„საქართველოს სამოქალაქო აეროდრომის ტერიტორიაზე სატრანსპორტო საშუალებებისა და ქვეითთა მოძრაობის მოწესრიგების წესის“ დამტკიცების შესახებ“ სსიპ – სამოქალაქო ავიაციის სააგენტოს დირექტორის 2016 წლის 23 მაისის №66 ბრძანებაში ცვლილების შეტანის შესახებ

1. მე-2 მუხლის:

ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) სატრანსპორტო საშუალება – მექანიკური სატრანსპორტო საშუალება, რომელიც ჩვეულებრივ, გამოიყენება აეროდრომის ტერიტორიაზე ადამიანების გადასაყვანად ან ტვირთის გადასაზიდად;“;

ბ) „გ“ ქვეპუნქტი ამოღებულ იქნეს;

გ) დაემატოს შემდეგი შინაარსის „ჟ“, „რ“, „ს“, „ტ“, „უ“ და „ფ“ ქვეპუნქტები:

„ჟ) ბაქანი – სახმელეთო აეროდრომის განსაზღვრული ფართობი სხ-ების განსალაგებლად, სხ-ში მგზავრების ჩასხდომა-გადმოსხდომის, ტვირთისა და ფოსტის ჩატვირთვა-გადმოტვირთვის, საწვავით გამართვის, დგომის ან ტექნიკური მომსახურების უზრუნველყოფის მიზნით“;

რ) ასაფრენ-დასაფრენი ზოლის (ადზ)/სამიმოსვლო ბილიკის (სბ) გადაკვეთა – სატრანსპორტო საშუალებით ან სპეციალური ტრანსპორტით, ადზ-ის ან სბ-ის კვეთა დროის მაქსიმალურად მცირე მონაკვეთში;

ს) ადზ/სბ-ს დაკავება – სატრანსპორტო საშუალებით ან სპეციალური ტრანსპორტით, ასევე შესაბამისი პერსონალის მიერ სამანევრო არეს სამშენებლო, სარემონტო, საინსპქციო ან სხვა სამუშაოების განხორციელების მიზნით დაკავება;

ტ) სამიმოსვლო ბილიკი (სბ) – სახმელეთო აეროდრომზე საჰაერო ხომალდების მიმოსვლისთვის და აეროდრომის ერთი ნაწილის მეორესთან დასაკავშირებლად განკუთვნილი ბილიკი, მათ შორის:

ტ.ა) ბაქნის სამიმოსვლო ბილიკი – ბაქანზე განლაგებული სამიმოსვლო ბილიკების სისტემის ნაწილი, რომელიც უზრუნველყოფს ბაქნის გავლით სხ-ის მარშრუტს ან სხ-ის სადგომის სამიმოსვლო ზოლზე წვდომას;

ტ.ბ) სხ-ის სადგომზე სამიმოსვლო ზოლი – ბაქნის ნაწილი, რომელიც აღნიშნულია როგორც ბილიკი და გამოიყენება მხოლოდ სხ-ის სადგომამდე მისასვლელად;

ტ.გ) ჩქაროსნული გამყვანი სამიმოსვლო ბილიკი – ადზ-სთან მახვილი კუთხით მიერთებული სბ, რომელიც დაფრენილ საჰაერო ხომალდს ადზ-დან იმაზე უფრო მეტი სიჩქარით გასვლის საშუალებას აძლევს, ვიდრე ეს სხვა სბ-ზეა შესაძლებელი, რითაც მცირდება ადზ-ის დაკავების დრო.“;

უ) სამიმოსვლო არე (სამუშაო მოედანი) – აეროდრომის ნაწილი, რომელიც მოიცავს სამანევრო არეს და ბაქანს (ბაქნებს) და განკუთვნილია სხ-ების აფრენა-დაფრენისა და მიმოსვლისათვის;

ფ) შეზღუდული ხილვადობის პროცედურა (LVP) – ქმედებების ერთობლიობა, რომელიც უზრუნველყოფს აეროდრომის უსაფრთხო ოპერირებას აეროდრომზე ხილვადობის გაუარესების დროს, რომელსაც შეიმუშავებს აეროდრომის ექსპლუატანტი სააერნაოსნო მომსახურების საწარმოსთან ერთად.“.

2. მე-3 მუხლის:

ა) პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) უზრუნველყოს აეროდრომის ტერიტორიაზე სატრანსპორტო საშუალებებისა და ქვეითთა მოძრაობის მოწესრიგება, მათ შორის:

ა.ა) უზრუნველყოს აეროდრომის ტერიტორიაზე სატრანსპორტო საშუალებების, სპეციალური ტრანსპორტისა და ქვეითთა მოძრაობის მარშრუტ(ებ)ის დადგენა;

ა.ბ) უზრუნველყოს აეროდრომის ტერიტორიაზე სატრანსპორტო საშუალებებისა და სპეციალური ტრანსპორტისათვის განკუთვნილი, როგორც მუდმივი, ასევე დროებითი გაჩერების არე(ები)ს მოწყობა“.

ბ) მე-2 პუნქტს დაემატოს შემდეგი შინაარსის „დ“ ქვეპუნქტი:

„დ) გააჩნდეს სსიპ – სამოქალაქო ავიაციის სააგენტოს დირექტორის 2017 წლის 6 მარტის №26 ბრძანებით დამტკიცებული „საქართველოს სამოქალაქო აეროპორტების კონტროლირებადი და შეზღუდული დაშვების დაცული ზონების განსაზღვრისა და ამ ზონებში დაშვების წესის“ შესაბამისად გაცემული, მოქმედი, პიროვნების საშვი.“.

3. მე-4 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. აეროდრომის ტერიტორიაზე სამუშაოდ/სამოძრაოდ დაშვებული ყველა სატრანსპორტო საშუალების ტექნიკური მდგომარეობა უნდა შეესაბამებოდეს საქართველოს კანონმდებლობით დადგენილ მოთხოვნებს და უნდა გააჩნდეს საქართველოს კანონმდებლობის შესაბამისად გაცემული რეგისტრაციის მოწმობა და რეგისტრაციის ნომერი (სახელმწიფო სანომრე ნიშანი).“;

ბ) მე-5 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) იმ სატრანსპორტო საშუალებების გადაადგილება/ექსპლუატაცია, რომელსაც არ გააჩნია სსიპ – სამოქალაქო ავიაციის სააგენტოს დირექტორის 2017 წლის 6 მარტის №26 ბრძანებით დამტკიცებული ,,საქართველოს სამოქალაქო აეროპორტების კონტროლირებადი და შეზღუდული დაშვების დაცული ზონების განსაზღვრისა და ამ ზონებში დაშვების წესის“ შესაბამისად გაცემული საშვი“.

4. მე-7 მუხლის:

ა) მე-8 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) აეროდრომის ტერიტორიაზე მოძრაობისას შეზღუდულ ხილვადობასთან დაკავშირებული პროცედურის ამოქმედებისას “;

ბ) მე-9 პუნქტი ჩამოყალიბდეს შემდეგი რედაქციით:

„9. ქვეითი ვალდებულია ისარგებლოს მისთვის გამოყოფილი მარშრუტით და გადასასვლელით.“;

გ) დაემატოს შემდეგი შინაარსის მე-10 პუნქტი:

„10) აეროდრომის ტერიტორიაზე ქვეითთა გადაადგილება მინიმუმამდე უნდა იყოს დაყვანილი.“.

5. მე-8 მუხლი ჩამოყალიბდეს შემდეგი რედაქციით:

„მუხლი 8. სატრანსპორტო საშუალების/სპეციალური ტრანსპორტის მოძრაობის მოწესრიგება ბაქანზე და საჰაერო ხომალდის სადგომზე

1. ბაქანზე სატრანსპორტო საშუალებების და სპეციალური ტრანსპორტის მოძრაობისას:

ა) ბაქანზე არსებული სამიმოსვლო ბილიკების (ბაქნის სამიმოსვლო ბილიკი, სხ-ის სადგომზე სამიმოსვლო ზოლი) გადაკვეთა შესაძლებელია საჰაერო მოძრაობის მეთვალყურის ან ბაქანზე საქმიანობის მართვის სამსახურის ნებართვის გარეშე. სბ-ის გადაკვეთა ხორციელდება აეროდრომის ექსპლუატანტის მიერ დადგენილი წესით;

ბ) გადაკვეთის დროს სატრანსპორტო საშუალების/სპეციალური ტრანსპორტის იძულებით ან მიზნობრივად გაჩერების შემთხვევაში დაუყოვნებლივ უნდა მოხდეს საჰაერო მოძრაობის მეთვალყურის ან ბაქანზე საქმიანობის მართვის სამსახურის ინფორმირება (ადგილმდებარეობის და გაჩერების მიზეზი);

გ) დაუშვებელია ბაქანზე არსებული სამიმოსვლო ბილიკების (ბაქნის სამიმოსვლო ბილიკი, სხ-ის სადგომზე სამიმოსვლო ზოლი) დაკავება საჰაერო მოძრაობის მეთვალყურის ან ბაქანზე საქმიანობის მართვის სამსახურის ნებართვის გარეშე.

2. სატრანსპორტო საშუალებების და სპეციალური ტრანსპორტის მოძრაობის მოწესრიგებისას საჰაერო ხომალდის სადგომზე:

ა) სპეციალური ტრანსპორტის მიდგომა/გასვლას ხელმძღვანელობს საჰაერო ხომალდებთან სპეციალური ტრანსპორტის მიდგომაზე/გასვლაზე პასუხისმგებელი პირი, რომელსაც გავლილი უნდა ჰქონდეს შესაბამისი სწავლება;

ბ) საჰაერო ხომალდებთან სპეციალური ტრანსპორტის მიდგომა/გასვლა ხორციელდება კონკრეტული ტიპის საჰაერო ხომალდისათვის საჰაერო ხომალდის ექსპლუატანტის ან/და მწარმოებლის მიერ შემუშავებული, საჰაერო ხომალდების მომსახურებისას სპეციალური ტრანსპორტის მიდგომის, გასვლისა და მანევრირების სქემების შესაბამისად;

გ) სპეციალური ტრანსპორტისთვის, საჰაერო ხომალდის უშუალო მომსახურების დროს გამოყენებული უნდა იყოს დაგორების საწინააღმდეგო ხუნდ(ებ)ი (გარდა საწვავგამმართველი სპეციალური ტრანსპორტისა).

3. სატრანსპორტო საშუალებებისათვის და დამხმარე აღჭურვილობებისათვის, მათი გაჩერების ან დგომის არეებში (EPA/ESA) გაჩერების/დგომის დროს, გამოყენებული უნდა იყოს დაგორების საწინააღმდეგო ხუნდები.“.

6. მე-10 მუხლის მე-2 პუნქტს დაემატოს შემდეგი შინაარსის „ზ“ ქვეპუნქტი:

„ზ) სამუშაოების დაწყებამდე, სატრანსპორტო საშუალებების/სპეციალური ტრანსპორტის გამოყენებამდე დარწმუნდეს მათ ტექნიკურ გამართულობაში.“.

7. მე-11 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. მძღოლის თეორიულ მომზადებას უზრუნველყოფს აეროდრომის ექსპლუატანტი, სააგენტოსთან შეთანხმებული „მძღოლის მომზადების პროგრამის“ შესაბამისად.“;

ბ) მე-8 პუნქტი ჩამოყალიბდეს შემდეგი რედაქციით:

„8. აეროდრომის ტერიტორიაზე სამოძრაოდ დაშვების შემდეგ საწარმო ვალდებულია ორ წელიწადში ერთხელ, ამ მუხლის მე-2 პუნქტის შესაბამისად, უზრუნველყოს მძღოლის მხოლოდ თეორიული მომზადება და ტესტირება.“.

8. მე-12 მუხლის:

 ა) მე-2 პუნქტის „ა.დ“, „ბ.დ“, „ბ.ზ“ და „გ.დ“ ქვეპუნქტები ჩამოყალიბდეს შემდეგი რედაქციით:

„ა.დ) აეროდრომის ტერიტორიაზე შეზღუდული ხილვადობის პროცედურის ამოქმედების დროს მოძრაობის წესს“;

„ბ.დ) აეროდრომის ტერიტორიაზე შეზღუდული ხილვადობის პროცედურის ამოქმედების დროს მოძრაობის წესს“;

„ბ.ზ) საჰაერო ხომალდებთან სპეციალური ტრანსპორტით მიდგომის/გასვლის ხელით გადასაცემ ნიშნებს“;

„გ.დ) აეროდრომის ტერიტორიაზე შეზღუდული ხილვადობის პროცედურის ამოქმედების დროს მოძრაობის წესს;“;

ბ) მე-2 პუნქტის „ბ.კ“, „ბ.ლ“, „გ.ლ“ და „გ.მ“ ქვეპუნქტები ამოღებულ იქნეს.

9. მე-13 მუხლის მე-2 პუნქტი ჩამოყალიბდეს შემდეგი რედაქციით:

„2. ინფორმაცია, თუ რას უნდა მოიცავდეს მოწმობა, მოცემულია №1 დანართში.“.

10. მე-14 მუხლის:

ა) მე-3 პუნქტი ამოღებულ იქნეს;

ბ) მე-4 პუნქტის „ბ“ ქვეპუნქტი ჩემოყალიბდეს შემდეგი რედაქციით:

„ბ) მძღოლის მიერ თავისი ვალდებულებების შეუსრულებლობის შემთხვევაში, რამაც გამოიწვია/შეიძლება გამოიწვიოს საავიაციო შემთხვევა/ინციდენტი;“.

11. დანართი №2 ჩამოყალიბდეს თანდართული რედაქციით.

2. აეროდრომის ექსპლუატანტებმა უზრუნველყონ ამ ბრძანებით დადგენილ მოთხოვნებთან შესაბამისობა 2020 წლის 1 ნოემბრამდე.