„ზოგიერთი კატეგორიის მოსამსახურეთა ამომრჩეველთა სპეციალური სიის შედგენისა და საოლქო საარჩევნო კომისიისათვის წარდგენის, აგრეთვე მათი არჩევნებში მონაწილეობისათვის სათანადო პირობების შექმნის წესისა და პირობების განსაზღვრის შესახებ“ საქართველოს მთავრობის 2016 წლის 24 აგვისტოს №410 დადგენილებაში ცვლილების შეტანის თაობაზე

1. პირველი მუხლი ჩამოყალიბდეს შემდეგი რედაქციით:

„მუხლი 1. ეს წესი განსაზღვრავს საქართველოს თავდაცვის სამინისტროს, საქართველოს შინაგან საქმეთა სამინისტროს, საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულების – სპეციალური პენიტენციური სამსახურის, საქართველოს სახელმწიფო უსაფრთხოებისა და დაზვერვის სამსახურებისა და სახელმწიფო დაცვის სპეციალური სამსახურის სამხედრო მოსამსახურეებისა და სპეციალური წოდების მქონე პირების (შემდგომში – მოსამსახურე) იმ სამსახურებრივი პირობების ჩამონათვალს, რომლებიც არჩევნების დღეს მოითხოვს მათ ყოფნას რეგისტრაციის ადგილისაგან განსხვავებულ მისამართზე; ამ მოსამსახურეების სიის შედგენისა და საოლქო საარჩევნო კომისიისათვის გადაცემის, მათთვის არჩევნებში მონაწილეობისათვის სათანადო პირობების შექმნის წესსა და პირობებს; აგრეთვე იმ განსაკუთრებული სამსახურებრივი პირობების ჩამონათვალსა და შესაბამის პირთა კატეგორიებს, რომლებიც ვერ დატოვებენ კენჭისყრის დღეს სამუშაო ადგილს ამ პირობების გამო.“.

2. მე-2 მუხლის „ზ“ და „თ“ ქვეპუნქტები ჩამოყალიბდეს შემდეგი რედაქციით:

„ზ) საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულების – სპეციალური პენიტენციური სამსახურის პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარ სამმართველოში  დასაქმებული პირების სამორიგეო ცვლაში ყოფნა, რომლებიც  დაკისრებულ მოვალეობებს არ ასრულებენ პენიტენციურ დაწესებულებაში და ახორციელებენ სპეციალური პენიტენციური სამსახურის ობიექტების დაცვას;

თ) საქართველოს იუსტიციის სამინისტროს მმართველობის სფეროში მოქმედი სახელმწიფო საქვეუწყებო დაწესებულების – სპეციალური პენიტენციური სამსახურის (შემდგომში – სპეციალური პენიტენციური სამსახური):

თ.ა) პენიტენციური დაწესებულების სამედიცინო პერსონალის 24-საათიან ცვლაში ყოფნა;

თ.ბ) სპეციალური დანაყოფების მოსამსახურეების, რომლებიც დაკისრებულ ფუნქციებს ასრულებენ პენიტენციურ დაწესებულებაში, სამორიგეო ცვლაში 24 საათის განმავლობაში ყოფნა;

თ.გ) პენიტენციურ დაწესებულებაში მყოფი სპეციალური პენიტენციური სამსახურის პენიტენციური დეპარტამენტის გარე დაცვისა და ინფორმაციულ-ტექნიკური უსაფრთხოების მთავარი სამმართველოს   და ესკორტირებისა და სპეციალურ ღონისძიებათა მთავარი სამმართველოს  მოსამსახურეების, მათ შორის, სავალდებულო სამხედრო სამსახურის მოსამსახურეების, სამორიგეო ცვლაში 24 საათის განმავლობაში ყოფნა;

თ.დ) პენიტენციურ დაწესებულებაში სამართლებრივი რეჟიმის დაცვაზე პასუხისმგებელი მოსამსახურეების 24-საათიან ცვლაში ყოფნა;

თ.ე) პენიტენციურ დაწესებულებაში უსაფრთხოების დაცვაზე პასუხისმგებელი მოსამსახურეების 24-საათიან ცვლაში ყოფნა;“.

3. მე-5 მუხლის მე-3 პუნქტი ამოღებულ იქნეს.