„ქედის მუნიციპალიტეტში ადგილობრივი (ქონების) გადასახადის შემოღებისა და განაკვეთების განსაზღვრის შესახებ“ ქედის მუნიციპალიტეტის საკრებულოს 2016 წლის 15 მარტის №4 დადგენილებაში ცვლილების შეტანის შესახებ

1. დადგენილებით დამტკიცებული დანართს დაემატოს „მუხლი 3¹“ შემდეგი რედაქციით:

„მუხლი 3¹.

რეზიდენტი საწარმოსთვის/ორგანიზაციისთვის საქმიანობისათვის სპორტის დარგში (საქართველოს ეროვნული კლასიფიკატორის სექცია R, განყოფილება 93, ჯგუფი 93.1-ის კლასი 93.11, 93.12 პუნქტებით განსაზღვრული სპორტული ობიექტები (ღია, დახურული ან გადახურული, დასასხდომი ადგილებით ან მათ გარეშე), რომლებიც გამოიყენება პროფესიონალი ან/და დამწყები სპორტსმენების მოსამზადებლად, სავარჯიშოდ ან/და სპორტული ღონისძიებების, შეჯიბრებების ჩასატარებელად, გარდა 93.13 პუნქტით განსაზღვრული ობიექტებისა) მის ბალანსზე ძირითად საშუალებად ან/და საინვესტიციო ქონებად აღრიცხული აქტივების, დაუმონტაჟებელი მოწყობილობების, დაუმთავრებელი მშენებლობისა და მათ მიერ ლიზინგით გაცემული ქონების საშუალო წლიური საბალანსო ნარჩენი ღირებულების გადასახადის წლიური განაკვეთი განისაზღვროს 0,01%-ის ოდენობით.

(შენიშვნა: საქართველოს ეროვნული კლასიფიკატორის დოკუმენტის ხილვა შესაძლებელია ბმულზე: https://napr.gov.ge/source/ekonomikur%20saqmianobata%20reestri/NACE_Rev_2.pdf)“

2. დადგენილებით დამტკიცებული დანართს დაემატოს „მუხლი 9“ შემდეგი რედაქციით:

„მუხლი 9.

არასასოფლო-სამეურნეო დანიშნულების მიწაზე, რომელზეც განთავსებულია სპორტული ობიექტები (ღია, დახურული ან გადახურული, დასასხდომი ადგილებით ან მათ გარეშე), რომლებიც გამოიყენება პროფესიონალი ან/და დამწყები სპორტსმენების მოსამზადებლად, სავარჯიშოდ ან/და სპორტული ღონისძიებების, შეჯიბრებების ჩასატარებელად, გარდა ფიტნესის და ბოდი-ბილდინგის ობიექტებისა და ტერიტორიული ზონირება იძლევა საშუალებას გამოიყოს ასეთი სპორტული ობიქტების ინტენსიური განთავსების ზონები/ტერიტორიები) ქონების გადასახადის წლიური განაკვეთი განისაზღვროს გადასახადის საბაზისო განაკვეთის (0.24 ლარი) გამრავლებით ტერიტორიულ კოეფიციენტზე, რომელიც არის 0.01. აღნიშნულიდან გამომდინარე, ქონების გადასახადის წლიური განაკვეთი 1მ² განისაზღვროს: 0.01 X 0.24 = 0.024 ლარის ოდენობით.“