იმ ნორმატიული აქტების პროექტების განსაზღვრის შესახებ, რომლებიც არ საჭიროებს საქართველოს იუსტიციის სამინისტროს სამართლებრივ დასკვნას

2. იუსტიციის სამინისტროს სამართლებრივ დასკვნას, გარდა ამ ბრძანების მე-2 მუხლით განსაზღვრული ნორმატიული აქტების პროექტებისა, აგრეთვე, არ საჭიროებს:

ა) ეროვნული მარეგულირებელი ორგანოს ნორმატიული აქტის პროექტი;

ბ) სახელმწიფო აუდიტის სამსახურის გენერალური აუდიტორის ნორმატიული აქტის პროექტი;

გ) საქართველოს გენერალური პროკურორის ნორმატიული აქტის პროექტი;

დ) საქართველოს სახელმწიფო უსაფრთხოების სამსახურის უფროსის ნორმატიული აქტის პროექტი;

ე) სპეციალური დანიშნულების სახელმწიფო დაწესებულების ხელმძღვანელის ნორმატიული აქტის პროექტი;

ვ) საქართველოს მინისტრის ნორმატიული აქტის პროექტი;

ზ) ერთობლივი ბრძანების პროექტი;

თ) სახელმწიფო საქვეუწყებო დაწესებულების (მისი ხელმძღვანელის) ნორმატიული აქტის პროექტი;

ი) საჯარო სამართლის იურიდიული პირის (მისი ხელმძღვანელის) ნორმატიული აქტის პროექტი;

კ) მოქალაქეობის საკითხთა კომისიის ნორმატიული აქტის პროექტი.

ა) სისხლის სამართლის საქმეთა საგამოძიებო და ტერიტორიული საგამოძიებო ქვემდებარეობა;

ბ) ნორმატიული აქტები, რომელიც შეეხება ფარული საგამოძიებო მოქმედების და ელექტრონული თვალთვალის ღონისძიების განხორციელებას, აგრეთვე, ამ მოქმედებისა და ღონისძიების შედეგად მოპოვებული ინფორმაციის გაცნობას, დამუშავებას, შენახვას, გაცემასა და განადგურებას;

გ) საგამოძიებო მოქმედებების განხორციელებისას კომპიუტერულ მონაცემებთან პირველადი მოპყრობის და მათი საექსპერტო კვლევის წესები;

დ) საქართველოს შინაგან საქმეთა სამინისტროს საპატრულო პოლიციის სამსახურის მიერ პატრულირების განხორციელების წესი;

ე) საქართველოს შინაგან საქმეთა სამინისტროს გამომძიებლების, დეტექტივ-გამომძიებლების, დეტექტივის თანაშემწე-გამომძიებლების, დეტექტივების, უბნის ინსპექტორების, მართლწესრიგის ოფიცრებისა და ანალიტიკოსების საქმიანობის წესი;

ვ) საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის სამართალდაცვით სფეროში საერთაშორისო თანამშრომლობის ცენტრის (მთავარი სამმართველო) ინტერპოლის ეროვნული ცენტრალური ბიუროს საქმიანობისა და თანამშრომლობის წესი;

ზ) საქართველოს შინაგან საქმეთა სამინისტროს უფლებამოსილ პირთა მიერ დაკავებულთა/პატიმრობაშეფარდებულთა ბადრაგირების განხორციელების წესი;

თ) პირის იდენტიფიკაციის, მოწვეულ პირთან გასაუბრების, პირის ზედაპირული შემოწმების და ნივთის/სატრანსპორტო საშუალების ზედაპირული დათვალიერების ოქმის ფორმები;

ი) „პოლიციის შესახებ“ საქართველოს კანონის მე-5 მუხლის მე-3 პუნქტის საფუძველზე გამოცემული ნორმატიული აქტები, რომლითაც წესრიგდება პოლიციის მიერ იძულების ღონისძიებების გამოყენებასთან დაკავშირებული საკითხები;

კ) უცხოელის დაკავებისა და დროებითი განთავსების ცენტრში მოთავსების წესი; თავშესაფრის პროცედურა; თავშესაფრის მაძიებლის მიმღებ ცენტრში განთავსების ან სხვა ადგილას განსახლების წესი; თავშესაფრის მაძიებლის თითის ანაბეჭდების აღების და ამ პერსონალური მონაცემების დამუშავების წესი;

ლ) შესაბამის სამინისტროთა შორის თავშესაფრის მაძიებელთა იდენტიფიკაციის, სახელმწიფო საზღვარზე მიღების, გადაცემისა და ინფორმაციის გაცვლის სფეროში ურთიერთთანამშრომლობის წესი;

მ) დამცავი, შემაკავებელი და იარაღთან დაკავშირებული უფლებების შეზღუდვის ორდერებით გათვალისწინებული მოთხოვნებისა და პირობების შესრულების ზედამხედველობის წესი; მოძალადის მიმართ ელექტრონული ზედამხედველობის განხორციელების წესი; საქართველოს შინაგან საქმეთა სამინისტროს უფლებამოსილი ორგანოების მიერ სქესობრივი თავისუფლებისა და ხელშეუხებლობის წინააღმდეგ მიმართული დანაშაულის თავიდან აცილებისა და კონტროლის წესი;

ნ) საცხოვრებელი სახლიდან/ბინიდან ან/და სხვა მფლობელობიდან უკანონო მფლობელისა და მასთან მყოფი პირის/პირების გამოსახლების/გამოყვანის წესი;

ო) ზოგადსაგანმანათლებლო დაწესებულებაში უსაფრთხოებისა და საზოგადოებრივი წესრიგის დაცვის წესი და პირობები;

პ) საქართველოს ადმინისტრაციულ სამართალდარღვევათა კოდექსით გათვალისწინებულ შემთხვევებში ალკოჰოლური სიმთვრალის ფაქტის დადგენის წესი;

ჟ) ნარკოტიკული, ფსიქოტროპული ან/და ახალი ფსიქოაქტიური ნივთიერების მოხმარების/ზემოქმედების ქვეშ ყოფნის ფაქტის დადგენის წესი;

რ) ნარკოტიკული საშუალების ან/და ფსიქოტროპული ნივთიერების მოხმარების ფაქტის დადგენის მიზნით პირის გამოსაკვლევად წარდგენის ინსტრუქცია;

ს) ნარკომანიის ჩანაცვლებითი სპეციალური პროგრამით მკურნალობის წესი (მეთოდიკა);

ტ) ფიზიკური პირის ინდივიდუალური საჭიროებისათვის ნარკოტიკული საშუალებებისა და ფსიქოტროპული ნივთიერებების საქართველოში შემოტანისა და საქართველოდან გატანის წესი;

უ) შესაძლებლობის შეზღუდვის სტატუსის განსაზღვრის წესი;

ფ) სპეციალიზებულ დაწესებულებაში პირის მოთავსებისა და ამ დაწესებულებიდან მისი გაყვანის წესი და პირობები;

ქ) შვილად აყვანისა და მინდობით აღზრდის წესი;

ღ) ბავშვის უფლებათა კოდექსის 91-ე მუხლის პირველი ნაწილიდან გამომდინარე, ბავშვის უფლებათა საკითხების მომწესრიგებელი კანონქვემდებარე ნორმატიული აქტები.