,,საქართველოს ნაციონალური GMP-ის (კარგი საწარმოო პრაქტიკის) სტანდარტთან შესაბამისობის დადგენის და GMP სერტიფიკატის გაცემის წესის და საქართველოს ნაციონალური GDP-ის (კარგი სადისტრიბუციო პრაქტიკის) სტანდარტთან შესაბამისობის დადგენის და GDP სერტიფიკატის გაცემის წესის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 28 თებერვლის №01-23/ნ ბრძანებაში ცვლილების შეტანის თაობაზე

1. ბრძანების პირველი მუხლის მე-4 პუნქტი ჩამოყალიბდეს შემდეგი რედაქციით:

„4. საბითუმო დისტრიბუტორის GDP (კარგი სადისტრიბუციო პრაქტიკის) სტანდარტთან შესაბამისობის სერტიფიკატის ფორმა №4 დანართის შესაბამისად.“.

2. ბრძანებით დამტკიცებული №1 დანართის (საქართველოს ნაციონალური GMP-ის (კარგი საწარმოო პრაქტიკის) სტანდარტთან შესაბამისობის დადგენის და GMP სერტიფიკატის გაცემის წესი) მე-3 მუხლის მე-3 პუნქტის „ლ“ ქვეპუნქტი ჩამოყალიბდეს შემდეგი რედაქციით:

,,ლ) ნებისმიერი ქვეყნის მარეგულირებელი ორგანოს მიერ განხორციელებული უახლესი ინსპექტირების შედეგად გაცემული სერტიფიკატის ასლი (ასეთის არსებობისას).“.

3. ბრძანებით დამტკიცებული №2 დანართის (საქართველოს ნაციონალური GDP-ის (კარგი სადისტრიბუციო პრაქტიკის) სტანდარტთან შესაბამისობის დადგენის და GDP სერტიფიკატის გაცემის წესი):

ა) პირველი მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. საქართველოს ნაციონალური GDP (კარგი სადისტრიბუციო პრაქტიკის) სტანდარტთან (შემდგომში – GDP სტანდარტი) შესაბამისობის დადგენის და GDP სერტიფიკატის გაცემის წესი (შემდგომში – წესი) განსაზღვრავს, ფარმაცევტული პროდუქტის საბითუმო დისტრიბუციის (შემდგომში – საბითუმო დისტრიბუტორი) განმახორციელებელი პირის მოთხოვნის შემთხვევაში ამ დანართით გათვალისწინებული წესის შესაბამისად, GDP სერტიფიკატის გაცემის პროცედურებსა და მათთან დაკავშირებულ საკითხებს.

2. საბითუმო დისტრიბუტორის GDP სტანდარტთან შესაბამისობის დადგენისა და შესაბამისობის დადასტურების შემთხვევაში, GDP სერტიფიკატის გაცემას უზრუნველყოფს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს (შემდგომში – სამინისტრო) სახელმწიფო კონტროლს დაქვემდებარებული სსიპ – სამედიცინო და ფარმაცევტული საქმიანობის რეგულირების სააგენტო (შემდგომში – სააგენტო).“;

ბ) მე-3 მუხლის მე-3 პუნქტის:

ბ.ა) „კ“ ქვეპუნქტი ჩამოყალიბდეს შემდეგი რედაქციით:

„კ) ნებისმიერი ქვეყნის მარეგულირებელი ორგანოს მიერ განხორციელებული უახლესი ინსპექტირების შედეგად გაცემული სერტიფიკატის ასლი (ასეთის არსებობისას);“;

ბ.ბ) „კ“ ქვეპუნქტის შემდეგ დაემატოს შემდეგი შინაარსის „კ¹“ ქვეპუნქტი:

„კ¹) საბითუმო დისტრიბუციისთვის განკუთვნილი შენობა-ნაგებობის სიტუაციური გეგმა ნახაზის საბოლოო ვერსია;“.

4. ბრძანებით დამტკიცებული №3 (მწარმოებლის ნაციონალურ GMP (კარგი საწარმოო პრაქტიკის) სტანდარტთან შესაბამისობის სერტიფიკატი) და №4 (საბითუმო დისტრიბუტორის კარგ სადისტრიბუციო პრაქტიკასთან (GDP) შესაბამისობის სერტიფიკატი) დანართები ჩამოყალიბდეს თანდართული რედაქციით.