულ ბანკში.
19. ანგარიშზე – „საბიუჯეტო ორგანიზაციის ანგარიში კომერციულ ბანკში უცხოურ ვალუტაში“ (1-11-2420) აღირიცხება ორგანიზაციის არასაბიუჯეტო (საკუთარი) სახსრებით საქმიანობასთან და საბიუჯეტო საქმიანობასთან დაკავშირებული ფულადი სახსრები უცხოურ ვალუტაში კომერციულ ბანკში, უცხოური ვალუტის ნომინალით და შესაბამისი კურსით ეროვნულ ვალუტაში.
20. ანგარიშზე – საბიუჯეტო ორგანიზაციის სხვა ანგარიში კომერციულ ბანკში (1-11-2430) აღირიცხება საბიუჯეტო და არასაბიუჯეტო სახსრები კომერციულ ბანკში.
21. ანგარიშზე – ფულადი სახსრების ეკვივალენტები (1-11-3000) აღირიცხება სამ თვემდე ვადიანი საბანკო დეპოზიტები ეროვნულ ვალუტაში (1-11-3100) და სამ თვემდე ვადიანი საბანკო დეპოზიტები უცხოურ ვალუტაში (1-11-3200) .
22. ანგარიში – „სამ თვემდე ვადიანი საბანკო დეპოზიტები ეროვნულ ვალუტაში“ (1-11-3100) მოიცავს: საბიუჯეტო სახსრებით სამ თვემდე ვადიან საბანკო დეპოზიტებს ეროვნულ ვალუტაში (1-11-3110) და არასაბიუჯეტო (საკუთარი) სახსრებით სამ თვემდე ვადიან საბანკო დეპოზიტებს ეროვნულ ვალუტაში (1-11-3120).
23. ანგარიშზე – „საბიუჯეტო სახსრებით სამ თვემდე ვადიანი საბანკო დეპოზიტები ეროვნულ ვალუტაში“ (1-11-3110) აღირიცხება საბიუჯეტო სახსრებით ერთეულის სამ თვემდე ვადიანი საბანკო დეპოზიტები ეროვნულ ვალუტაში.
24. ანგარიშზე – „არასაბიუჯეტო (საკუთარი) სახსრებით სამ თვემდე ვადიანი საბანკო დეპოზიტები ეროვნულ ვალუტაში“ (1-11-3120) აღირიცხება არასაბიუჯეტო (საკუთარი) სახსრებით ერთეულის სამ თვემდე ვადიანი საბანკო დეპოზიტები ეროვნულ ვალუტაში.
25. ანგარიში – „სამ თვემდე ვადიანი საბანკო დეპოზიტები უცხოურ ვალუტაში“ (1-11-3200) მოიცავს: საბიუჯეტო სახსრებით სამ თვემდე ვადიან საბანკო დეპოზიტებს უცხოურ ვალუტაში (1-11-3210) და არასაბიუჯეტო (საკუთარი) სახსრებით სამ თვემდე ვადიან საბანკო დეპოზიტებს უცხოურ ვალუტაში (1-11-3220).
26. ანგარიშზე – „საბიუჯეტო სახსრებით სამ თვემდე ვადიანი საბანკო დეპოზიტები უცხოურ ვალუტაში“ (1-11-3210) აღირიცხება საბიუჯეტო სახსრებით ერთეულის სამ თვემდე ვადიანი საბანკო დეპოზიტები უცხოურ ვალუტაში.
27. ანგარიშზე – „არასაბიუჯეტო (საკუთარი) სახსრებით სამ თვემდე ვადიანი საბანკო დეპოზიტები უცხოურ ვალუტაში“ (1-11-3220) აღირიცხება არასაბიუჯეტო (საკუთარი) სახსრებით ერთეულის სამ თვემდე ვადიანი საბანკო დეპოზიტები უცხოურ ვალუტაში.“.

5. ინსტრუქციის მე-7 მუხლის:

 ა) პირველი პუნქტი ჩამოყალიბდეს შემდეგი რედაქციით:

„1. ანგარიში – მოკლევადიანი (მიმდინარე) ინვესტიციები (1-12-0000) მოიცავს: ერთ წლამდე ვადით გაცემულ კრედიტებს და სესხებს (1-12-1000), გრძელვადიანი კრედიტების და სესხების მიმდინარე ნაწილს (1-12-2000), ფინანსური იჯარიდან გრძელვადიანი დებიტორული დავალიანებების მიმდინარე ნაწილს (1-12-3000), მოკლევადიან (მიმდინარე) ფასიან ქაღალდებს, გარდა აქციებისა (1-12-4000) და სხვა მოკლევადიან (მიმდინარე) ინვესტიციებს (1-12-9000).“;

 ბ) მე-16 პუნქტი ჩამოყალიბდეს შემდეგი რედაქციით:

„16. ანგარიში – ფინანსური იჯარიდან გრძელვადიანი დებიტორული დავალიანებების მიმდინარე ნაწილი (1-12-3000) მოიცავს ფინანსური იჯარიდან გრძელვადიანი დებიტორული დავალიანებების მიმდინარე ნაწილის ძირითად თანხას (1-12-3100), რომელზეც აღირიცხება ფინანსური იჯარით გაცემულ აქტივებთან დაკავშირებით წარმოქმნილი გრძელვადიანი დებიტორული დავალიანებების მიმდინარე ნაწილის ძირითადი თანხა.“.

6. ინსტრუქციის მე-8 მუხლის:

ა) მე-2 და მე-3 პუნქტები ჩამოყალიბდეს შემდეგი რედაქციით:

„2. ანგარიში – სახაზინო ოპერაციებთან დაკავშირებული მოკლევადიანი (მიმდინარე) დებიტორული დავალიანებები (1-13-1000) მოიცავს: ხაზინის მოკლევადიან (მიმდინარე) დებიტორულ დავალიანებებს (1-13-1100) და საბიუჯეტო ორგანიზაციების მოკლევადიან (მიმდინარე) დებიტორულ დავალიანებებს ხაზინის მიმართ (1-13-1200).

3. ანგარიშზე – „ხაზინის მოკლევადიანი (მიმდინარე) დებიტორული დავალიანებები “ (1-13-1100) მოიცავს: ხაზინის მოკლევადიან (მიმდინარე) დებიტორულ დავალიანებებს საგადასახადო შემოსავლებიდან (1-13-1110); ხაზინის მოკლევადიან (მიმდინარე) დებიტორულ დავალიანებებს არასაგადასახადო შემოსავლებიდან (1-13-1120) და ხაზინის მოკლევადიან (მიმდინარე) დებიტორულ დავალიანებებს შემოსულობებიდან (1-13-1130).“;

ბ) მე-3 პუნქტის შემდეგ დაემატოს 3¹ – 3³ პუნქტები შემდეგი რედაქციით:

„3¹. ანგარიშზე – „ხაზინის მოკლევადიანი (მიმდინარე) დებიტორული დავალიანებები საგადასახადო შემოსავლებიდან “ (1-13-1110) აღირიცხება საგადასახადო შემოსავლებთან დაკავშირებით ხაზინის მოკლევადიანი დებიტორული დავალიანებები.

3². ანგარიშზე – „ხაზინის მოკლევადიანი (მიმდინარე) დებიტორული დავალიანებები არასაგადასახადო შემოსავლებიდან“ (1-13-1120) აღირიცხება არასაგადასახადო შემოსავლებთან დაკავშირებით ხაზინის მოკლევადიანი დებიტორული დავალიანებები.

3³. ანგარიშზე – „ხაზინის მოკლევადიანი (მიმდინარე) დებიტორული დავალიანებები შემოსულობებიდან“ (1-13-1130) აღირიცხება შემოსულობებთან დაკავშირებით ხაზინის მოკლევადიანი დებიტორული დავალიანებები.“;

გ) მე-4 – მე-7 პუნქტები ჩამოყალიბდეს შემდეგი რედაქციით:

„4. ანგარიში – საბიუჯეტო ორგანიზაციების მოკლევადიანი (მიმდინარე) დებიტორული დავალიანებები ხაზინის მიმართ (1-13-1200) მოიცავს: საბიუჯეტო ორგანიზაციების მოკლევადიან (მიმდინარე) დებიტორულ დავალიანებებს ხაზინის მიმართ, საბიუჯეტო სახსრებით ეროვნულ ვალუტაში (1-13-1210); საბიუჯეტო ორგანიზაციების მოკლევადიან (მიმდინარე) დებიტორულ დავალიანებებს ხაზინის მიმართ მიზნობრივი დაფინანსებით და გრანტებით ეროვნულ ვალუტაში (1-13-1220); საბიუჯეტო ორგანიზაციების მოკლევადიან (მიმდინარე) დებიტორულ დავალიანებებს ხაზინის მიმართ, არასაბიუჯეტო (საკუთარი) სახსრებით ეროვნულ ვალუტაში (1-13-1230); საბიუჯეტო ორგანიზაციების მოკლევადიან (მიმდინარე) დებიტორულ დავალიანებებს ხაზინის მიმართ, საბიუჯეტო სახსრებით უცხოურ ვალუტაში (1-13-1240); საბიუჯეტო ორგანიზაციების მოკლევადიან (მიმდინარე) დებიტორულ დავალიანებებს ხაზინის მიმართ მიზნობრივი დაფინანსებით და გრანტებით უცხოურ ვალუტაში (1-13-1250); საბიუჯეტო ორგანიზაციების მოკლევადიან (მიმდინარე) დებიტორულ დავალიანებებს ხაზინის მიმართ, არასაბიუჯეტო (საკუთარი) სახსრებით უცხოურ ვალუტაში (1-13-1260) და საბიუჯეტო ორგანიზაციების სხვა მოკლევადიან (მიმდინარე) დებიტორულ დავალიანებებს ხაზინის მიმართ“ (1-13-1270).

5. ანგარიშზე – „საბიუჯეტო ორგანიზაციების მოკლევადიანი (მიმდინარე) დებიტორული დავალიანებები ხაზინის მიმართ, საბიუჯეტო სახსრებით ეროვნულ ვალუტაში“ (1-13-1210) აღირიცხება საბიუჯეტო საქმიანობის ფარგლებში ერთეულის მიერ წარმოქმნილი მოკლევადიანი მოთხოვნები ეროვნულ ვალუტაში.

6. ანგარიშზე – „საბიუჯეტო ორგანიზაციების მოკლევადიანი (მიმდინარე) დებიტორული დავალიანებები ხაზინის მიმართ მიზნობრივი დაფინანსებით და გრანტებით ეროვნულ ვალუტაში“ (1-13-1220) აღირიცხება აღირიცხება კანონმდებლობით განსაზღვრულ მიზნობრივ გრანტებთან და მიზნობრივ დაფინანსებასთან დაკავშირებული ფულადი სახსრები ეროვნულ ვალუტაში.

7. ანგარიშზე – „საბიუჯეტო ორგანიზაციების მოკლევადიანი (მიმდინარე) დებიტორული დავალიანებები ხაზინის მიმართ, არასასაბიუჯეტო (საკუთარი) სახსრებით ეროვნულ ვალუტაში“ (1-13-1230) აღირიცხება ერთეულის არასაბიუჯეტო საქმიანობის ფარგლებში ერთეულის მიერ წარმოქმნილი მოკლევადიანი მოთხოვნები ეროვნულ ვალუტაში.“;

დ) მე-7 პუნქტის შემდეგ დაემატოს 7¹ - 7⁴ პუნქტები შემდეგი რედაქციით:

 „7¹. ანგარიშზე – „საბიუჯეტო ორგანიზაციების მოკლევადიანი (მიმდინარე) დებიტორული დავალიანებები ხაზინის მიმართ, საბიუჯეტო სახსრებით უცხოურ ვალუტაში“ (1-13-1240) აღირიცხება საბიუჯეტო საქმიანობის ფარგლებში ერთეულის მიერ წარმოქმნილი მოკლევადიანი მოთხოვნები უცხოურ ვალუტაში.

7². ანგარიშზე – „საბიუჯეტო ორგანიზაციების მოკლევადიანი (მიმდინარე) დებიტორული დავალიანებები ხაზინის მიმართ მიზნობრივი დაფინანსებით და გრანტებით უცხოურ ვალუტაში“ (1-13-1250) აღირიცხება კანონმდებლობით განსაზღვრულ მიზნობრივ გრანტებთან და მიზნობრივ დაფინანსებასთან დაკავშირებული ფულადი სახსრები უცხოურ ვალუტაში.

7³. ანგარიშზე – „საბიუჯეტო ორგანიზაციების მოკლევადიანი (მიმდინარე) დებიტორული დავალიანებები ხაზინის მიმართ, არასასაბიუჯეტო (საკუთარი) სახსრებით უცხოურ ვალუტაში“ (1-13-1260) აღირიცხება ერთეულის არასაბიუჯეტო საქმიანობის ფარგლებში ერთეულის მიერ წარმოქმნილი მოკლევადიანი მოთხოვნები უცხოურ ვალუტაში.“;

 7⁴. ანგარიშზე – „საბიუჯეტო ორგანიზაციების სხვა მოკლევადიანი (მიმდინარე) დებიტორული დავალიანებები ხაზინის მიმართ“ (1-13-1270) აღირიცხება ერთეულის სხვა მოკლევადიანი დებიტორული დავალიანებები ხაზინის მიმართ, რომელთა აღრიცხვა არ არის გათვალისწინებული ზემოთ ჩამოთვლილ კატეგორიებში“;

ე) მე-15 პუნქტი ჩამოყალიბდეს შემდეგი რედაქციით:

„15. ანგარიშზე „სხვა გადასახადებით მოთხოვნები“ (1-13-2700)“ აღირიცხება ზემოთ ჩამოთვლილი გადასახადებისაგან განსხვავებული გადასახადებით წარმოქმნილი მოკლევადიანი საგადასახადო აქტივები. “;

ვ) 21-ე პუნქტი ჩამოყალიბდეს შემდეგი რედაქციით:

„21. ანგარიში – მოკლევადიანი (მიმდინარე) დებიტორული დავალიანებები დარიცხული პროცენტებით (1-13-4000) მოიცავს: საბიუჯეტო სახსრებით გაცემული სესხებისათვის მოკლევადიან (მიმდინარე) საპროცენტო მოთხოვნებს (1-13-4100), არასაბიუჯეტო (საკუთარი) სახსრებით გაცემული სესხებისათვის მოკლევადიან (მიმდინარე) საპროცენტო მოთხოვნებს (1-13-4200), ანგარიშებზე, დეპოზიტებზე და სხვა ფინანსურ აქტივებზე დარიცხულ მოკლევადიან (მიმდინარე) საპროცენტო მოთხოვნებს (1-13-4300), ფინანსური იჯარისათვის დარიცხულ მოკლევადიან (მიმდინარე) საპროცენტო მოთხოვნებს (1-13-4400), სესხზე დაკისრებულ ჯარიმებზე, სანქციებსა და საურავებზე მოკლევადიან (მიმდინარე) მოთხოვნებს (1-13-4500) და სხვა ჯარიმებზე, სანქციებსა და საურავებზე მოკლევადიან (მიმდინარე) მოთხოვნებს (1-13-4600).“;

ზ) 28-ე პუნქტი ჩამოყალიბდეს შემდეგი რედაქციით:

„28. ანგარიშზე – „ანგარიშებზე, დეპოზიტებზე და სხვა ფინანსურ აქტივებზე დარიცხული მოკლევადიანი (მიმდინარე) საპროცენტო მოთხოვნები“ (1-13-4300) აღირიცხება ერთეულის ანგარიშებზე, დეპოზიტებზე, ასევე, აქციებიდან გარდა ფასიანი ქაღალდებისა, პროცენტიანი ობლიგაციებიდან და დებიტორული დავალიანებებიდან მისაღები მოკლევადიანი საპროცენტო მოთხოვნები.“;

თ) 30-ე – 32-ე პუნქტები ჩამოყალიბდეს შემდეგი რედაქციით:

„30. ანგარიში – სესხზე დაკისრებულ ჯარიმებზე, სანქციებსა და საურავებზე მოკლევადიანი (მიმდინარე) მოთხოვნები (1-13-4500) მოიცავს: სესხზე დაკისრებულ ჯარიმებზე, სანქციებსა და საურავებზე მოკლევადიან (მიმდინარე) მოთხოვნებს ეროვნულ ვალუტაში (1-13-4510) და სესხზე დაკისრებულ ჯარიმებზე, სანქციებსა და საურავებზე მოკლევადიან (მიმდინარე) მოთხოვნებს უცხოურ ვალუტაში (1-13-4520).

31. ანგარიშზე – „სესხზე დაკისრებულ ჯარიმებზე, სანქციებსა და საურავებზე მოკლევადიანი (მიმდინარე) მოთხოვნები ეროვნულ ვალუტაში“ (1-13-4510) აღირიცხება სესხზე დაკისრებულ ჯარიმებთან, სანქციებთან და საურავებთან დაკავშირებით წარმოქმნილი მოკლევადიანი მოთხოვნები ეროვნულ ვალუტაში.

32. ანგარიშზე – „სესხზე დაკისრებულ ჯარიმებზე, სანქციებსა და საურავებზე მოკლევადიანი (მიმდინარე) მოთხოვნები უცხოურ ვალუტაში“ (1-13-4520) აღირიცხება სესხზე დაკისრებულ ჯარიმებთან, სანქციებთან და საურავებთან დაკავშირებით წარმოქმნილი მოკლევადიანი მოთხოვნები უცხოურ ვალუტაში, უცხოური ვალუტის ნომინალით და შესაბამისი კურსით ეროვნულ ვალუტაში.“;

ი) 38-ე, 39-ე და მე-40 პუნქტები ჩამოყალიბდეს შემდეგი რედაქციით:

 „38. ანგარიში – მოკლევადიანი (მიმდინარე) მოთხოვნები თანამშრომლებისა და ანგარიშვალდებული პირების მიმართ (1-13-7000) მოიცავს თანამშრომლებთან და ანგარიშვალდებულ პირებთან დაკავშირებით წარმოქმნილი მოკლევადიანი (მიმდინარე) მოთხოვნების შემდეგ ანგარიშებს, წინასწარ გადახდილი თანხებით (1-13-7100), მოკლევადიანი არაფინანსური აქტივების გადაცემით (1-13-7200), გრძელვადიანი არაფინანსური აქტივების გადაცემით (1-13-7300), ანგარიშვალდებული პირებისგან მისაღები სხვა თანხებით (1-13-7400), მოკლევადიანი (მიმდინარე) მოთხოვნები მივლინებებით ქვეყნის შიგნით (1-13-7500), მოკლევადიანი (მიმდინარე) მოთხოვნები მივლინებებით ქვეყნის გარეთ (1-13-7600) და სხვა მიზნებისათვის (1-13-7700).

39. ანგარიშზე – „წინასწარ გადახდილი თანხებით მოკლევადიანი (მიმდინარე) მოთხოვნები თანამშრომლებისა და ანგარიშვალდებული პირების მიმართ“ (1-13-7100) აღირიცხება ანგარიშვალდებული პირების მიმართ მოკლევადიანი მოთხოვნები, რომელიც წარმოიქმნება მოქმედი კანონმდებლობის შესაბამისად, ეკონომიკური მოვლენის მოხდენამდე წინასწარ გაცემული სახსრებით.

40. ანგარიშზე – „მოკლევადიანი არაფინანსური აქტივების გადაცემით მოკლევადიანი (მიმდინარე) მოთხოვნები თანამშრომლებისა და ანგარიშვალდებული პირების მიმართ“ (1-13-7200) აღირიცხება ანგარიშვალდებული პირების მიმართ მოკლევადიანი არაფინანსური აქტივების გადაცემით წარმოქმნილი მოთხოვნები.“;

კ) 42-ე პუნქტი ჩამოყალიბდეს შემდეგი რედაქციით:

„42. ანგარიშზე – „ანგარიშვალდებული პირებისგან მისაღები სხვა თანხებით მოკლევადიანი (მიმდინარე) მოთხოვნები“ (1-13-7400) აღირიცხება ანგარიშვალდებული პირების მიმართ წარმოქმნილი სხვა მოთხოვნები, რომლებიც არ უკავშირდება ანგარიშვალდებული პირებისათვის წინასწარ გადახდილ თანხებს და მოკლევადიანი და გრძელვადიანი არაფინანსური აქტივების გადაცემას.“;

ლ) 46-ე – 48-ე პუნქტები ჩამოყალიბდეს შემდეგი რედაქციით:

„46. ანგარიში – მოკლევადიანი (მიმდინარე) მოთხოვნები არაფინანსური აქტივების გასვლით (1-13-8000) მოიცავს: ძირითადი აქტივების გასვლით წარმოქმნილ მოკლევადიან (მიმდინარე) ფულად მოთხოვნებს (1-13-8100) და სხვა გრძელვადიანი არაფინანსური აქტივების გასვლით წარმოქმნილ მოკლევადიან (მიმდინარე) ფულად მოთხოვნებს (1-13-8200).

47. ანგარიშზე – „ძირითადი აქტივების გასვლით წარმოქმნილი მოკლევადიანი (მიმდინარე) ფულადი მოთხოვნები“ (1-13-8100) აღირიცხება ერთეულის მიერ ძირითადი აქტივების გასვლით წარმოქმნილი მოკლევადიანი მოთხოვნები.

48. ანგარიშზე – „სხვა გრძელვადიანი არაფინანსური აქტივების გასვლით წარმოქმნილი მოკლევადიანი (მიმდინარე) ფულადი მოთხოვნები“ (1-13-8200) აღირიცხება ერთეულის მიერ ძირითადი აქტივების გარდა სხვა გრძელვადიანი არაფინანსური აქტივების გასვლით წარმოქმნილი მოკლევადიანი მოთხოვნები.“;

მ) 49-ე პუნქტი ჩამოყალიბდეს შემდეგი რედაქციით:

„49. ანგარიში – სხვა მოკლევადიანი (მიმდინარე) მოთხოვნები (1-13-9000) მოიცავს: სადაზღვევო კომპანიებიდან წარმოქმნილ მოკლევადიან (მიმდინარე) მოთხოვნებს (1-13-9200), ზარალის/დანაკლისის ანაზღაურების მოკლევადიან (მიმდინარე) მოთხოვნებს (1-13-9300), ზედმეტად/შეცდომით გადახდილი თანხებით მოკლევადიანი (მიმდინარე) ფულადი მოთხოვნებს (1-13-9400), მოკლევადიან (მიმდინარე) ფულად მოთხოვნებს არაგაცვლით ოპერაციებთან დაკავშირებით (1-13-9500), მოკლევადიან (მიმდინარე) მოთხოვნებს რენტით (1-13-9600) და სხვა დანარჩენ მოკლევადიან (მიმდინარე) მოთხოვნებს (1-13-9900).“;

ნ) 52-ე პუნქტის შემდეგ დაემატოს 52¹ და 52² პუნქტები შემდეგი რედაქციით:

„52¹. ანგარიშზე – „მოკლევადიანი (მიმდინარე) ფულადი მოთხოვნები არაგაცვლით ოპერაციებთან დაკავშირებით“ (1-13-9500) აღირიცხება ისეთი მოკლევადიანი დებიტორული დავალიანებები, რომლებიც უკავშირდება არაგაცვლით ოპერაციებით წარმოქმნილ შემოსავლებს.

52². ანგარიშზე – „მოკლევადიანი (მიმდინარე) მოთხოვნები რენტით“ (1-13-9600) აისახება არაწარმოებული აქტივების (მიწის, სასარგებლო წიაღისეულის და სხვა ბუნებრივი რესურსების) იჯარიდან ან გაქირავებიდან, ასევე, სხვა სახის იჯარიდან, მათ შორის, ელექტრომაგნიტური სპექტრით სარგებლობის გრძელვადიანი იჯარიდან მისაღებ შემოსავლებთან დაკავშირებული მოთხოვნები.“.

7. ინსტრუქციის მე-10 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ანგარიში – სხვა მოკლევადიანი (მიმდინარე) აქტივები (1-15-0000) მოიცავს შემდეგ ანგარიშებს: მომწოდებლებისთვის წინასწარ გადახდილი თანხებით მოკლევადიან (მიმდინარე) მოთხოვნებს (1-15-1000), მოკლევადიან (მიმდინარე) არაფულად მოთხოვნებს არაფინანსური აქტივების გადაცემით (1-15-2000), ბარტერული ოპერაციებიდან მისაღები აქტივებით მოკლევადიან (მიმდინარე) მოთხოვნებს (1-15-3000); მოკლევადიან (მიმდინარე) არაფულად მოთხოვნებს არაგაცვლით ოპერაციებთან დაკავშირებით (1-15-4000) და მოკლევადიან (მიმდინარე) არაფულად მოთხოვნებს არაფინანსური აქტივების დანაკლისით (1-15-5000).“;

ბ) მე-2 პუნქტი ჩამოყალიბდეს შემდეგი რედაქციით:

„2. ანგარიში – მომწოდებლებისთვის წინასწარ გადახდილი თანხებით მოკლევადიანი (მიმდინარე) მოთხოვნები (1-15-1000) მოიცავს წინასწარი გადახდებით წარმოქმნილი მოკლევადიანი (მიმდინარე) მოთხოვნების შესაბამის ანგარიშებს: საქონლისა და მომსახურების შესაძენად წინასწარი გადახდებით (1-15-1100) და გრძელვადიანი არაფინანსური აქტივების შესაძენად წინასწარი გადახდებით (1-15-1200).“;

გ) მე-4 პუნქტი ჩამოყალიბდეს შემდეგი რედაქციით:

„4. ანგარიშზე – „გრძელვადიანი არაფინანსური აქტივების შესაძენად წინასწარი გადახდებით მოკლევადიანი (მიმდინარე) მოთხოვნები“ (1-15-1200) აღირიცხება მოკლევადიანი მოთხოვნები, რომლებიც წარმოქმნილია არაფინანსური აქტივების გარდა მატერიალური მარაგებისა, შესაძენად წინასწარ გაცემული სახსრებით.“;

დ) მე-6 პუნქტი ჩამოყალიბდეს შემდეგი რედაქციით:

„6. ანგარიში – „მოკლევადიანი (მიმდინარე) არაფულადი მოთხოვნები არაფინანსური აქტივების გადაცემით“ (1-15-2000) მოიცავს: მოკლევადიან (მიმდინარე) არაფულად მოთხოვნებს მოკლევადიანი არაფინანსური აქტივების გადაცემით (1-15-2100) და მოკლევადიან (მიმდინარე) არაფულად მოთხოვნებს გრძელვადიანი არაფინანსური აქტივების გადაცემით (1-15-2200).“;

ე) მე-6 პუნქტის შემდეგ დაემატოს 6¹ და 6² პუნქტები შემდეგი რედაქციით:

„6¹. ანგარიშზე – „მოკლევადიანი (მიმდინარე) არაფულადი მოთხოვნები მოკლევადიანი არაფინანსური აქტივების გადაცემით“ (1-15-2100) აღირიცხება მოკლევადიანი არაფინანსური აქტივების გადაცემით წარმოქმნილი მოკლევადიანი არაფულადი მოთხოვნები.

6². ანგარიშზე – „მოკლევადიანი (მიმდინარე) არაფულადი მოთხოვნები გრძელვადიანი არაფინანსური აქტივების გადაცემით“ (1-15-2200) აღირიცხება გრძელვადიანი არაფინანსური გადაცემით წარმოქმნილი მოკლევადიანი არაფულადი მოთხოვნები.“;

ვ) მე-8 პუნქტი ჩამოყალიბდეს შემდეგი რედაქციით:

„8. ანგარიშზე – მოკლევადიანი (მიმდინარე) არაფულადი მოთხოვნები არაგაცვლით ოპერაციებთან დაკავშირებით (1-15-4000) აღირიცხება არაფულადი მოთხოვნები არაგაცვლით ოპერაციებთან დაკავშირებით.“.

8. ინსტრუქციის მე-11 მუხლის:

ა) 21-ე პუნქტი ჩამოყალიბდეს შემდეგი რედაქციით:

„21. ანგარიში – საეჭვო მოკლევადიანი (მიმდინარე) დებიტორული დავალიანებების ანარიცხები (1-19-2000) მოიცავს: ამოუღებადი გადასახადებით საეჭვო მოთხოვნების ანარიცხებს (1-19-2100), საეჭვო საპროცენტო მოთხოვნების ანარიცხებს (1-19-2200), საქონლისა და მომსახურების გაყიდვიდან საეჭვო მოთხოვნების ანარიცხებს (1-19-2300) და სხვა დანარჩენი საეჭვო მოკლევადიანი (მიმდინარე) დებიტორული დავალიანებების ანარიცხებს (1-19-2400).“;

ბ) 30-ე პუნქტი ჩამოყალიბდეს შემდეგი რედაქციით:

„30. ანგარიში – საეჭვო საპროცენტო მოთხოვნების ანარიცხები (1-19-2200) შემდეგ ანგარიშებს: საბიუჯეტო სახსრებით გაცემულ სესხებზე საეჭვო საპროცენტო მოთხოვნების ანარიცხებს (1-19-2210), არასაბიუჯეტო (საკუთარი) სახსრებით გაცემულ სესხებზე საეჭვო საპროცენტო მოთხოვნების ანარიცხებს (1-19-2220), ანგარიშების, დეპოზიტების და სხვა ფინანსური აქტივების საეჭვო საპროცენტო მოთხოვნების ანარიცხებს (1-19-2230), ფინანსური იჯარის საეჭვო საპროცენტო მოთხოვნების ანარიცხებს (1-19-2240), პროცენტებთან დაკავშირებული ჯარიმების საეჭვო მოთხოვნების ანარიცხებს (1-19-2250) და სხვა ჯარიმების, სანქციებისა და საურავების საეჭვო მოთხოვნების ანარიცხებს (1-19-2260).“;

გ) 37-ე პუნქტი ჩამოყალიბდეს შემდეგი რედაქციით:

„37. ანგარიშზე – „ანგარიშების, დეპოზიტების და სხვა ფინანსური აქტივების საეჭვო საპროცენტო მოთხოვნების ანარიცხები“ (1-19-2230) აღირიცხება ანგარიშებზე, დეპოზიტებიდან და სხვა ფინანსური აქტივებიდან მისაღებ პროცენტებთან დაკავშირებით წარმოქმნილი საეჭვო მოთხოვნები.“;

დ) 45-ე პუნქტის შემდეგ დაემატოს 45¹ პუნქტი შემდეგი რედაქციით:

„45¹. ანგარიშზე – „სხვა დანარჩენი საეჭვო მოკლევადიანი (მიმდინარე) დებიტორული დავალიანებების ანარიცხები“ (1-19-2400) აღირიცხება სხვა დანარჩენი მოკლევადიანი საეჭვო მოთხოვნები.“;

ე) 49-ე პუნქტი ჩამოყალიბდეს შემდეგი რედაქციით:

„49. ანგარიში – სხვა მასალების და მარაგების აკუმულირებული ღირებულების შემცირება“ (1-19-3140) მოიცავს: მცირეფასიანი აქტივების (1-19-3141) და სხვა დანარჩენი მასალებისა და მარაგების (1-19-3142) აკუმულირებულ ღირებულების შემცირებას.“;

ვ) 51-ე პუნქტი ჩამოყალიბდეს შემდეგი რედაქციით:

„51. ანგარიშზე – „სხვა დანარჩენი მასალებისა და მარაგების აკუმულირებული ღირებულების შემცირება“ (1-19-3142) აღირიცხება სხვა მასალებისა და მარაგების აკუმულირებული ღირებულების შემცირება.“.

9. ინსტრუქციის მე-12 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ანგარიში – გრძელვადიანი ფინანსური აქტივები (1-21-0000) მოიცავს: ერთ წელზე მეტი ვადით გაცემულ კრედიტებს და სესხებს (1-21-1000); ინვესტიციებს წილობრივ ინსტრუმენტებში (1-21-2000); სხვა გრძელვადიან ფინანსურ აქტივებს (1-21-3000); სხვა გრძელვადიან დებიტორულ დავალიანებებს და არაფულად მოთხოვნებს (1-21-4000) და გრძელვადიანი ფინანსური აქტივების და მოთხოვნების აკუმულირებულ ღირებულების შემცირებას (1-21-5000).“;

ბ) მე-11 პუნქტი ჩამოყალიბდეს შემდეგი რედაქციით:

„11. ანგარიში – სხვა გრძელვადიანი დებიტორული დავალიანებები და არაფულადი მოთხოვნები (1-21-4000) მოიცავს: ფინანსური იჯარიდან გრძელვადიან დებიტორულ დავალიანებებს (1-21-4100); გრძელვადიან ფულად და არაფულად მოთხოვნებს არაგაცვლით ოპერაციებთან დაკავშირებით (1-21-4200) და სხვა დანარჩენ გრძელვადიან დებიტორულ დავალიანებებს და არაფულად მოთხოვნებს (1-21-4300).“;

გ) მე-11 პუნქტის შემდეგ დაემატოს 11¹, 11² და 11³ პუნქტები შემდეგი რედაქციით:

„11¹. ანგარიშზე – ფინანსური იჯარიდან გრძელვადიანი დებიტორული დავალიანებები (1-21-4100) აღირიცხება ფინანსური იჯარით გაცემული აქტივებით წარმოქმნილი გრძელვადიანი ფინანსური მოთხოვნები.

11². ანგარიშზე – გრძელვადიანი ფულადი და არაფულადი მოთხოვნები არაგაცვლით ოპერაციებთან დაკავშირებით (1-21-4200) აღირიცხება გრძელვადიანი ფულადი და არაფულადი მოთხოვნები წარმოქმნილი არაგაცვლით ოპერაციებთან დაკავშირებით .

11³. ანგარიშზე – სხვა დანარჩენი გრძელვადიანი დებიტორული დავალიანებები და არაფულადი მოთხოვნები (1-21-4300) აღირიცხება ისეთი დებიტორული დავალიანებები და არაფულადი მოთხოვნები, რომელთა ასახვა გათვალისწინებული არ არის გრძელვადიანი დებიტორული დავალიანებების და მოთხოვნების სხვა ანგარიშებზე.“.

10. ინსტრუქციის მე-13 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ანგარიში – ძირითადი აქტივები (1-22-0000) მოიცავს: შენობა-ნაგებობებს, საკუთარი მიზნებისთვის (1-22-1000); მანქანა-დანადგარებს და ინვენტარს (1-22-2000) და კულტივირებულ მცენარეებს და ცხოველებს (1-22-3000).“;

ბ) მე-8 პუნქტი ჩამოყალიბდეს შემდეგი რედაქციით:

„8. ანგარიში – მანქანა-დანადგარები და ინვენტარი (1-22-2000) მოიცავს: სატრანსპორტო საშუალებებს (1-22-2100); სხვა მანქანა-დანადგარებს და ინვენტარს (1-22-2200); სამხედრო იარაღის სისტემებს (1-22-2300).“;

გ) მე-10 – მე-12 პუნქტები ჩამოყალიბდეს შემდეგი რედაქციით:

„10. ანგარიში – სხვა მანქანა-დანადგარები და ინვენტარი (1-22-2200) მოიცავს: საინფორმაციო, კომპიუტერული, სატელეკომუნიკაციო და სხვა დანადგარებს, ავეჯს და აღჭურვას (1-22-2210) და სხვა დანარჩენ მანქანა-დანადგარებს და ინვენტარს (1-22-2220).

11. ანგარიზე – „საინფორმაციო, კომპიუტერული, სატელეკომუნიკაციო და სხვა დანადგარები, ავეჯი და აღჭურვა“ (1-22-2210) აღირიცხება საბიუჯეტო კლასიფიკაციის არაფინანსური აქტივებისა და მათზე ოპერაციების კლასიფიკაციის „საინფორმაციო, კომპიუტერული, სატელეკომუნიკაციო და სხვა დანადგარების, ავეჯის და აღჭურვის“ მუხლით განსაზღვრული აქტივები.

12. ანგარიშზე – „სხვა დანარჩენი მანქანა-დანადგარები და ინვენტარი“ (1-22-2220) აღირიცხება ისეთი მანქანა-დანადგარები და ინვენტარი, რომლებიც არ აღირიცხება მანქანა-დანადგარების და ინვენტარის სხვა ზემოთ ჩამოთვლილ ანგარიშებზე.“.

11. ინსტრუქციის მე-14 მუხლის სათაური ჩამოყალიბდეს შემდეგი რედაქციით: 

„მუხლი 14. საინვესტიციო ქონება“.

12. ინსტრუქციის მე-15 მუხლი ჩამოყალიბდეს შემდეგი რედაქციით:

„მუხლი 15. არამატერიალური აქტივები

1. ანგარიში – არამატერიალური აქტივები (1-24-0000) მოიცავს: ინტელექტუალური საკუთრების ობიექტებს (1-24-1000) და არამატერიალურ არაწარმოებულ აქტივებს (1-24-2000) .

2. ანგარიში – ინტელექტუალური საკუთრების ობიექტები (1-24-1000) მოიცავს: კვლევას და განვითარებას (1-24-1100); მინერალური წიაღისეულის ძიებას და შეფასებებს (1-24-1200); კომპიუტერულ პროგრამებს და მონაცემთა ბაზებს (1-24-1300); გასართობ, ლიტერატურულ და მხატვრულ ორიგინალ ნიმუშებს (1-24-1400) და ინტელექტუალური საკუთრების სხვა პროდუქტებს (1-24-1500).

3. ანგარიშზე – „კვლევა და განვითარება“ (1-24-1100) – აღირიცხება სისტემატური შემოქმედებითი სამუშაოს ღირებულება ცოდნის ამაღლების მიზნით, რომელიც შეიძლება იყოს ეკონომიკური სარგებლის მომტანი მომავალში.

4. ანგარიშზე – „მინერალური წიაღისეულის ძიება და შეფასება“ (1-24-1200) აღირიცხება სატესტო ბურღვისა და მასთან დაკავშირებულ სხვა ხარჯები, როგორებიცაა პრელიცენზია, ლიცენზია, შეძენის და შეფასების ხარჯები, საჰაერო და სხვა სახის დათვალიერების ღირებულება, ისევე როგორც ტრანსპორტირება და სხვა დანახარჯები, რაც კვლევის ჩასატარებლადაა საჭირო.

5. ანგარიში – კომპიუტერული პროგრამები და მონაცემთა ბაზები (1-24-1300) – მოიცავს კომპიუტერულ პროგრამებს (1-24-1310) და მონაცემთა ბაზებს (1-24-1320).

6. ანგარიშზე – „კომპიუტერული პროგრამები“ (1-24-1310) აღირიცხება კომპიუტერული პროგრამების აღწერა და შესაბამისი მასალები სისტემებისა და აპლიკაციებისთვის, რომელიც ერთ წელზე მეტი ხანგრძლივობით გამოიყენება.

7. ანგარიშზე „მონაცემთა ბაზები“ (1-24-1320) აღირიცხება კომპიუტერულად ორგანიზებული სახით მომზადებული მონაცემთა ერთობლიობა, რაც იძლევა მათი ეფექტურად გამოყენების შესაძლებლობას.

8. ანგარიშზე – „გასართობი, ლიტერატურული და მხატვრული ორიგინალი ნიმუშები“ (1-24-1400) – აღირიცხება ფილმების ორიგინალები, ხმის ჩაწერა, ხელნაწერები, ფირები და მოდელები, სადაც დრამატული ნაწარმოებები, რადიო და სატელევიზიო პროგრამები, მუსიკალური სპექტაკლები, სპორტული ღონისძიებები და ლიტერატურული და სამსახიობო ნაწარმოებები.

9. ანგარიშზე – „ინტელექტუალური საკუთრების სხვა პროდუქტები“ (1-24-1500) – აღირიცხება ინტელექტუალური და საკუთრების სხვა პროდუქტები, რომლებიც არ აღირიცხება სხვა ზემოთ ჩამოთვლილ ანგარიშებზე.

10. ანგარიში – არამატერიალური არაწარმოებული აქტივები (1-24-2000) მოიცავს: ხელშეკრულებებს, იჯარას და ლიცენზიებს (1-24-2100) და გუდვილს (1-24-2200).

11. ანგარიში – ხელშეკრულებები, იჯარა და ლიცენზიები (1-24-2100) მოიცავს: ბაზარზე გაყიდვად საოპერაციო იჯარების (1-24-2110); ბუნებრივი რესურსებით სარგებლობის ნებართვების (1-24-2120); სპეციფიკური საქმიანობების განხორციელების ნებართვების (1-24-2130) და მომავალში საქონელსა და მომსახურებაზე ექსკლუზიური უფლებების (1-24-2140) ანგარიშებს.

12. ანგარიშზე – „ბაზარზე გაყიდვადი საოპერაციო იჯარები“ (1-24-2110) აღირიცხება საოპერაციო იჯარით აღებული აქტივის მოიჯარის მიერ ქვეიჯარის პირობით გაცემასთან დაკავშირებული უფლებები, რომლებიც იყიდება ბაზარზე.“

13. ანგარიშზე – „ბუნებრივი რესურსებით სარგებლობის ნებართვები“ (1-24-2120) აღირიცხება ბუნებრივი აქტივების წვდომაზე, მათ მოპოვებასა და მოხმარებაზე ნებართვები და ლიცენზიები.

14. ანგარიშზე – „სპეციფიური საქმიანობების განხორციელების ნებართვები“ (1-24-2130) აღირიცხება სპეციფიკური საქმიანობების განხორციელების მიზნით მიღებული შესაბამისი ნებართვები.

15. ანგარიშზე – „მომავალში საქონელსა და მომსახურებაზე ექსკლუზიური უფლებები“ (1-24-2140) აღირიცხება მომავალში საქონლისა და მომსახურების ექსკლუზიური პირობებით მიღებაზე/გაცემაზე უფლებები.

16. ანგარიშზე – „გუდვილი“ (1-24-2200) აღირიცხება ერთეულის შესაძენად გადახდილ თანხასა და წმინდა აქტივების/კაპიტალის ღირებულებას შორის სხვაობა, რომელიც ასახავს კორპორაციის სტრუქტურის ღირებულებას და ბიზნესის აწყობილი სამუშაო ძალის, მართვის, კორპორატიული კულტურის, დისტრიბუციის ქსელის და მომხმარებელთა ბაზის ღირებულებას.“.

13. ინსტრუქციის მე-18 მუხლი ჩამოყალიბდეს შემდეგი რედაქციით:

 „მუხლი 18. სხვა არაფინანსური აქტივები

1. ანგარიში – სხვა არაფინანსური აქტივები (1-27-0000) მოიცავს: ფასეულობებს (1-27-1000); მატერიალურ არაწარმოებულ აქტივებს, გარდა მიწისა (1-27-2000); მემკვიდრეობით აქტივებს (1-27-3000); დაუმთავრებელ და გასაყიდად გამიზნულ/გადასაცემ აქტივებს (1-27-4000) და არაწარმოებული აქტივების (გარდა მიწისა) საკუთრების უფლების გადაცემის ხარჯებს (1-27-5000).
2. ანგარიში – ფასეულობები (1-27-1000) მოიცავს: ძვირფას ქვებსა და ლითონებს (1-27-1100); ხელოვნების ნიმუშებს (1-27-1200) და სხვა ფასეულობებს (1-27-1300).
3. ანგარიშზე – „ძვირფასი ქვები და ლითონები“ (1-27-1100) აღირიცხება ისეთი ფასეულობები, რომლებიც არ არის განკუთვნილი წარმოების პროცესში მოხმარებისათვის, შუალედური რესურსის სახით (ალმასი, არამონეტარული ოქრო, პლატინა, ვერცხლი და ა. შ).
4. ანგარიშზე – „ხელოვნების ნიმუშები“ (1-27-1200) – აღირიცხება ნახატები, ქანდაკებები და სხვა, რაც ხელოვნების ნიმუშად ან ანტიკვარიატადაა აღიარებული.
5. ანგარიშზე – „სხვა ფასეულობები“ (1-27-1300) – აღირიცხება ძვირფასი ქვებისა და ლითონებისაგან დამზადებული მაღალი ღირებულების საიუველირო ნაწარმი, კოლექციები და სხვა ფასეულობები.
6. ანგარიში – მატერიალური არაწარმოებული აქტივები, გარდა მიწისა (1-27-2000) მოიცავს: მინერალურ და ენერგორესურსებს (1-27-2100) და სხვა ბუნებრივად წარმოქმნილ აქტივებს (1-27-2200).
7. ანგარიშზე – „მინერალური და ენერგორესურსები“ (1-27-2100) აღირიცხება ნავთობის, ბუნებრივი გაზის, ნახშირის (ანტრაციტის, ბიტუმი და მურა ნახშირის ჩათვლით), ლითონის მადანის (შავი, ფერადი და ძვირფასი ლითონის ჩათვლით) და სასარგებლო არამადნეული წიაღისეულის (ქვისსატეხების, თიხისა და სილის კარიერების, ქიმიური ნივთიერებებისა და სასუქების საბადოების, მარილის, კვარცის, თაბაშირის, ბუნებრივი ძვირფასი ქვების, ბიტუმის, ტორფის და სხვა საბადოების ჩათვლით) დადასტურებული მარაგები.
8. ანგარიში – სხვა ბუნებრივად წარმოქმნილი აქტივები (1-27-2200) მოიცავს არაკულტივირებულ ბიოლოგიურ რესურსებს (1-27-2210); წყლის რესურსებს (1-27-2220) და სხვა ბუნებრივ რესურსებს (1-27-2230).
9. ანგარიშზე – „არაკულტივირებული ბიოლოგიური რესურსები“ (1-27-2210) აღირიცხება ცხოველები და მცენარეები, რომლებზეც შეიძლება საკუთრების უფლების დაწესება და დაცვა, მაგრამ მათი ბუნებრივი ზრდა ან/და განახლება (რეგენერაცია), რომელიმე სახელმწიფო ერთეულის უშუალო კონტროლის, პასუხისმგებლობისა და მართვის ქვეშ არ იმყოფება (ხელუხლებელი ტყეები და თევზის მარაგები, რომელთა კომერციული ექსპლუატაციაც შესაძლებელია და სხვ.).
10. ანგარიშზე – „წყლის რესურსები“ (1-27-2220) აღირიცხება გრუნტისა და სხვა მიწისქვეშა წყლების ის რესურსები, რომლებიც საკმაოდ დეფიციტურია იმისათვის, რომ გამართლებული იყოს მათზე საკუთრების უფლების დაწესება და/ან გამოყენება. ასეთი რესურსები ეკონომიკური მიზნებისათვის გამოიყენება ან მათი გამოყენება უახლოეს მომავალშია შესაძლებელი. აგრეთვე, მათ გააჩნიათ ეკონომიკური ღირებულება, რომელიც მიწის ღირებულებაში არ შედის.
11. ანგარიში – სხვა ბუნებრივი რესურსები (1-27-2230) მოიცავს რადიო-სიხშირულ სპექტრს (1-27-2231) და ბუნებრივ რესურსებს, რომლებიც სხვაგან არ არის კლასიფიცირებული (1-27-2232).
12. ანგარიშზე – „რადიოსიხშირული სპექტრი“ (1-27-2231) აღირიცხება არაწარმოებული აქტივები, რომლებიც დაკავშირებულია რადიოსიხშირული სპექტრით სარგებლობასთან.“
13. ანგარიშზე – „ბუნებრივი რესურსები, რომლებიც სხვაგან არ არის კლასიფიცირებული“ (1-27-2232) – აღირიცხება ისეთი ბუნებრივი რესურსები, რომლებიც არ აისახება ბუნებრივი რესურსების სხვა ზემოთ ჩამოთვლილ ანგარიშებზე.
14. ანგარიში – „მემკვიდრეობითი აქტივები“ (1-27-3000) მოიცავს კულტურულ/ისტორიულ/ ეკოლოგიურ აქტივებს (1-27-3100), რომელზეც აღირიცხება ისეთი აქტივები, რომლებიც წარმოადგენენ მემკვიდრეობის აქტივებს მათი კულტურული, ეკოლოგიური ან ისტორიული მნიშვნელობიდან გამომდინარე.
15. ანგარიში – დაუმთავრებელი და გასაყიდად გამიზნული/გადასაცემი აქტივები (1-27-4000) მოიცავს დაუმთავრებელ მშენებლობას (1-27-4100); აქტივებს, რომელთა საკუთრების უფლება ჯერ არ არის მოპოვებული ან სხვა ერთეულებზე გადასაცემადაა მიღებული (1-27-4200), საოპერაციო იჯარით მიღებული ქონების არსებით გაუმჯობესებას (1-27-4300) და გასაყიდად გამიზნულ გრძელვადიან არაფინანსურ აქტივებს (1-27-4400).
16. ანგარიშზე – „დაუმთავრებელი მშენებლობა“ (1-27-4100) აღირიცხება ის აქტივები, რომელთა მშენებლობა ან სხვა ფორმით შექმნა დაწყებულია და ჯერ არ არის დასრულებული.
17. ანგარიშზე – „აქტივები, რომელთა საკუთრების უფლება ჯერ არ არის მოპოვებული ან სხვა ერთეულებზე გადასაცემადაა მიღებული“ (1-27-4200)“ აღირიცხება ისეთი აქტივები, რომლებზეც საკუთრების უფლება (ეკონომიკური ან იურიდიული) ჯერ არ არის მოპოვებული ან აქტივები, რომლებიც მიღებულია სხვა ერთეულებზე გადასაცემად.
18. ანგარიშზე – „საოპერაციო იჯარით მიღებული ქონების არსებითი გაუმჯობესება“ (1-27-4300) აღირიცხება საოპერაციო იჯარით აღებული აქტივების არსებით გაუმჯობესებაზე გაწეული დანახარჯები.
19. ანგარიშზე – „გასაყიდად გამიზნული გრძელვადიანი არაფინანსური აქტივები“ (1-27-4400) აღირიცხება ისეთი გრძელვადიანი არაფინანსური აქტივები, რომლებიც გამოსულია აქტიური მოხმარებიდან და გამიზნულია გასაყიდად.
20. ანგარიშზე – „არაწარმოებული აქტივების (გარდა მიწისა) საკუთრების უფლების გადაცემის ხარჯები“ (1-27-5000) – აღირიცხება მიწის გარდა სხვა არაწარმოებული აქტივების საკუთრების გადაცემის დანახარჯები.“

14. ინსტრუქციის მე-19 მუხლი ჩამოყალიბდეს შემდეგი რედაქციით:

 „მუხლი 19. აკუმულირებული ცვეთა/ამორტიზაცია

1. აკუმულირებული ცვეთა/ამორტიზაცია გულისხმობს აქტივის გამოსაყენებლად ხელმისაწვდომობის შემდეგ სასარგებლო მომსახურების ვადის განმავლობაში ცვეთის (ამორტიზაციის) პროპორციულად, სისტემატურ საფუძველზე დარიცხვის შედეგად წარმოქმნილ მთლიან ღირებულებას.
2. ანგარიში – „აკუმულირებული ცვეთა/ამორტიზაცია“ (1-28-0000) მოიცავს საკუთარი მიზნებისთვის გამოყენებული შენობა-ნაგებობების (1-28-1000); მანქანა-დანადგარების და ინვენტარის (1-28-2000); კულტივირებული ცხოველების და მცენარეების (1-28-3000); საინვესტიციო ქონების (1-28-4000); არამატერიალური აქტივების (1-28-5000); შეღავათიანი მომსახურების აქტივების (1-28-6000); ფინანსური იჯარის ქვეშ მყოფი აქტივების (1-28-7000) და სხვა არაფინანსური აქტივების (1-28-8000) აკუმულირებული ცვეთის/ამორტიზაციის ანგარიშებს.
3. ანგარიში – „საკუთარი მიზნებისთვის გამოყენებული შენობა-ნაგებობების აკუმულირებული ცვეთა“ (1-28-1000) – მოიცავს საკუთარი მიზნებისთვის გამოყენებული შემდეგი აქტივების აკუმულირებული ცვეთის ანგარიშებს: საცხოვრებელი დანიშნულების შენობების (1-28-1100); არასაცხოვრებელი დანიშნულების შენობების (1-28-1200), სხვა ნაგებობების (1-28-1300) და მიწის გაუმჯობესების (1-28-1400).
4. ანგარიშზე – „საკუთარი მიზნებისთვის გამოყენებული საცხოვრებელი დანიშნულების შენობების აკუმულირებული ცვეთა“ (1-28-1100) აღირიცხება საცხოვრებელი დანიშნულების იმ შენობების აკუმულირებული ცვეთა, რომლებიც გამოიყენება საკუთარი მიზნებისთვის.
5. ანგარიშზე – „საკუთარი მიზნებისთვის გამოყენებული არასაცხოვრებელი დანიშნულების შენობების აკუმულირებული ცვეთა“ (1-28-1200) აღირიცხება არასაცხოვრებელი დანიშნულების იმ შენობების აკუმულირებული ცვეთა, რომლებიც გამოიყენება საკუთარი მიზნებისთვის (საოფისედ, სასაწყობედ და ა.შ).
6. ანგარიშზე – „საკუთარი მიზნებისთვის გამოყენებული სხვა ნაგებობების აკუმულირებული ცვეთა“ (1-28-1300) აღირიცხება საკუთარი მიზნებისთვის გამოყენებული შენობების გარდა სხვა ნაგებობების აკუმულირებული ცვეთა.
7. ანგარიშზე – „საკუთარი მიზნებისთვის გამოყენებული მიწის გაუმჯობესების აკუმულირებული ცვეთა“ (1-28-1400) აღირიცხება საკუთარი მიზნებისთვის გამოყენებული მიწის გაუმჯობესების აკუმულირებული ცვეთა.
8. ანგარიში – „მანქანა-დანადგარები და ინვენტარი“ (1-28-2000) – მოიცავს: სატრანსპორტო საშუალებების (1-28-2100), სხვა მანქანა-დანადგარების და ინვენტარის (1-28-2200) და სამხედრო იარაღის სისტემების (1-28-2300) აკუმულირებული ცვეთის ანგარიშებს.
9. ანგარიშზე – „სატრანსპორტო საშუალებების აკუმულირებული ცვეთა“ (1-28-2100) აღირიცხება სატრანსპორტო საშუალებების აკუმულირებული ცვეთა.
10. ანგარიში – „სხვა მანქანა-დანადგარების და ინვენტარის აკუმულირებული ცვეთა“ (1-28-2200) მოიცავს: საინფორმაციო, კომპიუტერული, სატელეკომუნიკაციო და სხვა დანადგარების, ავეჯის და აღჭურვის (1-28-2210) და სხვა დანარჩენი მანქანა-დანადგარების და ინვენტარის (1-28-2220) აკუმულირებული ცვეთის ანგარიშებს.
11. ანგარიშზე – საინფორმაციო, კომპიუტერული, სატელეკომუნიკაციო და სხვა დანადგარების, ავეჯის და აღჭურვის აკუმულირებული ცვეთა“ (1-28-2210) აღირიცხება საინფორმაციო, კომპიუტერული, სატელეკომუნიკაციო და სხვა დანადგარების, ავეჯის და აღჭურვის აკუმულირებული ცვეთა.
12. ანგარიშზე – „სხვა დანარჩენი მანქანა-დანადგარების და ინვენტარის აკუმულირებული ცვეთა“ (1-28-2220) აღირიცხება სხვა მანქანა-დანადგარების და ინვენტარის აკუმულირებული ცვეთა.
13. ანგარიშზე – „სამხედრო იარაღის სისტემების აკუმულირებული ცვეთა“ (1-28-2300) აღირიცხება სამხედრო იარაღის სისტემების აკუმულირებული ცვეთა.
14. ანგარიშზე – „კულტივირებული ცხოველების და მცენარეების აკუმულირებული ცვეთა“ (1-28-3000) – აღირიცხება იმ ცხოველების და მცენარეების აკუმულირებული ცვეთა, რომლებიც გამოიყენება მრავალჯერადად ან განუწყვეტლივ ერთ წელზე მეტი ხნის განმავლობაში, სხვა საქონლისა და მომსახურების საწარმოებლად.
15. ანგარიში – „საინვესტიციო ქონების აკუმულირებული ცვეთა“ (1-28-4000) – მოიცავს საინვესტიციო ქონებად კლასიფიცირებული: საცხოვრებელი დანიშნულების შენობების (1-28-4100), არასაცხოვრებელი დანიშნულების შენობების (1-28-4200), სხვა ნაგებობების (1-28-4300) და მიწის გაუმჯობესების (1-28-4400) აკუმულირებულ ცვეთას.
16. ანგარიშზე – „საინვესტიციო ქონებად კლასიფიცირებული საცხოვრებელი დანიშნულების შენობების აკუმულირებული ცვეთა“ (1-28-4100) აღირიცხება საინვესტიციო ქონების სახით არსებული საცხოვრებელი დანიშნულების შენობების აკუმულირებული ცვეთა.
17. ანგარიშზე – „საინვესტიციო ქონებად კლასიფიცირებული არასაცხოვრებელი დანიშნულების შენობების აკუმულირებული ცვეთა“ (1-28-4200) აღირიცხება საინვესტიციო ქონების სახით არსებული არასაცხოვრებელი დანიშნულების შენობების აკუმულირებული ცვეთა.
18. ანგარიშზე – „საინვესტიციო ქონებად კლასიფიცირებული სხვა ნაგებობების აკუმულირებული ცვეთა“ (1-28-4300) აღირიცხება საინვესტიციო ქონების სახით არსებული სხვა ნაგებობების აკუმულირებული ცვეთა.
19. ანგარიშზე –„საინვესტიციო ქონებად კლასიფიცირებული მიწის გაუმჯობესების აკუმულირებული ცვეთა“ (1-28-4400) აღირიცხება საინვესტიციო ქონების სახით არსებული მიწის გაუმჯობესების აკუმულირებული ცვეთა.
20. ანგარიში – „არამატერიალური აქტივების აკუმულირებული ამორტიზაცია“ (1-28-5000) – მოიცავს კვლევის და განვითარების (1-28-5100), მინერალური წიაღისეულის ძიების და შეფასებების (1-28-5200), კომპიუტერული პროგრამების და მონაცემთა ბაზების (1-28-5300), გასართობი, ლიტერატურული და მხატვრული ორიგინალი ნიმუშების (1-28-5400) და ინტელექტუალური საკუთრების სხვა პროდუქტების (1-28-5500) აკუმულირებული ამორტიზაციის ანგარიშებს.
21. ანგარიშზე – „კვლევისა და განვითარების აკუმულირებული ამორტიზაცია“ (1-28-5100) აღირიცხება არამატერიალური აქტივის სახით არსებული კვლევისა და განვითარების აკუმულირებული ამორტიზაცია.
22. ანგარიშზე – „მინერალური წიაღისეულის ძიების და შეფასებების აკუმულირებული ამორტიზაცია“ (1-28-5200) აღირიცხება არამატერიალური აქტივის სახით არსებული მინერალური წიაღისეულის ძიებისა და შეფასებების აკუმულირებული ამორტიზაცია.
23. ანგარიში – კომპიუტერული პროგრამების და მონაცემთა ბაზების აკუმულირებული ამორტიზაცია (1-28-5300) – მოიცავს: კომპიუტერული პროგრამების (1-28-5310) და მონაცემთა ბაზების (1-28-5320) აკუმულირებული ამორტიზაციის ანგარიშებს.
24. ანგარიშზე – „კომპიუტერული პროგრამების აკუმულირებული ამორტიზაცია “(1-28-5310) აღირიცხება არამატერიალური აქტივის სახით არსებული კომპიუტერული პროგრამების აკუმულირებული ამორტიზაცია.
25. ანგარიშზე – „მონაცემთა ბაზების აკუმულირებული ამორტიზაცია“ (1-28-5320) აღირიცხება არამატერიალური აქტივის სახით არსებული კომპიუტერული მონაცემთა ბაზების აკუმულირებული ამორტიზაცია.
26. ანგარიშზე – „გასართობი, ლიტერატურული და მხატვრული ორიგინალი ნიმუშების აკუმულირებული ამორტიზაცია“ (1-28-5400) აღირიცხება არამატერიალური აქტივის სახით არსებული გასართობი, ლიტერატურული და მხატვრული ორიგინალი ნიმუშების აკუმულირებული ამორტიზაცია.
27. ანგარიშზე – „ინტელექტუალური საკუთრების სხვა პროდუქტების აკუმულირებული ამორტიზაცია“ (1-28-5500) აღირიცხება არამატერიალური აქტივის სახით არსებული ინტელექტუალური საკუთრების სხვა პროდუქტების აკუმულირებული ამორტიზაცია.
28. ანგარიშზე – „ხელშეკრულებების, იჯარისა და ლიცენზიების აკუმულირებული ამორტიზაცია“ (1-28-5600) მოიცავს: ბაზარზე გაყიდვადი საოპერაციო იჯარების (1-28-5610); ბუნებრივი რესურსებით სარგებლობის ნებართვების (1-28-5620); სპეციფიკური საქმიანობების განხორციელების ნებართვების (1-28-5630) და მომავალში საქონელსა და მომსახურებაზე ექსკლუზიური უფლებების (1-28-5640) აკუმულირებული ამორტიზაციების ანგარიშებს.
29. ანგარიშზე – „ბაზარზე გაყიდვადი საოპერაციო იჯარების აკუმულირებული ამორტიზაცია“ (1-28-5610) აღირიცხება ბაზარზე გაყიდვადი საოპერაციო იჯარის აკუმულირებული ამორტიზაცია.
30. ანგარიშზე – „ბუნებრივი რესურსებით სარგებლობის ნებართვების აკუმულირებული ამორტიზაცია“ (1-28-5620) აღირიცხება ბუნებრივი რესურსებით სარგებლობის ნებართვების აკუმულირებული ამორტიზაცია.
31. ანგარიშზე – „სპეციფიკური საქმიანობების განხორციელების ნებართვების აკუმულირებული ამორტიზაცია“ (1-28-5630) აღირიცხება სპეციფიკური საქმიანობების განხორციელების ნებართვების აკუმულირებული ამორტიზაცია.
32. ანგარიშზე – „მომავალში საქონელსა და მომსახურებაზე ექსკლუზიური უფლებების აკუმულირებული ამორტიზაცია“ (1-28-5640) აღირიცხება მომავალში საქონელსა და მომსახურებაზე ექსკლუზიურ უფლებებზე აკუმულირებული ამორტიზაცია.
33. ანგარიშზე – „გუდვილის აკუმულირებული ამორტიზაცია“ (1-28-5700) აღირიცხება გუდვილის აკუმულირებული ამორტიზაცია.
34. ანგარიშზე – „შეღავათიანი მომსახურების აქტივების აკუმულირებული ცვეთა“ (1-28-6000) – აღირიცხება შეღავათიანი მომსახურების აქტივების აკუმულირებული ცვეთა.
35. ანგარიშზე – „ფინანსური იჯარის ქვეშ მყოფი აქტივების აკუმულირებული ცვეთა“ (1-28-7000) – აღირიცხება ფინანსური იჯარის ქვეშ მყოფი აქტივების აკუმულირებული ცვეთა.
36. ანგარიში – „სხვა არაფინანსური აქტივების აკუმულირებული ცვეთა/ამორტიზაცია“ (1-28-8000) – მოიცავს მატერიალური არაწარმოებული აქტივების, გარდა მიწისა აკუმულირებული ცვეთის (1-28-8100) და სხვა დანარჩენი არაფინანსური აქტივების აკუმულირებული ცვეთის/ამორტიზაციის (1-28-8200) ანგარიშებს.
37. ანგარიშზე – „მატერიალური არაწარმოებული აქტივების, გარდა მიწისა აკუმულირებული ცვეთა“ (1-28-8100) აღირიცხება მატერიალური არაწარმოებული აქტივების აკუმულირებული ცვეთა.
38. ანგარიშზე – „სხვა დანარჩენი არაფინანსური აქტივების აკუმულირებული ცვეთა/ამორტიზაცია“ (1-28-8200) აღირიცხება სხვა დანარჩენი არაფინანსური აქტივების აკუმულირებული ცვეთა და ამორტიზაცია.“.

15. ინსტრუქციის მე-20 მუხლი ჩამოყალიბდეს შემდეგი რედაქციით:

„მუხლი 20. გრძელვადიანი აქტივების აკუმულირებული გაუფასურების ზარალი

1. ანგარიში –„გრძელვადიანი აქტივების აკუმულირებული გაუფასურების ზარალი“ (1-29-0000) – მოიცავს აკუმულირებული გაუფასურების ზარალის შემდეგ ანგარიშებს: საკუთარი მიზნებისთვის გამოყენებული შენობა-ნაგებობების (1-29-1000), მანქანა-დანადგარების და ინვენტარის (1-29-2000), საინვესტიციო ქონების (1-29-3000), არამატერიალური აქტივების (1-29-4000), შეღავათიანი მომსახურების აქტივების (1-29-5000), ფინანსური იჯარის ფარგლებში აქტივების (1-29-6000), სხვა არაფინანსური აქტივების (1-29-7000) და კულტივირებული ცხოველების და მცენარეების (1-29-8000).

2. ანგარიში – „საკუთარი მიზნებისთვის გამოყენებული შენობა-ნაგებობების აკუმულირებული გაუფასურების ზარალი“ (1-29-1000) მოიცავს საკუთარი მიზნებისთვის გამოყენებული შემდეგი აქტივების აკუმულირებული გაუფასურების ზარალის ანგარიშებს: საცხოვრებელი დანიშნულების შენობების (1-29-1100), არასაცხოვრებელი დანიშნულების შენობების (1-29-1200), სხვა ნაგებობების (1-29-1300), მიწის გაუმჯობესების (1-29-1400) და მიწის (1-29-1500).

3. ანგარიშზე – „საკუთარი მიზნებისთვის გამოყენებული საცხოვრებელი დანიშნულების შენობების აკუმულირებული გაუფასურების ზარალი“ (1-29-1100) აღირიცხება საკუთარი მიზნებისთვის გამოყენებული საცხოვრებელი დანიშნულების შენობების აკუმულირებული გაუფასურების ზარალი.

4. ანგარიშზე – „საკუთარი მიზნებისთვის გამოყენებული არასაცხოვრებელი დანიშნულების შენობების აკუმულირებული გაუფასურების ზარალი“ (1-29-1200) აღირიცხება საკუთარი მიზნებისთვის გამოყენებული არასაცხოვრებელი დანიშნულების შენობების აკუმულირებული გაუფასურების ზარალი.

5. ანგარიშზე – „საკუთარი მიზნებისთვის გამოყენებული სხვა ნაგებობების აკუმულირებული გაუფასურების ზარალი“ (1-29-1300) აღირიცხება საკუთარი მიზნებისთვის გამოყენებული სხვა ნაგებობების აკუმულირებული გაუფასურების ზარალი.

6. ანგარიშზე – „საკუთარი მიზნებისთვის გამოყენებული მიწის გაუმჯობესების აკუმულირებული გაუფასურების ზარალი“ (1-29-1400) აღირიცხება საკუთარი მიზნებისთვის გამოყენებული მიწის გაუმჯობესების აკუმულირებული გაუფასურების ზარალი.

7. ანგარიშზე – „საკუთარი მიზნებისთვის გამოყენებული მიწის აკუმულირებული გაუფასურების ზარალი“ (1-29-1500) აღირიცხება საკუთარი მიზნებისთვის გამოყენებული მიწის აკუმულირებული გაუფასურების ზარალი.

8. ანგარიში – „მანქანა-დანადგარების და ინვენტარის აკუმულირებული გაუფასურების ზარალი“ (1-29-2000) მოიცავს: სატრანსპორტო საშუალებების (1-29-2100), სხვა მანქანა-დანადგარების და ინვენტარის (1-29-2200) და სამხედრო იარაღის სისტემების (1-29-2300) აკუმულირებული გაუფასურების ზარალის ანგარიშებს.

9. ანგარიშზე – „სატრანსპორტო საშუალებების აკუმულირებული გაუფასურების ზარალი“ (1-29-2100) აღირიცხება სატრანსპორტო საშუალებების აკუმულირებული გაუფასურების ზარალი.

10. ანგარიში – „სხვა მანქანა-დანადგარების და ინვენტარის აკუმულირებული გაუფასურების ზარალი“ (1-29-2200) მოიცავს: საინფორმაციო, კომპიუტერული, სატელეკომუნიკაციო და სხვა დანადგარების, ავეჯის და აღჭურვის (1-29-2210) და სხვა დანარჩენი მანქანა-დანადგარების და ინვენტარის (1-29-2220) აკუმულირებული გაუფასურების ზარალის ანგარიშებს.

11. ანგარიშზე – „საინფორმაციო, კომპიუტერული, სატელეკომუნიკაციო და სხვა დანადგარების, ავეჯის და აღჭურვის აკუმულირებული გაუფასურების ზარალი“ (1-29-2210) აღირიცხება საინფორმაციო, კომპიუტერული, სატელეკომუნიკაციო და სხვა დანადგარების, ავეჯის და აღჭურვის აკუმულირებული გაუფასურების ზარალი.

12. ანგარიშზე – „სხვა დანარჩენი მანქანა-დანადგარების და ინვენტარის აკუმულირებული გაუფასურების ზარალი“ (1-29-2220) აღირიცხება სხვა დანარჩენი მანქანა-დანადგარების და ინვენტარის აკუმულირებული გაუფასურების ზარალი.

13. ანგარიშზე – „სამხედრო იარაღის სისტემების აკუმულირებული გაუფასურების ზარალი“ (1-29-2300) აღირიცხება სამხედრო იარაღის სისტემების აკუმულირებული გაუფასურების ზარალი.

14. ანგარიში – „საინვესტიციო ქონების აკუმულირებული გაუფასურების ზარალი“ (1-29-3000) – მოიცავს საინვესტიციო ქონებად კლასიფიცირებული შემდეგი აქტივების აკუმულირებული გაუფასურების ზარალის ანგარიშებს: საცხოვრებელი დანიშნულების შენობების (1-29-3100), არასაცხოვრებელი დანიშნულების შენობების (1-29-3200), სხვა ნაგებობების (1-29-3300), მიწის გაუმჯობესების (1-29-3400) და მიწის (1-29-3500).

15. ანგარიშზე – „საინვესტიციო ქონებად კლასიფიცირებული საცხოვრებელი დანიშნულების შენობების აკუმულირებული გაუფასურების ზარალი“ (1-29-3100) აღირიცხება საინვესტიციო ქონების სახით არსებული საცხოვრებელი დანიშნულების შენობების აკუმულირებული გაუფასურების ზარალი.

16. ანგარიშზე – „საინვესტიციო ქონებად კლასიფიცირებული არასაცხოვრებელი დანიშნულების შენობების აკუმულირებული გაუფასურების ზარალი“ (1-29-3200) აღირიცხება საინვესტიციო ქონების სახით არსებული არასაცხოვრებელი დანიშნულების შენობების აკუმულირებული გაუფასურების ზარალი.

17. ანგარიშზე – „საინვესტიციო ქონებად კლასიფიცირებული სხვა ნაგებობების აკუმულირებული გაუფასურების ზარალი“ (1-29-3300) აღირიცხება საინვესტიციო ქონების სახით არსებული სხვა ნაგებობების აკუმულირებული გაუფასურების ზარალი.

18. ანგარიშზე –„საინვესტიციო ქონებად კლასიფიცირებული მიწის გაუმჯობესების აკუმულირებული გაუფასურების ზარალი“ (1-29-3400) აღირიცხება საინვესტიციო ქონების სახით არსებული მიწის გაუმჯობესების აკუმულირებული გაუფასურების ზარალი.

19. ანგარიშზე –„საინვესტიციო ქონებად კლასიფიცირებული მიწის აკუმულირებული გაუფასურების ზარალი“ (1-29-3500) აღირიცხება საინვესტიციო ქონების სახით არსებული მიწის აკუმულირებული გაუფასურების ზარალი.

20. ანგარიში – „არამატერიალური აქტივები“ (1-29-4000) – მოიცავს: კვლევის და განვითარების (1-29-4100), მინერალური წიაღისეულის ძიების და შეფასებების (1-29-4200), კომპიუტერული პროგრამების და მონაცემთა ბაზების (1-29-4300), გასართობი, ლიტერატურული და მხატვრული ორიგინალი ნიმუშების (1-29-4400) და ინტელექტუალური საკუთრების სხვა პროდუქტების (1-29-4500) აკუმულირებული გაუფასურების ზარალის ანგარიშებს.

21. ანგარიშზე –„კვლევის და განვითარების აკუმულირებული გაუფასურების ზარალი“ (1-29-4100) აღირიცხება არამატერიალური აქტივის სახით არსებული კვლევის და განვითარების აკუმულირებული გაუფასურების ზარალი.

22. ანგარიშზე – „მინერალური წიაღისეულის ძიების და შეფასებების აკუმულირებული გაუფასურების ზარალი“ (1-29-4200) აღირიცხება არამატერიალური აქტივის სახით არსებული მინერალური წიაღისეულის ძიების და შეფასებების აკუმულირებული გაუფასურების ზარალი.

23. ანგარიშზე –„კომპიუტერული პროგრამების და მონაცემთა ბაზების აკუმულირებული გაუფასურების ზარალი“ (1-29-4300) აღირიცხება არამატერიალური აქტივის სახით არსებული კომპიუტერული პროგრამების (1-29-4310) და მონაცემთა ბაზების (1-29-4320) აკუმულირებული გაუფასურების ზარალი.

ანგარიშზე –„კომპიუტერული პროგრამების აკუმულირებული გაუფასურების ზარალი“ (1-29-4310) აღირიცხება არამატერიალური აქტივის სახით არსებული კომპიუტერული პროგრამების აკუმულირებული გაუფასურების ზარალი.

24. ანგარიშზე – „მონაცემთა ბაზების აკუმულირებული გაუფასურების ზარალი“ (1-29-4320) აღირიცხება არამატერიალური აქტივის სახით არსებული კომპიუტერული მონაცემთა ბაზების აკუმულირებული გაუფასურების ზარალი.

25. ანგარიშზე – „გასართობი, ლიტერატურული და მხატვრული ორიგინალი ნიმუშების აკუმულირებული გაუფასურების ზარალი“ (1-29-4400) აღირიცხება არამატერიალური აქტივის სახით არსებული გასართობი, ლიტერატურული და მხატვრული ორიგინალი ნიმუშების აკუმულირებული გაუფასურების ზარალი.

26. ანგარიშზე – „ინტელექტუალური საკუთრების სხვა პროდუქტების აკუმულირებული გაუფასურების ზარალი“ (1-29-4500) აღირიცხება არამატერიალური აქტივის სახით არსებული ინტელექტუალური საკუთრების სხვა პროდუქტების აკუმულირებული გაუფასურების ზარალი.

27. ანგარიში – „ხელშეკრულების, იჯარის, ლიცენზიების აკუმულირებული გაუფასურების ზარალი“ (1-29-4600) მოიცავს: ბაზარზე გაყიდვადი საოპერაციო იჯარის (1-29-4610), ბუნებრივი რესურსებით სარგებლობის ნებართვების (1-29-4620), სპეციფიკური საქმიანობების განხორციელების ნებართვების (1-29-4630) და მომავალში საქონელსა და მომსახურებაზე ექსკლუზიური უფლებების (1-29-4640) აკუმულირებული ზარალის ანგარიშებს.

28. ანგარიშზე – „ბაზარზე გაყიდვადი საოპერაციო იჯარის აკუმულირებული გაუფასურების ზარალი“ (1-29-4610) აღირიცხება ბაზარზე გაყიდვადი საოპერაციო იჯარის აკუმულირებული გაუფასურების ზარალი.

29. ანგარიშზე – „ბუნებრივი რესურსებით სარგებლობის ნებართვების აკუმულირებული გაუფასურების ზარალი“ (1-29-4620) აღირიცხება ბუნებრივი რესურსებით სარგებლობის ნებართვების აკუმულირებული გაუფასურების ზარალი.

30. ანგარიშზე – „სპეციფიკური საქმიანობების განხორციელების ნებართვების აკუმულირებული გაუფასურების ზარალი“ (1-29-4630) აღირიცხება სპეციფიკური საქმიანობების განხორციელების ნებართვების აკუმულირებული გაუფასურების ზარალი.

31. ანგარიშზე – „მომავალში საქონელსა და მომსახურებაზე ექსკლუზიური უფლებების აკუმულირებული გაუფასურების ზარალი“ (1-29-4640) აღირიცხება მომავალში საქონელსა და მომსახურებაზე ექსკლუზიური უფლებების აკუმულირებული გაუფასურების ზარალი.

32. ანგარიშზე – „გუდვილის აკუმულირებული გაუფასურების ზარალი“ (1-29-4700) აღირიცხება გუდვილის აკუმულირებული გაუფასურების ზარალი.

33. ანგარიშზე – „შეღავათიანი მომსახურების აქტივების აკუმულირებული გაუფასურების ზარალი“ (1-29-5000) – აღირიცხება შეღავათიანი მომსახურების აქტივების აკუმულირებული გაუფასურების ზარალი.

34. ანგარიშზე – „ფინანსური იჯარის ქვეშ მყოფი აქტივების აკუმულირებული გაუფასურების ზარალი“ (1-29-6000) – აღირიცხება ფინანსური იჯარის ქვეშ მყოფი აქტივების აკუმულირებული გაუფასურების ზარალი.

35. ანგარიში – „სხვა არაფინანსური აქტივების აკუმულირებული გაუფასურების ზარალი“ (1-29-7000) მოიცავს ფასეულობების აკუმულირებული გაუფასურების ზარალის (1-29-7100) ანგარიშს.

36. ანგარიში – „ფასეულობების აკუმულირებული გაუფასურების ზარალი“ (1-29-7100) – მოიცავს: ძვირფასი ქვების და ლითონების (1-29-7110), ხელოვნების ნიმუშების (1-29-7120) და სხვა ფასეულობების (1-29-7130) აკუმულირებული გაუფასურების ზარალის ანგარიშებს.

37. ანგარიშზე – „ძვირფასი ქვების და ლითონების აკუმულირებული გაუფასურების ზარალი“ (1-29-7110) აღირიცხება ფასეულობების სახით არსებული ძვირფასი ქვების და ლითონების აკუმულირებული გაუფასურების ზარალი.

38. ანგარიშზე – „ხელოვნების ნიმუშების აკუმულირებული გაუფასურების ზარალი“ (1-29-7120) აღირიცხება ფასეულობების სახით არსებული ხელოვნების ნიმუშების აკუმულირებული გაუფასურების ზარალი.

39. ანგარიშზე – „სხვა ფასეულობების აკუმულირებული გაუფასურების ზარალი“ (1-29-7130) აღირიცხება იმ ფასეულობების აკუმულირებული გაუფასურების ზარალი, რომლებიც სხვაგან არ არის კლასიფიცირებული.

40 ანგარიში – „მატერიალური არაწარმოებული აქტივების აკუმულირებული გაუფასურების ზარალი“ (1-29-7200) – მოიცავს: მინერალური და ენერგორესურსების (1-29-7210) და სხვა ბუნებრივად წარმოშობილი აქტივების (1-29-7220) აკუმულირებული გაუფასურების ზარალის ანგარიშებს.

41. ანგარიშზე – „მინერალური და ენერგორესურსების აკუმულირებული გაუფასურების ზარალი“ (1-29-7210) აღირიცხება მინერალური და ენერგორესურსების აკუმულირებული გაუფასურების ზარალი.

42. ანგარიში – „სხვა ბუნებრივად წარნოშობილი აქტივების აკუმულირებული გაუფასურების ზარალი“ (1-29-7220) მოიცავს: არაკულტივირებული ბიოლოგიური რესურსების (1-29-7221), წყლის რესურსების (1-29-7222), რადიო-სიხშირული სპექტრის (1-29-7223) და ბუნებრივი რესურსების, რომლებიც სხვაგან არ არის კლასიფიცირებული (1-29-7224) აკუმულირებული გაუფასურების ზარალის ანგარიშებს.

43. ანგარიშზე – „არაკულტივირებული ბიოლოგიური რესურსების აკუმულირებული გაუფასურების ზარალი“ (1-29-7221) აღირიცხება არაკულტივირებული ბიოლოგიური რესურსების აკუმულირებული გაუფასურების ზარალი.

44. ანგარიშზე – „წყლის რესურსების აკუმულირებული გაუფასურების ზარალი“ (1-29-7222) აღირიცხება წყლის სახით არსებული ბიოლოგიური რესურსების აკუმულირებული გაუფასურების ზარალი.

45. ანგარიშზე – „რადიოსიხშირული სპექტრის აკუმულირებული გაუფასურების ზარალი“ (1-29-7223) აღირიცხება რადიოსიხშირული სპექტრის აკუმულირებული გაუფასურების ზარალი.

46. ანგარიშზე – „ბუნებრივი რესურსების, რომლებიც სხვაგან არ არის კლასიფიცირებული, აკუმულირებული გაუფასურების ზარალი“ (1-29-7224) აღირიცხება იმ ბუნებრივი რესურსების აკუმულირებული გაუფასურების ზარალი, რომლებიც სხვაგან არ არის კლასიფიცირებული.

47. ანგარიშზე – „კულტივირებული ცხოველების და მცენარეების გაუფასურების ზარალი“ (1-29-8000) აღირიცხება კულტივირებული ცხოველების და მცენარეების გაუფასურებით წარმოქმნილი ზარალი.

16. ინსტრუქციის 21-ე მუხლის მე-3 პუნქტი ჩამოყალიბდეს შემდეგი რედაქციით:

 „3. მოკლევადიანი (მიმდინარე) ვალდებულებების ჯგუფი (2-10-0000) მოიცავს: მოკლევადიან (მიმდინარე) ვალდებულებებს ფასიანი ქაღალდებით და დეპოზიტებით (2-11-0000), კრედიტებით და სესხებით მოკლევადიან (მიმდინარე) ვალდებულებებს (2-12-0000), მოკლევადიან (მიმდინარე) კრედიტორულ დავალიანებებს (2-13-0000), მოკლევადიან (მიმდინარე) ანარიცხებს (2-14-0000), სხვა მოკლევადიან (მიმდინარე) ვალდებულებებს (2-15-0000); ვალდებულებებს დეპოზიტებით (2-16-0000) და ვალდებულებებს აქციებით და სხვა კაპიტალით (2-17-0000).“.

17. ინსტრუქციის 22-ე მუხლის:

ა) სათაური ჩამოყალიბდეს შემდეგი რედაქციით:

„მუხლი 22. მოკლევადიანი (მიმდინარე) ვალდებულებები ფასიანი ქაღალდებით და დეპოზიტებით“;

ბ) პირველი პუნქტი ჩამოყალიბდეს შემდეგი რედაქციით:

„1. ანგარიში – „მოკლევადიანი (მიმდინარე) ვალდებულებები ფასიანი ქაღალდებით და დეპოზიტებით“ (2-11-0000) მოიცავს მოკლევადიან (მიმდინარე) ვალდებულებებს ფასიანი ქაღალდებით ეროვნულ ვალუტაში (2-11-1000), მოკლევადიან (მიმდინარე) ვალდებულებებს ფასიანი ქაღალდებით უცხოურ ვალუტაში (2-11-2000) და მოკლევადიან (მიმდინარე) ვალდებულებებს დეპოზიტებით“ (2-11-3000).“;

გ) მე-5 პუნქტის შემდეგ დაემატოს მე-6 – მე-8 პუნქტები შემდეგი რედაქციით:

„6. ანგარიში – „მოკლევადიანი (მიმდინარე) ვალდებულებები დეპოზიტებით“ (2-11-3000) – მოიცავს მოკლევადიან (მიმდინარე) ვალდებულებებს დეპოზიტებთ ეროვნულ ვალუტაში (2-11-3100) და მოკლევადიან (მიმდინარე) ვალდებულებებს დეპოზიტებით უცხოურ ვალუტაში (2-11-3200).“

7. ანგარიშზე – „მოკლევადიანი (მიმდინარე) ვალდებულებები დეპოზიტებით ეროვნულ ვალუტაში“ (2-11-3100) – აღირიცხება მოკლევადიანი (მიმდინარე) ვალდებულებები დეპოზიტებით ეროვნულ ვალუტაში.

8. ანგარიშზე – „მოკლევადიანი (მიმდინარე) ვალდებულებები დეპოზიტებით უცხოურ ვალუტაში“ (2-11-3200) – აღირიცხება მოკლევადიანი (მიმდინარე) ვალდებულებები დეპოზიტებით უცხოურ ვალუტაში.“.

18. ინსტრუქციის 24-ე მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. ანგარიში – სახაზინო ოპერაციებთან დაკავშირებული გადასახდელები (2-13-1000) მოიცავს ხაზინისათვის გადასახდელებს საგადასახადო შემოსავლებიდან (2-13-1100), ხაზინისათვის გადასახდელებს არასაგადასახადო შემოსავლებიდან (2-13-1200), ხაზინის მიერ საბიუჯეტო ორგანიზაციებისათვის გადასახდელებს (2-13-1300); ხაზინისათვის გადასახდელებს გრანტის შემოსავლებიდან (2-13-1400) და ხაზინისათვის გადასახდელებს შემოსულობებით (2-13-1500).“ ;

ბ) მე-5 პუნქტის შემდეგ დაემატოს 5¹ და 5² პუნქტები შემდეგი რედაქციით:

„5¹. ანგარიშზე – „ხაზინისათვის გადასახდელები გრანტის შემოსავლებიდან“ (2-13-1400) აღირიცხება ორგანიზაციის მიერ ხაზინისთვის გადასახდელი გრანტის შემოსავლებიდან.

5². ანგარიშზე – „ხაზინისათვის გადასახდელები შემოსულობებით“ (2-13-1500) აღირიცხება ორგანიზაციის მიერ ხაზინისთვის გადასახდელები შემოსულობებიდან.“;

გ) მე-15 პუნქტი ჩამოყალიბდეს შემდეგი რედაქციით:

„15. ანგარიში – თანამშრომლებთან დაკავშირებული გადასახდელები და სტიპენდიები (2-13-3000) მოიცავს შტატით მომუშავეთა ხელფასებს (2-13-3100), შტატგარეშე მომუშავეთა ხელფასებით (2-13-3200), ქვეყნის შიგნით მივლინებებით (2-13-3300), ქვეყნის გარეთ მივლინებებით (2-13-3400), დამსაქმებლის მიერ ფულადი სახით გაწეულ სოციალურ დახმარებებით (2-13-3500), დამსაქმებლის მიერ საქონლის სახით გაცემულ სოციალურ დახმარებებით (2-13-3600), თანამშრომელთა ხელფასებიდან დაკავებული თანხებით (2-13-3700), სტიპენდიებით (2-13-3800), სოციალური დახმარებით წარმოქმნილ მოკლევადიან (მიმდინარე) კრედიტორულ დავალიანებებს (2-13-3900).“;

დ) 24-ე პუნქტი ჩამოყალიბდეს შემდეგი რედაქციით:

„24. ანგარიში – „სოციალური დახმარებით წარმოქმნილი მოკლევადიანი (მიმდინარე) კრედიტორული დავალიანებები“ (2-13-3900) მოიცავს ფულადი ფორმით გაწეულ სოციალურ დახმარებებით ( 2-13-3910), სასაქონლო ფორმით გაწეულ სოციალურ დახმარებებით (2-13-3920), სახელმწიფოს მიერ საპენსიო სქემაში შენატანით (2-13-3930), დამსაქმებლის მიერ საპენსიო სქემაში შენატანით (2-13-3940) და დასაქმებულის მიერ საპენსიო სქემაში შენატანით წარმოქმნილი მოკლევადიანი (მიმდინარე) კრედიტორული დავალიანებები (2-13-3950).“;

ე) 25-ე პუნქტი ჩამოყალიბდეს შემდეგი რედაქციით:

„25. ანგარიში – „ფულადი ფორმით გაწეული სოციალური დახმარებები“ (2-13-3910) მოიცავს: ფულადი ფორმით გაწეულ სოციალური დახმარებებით წარმოქმნილ მოკლევადიან (მიმდინარე) კრედიტორულ დავალიანებებს საბიუჯეტო წლის ფარგლებში (2-13-3911) და ფულადი ფორმით გაწეულ სოციალური დახმარებებით წარმოქმნილ მოკლევადიან (მიმდინარე) კრედიტორულ დავალიანებებს საბიუჯეტო წლის ფარგლებს გარეთ (2-13-3912) .“;

ვ) 25-ე პუნქტის შემდეგ დაემატოს 25¹ და 25² პუნქტები შემდეგი რედაქციით:

„25¹. ანგარიშზე – ფულადი ფორმით გაწეული სოციალური დახმარებებით წარმოქმნილი მოკლევადიანი (მიმდინარე) კრედიტორული დავალიანებები საბიუჯეტო წლის ფარგლებში (2-13-3911) აღირიცხება საბიუჯეტო კლასიფიკაციის სოციალური დახმარების მუხლით განსაზღვრული ხარჯებით წარმოქნილი ვალდებულებები საბიუჯეტო წლის ფარგლებში.

25². ანგარიშზე – ფულადი ფორმით გაწეული სოციალური დახმარებებით წარმოქმნილი მოკლევადიანი (მიმდინარე) კრედიტორული დავალიანებები საბიუჯეტო წლის ფარგლებს გარეთ (2-13-3912) აღირიცხება საბიუჯეტო კლასიფიკაციის სოციალური დახმარების მუხლით განსაზღვრული ხარჯებით წარმოქნილი ვალდებულებები საბიუჯეტო წლის ფარგლებს გარეთ.“;

ზ) 36-ე პუნქტი ჩამოყალიბდეს შემდეგი რედაქციით:

„36. ანგარიში – „გრძელვადიანი არაფინანსური აქტივების მოწოდებით წარმოქმნილი მოკლევადიანი (მიმდინარე) კრედიტორული დავალიანებები“ (2-13-6000) მოიცავს გრძელვადიანი არაფინანსური აქტივების მოწოდებით წარმოქმნილ მოკლევადიან (მიმდინარე) კრედიტორულ დავალიანებებს საბიუჯეტო წლის ფარგლებში (2-13-6100) და გრძელვადიანი არაფინანსური აქტივების მოწოდებით წარმოქმნილ მოკლევადიან (მიმდინარე) კრედიტორულ დავალიანებებს საბიუჯეტო წლის ფარგლებს გარეთ (2-13-6200).“;

თ) 38-ე პუნქტი ჩამოყალიბდეს შემდეგი რედაქციით:

„38. ანგარიშზე – „გრძელვდიანი არაფინანსური აქტივების მოწოდებით წარმოქმნილი მოკლევადიანი (მიმდინარე) კრედიტორული დავალიანებები საბიუჯეტო წლის ფარგლებს გარეთ“ (2-13-6200) აღირიცხება გრძელვადიანი არაფინანსური აქტივების მოწოდებით საბიუჯეტო წლის ფარგლებს გარეთ წარმოქმნილი მოკლევადიანი კრედიტორული დავალიანებები.“;

ი) 39-ე პუნქტი ჩამოყალიბდეს შემდეგი რედაქციით:

„39. ანგარიში – „სხვა მოკლევადიანი (მიმდინარე) კრედიტორული დავალიანებები“ (2-13-9000) მოიცავს დარიცხულ გადასახდელ რენტას (2-13-9100), ვალდებულებებს დეპონენტების მიმართ (2-13-9300); გადასახდელ დივიდენდებს (2-13-9400), მოკლევადიან (მიმდინარე) ფულად ვალდებულებებს არაგაცვლით ოპერაციებთან დაკავშირებით (2-13-9500) და სხვა დანარჩენ მოკლევადიან (მიმდინარე) კრედიტორულ დავალიანებებს (2-13-9900).“;

კ) 41-ე პუნქტი ამოღებულ იქნეს;

ლ) 43-ე პუნქტის შემდეგ დაემატოს 43¹ პუნქტი შემდეგი რედაქციით:

„43¹ . ანგარიშზე – „მოკლევადიანი (მიმდინარე) ფულადი ვალდებულებები არაგაცვლით ოპერაციებთან დაკავშირებით (2-13-9500) აღირიცხება ისეთი მოკლევადიანი კრედიტორული დავალიანებები, რომლებიც უკავშირდება არაგაცვლით ოპერაციებით წარმოქმნილ ხარჯებს.“;

მ) 44-ე პუნქტი ჩამოყალიბდეს შემდეგი რედაქციით:

„44. ანგარიში – „სხვა დანარჩენი მოკლევადიანი (მიმდინარე) კრედიტორული დავალიანებები“ (2-13-9900) მოიცავს: სხვა დანარჩენ მოკლევადიან (მიმდინარე) კრედიტორულ დავალიანებებს საბიუჯეტო წლის ფარგლებში (2-13—9910) და სხვა დანარჩენ მოკლევადიან (მიმდინარე) კრედიტორულ დავალიანებებს საბიუჯეტო წლის ფარგლებს გარეთ(2-13-9920).“;

ნ) 44-ე პუნქტის შემდეგ დაემატოს 45-ე და 46 -ე პუნქტები შემდეგი რედაქციით:

„45. ანგარიში – „სხვა დანარჩენი მოკლევადიანი (მიმდინარე) კრედიტორული დავალიანებები საბიუჯეტო წლის ფარგლებში“ (2-13-9910) აღირიცხება დარიცხული მოკლევადიანი ვალდებულებები, რომელთა ასახვა გათვალისწინებული არ არის სხვა მოკლევადიანი კრედიტორული დავალიანებების სხვა ანგარიშებზე საბიუჯეტო წლის ფარგლებში.

46. ანგარიში – „სხვა დანარჩენი მოკლევადიანი (მიმდინარე) კრედიტორული დავალიანებები საბიუჯეტო წლის ფარგლებს გარეთ“ (2-13-9920) აღირიცხება დარიცხული მოკლევადიანი ვალდებულებები, რომელთა ასახვა გათვალისწინებული არ არის სხვა მოკლევადიანი კრედიტორული დავალიანებების სხვა ანგარიშებზე საბიუჯეტო წლის ფარგლებს გარეთ.“.

19. ინსტრუქციის 26-ე მუხლი ჩამოყალიბდეს შემდეგი რედაქციით:

„მუხლი 26. სხვა მოკლევადიანი (მიმდინარე) ვალდებულებები

 1. ანგარიში – „სხვა მოკლევადიანი (მიმდინარე) ვალდებულებები“ (2-15-0000) მოიცავს ავანსად მიღებულ მოკლევადიან (მიმდინარე) შემოსავლებს (2-15-1000); მოკლევადიან (მიმდინარე) არაფულად ვალდებულებებს არაფინანსური აქტივების მიღებით (2-15-2000), ბარტერული ოპერაციების შედეგად გასაცემი აქტივებით წარმოქმნილ მოკლევადიან (მიმდინარე) ვალდებულებებს (2-15-3000) და მოკლევადიან (მიმდინარე) არაფულად ვალდებულებებს არაგაცვლით ოპერაციებთან დაკავშირებით (2-15-4000).

2. ანგარიში – „მოკლევადიანი (მიმდინარე) ავანსად მიღებული შემოსავლები“ (2-15-1000) მოიცავს: მოკლევადიან (მიმდინარე) ავანსად მიღებულ საგადასახადო შემოსავლებს (2-15-1100) და მოკლევადიან (მიმდინარე) ავანსად მიღებულ არასაგადასახადო შემოსავლებს (2-15-1200).

3. ანგარიშზე – „მოკლევადიანი (მიმდინარე) ავანსად მიღებული საგადასახადო შემოსავლები“ (2-15-1100) აღირიცხება ავანსად მიღებული საგადასახადო შემოსავლებით წარმოქმნილი მოკლევადიანი ვალდებულებები.

4. ანგარიში „მოკლევადიანი (მიმდინარე) ავანსად მიღებული არასაგადასახადო შემოსავლები“ (2-15-1200) მოიცავს: მოკლევადიანი (მიმდინარე) ავანსად მიღებულ იჯარის შემოსავლებს (2-15-1210), მოკლევადიანი (მიმდინარე) ავანსად მიღებული გრანტებით და სხვა არაგაცვლით ოპერაციებით შემოსავლებს (2-15-1220) და მოკლევადიან (მიმდინარე) ავანსად მიღებულ სხვა არასაგადასახადო შემოსავლებს (2-15-1230).

5. ანგარიშზე – „მოკლევადიანი (მიმდინარე) ავანსად მიღებული იჯარის შემოსავლები“ (2-15-1210) აღირიცხება მომავალი პერიოდის იჯარის შემოსავლებით წარმოქმნილი მოკლევადიანი ვალდებულებები.

6. ანგარიშზე – „მოკლევადიანი (მიმდინარე) ავანსად მიღებული გრანტებით და არაგაცვლითი ოპერაციებით შემოსავლები“ (2-15-1220) აღირიცხება წინასწარ მიღებული გრანტებით და სხვა არაგაცვლითი ოპერაციებით წარმოქმნილი მოკლევადიანი ვალდებულებები.

7. ანგარიშზე – „მოკლევადიანი (მიმდინარე) ავანსად მიღებული სხვა არასაგადასახადო შემოსავლები“ (2-15-1230) აღირიცხება მომავალი პერიოდის სხვა არასაგადასახადო შემოსავლების სახით წარმოქმნილი მოკლევადიანი ვალდებულებები.

8. ანგარიში – მოკლევადიანი (მიმდინარე) არაფულადი ვალდებულებები არაფინანსური აქტივების მიღებით“ (2-15-2000) მოიცავს მოკლევადიან (მიმდინარე) არაფულად ვალდებულებებს მოკლევადიანი არაფინანსური აქტივების მიღებით (2-15-2100) და მოკლევადიან (მიმდინარე) არაფულად ვალდებულებებს გრძელვადიანი არაფინანსური აქტივების მიღებით (2-15-2200).

9. ანგარიშზე – „მოკლევადიანი (მიმდინარე) არაფულადი ვალდებულებები მოკლევადიანი არაფინანსური აქტივების მიღებით“ (2-15-2100) აღირიცხება მოკლევადიანი არაფინანსური აქტივების მიღებასთან დაკავშირებით წარმოქმნილი მოკლევადიანი არაფულადი ვალდებულებები.

10. ანგარიშზე – „მოკლევადიანი (მიმდინარე) არაფულადი ვალდებულებები გრძელვადიანი არაფინანსური აქტივების მიღებით“ (2-15-2200) აღირიცხება გრძელვადიანი არაფინანსური აქტივების მიღებასთან დაკავშირებით წარმოქმნილი მოკლევადიანი არაფულადი ვალდებულებები.

11. ანგარიშზე – „ბარტერული ოპერაციების შედეგად გასაცემი აქტივებით წარმოქმნილი მოკლევადიანი (მიმდინარე) ვალდებულებები (2-15-3000) აღირიცხება ბარტერით ოპერაციების შედეგად აქტივების გადაცემასთან დაკავშირებით წარმოქმნილი მოკლევადიანი ვალდებულებები.

12. ანგარიშზე – „მოკლევადიანი (მიმდინარე) არაფულადი ვალდებულებები არაგაცვლით ოპერაციებთან დაკავშირებით (2-15-4000) – აღირიცხება მოკლევადიანი (მიმდინარე) არაფულადი ვალდებულებები წარმოქმნილი არაგაცვლით ოპერაციებთან დაკავშირებით.“.

20. ინსტრუქციის 34-ე მუხლის:

ა) პირველი პუნქტი ჩამოყალიბდეს შემდეგი რედაქციით:

 „1. ანგარიში – სხვა გრძელვადინი კრედიტორული დავალინებები და არაფულადი ვალდებულებები (2-26-0000) მოიცავს: საქონლის და მომსახურების მოწოდებით დარიცხულ გრძელვადიან კრედიტორულ დავალიანებებს (2-26-1000); არაფინანსური აქტივების მოწოდებით დარიცხულ გრძელვადიან კრედიტორულ დავალიანებებს (2-26-2000), გრძელვადიან ფულად და არაფულად ვალდებულებებს არაგაცვლით ოპერაციებთან დაკავშირებით (2-26-3000), გრძელვადიან ავანსად მიღებულ შემოსავლებს (2-26-4000) და სხვა დანარჩენ გრძელვადიან კრედიტორულ დავალიანებებს და არაფულად ვალდებულებებს (2-26-5000).“;

ბ) მე-3 პუნქტი ჩამოყალიბდეს შემდეგი რედაქციით:

„3. ანგარიში – „არაფინანსური აქტივების მოწოდებით დარიცხული გრძელვადიანი კრედიტორული დავალიანებები“ (2-26-2000) მოიცავს: მოკლევადიანი არაფინანსური აქტივების მოწოდებით წარმოქმნილ გრძელვადიან კრედიტორულ დავალიანებებს (2-26-2100) და გრძელვადიან არაფინანსური აქტივების მოწოდებით წარმოქმნილ გრძელვადიან კრედიტორულ დავალიანებებს (2-26-2200).“

გ) მე-3 პუნქტის შემდეგ დაემატოს 3¹ - 3⁹ პუნქტები შემდეგი რედაქციით:

„3¹. ანგარიშზე – „მოკლევადიანი არაფინანსური აქტივების მოწოდებით წარმოქმნილი გრძელვადიანი კრედიტორული დავალიანებები“ (2-26-2100) აღირიცხება მოკლევადიანი არაფინანსური აქტივების მოწოდებათან წარმოქმნილი გრძელვადიანი კრედიტორული დავალიანებები.

3². ანგარიშზე – „გრძელვადიანი არაფინანსური აქტივების მოწოდებით წარმოქმნილი გრძელვადიანი კრედიტორული დავალიანებები“ (2-26-2200) გრძელვადიანი არაფინანსური აქტივების მოწოდებათან წარმოქმნილი გრძელვადიანი კრედიტორული დავალიანებები.

3³. ანგარიშზე – „გრძელვადიანი ფულადი და არაფულადი ვალდებულებები არაგაცვლით ოპერაციებთან დაკავშირებით“ (2-26-3000) აღირიცხება გრძელვადიანი ფულადი და არაფულადი ვალდებულებები წარმოქმნილი არაგაცვლითი ოპერაციებით.

3⁴.ანგარიში – „გრძელვადიანი ავანსად მიღებული შემოსავლები“ (2-26-4000) მოიცავს: გრძელვადიან ავანსად მიღებულ საგადასახადო შემოსავლებს (2-26-4100) და გრძელვადიან ავანსად მიღებულ არასაგადასახადო შემოსავლებს (2-26-4200).

3⁵. ანგარიშზე – „გრძელვადიანი ავანსად მიღებული საგადასახადო შემოსავლები“ (2-26-4100) აღირიცხება ავანსად მიღებული საგადასახადო შემოსავლებით წარმოქმნილი გრძელვადიანი ვალდებულებები.

3⁶. ანგარიში „გრძელვადიანი ავანსად მიღებული არასაგადასახადო შემოსავლები“ (2-26-4200) მოიცავს: გრძელვადიან ავანსად მიღებულ იჯარის შემოსავლებს (2-26-4210), გრძელვადიანი ავანსად მიღებული გრანტებით და სხვა არაგაცვლით ოპერაციებით შემოსავლებს (2-26-4220) და გრძელვადიან ავანსად მიღებულ სხვა არასაგადასახადო შემოსავლებს (2-26-4230).

3⁷. ანგარიშზე – „გრძელვადიანი ავანსად მიღებული იჯარის შემოსავლები“ (2-26-4210) აღირიცხება მომავალი პერიოდის იჯარის შემოსავლებით წარმოქმნილი გრძელვადიანი ვალდებულებები.

3⁸. ანგარიშზე – „გრძელვადიანი ავანსად მიღებული გრანტებით და სხვა არაგაცვლითი ოპერაციებით შემოსავლები“ (2-26-4220) აღირიცხება წინასწარ მიღებული გრანტებით და სხვა არაგაცვლითი ოპერაციებით წარმოქმნილი გრძელვადიანი ვალდებულებები.

3⁹. ანგარიშზე – „გრძელვადიანი ავანსად მიღებული სხვა არასაგადასახადო შემოსავლები“ (2-26-4230) აღირიცხება მომავალი პერიოდის სხვა არასაგადასახადო შემოსავლების სახით წარმოქმნილი გრძელვადიანი ვალდებულებები.“;

დ) მე-4 პუნქტი ჩამოყალიბდეს შემდეგი რედაქციით:

 „4. ანგარიშზე – „სხვა დანარჩენი გრძელვადინი კრედიტორული დავალინებები და არაფულადი ვალდებულებები“ (2-26-4000) აღირიცხება გრძელვადიანი კრედიტორული დავალიანებები და არაფულადი ვალდებულებები, რომელთა ასახვა გათვალისწინებული არ არის გრძელვადიანი კრედიტორული დავალიანებების და არაფულადი ვალდებულებების სხვა ანგარიშებზე.

21. ინსტრუქციის 35-ე მუხლის მე-2 პუნქტი ჩამოყალიბდეს შემდეგი რედაქციით:

„2. ანგარიში – „წმინდა აქტივები/კაპიტალი“ (3-00-0000) მოიცავს კაპიტალში შენატანის (3-10-0000) და ნამეტის/დეფიციტის (3-20-0000) ანგარიშებს.“.

22. ინსტრუქციის 36-ე მუხლის შემდეგ დაემატოს 36¹ მუხლი შემდეგი რედაქციით:

„36¹ მუხლი. ნამეტი/დეფიციტი

„ანგარიში – „ნამეტი/დეფიციტი (3-20-0000) მოიცავს შემდეგ ანგარიშებს: გაუნაწილებელი ნამეტის/დეფიციტის (3-21-0000), გაუნაწილებელი ნამეტის/დეფიციტის კორექტირებების (3-22-0000), საანგარიშგებო პერიოდის ნამეტის/დეფიციტის (3-23-0000) და მესაკუთრეებისათვის გასანაწილებელი თანხების (3-24-0000).“

23. ინსტრუქციის 37-ე მუხლი ჩამოყალიბდეს შემდეგი რედაქციით:

„მუხლი 37. გაუნაწილებელი ნამეტი/დეფიციტი

1. ანგარიში – „გაუნაწილებელი ნამეტი/დეფიციტი (3-21-0000) მოიცავს გაუნაწილებელ ნამეტს/დეფიციტს საბიუჯეტო სახსრებით საქმიანობისათვის (3-21-1000) და გაუნაწილებელ ნამეტს/დეფიციტს არასაბიუჯეტო (საკუთარი) სახსრებით საქმიანობისათვის (3-21-2000).

2. ანგარიშზე – „გაუნაწილებელი ნამეტი/დეფიციტი საბიუჯეტო სახსრებით საქმიანობისათვის“ (3-21-1000) – აღირიცხება გასულ წლებში მიღებული ნამეტის/დეფიციტის თანხები, აგრეთვე საანგარიშგებო წლის ნამეტის/დეფიციტის თანხა, რომელიც დარჩა გაუნაწილებელი საბიუჯეტო სახსრებით საქმიანობიდან.

3. ანგარიშზე – „გაუნაწილებელი ნამეტი/დეფიციტი არასაბიუჯეტო (საკუთარი) სახსრებით საქმიანობისათვის“ (3-21-2000) – აღირიცხება გასულ წლებში მიღებული ნამეტის/დეფიციტის თანხები, აგრეთვე საანგარიშგებო წლის ნამეტის/დეფიციტის თანხა, რომელიც დარჩა გაუნაწილებელი არასაბიუჯეტო (საკუთარი) სახსრებით საქმიანობიდან.“.

24. ინსტრუქციის 38-ე მუხლი ჩამოყალიბდეს შემდეგი რედაქციით:

„მუხლი 38. გაუნაწილებელი ნამეტის/დეფიციტის კორექტირებები

1. ანგარიში – გაუნაწილებელი ნამეტის/დეფიციტის კორექტირებები (3-22-0000) მოიცავს კორექტირებებს სააღრიცხვო პოლიტიკის ცვლილებების შედეგად (3-22-1000) და კორექტირებებს ფუნდამენტური (არსებითი) შეცდომების შედეგად ( 3-22-2000).
2. ანგარიში – „კორექტირებები სააღრიცხვო პოლიტიკის ცვლილებების შედეგად“ (3-22-1000) მოიცავს: კორექტირებებს სააღრიცხვო პოლიტიკის ცვლილებების შედეგად საბიუჯეტო სახსრებით საქმიანობისათვის (3-22-1100) და კორექტირებებს სააღრიცხვო პოლიტიკის ცვლილებების შედეგად არასაბიუჯეტო (საკუთარი) სახსრებით საქმიანობისათვის (3-22-1200).
3. ანგარიშზე – „კორექტირებები სააღრიცხვო პოლიტიკის ცვლილებების შედეგად საბიუჯეტო სახსრებით საქმიანობისათვის “ (3-22-1100) აღირიცხება სააღრიცხვო პოლიტიკის შეცვლით გამოწვეული კაპიტალის კორექტირებები საბიუჯეტო სახსრებით საქმიანობისათვის.
4. ანგარიშზე – „კორექტირებები სააღრიცხვო პოლიტიკის ცვლილებების შედეგად არასაბიუჯეტო (საკუთარი) სახსრებით საქმიანობისათვის “ (3-22-1200) აღირიცხება სააღრიცხვო პოლიტიკის შეცვლით გამოწვეული კაპიტალის კორექტირებები არასაბიუჯეტო (საკუთარი) სახსრებით საქმიანობისათვის.
5. ანგარიში – „კორექტირებები ფუნდამენტური (არსებითი) შეცდომების შედეგად“ (3-22-2000) მოიცავს: კორექტირებებს ფუნდამენტური (არსებითი) შეცდომების შედეგად საბიუჯეტო სახსრებით საქმიანობისათვის (3-22-2100) და კორექტირებებს ფუნდამენტური (არსებითი) შეცდომების შედეგად არასაბიუჯეტო (საკუთარი) სახსრებით საქმიანობისათვის (3-22-2200).
6. ანგარიშზე – „კორექტირებები ფუნდამენტური (არსებითი) შეცდომების შედეგად საბიუჯეტო სახსრებით საქმიანობისათვის“ (3-22-2100) აღირიცხება არსებითი შეცდომების გასწორებით გამოწვეული კაპიტალის კორექტირებები საბიუჯეტო სახსრებით საქმიანობისათვის.
7. ანგარიშზე – „კორექტირებები ფუნდამენტური (არსებითი) შეცდომების შედეგად არასაბიუჯეტო (საკუთარი) სახსრებით საქმიანობისათვის“ (3-22-2200) აღირიცხება არსებითი შეცდომების გასწორებით გამოწვეული კაპიტალის კორექტირებები არასაბიუჯეტო (საკუთარი) სახსრებით საქმიანობისათვის.“.

25. ინსტრუქციის 41-ე მუხლის მე-2 პუნქტები ჩამოყალიბდეს შემდეგი რედაქციით:

„2. შემოსავლების კლასი (4-00-0000) მოიცავს შემოსავლების შემდეგ ჯგუფებს: გადასახადების (4-10-0000); სოციალური შენატანების (4-20-0000); გრანტების (4-30-0000), სხვა შემოსავლების (4-40-0000); შიდა ტრანსფერების (4-50-0000); კურსთაშორის სხვაობით და გადაფასების შედეგად მიღებული შემოსავლების (4-80-0000) და სხვა ეკონომიკური ნაკადებიდან მიღებული შემოსავლების (4-90-0000).“;

26. ინსტრუქციის 42-ე მუხლის:

ა) მე-9 პუნქტი ჩამოყალიბდეს შემდეგი რედაქციით:

„9. ანგარიში – სხვა საგადასახადო შემოსავლები (4-16-0000) აღირიცხება საგადასახადო შემოსავლების სახით მიღებული ზემოთ ჩამოთვლილი გადასახადებისაგან განსხვავებული სხვა გადასახადები ან ისეთი საგადასახადო შემოსავლები, რომელთა კლასიფიცირება შეუძლებელია.“;

ბ) ამოღებულ იქნეს მე-10 და მე-11 პუნქტები.

27. ინსტრუქციის 45-ე მუხლის მე-17 პუნქტი ჩამოყალიბდეს შემდეგი რედაქციით:

„17. ანგარიშზე – „საქონლისა და მომსახურების რეალიზაციის დარიცხვა“ (4-42-4000) აღირიცხება, საქონლისა და მომსახურების რეალიზაცია, როდესაც სახელმწიფო ერთეული აწარმოებს საქონელს და მომსახურებას დასაქმებულთა შრომის ანაზღაურების ნატურალური ფორმით გადაცემის მიზნით. “

28. ინსტრუქციის 47-ე მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ანგარიში – კურსთაშორის სხვაობით და გადაფასების შედეგად მიღებული შემოსავლები (4-80-0000) მოიცავს: უცხოური ვალუტის გაცვლითი კურსის ცვლილების შედეგად ფლობიდან მიღებულ მოგებას (4-81-0000) და ფლობის შედეგად მიღებულ სხვა მოგებას (4-82-0000).“;

ბ) მე-3 პუნქტი ჩამოყალიბდეს შემდეგი რედაქციით:

„3. ანგარიში – უცხოურ ვალუტაში აქტივების გადაანგარიშების შედეგად ფლობიდან მიღებული მოგება (4-81-1000) მოიცავს: უცხოური ვალუტის ბანკნოტებისა და მონეტების (4-81-1100); ანგარიშებზე უცხოურ ვალუტაში ნაშთების (4-81-1200); უცხოურ ვალუტაში ერთ წლამდე ვადით გაცემული კრედიტებისა და სესხების (4-81-1300); უცხოურ ვალუტაში ერთ წელზე მეტი ვადით გაცემული კრედიტების და სესხების მიმდინარე ნაწილის (4-81-1400); უცხოურ ვალუტაში გაცემულ კრედიტებზე და სესხებზე დარიცხული მისაღები პროცენტების (4-81-1500); უცხოურ ვალუტაში პროცენტებზე დაკისრებული მისაღები ჯარიმების, სანქციების და საურავების (4-81-1600); ერთ წელზე მეტი ვადით უცხოურ ვალუტაში გაცემული კრედიტებისა და სესხების (4-81-1700) გადაანგარიშების შედეგად ფლობიდან მიღებული მოგების ანგარიშებს.“;

გ) მე-5 პუნქტი ჩამოყალიბდეს შემდეგი რედაქციით:

„5. ანგარიშზე – „ანგარიშებზე უცხოურ ვალუტაში ნაშთების გადაანგარიშების შედეგად ფლობიდან მიღებული მოგება“ (4-81-1200) აღირიცხება ერთეულის ანგარიშებზე უცხოურ ვალუტაში არსებული ნაშთების ეროვნულ ვალუტაში გადაანგარიშების შედეგად ფლობიდან მიღებული მოგება.“;

დ) მე-11 პუნქტი ჩამოყალიბდეს შემდეგი რედაქციით:

„11. ანგარიში – უცხოურ ვალუტაში ვალდებულებების გადაანგარიშების შედეგად ფლობიდან მიღებული მოგება (4-81-2000) მოიცავს: ევრობონდების (4-81-2100), უცხოურ ვალუტაში კრედიტებისა და სესხების (4-81-2200), უცხოურ ვალუტაში კრედიტორული დავალიანებების (4-81-2300) და უცხოურ ვალუტაში დებიტორული დავალიანებების გადაანგარიშების შედეგად ფლობიდან მიღებული მოგება (4-81-2400).“;

ე) მე-13 პუნქტის შემდეგ დაემატოს 13¹ და 13² პუნქტები შემდეგი რედაქციით:

„13¹. ანგარიშზე – „უცხოურ ვალუტაში კრედიტორული დავალიანებების გადაანგარიშების შედეგად ფლობიდან მიღებული მოგება“ (4-81-2300) აღირიცხება უცხოური ვალუტის კურსის ცვლილებების გადაანგარიშების შედეგად ფლობით მიღებული მოგება.

„13². ანგარიშზე – „უცხოურ ვალუტაში დებიტორული დავალიანებების გადაანგარიშების შედეგად ფლობიდან მიღებული მოგება“ (4-81-2400) აღირიცხება უცხოური ვალუტის კურსის ცვლილებების დავალიანებების გადაანგარიშების გადაანგარიშების შედეგად ფლობით მიღებული მოგება.“;

ვ) მე-14 პუნქტი ჩამოყალიბდეს შემდეგი რედაქციით:

„14. ანგარიში – ფლობის შედეგად მიღებული სხვა მოგება (4-82-0000) მოიცავს: აქტივების და ვალდებულებების ფლობიდან მიღებული სხვა მოგების (4-82-1000), აქტივების/ვალდებულებების გადაფასების შედეგად მიღებული ნამეტის (4-82-2000) და კაპიტალ-მეთოდით აღრიცხული ინვესტიციების ფლობით მიღებული მოგების (4-82-3000) ანგარიშებს.“;

ზ) მე-14 პუნქტის შემდეგ დაემატოს 14¹ პუნქტი შემდეგი რედაქციით:

„14¹. ანგარიშზე – აქტივების და ვალდებულებების ფლობიდან მიღებული სხვა მოგება“ (4-82-1000) აღირიცხება აქტივების და ვალდებულებების ფლობის შედეგად წარმოქმნილი სხვა მოგება.“;

თ) მე-15 პუნქტი ჩამოყალიბდეს შემდეგი რედაქციით:

„15. ანგარიშზე – „აქტივების/ვალდებულებების გადაფასების შედეგად მიღებული ნამეტი “ (4-82-2000) აღირიცხება აქტივების/ვალდებულებების გადაფასების შედგად მიღებული ნამეტი.“.

29. ინსტრუქციის 48-ე მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. ანგარიში – სხვა ეკონომიკური ნაკადებიდან მიღებული შემოსავლები (4-90-0000) მოიცავს საეჭვო/უიმედო დებიტორული დავალიანებების და წინასწარი გადახდების უკუგატარებით წარმოქმნილ შემოსავლებს (4-91-0000); მატერიალური მარაგების ღირებულების შემცირების (4-92-0000); ძირითადი აქტივების გაუფასურების (4-93-0000); საინვესტიციო ქონების გაუფასურების (4-94-0000); არამატერიალური აქტივების გაუფასურების (4-95-0000); შეღავათიანი მომსახურების ფარგლებში აქტივების გაუფასურების (4-96-0000); ფინანსური იჯარის ფარგლებში აქტივების გაუფასურების (4-97-0000); სხვა არაფინანსური აქტივების გაუფასურების (4-98-0000), მოკლევადიანი (მიმდინარე) და გრძელვადიანი ფინანსური აქტივების გაუფასურების (4-99-0000) უკუგატარებით წარმოქმნილ შემოსავლებს.

2. ანგარიშზე – „საეჭვო/უიმედო დებიტორული დავალიანებების და წინასწარი გადახდების უკუგატარებით წარმოქმნილი შემოსავლები“ (4-91-0000) აღირიცხება საეჭვო და უიმედო დებიტორული დავალიანებების და წინასწარი გადახდების შემცირების უკუგატარების შედეგად წარმოქმნილი შემოსავლები სხვა ეკონომიკური ნაკადებიდან.“.

30. ინსტრუქციის 49-ე მუხლის მე-2 პუნქტი ჩამოყალიბდეს შემდეგი რედაქციით:

„2. ხარჯების კლასი (5-00-0000) მოიცავს ხარჯების შემდეგ ჯგუფებს: შრომის ანაზღაურების (5-10-0000); საქონლისა და მომსახურების (5-20-0000); გრანტებისა და სუბსიდიების (5-30-0000); ცვეთის და ამორტიზაციის (5-40-0000); შიდა ტრანსფერების (5-50-0000); სოციალური დახმარება/უზრუნველყოფა (5-60-0000); სხვა ხარჯების (5-70-0000); კურსთაშორის სხვაობით და გადაფასების შედეგად წარმოქმნილი ხარჯები (5-80-0000); სხვა ეკონომიკური ნაკადებიდან წარმოქმნილი ხარჯების (5-90-0000).“;

31. ინსტრუქციის 53-ე მუხლი ჩამოყალიბდეს შემდეგი რედაქციით:

„მუხლი 53. ცვეთა და ამორტიზაცია

1. ანგარიში – ცვეთის და ამორტიზაციის ხარჯები (5-40-0000) მოიცავს: ცვეთის ხარჯის (5-41-0000) და ამორტიზაციის ხარჯის (5-42-0000) ანგარიშებს.

2. ანგარიშზე – „ცვეთის ხარჯი“ (5-41-0000) აღირიცხება ცვეთადი ღირებულების სისტემატური ჩამოწერის ხარჯი აქტივის სასარგებლო მომსახურების ვადის განმავლობაში.

3. ანგარიშზე – „ამორტიზაციის ხარჯი“ (5-42-0000) აღირიცხება ამორტიზირებადი ღირებულების სისტემატური ჩამოწერის ხარჯი აქტივის სასარგებლო მომსახურების ვადის განმავლობაში.“.

32. ინსტრუქციის 54-ე მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. ანგარიში – შიდაკაპიტალური ტრანსფერებით ხარჯები (5-51-0000) მოიცავს: შემოსავლების ამკრეფი ერთეულების მიერ ხაზინისთვის გაწეულ კაპიტალური ტრანსფერებით ხარჯებს (5-51-1000), ხაზინიდან საბიუჯეტო ორგანიზაციებისთვის გაწეული კაპიტალური ტრანსფერებით ხარჯებს(5-51-2000), სახელმწიფო ერთეულებზე გაწეული სხვა კაპიტალური ტრანსფერებით ხარჯებს (5-51-3000), შიდა ტრანსფერებს საბიუჯეტო ორგანიზაციებიდან ხაზინაში, გრძელვადიანი აქტივების გაყიდვით (5-51-4000) და ცენტრალური ხელისუფლების ერთეულებს შორის სხვა ტრანსფერებს (5-51-9000) .“;

ბ) მე-5 პუნქტის შემდეგ დაემატოს 5¹ და 5² პუნქტები შემდეგი რედაქციით:

„5¹. ანგარიშზე – „შიდა ტრანსფერები საბიუჯეტო ორგანიზაციებიდან ხაზინაში, გრძელვადიანი აქტივების გაყიდვით“ (5-51-4000) აღირიცხება საბიუჯეტო ორგანიზაციებიდან ხაზინაში შიდა ტრანსფერები, წარმოქმნილი გრძელვადიანი აქტივების გაყიდვიდან.

 5². ანგარიშზე – „ცენტრალური ხელისუფლების ერთეულებს შორის სხვა ტრანსფერები“ (5-51-9000) აღირიცხება ცენტრალური ხელისუფლების ერთეულებს შორის გახორციელებული სხვა ტრანსფერები.“.

33. ინსტრუქციის 56-ე მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ანგარიში – სხვ ხარჯები (5-70-0000) მოიცავს: საპროცენტო ხარჯებს (5-71-0000); რენტის ხარჯებს (5-72-0000); ხარჯებს გარე ტრანსფერებით, რომლებიც სხვაგან არ არის კლასიფიცირებული (5-73-0000); ქონებასთან დაკავშირებულ ხარჯებს, გარდა პროცენტისა (5-74-0000); დაზღვევის (სიცოცხლის დაზღვევის გარდა) და სტანდარტული გარანტიის სქემით მიღებულ პრემიებს, ჩარიცხვებს და მოთხოვნებს (5-75-0000) და გრძელვადიანი აქტივების გაყიდვასთან დაკავშირებული ხარჯებს (5-76-0000) .“;

ბ) მე-9 – მე-11 პუნქტები ჩამოყალიბდეს შემდეგი რედაქციით:

 „9. ანგარიში – „ხარჯები გარე ტრანსფერებით, რომლებიც სხვაგან არ არის კლასიფიცირებული“ (5-73-0000) მოიცავს: ხარჯებს მიმდინარე გარე ტრანსფერებით, რომლებიც სხვაგან არ არის კლასიფიცირებული (5-73-1000) და ხარჯებს კაპიტალური გარე ტრანსფერებით, რომლებიც სხვაგან არ არის კლასიფიცირებული (5-73-2000).

10. ანგარიშზე – „ხარჯები მიმდინარე გარე ტრანსფერებით, რომლებიც სხვაგან არ არის კლასიფიცირებული“ (5-73-1000) აღირიცხება საბიუჯეტო კლასიფიკაციის ხარჯების ეკონომიკური კლასიფიკაციის „მიმდინარე ტრანსფერები, რომელიც სხვაგან არ არის კლასიფიცირებული“ მუხლით განსაზღვრული ხარჯები.

 11. ანგარიშზე – „ხარჯები კაპიტალური გარე ტრანსფერებით, რომლებიც სხვაგან არ არის კლასიფიცირებული“ (5-73-2000) აღირიცხება საბიუჯეტო კლასიფიკაციის ხარჯების ეკონომიკური კლასიფიკაციის „კაპიტალური ტრანსფერები, რომელიც სხვაგან არ არის კლასიფიცირებული“ მუხლით განსაზღვრული ხარჯები. “;

გ) მე-13 პუნქტის შემდეგ დაემატოს მე-14 პუნქტი შემდეგი რედაქციით:

„14. ანგარიშზე – „გრძელვადიანი აქტივების გაყიდვასთან დაკავშირებული ხარჯები (5-76-0000) აღირიცხება გრძელვადიანი ფინანსური და არაფინანსური აქტივების გაყიდვებთან დაკავშირებული ხარჯები.“

34. ინსტრუქციის 57-ე მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ანგარიში – კურსთაშორის სხვაობით და გადაფასების შედეგად წარმოქმნილი ხარჯები (5-80-0000) მოიცავს: უცხოური ვალუტის გაცვლის კურსის ცვლილებით ფლობიდან წარმოქმნილ ზარალს (5-81-0000) და ფლობით წარმოქმნილ სხვა ზარალს (5-82-0000).“;

ბ) მე-3 პუნქტი ჩამოყალიბდეს შემდეგი რედაქციით:

 „3. ანგარიში – უცხოურ ვალუტაში აქტივების გადაანგარიშების შედეგად ფლობიდან წარმოქმნილი ზარალი (5-81-1000) მოიცავს: უცხოური ვალუტის ბანკნოტებისა და მონეტების (5-81-1100); ანგარიშებზე უცხოურ ვალუტაში ნაშთების (5-81-1200); უცხოურ ვალუტაში ერთ წლამდე ვადით გაცემული კრედიტებისა და სესხების (5-81-1300); უცხოურ ვალუტაში ერთ წელზე მეტი ვადით გაცემული კრედიტების და სესხების მიმდინარე ნაწილის (5-81-1400); უცხოურ ვალუტაში გაცემულ კრედიტებზე და სესხებზე დარიცხული მისაღები პროცენტების (5-81-1500); უცხოურ ვალუტაში პროცენტებზე დაკისრებული მისაღები ჯარიმების, სანქციებისა და საურავების (5-81-1600); ერთ წელზე მეტი ვადით უცხოურ ვალუტაში გაცემული კრედიტებისა და სესხების (5-81-1700) გადაანგარიშების შედეგად ფლობიდან წარმოქმნილი ზარალის ანგარიშებს.“;

გ) მე-5 პუნქტი ჩამოყალიბდეს შემდეგი რედაქციით:

„5. ანგარიშზე – „ ანგარიშებზე უცხოურ ვალუტაში ნაშთების გადაანგარიშების შედეგად ფლობიდან წარმოქნილი ზარალი“ (5-81-1200) აღირიცხება ერთეულის ანგარიშებზე უცხოურ ვალუტაში არსებული ნაშთების ეროვნულ ვალუტაში გადაანგარიშების შედეგად ფლობიდან წარმოქმნილი ზარალი.“;

დ) მე-11 პუნქტი ჩამოყალიბდეს შემდეგი რედაქციით:

„11. ანგარიში – უცხოურ ვალუტაში ვალდებულებების გადაანგარიშების შედეგად ფლობიდან წარმოქმნილი ზარალი (5-81-2000) მოიცავს: ევრობონდებისა (5-81-2100), უცხოურ ვალუტაში მიღებული კრედიტებისა და სესხების (5-81-2200), უცხოურ ვალუტაში კრედიტორული დავალიანებების (5-81-2300) და უცხოურ ვალუტაში დებიტორული დავალიანებების გადაანგარიშების შედეგად ფლობიდან წარმოქმნილ ზარალს (5-81-2400).“;

ე) მე-13 პუნქტის შემდეგ დაემატოს 13¹ და 13² პუნქტები შემდეგი რედაქციით:

„13¹. ანგარიშზე – უცხოურ ვალუტაში კრედიტორული დავალიანებების გადაანგარიშების შედეგად ფლობიდან წარმოქმნილი ზარალი (5-81-2300) აღირიცხება უცხოური ვალუტის კურსის ცვლილებით გამოწვეული კრედიტორული დავალიანებების გადაანგარიშების შედეგად ფლობიდან წარმოქმნილი ზარალი.

13². ანგარიშზე – უცხოურ ვალუტაში დებიტორული დავალიანებების გადაანგარიშების შედეგად ფლობიდან წარმოქმნილი ზარალი (5-81-2400) აღირიცხება უცხოური ვალუტის კურსის ცვლილებით გამოწვეული დებიტორული დავალიანებების გადაანგარიშების შედეგად ფლობიდან წარმოქმნილი ზარალი.“;

 ვ) მე-14 პუნქტი ჩამოყალიბდეს შემდეგი რედაქციით:

 „14. ანგარიში – ფლობის შედეგად გაწეული სხვა ზარალი (5-82-0000) მოიცავს: აქტივების და ვალდებულებების ფლობიდან წარმოქმნილი სხვა ზარალის (5-82-1000), აქტივების/ვალდებულებების გადაფასების შედეგად წარმოქმნილი დეფიციტის (5-82-2000) და კაპიტალ-მეთოდით აღრიცხული ინვესტიციების (5-82-3000) ანგარიშებს.“;

 ზ) მე-14 პუნქტის შემდეგ დაემატოს 14¹ პუნქტი შემდეგი რედაქციით:

„14¹. ანგარიშზე – აქტივების და ვალდებულებების ფლობიდან წარმოქმნილი სხვა ზარალი“ (5-82-1000) აღირიცხება აქტივების და ვალდებულებების ფლობის შედეგად წარმოქმნილი სხვა ზარალი.“;

 თ) მე-15 პუნქტი ჩამოყალიბდეს შემდეგი რედაქციით:

„15. ანგარიშზე – „აქტივების/ვალდებულებების გადაფასების შედეგად წარმოქმნილი დეფიციტი “ (5-82-2000) აღირიცხება აქტივების/ვალდებულებების გადაფასების შედეგად წარმოქმნილი დეფიციტი.“.

35. ინსტრუქციის 58-ე მუხლის პირველი და მეორე პუნქტები ჩამოყალიბდეს შემდეგი რედაქციით:

„1. ანგარიში – სხვა ეკონომიკური ნაკადებიდან წარმოქმნილი ხარჯები (5-90-0000) მოიცავს: საეჭვო/უიმედო დებიტორული დავალიანებების და წინასწარი გადახდების (5-91-0000), მატერიალური მარაგების ღირებულების შემცირების (5-92-0000); ძირითადი აქტივების გაუფასურების (5-93- 0000), საინვესტიციო ქონების გაუფასურების (5-94-0000), არამატერიალური აქტივების გაუფასურების (5-95-0000), შეღავათიანი მომსახურების ფარგლებში აქტივების გაუფასურების (5-96-0000), ფინანსური იჯარის ფარგლებში აქტივების გაუფასურების (5-97-0000) და სხვა არაფინანსური აქტივების გაუფასურების (5-98-0000) ხარჯების ანგარიშებს.

2. ანგარიშზე – „საეჭვო/უიმედო დებიტორული დავალიანებების და წინასწარი გადახდების ხარჯები“ (5-91-0000) აღირიცხება საეჭვო და უიმედო დებიტორული დავალიანებების, ასევე, წინასწარი გადახდების შედეგად წარმოქმნილი ხარჯები სხვა ეკონომიკური ნაკადებიდან.“.

36. ინსტრუქციის 63-ე მუხლი ჩამოყალიბდეს შემდეგი რედაქციით:

„მუხლი 63. ხარჯებში ჩამოწერილი მატერიალური მარაგები ექსპლუატაციაში

საცნობარო ანგარიშზე – „ხარჯებში ჩამოწერილი მატერიალური მარაგები ექსპლუატაციაში“ (04) – აღირიცხება ექსპლუატაციაში გადაცემული, ხარჯებში ასახული მატერიალური მარაგები (რომელთა გამოყენების ხანგრძლივობა ერთ წელზე მეტია), თანხობრივად და რაოდენობრივად, მატერიალური მარაგების სახეების მიხედვით, თუ ასეთი მატერიალური მარაგების საცნობარო ანგარიშზე აღრიცხვა ერთეულის სააღრიცხვო პოლიტიკითაა განსაზღვრული.“.

37. ინსტრუქციის 67-ე მუხლი ჩამოყალიბდეს შემდეგი რედაქციით:

„მუხლი 67. სრულად გაცვეთილი/ამორტიზებული აქტივები ექსპლუატაციაში

მუხლი 67. საცნობარო ანგარიშზე – „სრულად გაცვეთილი/ამორტიზებული აქტივები ექსპლუატაციაში“ (08) აღირიცხება ისეთი სრულად გაცვეთილი/ამორტიზებული აქტივები, რომლებსაც ერთეული იყენებს საქმიანობის პროცესში, პირვანდელი (თავდაპირველი) ღირებულებით ან ცვეთადი აქტივის ღირებულების შესაფასებლად გამოყენებული სხვა თანხით.“.

 38. დანართი №1 ჩამოყალიბდეს თანდართული რედაქციით.

 39. ამოღებულ იქნეს დანართი №2.