„2020 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2019 წლის 31 დეკემბრის №674 დადგენილებაში ცვლილების შეტანის თაობაზე

1. დანართ №1-ის  („დაავადებათა ადრეული გამოვლენა და სკრინინგი“  −  პროგრამული კოდი − 27 03 02 01):

ა) მე-3 მუხლიდან ამოღებულ იქნეს „ზ“ ქვეპუნქტი;

ბ) მე-4 მუხლის პირველი პუნქტი ჩამოყალიბდეს შემდეგი რედაქციით:

„1. მე-3 მუხლის „ა“, „ბ“, „გ“, „დ“ და „თ“ ქვეპუნქტებით გათვალისწინებული მომსახურების ანაზღაურება ხორციელდება გაწეული მომსახურების მიხედვით, განსაზღვრული ბიუჯეტის ფარგლებში.“;

გ) მე-5 მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2.  მე-3 მუხლის „ბ“, „გ“, „დ“ და „თ“ ქვეპუნქტებით გათვალისწინებული მომსახურების შესყიდვა ხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

3. მე-3 მუხლით გათვალისწინებული ღონისძიებების განმახორციელებელია ცენტრი.“;

დ) მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 3,254.0 ათასი ლარით, შემდეგი ცხრილის შესაბამისად:

2. დანართ №2-ის („იმუნიზაცია“ −  პროგრამული კოდი − 27 03 02 02):

ა) მე-3 მუხლიდან ამოღებულ იქნეს „ზ“ ქვეპუნქტი;

ბ) მე-5 მუხლის მე-8 პუნქტი ჩამოყალიბდეს შემდეგი რედაქციით:

„8. მე-3 მუხლის „თ“ ქვეპუნქტით გათვალისწინებულ ღონისძიებებს ახორციელებს ცენტრი.“;

გ) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 23,601.0 ათასი ლარით, შემდეგი ცხრილის შესაბამისად:

3. დანართ №3-ის („ეპიდზედამხედველობა“ − პროგრამული კოდი −       27 03 02 03):

ა)  მე-3 მუხლის „ი.ა“ ქვეპუნქტი ჩამოყალიბდეს შემდეგი რედაქციით:

„ი.ა) საზოგადოებრივი ჯანდაცვის სამსახურებში კორონავირუსისა და სხვა განსაკუთრებით საშიში ინფექციების მართვის საკითხებში სპეციალურად გადამზადებული სპეციალისტების დამატებას − ეპიდემიოლოგიური მიმართულებით 46 და ლაბორატორიული მიმართულებით არაუმეტეს 6 სპეციალისტის;“;

ბ) მე-4 მუხლის მე-8 პუნქტი ჩამოყალიბდეს შემდეგი რედაქციით:

„8. მე-3 მუხლის „ი.ა“ და „ი.ბ“ ქვეპუნქტებით განსაზღვრული სწრაფი რეაგირების მუდმივმოქმედი ჯგუფების მომსახურების ანაზღაურება მუნიციპალური/საქალაქო სჯდ ცენტრებისთვის განხორციელდება გლობალური ბიუჯეტის პრინციპით, ჯგუფის თითოეულ წევრზე,  2020 წლის 1 ოქტომბრიდან ყოველთვიურად, 650 ლარის ოდენობით.“;

გ) მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 2,728.0 ათასი ლარით, შემდეგი ცხრილის შესაბამისად:

დ) მე-9 მუხლის:

დ.ა) მე-4 პუნქტი ჩამოყალიბდეს შემდეგი რედაქციით:

„4. მე-3 მუხლის „ი.ა“ ქვეპუნქტით განსაზღვრული არაუმეტეს 46 პირის შერჩევა და გადამზადება ეპიდემიოლოგიაში, ხოლო არაუმეტეს 6 პირის შერჩევა და გადამზადება განსაკუთრებით საშიშ დააავადებებზე საკვლევი მასალის დამუშავებასა და ლაბორატორიულ დიაგნოსტიკაში განხორციელდეს „საჯარო სამსახურის შესახებ“ საქართველოს კანონით დადგენილი წესით და შესარჩევ კომისიებში აუცილებელ წარმომადგენლად განისაზღვრონ ცენტრის შესაბამისი კვალიფიკაციის თანამშრომლები.“;

დ.ბ) მე-6 პუნქტი ჩამოყალიბდეს შემდეგი რედაქციით:

„6. გადამზადებული სპეციალისტი ვალდებულია, შრომით ურთიერთობაში იმყოფებოდეს შესაბამის მუნიციპლიტეტში არაუმცირეს 3 წლისა, გარდა იმ შემთხვევებისა, როცა ცენტრთან შეთანხმებით საკვლევი მასალის დამუშავებასა და ლაბორატორიულ დიაგნოსტიკაში გადამზადებული 6 სპეციალისტი, ლაბორატორიული სიმძლავრეების გაფართოების მიზნით, ამავე ვადით იმუშავებს სახელმწიფო პროგრამის ლაბორატორიული დიაგნოსტიკის მიმწოდებელ დაწესებულებებში.“.

4. დანართ №4-ის („ უსაფრთხო სისხლი“ − პროგრამული კოდი −  27 03 02 04) მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 4,077.0 ათასი ლარით, შემდეგი ცხრილის შესაბამისად:

5. დანართ №5-ის („საზოგადოებრივი ჯანდაცვის, გარემოსა და პროფესიულ დაავადებათა ჯანმრთელობის სფეროში არსებული ვალდებულებების ხელშეწყობა“ − პროგრამული კოდი − 27 03 02 05) მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 235.0 ათასი ლარით, შემდეგი ცხრილის შესაბამისად:

6. დანართ №6-ის („ტუბერკულოზის მართვა“ −  პროგრამული კოდი −   27 03 02 06) მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 14,722.0 ათასი ლარით, შემდეგი ცხრილის შესაბამისად:

7. დანართ №7-ის („ აივ-ინფექციის/შიდსის მართვა“ − პროგრამული კოდი − 27 03 02 07): 

ა) მე-3 მუხლის „თ.ა“ ქვეპუნქტი ჩამოყალიბდეს შემდეგი რედაქციით:

„თ.ა) მაღალი რისკის ჯგუფის პირების მოძიებასა და ნებაყოფლობით სკრინინგს აივ-ინფექციაზე/შიდსზე, ასევე ბენეფიციარის ინფორმირებული თანხმობის საფუძველზე დამატებით სკრინინგს B და C ჰეპატიტებზე, სიფილისსა და ტუბერკულოზზე საეჭვო შემთხვევის იდენტიფიცირებას;“;

ბ) მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 12,271.0 ათასი ლარით, შემდეგი ცხრილის შესაბამისად:

8. დანართ №8-ის („დედათა და ბავშვთა ჯანმრთელობა“ − პროგრამული კოდი − 27 03 02 08)   მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 7,644.0 ათასი ლარით, შემდეგი ცხრილის შესაბამისად:

9. დანართ №10-ის („ჯანმრთელობის ხელშეწყობა“ − პროგრამული კოდი − 27 03 02 10):

ა) მე-3 მუხლი ჩამოყალიბდეს შემდეგი რედაქციით:

„ მუხლი 3. პროგრამის კომპონენტები

პროგრამის კომპონენტებია:

ა) თამბაქოს მოხმარების კონტროლის გაძლიერება;

ბ) ნივთიერებადამოკიდებულებისა და აზარტულ თამაშებზე დამოკიდებულების პრევენცია;

გ) ჯანმრთელობის ხელშეწყობის პოპულარიზაცია და გაძლიერება (მათ შორის, მასმედიასთან ურთიერთობა, სატელეკომუნიკაციო და/ან საეთერო დროის (მ.შ. სამედიცინო პროფილის) შესყიდვა ჯანმრთელობასთან დაკავშირებულ სხვადასხვა თემაზე).‘‘;

ბ) მე-5, მე-6, მე-7, მე-8, მე-9 და მე-11 მუხლები ამოღებულ იქნეს;

გ) მე-13 მუხლი ჩამოყალიბდეს შემდეგი რედაქციით:

„ მუხლი 13. პროგრამის ბიუჯეტი

პროგრამის ბიუჯეტი განისაზღვრება 529.0 ათასი ლარით, შემდეგი ცხრილის შესაბამისად:

10. დანართ №14-ის („დიალიზი და თირკმლის ტრანსპლანტაცია“ − პროგრამული კოდი − 27 03 03 04) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 38,176.0 ათასი ლარით, შემდეგი ცხრილის შესაბამისად:

11. დანართ №17-ის („პირველადი და გადაუდებელი სამედიცინო დახმარების უზრუნველყოფა“ − პროგრამული კოდი − 27 03 03 07), დანართ №17.1-ის („პირველადი და გადაუდებელი სამედიცინო დახმარების უზრუნველყოფის ქვეპროგრამა“ − პროგრამული კოდი − 27 03 03 07 01) მე-8 მუხლი ჩამოყალიბდეს შემდეგი რედაქციით:

„ მუხლი 8. პროგრამის ბიუჯეტი

პროგრამის ბიუჯეტი განისაზღვრება 109,260.0 ათასი ლარით, შემდეგი ცხრილის შესაბამისად:

12. დანართ №20-ის („ახალი კორონავირუსული დაავადების COVID-19-ის მართვა“ − პროგრამული კოდი − 27 03 03 11):

ა) მე-3 მუხლის:

ა.ა) „ა.ბ“ ქვეპუნქტი ჩამოყალიბდეს შემდეგი რედაქციით:

„ა.ბ) საკარანტინე სივრცეების ა(ა)იპ – საქართველოს სამედიცინო ჰოლდინგის მეშვეობით მართვასა და სამედიცინო მომსახურებით უზრუნველყოფას, მათ შორის: პერსონალით,  სამედიცინო დანიშნულების საგნებით, პირადი დაცვის საშუალებებით, მედიკამენტებით, ასევე კოვიდსასტუმროებში განთავსებული პირების ადგილზე ლაბორატორიული კვლევებით (სისხლის საერთო ანალიზი და D-დიმერი) უზრუნველყოფას (გარდა აჭარის ა/რ ტერიტორიაზე არსებული საკარანტინე სივრცეებისა, რომელთა სამედიცინო პერსონალითა და  სამედიცინო დანიშნულების საგნებით, მედიკამენტებით, ასევე კოვიდსასტუმროებში განთავსებული პირების ლაბორატორიული კვლევებით (სისხლის საერთო ანალიზი და D-დიმერი) უზრუნველყოფა განხორციელდება „აჭარის ავტონომიური რესპუბლიკის 2020 წლის რესპუბლიკური ბიუჯეტის შესახებ“ აჭარის ავტონომიური რესპუბლიკის კანონით გათვალისწინებული ასიგნებებიდან);“;

ა.ბ) „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) COVID-19-ის საეჭვო და/ან დადასტურებულ შემთხვევათა იდენტიფიცირების, სწორი რეფერალის,  ბინაზე მეთვალყურეობისა და პროცესის მონიტორინგის უზრუნველყოფას, ცენტრალური ონლაინკლინიკის  მეშვეობით მომსახურება მოიცავს სააგენტოს მიერ შრომითი ხელშეკრულებით დასაქმებული პირების (სულ − 150 ერთეული) შრომის ანაზღაურებას;“;

ა.გ) „ე¹“ ქვეპუნქტის შემდეგ დაემატოს შემდეგი შინაარსის „ე²“ და „ე³“ ქვეპუნქტები:

„ე²) ამ მუხლის „ე“ ქვეპუნქტით განსაზღვრული სამედიცინო დაწესებულებებისთვის, საჭიროების შემთხვევაში, დამატებითი პერსონალის (რეანიმატოლოგი, ინფექციონისტი, ექთანი, უმცროსი ექიმი, კლინიკური მენეჯერი, ჰოსპიტალური მენეჯერი და სხვა) მობილიზებას, ა(ა)იპ – საქართველოს სამედიცინო ჰოლდინგის მეშვეობით;

ე³) ამ მუხლის „ე“ ქვეპუნქტით განსაზღვრულ სამედიცინო დაწესებულებებში დასაქმებული იმ პერსონალის (რეანიმატოლოგი, ინფექციონისტი, თერაპევტი და სხვა ექიმი სპეციალისტი, უმცროსი ექიმი, ექთანი, სანიტარი) დამატებით  ანაზღაურებას, რომელიც ჩართულია  ახალი კორონავირუსით (SARS-CoV-2) გამოწვეული ინფექციის (COVID-19) საეჭვო და/ან დადასტურებული შემთხვევების მართვაში;“;

ა.დ) „ვ“ ქვეპუნქტი ჩამოყალიბდეს შემდეგი რედაქციით:

„ვ) ახალი კორონავირუსით (SARS-CoV-2) გამოწვეული ინფექციის (COVID-19) მართვისთვის საჭირო საშუალებების (მ. შ.: იდს, ტესტები, მედიკამენტები, ავეჯი, ტექნიკა, ტრანსპორტი და სხვა)/მომსახურების შესყიდვას,  „ახალი კორონავირუსის შესაძლო შემოტანისა და გავრცელების აღკვეთის მიზნით გასატარებელი ღონისძიებების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 24 იანვრის №01-18/ო ბრძანებით შექმნილი საკოორდინაციო კომისიის (შემდგომში − საკოორდინაციო კომისია) გადაწყვეტილების შესაბამისად;“;

ა.ე) „ი“ ქვეპუნქტი ჩამოყალიბდეს შემდეგი რედაქციით:

„ი) დამხმარე ამოცანების შესრულების მიზნით, ცენტრის მიერ შრომითი ხელშეკრულებით დასაქმებული პირის (სულ − 184 ერთეული) შრომის ანაზღაურებას 2020 წლის 31 დეკემბრის ჩათვლით;“;

ა.ვ) „ლ“ ქვეპუნქტის შემდეგ დაემატოს შემდეგი შინაარსის „მ“ ქვეპუნქტი:

„მ) ჯანმოს მიერ ორგანიზებული სოლიდარობის კვლევის განხორციელების მიზნით, ანტივირუსული მედიკამენტის − რემდესივირის შესყიდვისათვის, სს „ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის“ საჭირო თანხის სუბსიდიით უზრუნველყოფას − 370 000 ლარით.“;

ბ) მე-4 მუხლის:

ბ.ა) „ა“ ქვეპუნქტის შემდეგ დაემატოს შემდეგი შინაარსის „ა¹“ ქვეპუნქტი:  

„ა¹) „ა.ბ“ ქვეპუნქტით განსაზღვრული მომსახურება ანაზღაურდება ფაქტობრივი ხარჯით, ამასთან, „ა.ბ“ ქვეპუნქტით გათვალისწინებული მართვის ღონისძიებებისთვის − არაუმეტეს თვეში 20000 ლარისა, ხოლო ლაბორატორიული კვლევებისათვის (სისხლის საერთო და D-დიმერი) − არაუმეტეს 60 ლარისა;“;

ბ.ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) „ა.გ“ და „ა.დ“ ქვეპუნქტებით განსაზღვრული მომსახურება ანაზღაურდება ფაქტობრივი ხარჯით;“;

ბ.გ) „ვ.გ“ ქვეპუნქტი ჩამოყალიბდეს შემდეგი რედაქციით:

„ვ.გ) ამ პუნქტის „ვ.ა“ და „ვ.ბ“ ქვეპუნქტებით განსაზღვრული თანხა ანაზღაურდება განმახორციელებელთან დადებული ხელშეკრულებით გათვალისწინებული ვადებისა და საწოლების რაოდენობის მიხედვით და მოიცავს სამედიცინო პერსონალის ხელფასებს (გარდა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის შესაბამისი ადმინისტრაციულ-სამართლებრივი აქტით განსაზღვრული მოწვეული კონსულტანტებისა), ასევე ეპიდემიოლოგისა და COVID-19-ის დიაგნოსტიკასთან დაკავშირებული ლაბორატორიული პერსონალის დამატებით ანაზღაურებას (საშუალო ხელფასის არანაკლებ 50%-ისა), კომუნალურ და ასევე საკანცელარიო/სამეურნეო ხარჯებს. ამასთან, აღნიშნული დაწესებულებების მიერ მომსახურების გაწევის (მე-3 მუხლის „გ“ ქვეპუნქტით განსაზღვრული მომსახურება)  შემთხვევაში, ფაქტობრივი ხარჯით წარდგენილი უნდა იქნეს მხოლოდ პაციენტის მკურნალობასთან ან/და დიაგნოსტიკასთან დაკავშირებული ხარჯები (მ. შ., კვების ჩათვლითა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის შესაბამისი ადმინისტრაციულ-სამართლებრივი აქტით განსაზღვრული მოწვეული კონსულტანტების შრომის ანაზღაურება (ასეთის არსებობის შემთხვევაში));“;

ბ.დ)  „ვ“ ქვეპუნქტის შემდეგ დაემატოს შემდეგი შინაარსის  „ვ¹“ და „ვ²“ ქვეპუნქტები:

„ვ¹) „ე²“ ქვეპუნქტით განსაზღვრული მომსახურება ანაზღაურდება განმახორციელებელთან დადებული ხელშეკრულების  გათვალისწინებით და მოიცავს პერსონალის ხელფასს, მგზავრობისა და სამივლინებო ხარჯებს, საცხოვრებლით უზრუნველყოფას (საჭიროების შემთხვევაში);

ვ²) „ე³“ ქვეპუნქტით განსაზღვრული მომსახურება ანაზღაურდება „საქართველოში ახალი კორონავირუსით (SARS-CoV-2) გამოწვეული ინფექციის (COVID-19) შესაძლო შემთხვევების გავრცელების (ეპიდემია, პანდემია, ეპიდემიური აფეთქება) პრევენციისა და საეჭვო და/ან დადასტურებულ შემთხვევებზე რეაგირების მზადყოფნისათვის, სამედიცინო დაწესებულებების მობილიზების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 19 სექტემბრის №01-467/ო ბრძანებისა და ამავე მუხლის „ვ“ ქვეპუნქტის მიხედვით განმახორციელებელთან დადებული ხელშეკრულების გათვალისწინებით:

ვ².ა) რეანიმაციული საწოლი − თითოეულ საწოლზე დღიურად  დამატებით 68 ლარი;

ვ².ბ) თერაპიული საწოლი − თითოეულ საწოლზე დღიურად  დამატებით 27 ლარი;

ვ².გ) ამავე ქვეპუნქტის „ვ².ა“ და „ვ².ბ“ ქვეპუნქტებით განსაზღვრული თანხა მოიცავს სამედიცინო პერსონალის, კერძოდ: რეანიმატოლოგის, ინფექციონისტის/თერაპევტის/და სხვ., ასევე უმცროსი ექიმის, ექთნის, სანიტრის დამატებით ანაზღაურებას (გარდა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის შესაბამისი ადმინისტრაციულ-სამართლებრივი აქტით განსაზღვრული მოწვეული კონსულტანტებისა და მე-3  მუხლის „ე²“ ქვეპუნქტით განსაზღვრული პერსონალისა), ამასთან, დანამატის ოდენობა განისაზღვრება სთ-ში:

● ინფექციონისტი, თერაპევტი და სხვა − არანაკლებ 5 ლარისა;

● რეანიმატოლოგი − არანაკლებ 8 ლარისა;

● უმცროსი ექიმი − არანაკლებ 4 ლარისა;

● ექთანი − არანაკლებ 3 ლარისა;

● სანიტარი − არანაკლებ 1,5 ლარისა.“;

გ) მე-5 მუხლის:

გ.ა) პირველი და მე-2 პუნქტები ჩამოყალიბდეს შემდეგი რედაქციით:

„1. პროგრამის მე-3 მუხლის „ა.ა“ და „ა.ბ“ ქვეპუნქტებით, ასევე  „ე“ და „ე²“ ქვეპუნქტებით გათვალისწინებული მომსახურების შესყიდვა ხორციელდება გადაუდებელი აუცილებლობით ან/და „სახელმწიფო შესყიდვების შესახებ“ საქართველოს კანონის 10¹  მუხლის მე-3 პუნქტის „დ“ ქვეპუნქტის გათვალისწინებით, გამარტივებული შესყიდვის საშუალებით,  სსიპ – სახელმწიფო შესყიდვების სააგენტოს თანხმობით.

2. პროგრამის მე-3 მუხლის „ბ“ და „ე³“ ქვეპუნქტებით გათვალისწინებული მომსახურება ხორციელდება არამატერიალიზებული ვაუჩერის მეშვეობით.“;

გ.ბ) მე-4, მე-5 და მე-6  პუნქტები ჩამოყალიბდეს შემდეგი რედაქციით:

„4. პროგრამის მე-3 მუხლის „დ“ ქვეპუნქტით გათვალისწინებული მომსახურების შესყიდვა ხორციელდება  გადაუდებელი აუცილებლობით ან/და „სახელმწიფო შესყიდვების შესახებ“ საქართველოს კანონის 10¹  მუხლის მე-3 პუნქტის „დ“ ქვეპუნქტის გათვალისწინებით, გამარტივებული შესყიდვის საშუალებით, სსიპ – სახელმწიფო შესყიდვების სააგენტოს თანხმობით.“.

„5. პროგრამის მე-3 მუხლის „ვ“ ქვეპუნქტით გათვალისწინებული მომსახურების/საქონლის შესყიდვა ხორციელდება გადაუდებელი აუცილებლობით ან/და „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის გათვალისწინებით, გამარტივებული შესყიდვის საშუალებით, სსიპ – სახელმწიფო შესყიდვების სააგენტოს თანხმობით, „საქართველოში ახალი კორონავირუსის შესაძლო გავრცელების აღკვეთის ღონისძიებებისა და ახალი კორონავირუსით გამოწვეული დაავადების შემთხვევებზე ოპერატიული რეაგირების გეგმის დამტკიცების შესახებ“ საქართველოს მთავრობის 2020 წლის 28 იანვრის №164 განკარგულების მე-4 და მე-6 პუნქტების შესაბამისად. 

6. პროგრამის მე-3 მუხლის „თ“ ქვეპუნქტით გათვალისწინებული მომსახურების/საქონლის შესყიდვა ხორციელდება გადაუდებელი აუცილებლობით ან/და „სახელმწიფო შესყიდვების შესახებ“ საქართველოს კანონის პირველი მუხლის 3¹ პუნქტის „უ“ ქვეპუნქტის ან/და 10¹  მუხლის მე-3 პუნქტის „დ“ ქვეპუნქტის გათვალისწინებით, გამარტივებული შესყიდვის საშუალებით, სსიპ – სახელმწიფო შესყიდვების სააგენტოს თანხმობით, მათ შორის, გაეროს ბავშვთა ფონდისა (UNICEF) და აივ ინფექციასთან/შიდსთან, ტუბერკულოზსა და მალარიასთან ბრძოლის გლობალური ფონდის მიერ განსაზღვრული გაერთიანებული საერთაშორისო შესყიდვის აგენტებისა და მექანიზმების (მათ შორის, შესყიდვის ელექტრონული პლატფორმა) მეშვეობით, მათ მიერ დადგენილი პროცედურების შესაბამისად, ასევე ჯინექსპერტ აპარატებზე და ინფექციების სადიაგნოსტიკო კარტრიჯების ან აპარატების ფუნქციონირებისთვის საჭირო მასალისა და საგარანტიო მომსახურების შესყიდვა უშუალოდ მწარმოებელი კომპანიისგან და „საქართველოში ახალი კორონავირუსის შესაძლო გავრცელების აღკვეთის ღონისძიებებისა და ახალი კორონავირუსით გამოწვეული დაავადების შემთხვევებზე ოპერატიული რეაგირების გეგმის დამტკიცების შესახებ“ საქართველოს მთავრობის 2020 წლის 28 იანვრის №164 განკარგულების მე-4 და მე-6 პუნქტების შესაბამისად.“;

დ) მე-6 მუხლს დაემატოს შემდეგი შინაარსის „ვ“ ქვეპუნქტი:

„ვ) მე-3 მუხლის „ე³“ ქვეპუნქტის მიმწოდებლებად ავტომატურად ითვლებიან ამავე მუხლის „გ“ ქვეპუნქტის მიმწოდებელი ის სამედიცინო დაწესებულებები, რომლებიც ამავდროულად განსაზღვრულია „საქართველოში ახალი კორონავირუსით (SARS-CoV-2) გამოწვეული ინფექციის (COVID-19) შესაძლო შემთხვევების გავრცელების (ეპიდემია, პანდემია, ეპიდემიური აფეთქება) პრევენციისა და საეჭვო და/ან დადასტურებულ შემთხვევებზე რეაგირების მზადყოფნისათვის, სამედიცინო დაწესებულებების მობილიზების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 19 სექტემბრის №01-467/ო ბრძანებით.“;

ე) მე-7 მუხლის:

ე.ა) პირველი პუნქტი ჩამოყალიბდეს შემდეგი რედაქციით:

„1. პროგრამის მე-3 მუხლის „ა“, „გ“, „გ¹“, „დ“, „ე“, „ე¹“, „ე²“ და „ე³“ ქვეპუნქტების განმახორციელებელია სააგენტო.“;

ე.ბ) მე-3 პუნქტი ჩამოყალიბდეს შემდეგი რედაქციით:

„3. პროგრამის მე-3 მუხლის „ვ“, „ზ“, „ზ​¹“, „კ“, „ლ“ და „მ“  ქვეპუნქტების განმახორციელებელია სამინისტრო.“;

ვ) მე-8 მუხლის პრეამბულა და „ა“ ქვეპუნქტი ჩამოყალიბდეს შემდეგი რედაქციით:

„პროგრამის ბიუჯეტი განისაზღვრება 236440 ათასი ლარით, მათ შორის:

ა)  პროგრამული კოდი: 27 03 03 11 01 − ახალი კორონავირუსით (SARS-CoV-2) გამოწვეული ინფექციის (COVID-19) მართვის ხელშეწყობისთვის სამინისტროს მიერ განსახორციელებელი ღონისძიებები − 107,090.0 ათასი ლარი  (განმახორციელებელი − სამინისტრო);“;

ზ) მე-9 მუხლის:

ზ.ა)  1¹ პუნქტის შემდეგ დაემატოს შემდეგი შინაარსის 1² პუნქტი:

„1². მე-3 მუხლის „ე²“ ქვეპუნქტით გათვალისწინებული სერვისის მიწოდების კოორდინაციას/შერჩევას უზრუნველყოფს ა(ა)იპ – საქართველოს სამედიცინო ჰოლდინგი.“;

ზ.ბ) მე-13 პუნქტის შემდეგ დაემატოს შემდეგი შინაარსის მე-14 პუნქტი:

„14. მე-3 მუხლის „ვ“ ქვეპუნქტით განსაზღვრული ახალი კორონავირუსით (SARS-CoV-2) გამოწვეული ინფექციის (COVID-19) მართვისთვის საჭირო საშუალებების (მ. შ.: იდს, ტესტები, მედიკამენტები, ავეჯი, ტექნიკა, ტრანსპორტი და სხვა)/მომსახურების შესყიდვა ასევე ხორციელდება მსოფლიო ბანკის მიერ დაფინანსებული „COVID-19-ზე რეაგირების საგანგებო ღონისძიებების მართვის (WB)“  განმახორციელებელი ჯგუფის (PIU) მიერ.“.