„საჯარო ინფორმაციის პროაქტიული გამოქვეყნების წესისა და საჯარო ინფორმაციის ელექტრონული ფორმით მოთხოვნის სტანდარტის დამტკიცების შესახებ“ სენაკის მუნიციპალიტეტის საკრებულოს 2014 წლის 30 აპრილის №14 დადგენილებაში ცვლილების შეტანის თაობაზე

 ა) დადგენილებით დამტკიცებული დანართი №1-ის პირველი მუხლი ჩამოყალიბდეს შემდეგი რედაქციით:

,,მუხლი 1. ზოგადი დებულებები
,,1. საჯარო ინფორმაციის პროაქტიული გამოქვეყნების წესი (შემდგომში -წესი) განსაზღვრავს საზოგადოებრივი ინტერესის მატარებელი საჯარო ინფორმაციის სენაკის მუნიციპალიტეტის საკრებულოს და სენაკის მუნიციპალიტეტის მერიის ელექტრონულ რესურსებზე განთავსების სამართლებრივ საფუძვლებს.
 2. წინამდებარე წესი არეგულირებს სენაკის მუნიციპალიტეტის საკრებულოსა და მერიის ვებგვერდის ადმინისტრირებაზე პასუხისმგებელი პირისათვის ინფორმაციის ზუსტ და დროულ მიწოდებას ვებგვერდზე პროაქტიულად განთავსების მიზნით.“;
  ბ) დადგენილებით დამტკიცებული დანართი №1-ის მე-2 მუხლის მე-2 და მე-3 პუნქტები ჩამოყალიბდეს შემდეგი რედაქციით:
 ,,2. სენაკის მუნიციპალიტეტის საკრებულოს ვებგვერდის მისამართია: www.senaki-sakrebulo.gov.ge. 
  3. სენაკის მუნიციპალიტეტის მერიის ვებგვერდის მისამართია: www.senaki.gov.ge”;
  გ) დგენილებით დამტკიცებული დანართი №1-ის მე-4 მუხლის პირველი პუნქტი ჩამოყალიბდეს შემდეგი რედაქციით:
  ,,1. ინფორმაციის მიწოდების დროულობასა და უტყუარობაზე პასუხისმგებელია ინფორმაციის მიმწოდებელი – სენაკის მუნიციპალიტეტის საკრებულოში და სენაკის მუნიციპალიტეტის მერიაში ამისათვის განსაზღვრული პასუხისმგებელი პირები, ხოლო ვებგვერდზე დროულ და შესაბამის განყოფილებაში განთავსებასა და მიწოდებული ინფორმაციის რედაქტირებაზე – სენაკის მუნიციპალიტეტის საკრებულოს და სენაკის მუნიციპალიტეტის მერიის ვებგვერდების ადმინისტრირებაზე პასუხისმგებელი პირები.“
  დ) დადგენილებით დამტკიცებული დანართი №1-ის მე-4 მუხლის მე-3 პუნქტი ჩამოყალიბდეს შემდეგი რედაქციით:
 ,,3. პროაქტიული ინფორმაციის ვებგვერდზე განთავსებაზე კონტროლს ახორციელებენ საკრებულოს აპარატის უფროსი და მერიის ადმინისტრაციული სამსახურის უფროსი.“;
  ე) დადგენილებით დამტკიცებული დანართი №1-ის მე-5 მუხლი ჩამოყალიბდეს შემდეგი რედაქციით:
  ,,მუხლი 5. ვებგვერდზე გამოსაქვეყნებელი ინფორმაცია

ინფორმაციის ვებგვერდზე გამოსაქვეყნებლად ვებგვერდის ადმინისტრირებაზე პასუხისმგებელ პირს აწვდიან შემდეგი სახის ინფორმაციას:

 ა) ადმინისტრაციული ორგანოს სტრუქტურა და ფუნქციების აღწერა;
 ბ) ადმინისტრაციული ორგანოსა და სტრუქტურული ერთეულების საქმიანობის მარეგულირებელი სამართლებრივი აქტები (დებულება/წესდება, შინაგანაწესი);
 გ) ადმინისტრაციული ორგანოს საქმიანობის შესახებ ანგარიში;
 დ) ადმინისტრაციული ორგანოს ხელმძღვანელის, მოადგილის (მოადგილეების), სტრუქტურული ერთეულების ხელმძღვანელების და ადმინისტრაციულ ერთეულში მერის წარმომადგენლების შესახებ ინფორმაცია: სახელი, გვარი, ფოტოსურათი, ბიოგრაფიული მონაცემები;
 ე) ადმინისტრაციული ორგანოს, სტრუქტურული ერთეულების და ადმინისტრაციული ერთეულების მისამართი, ელექტრონული ფოსტის მისამართი და ტელეფონის ნომერი, ფაქსის ნომერი, ცხელი ხაზის ნომერი;
 ვ) სენაკის მუნიციპალიტეტის საკრებულოს მიერ დამტკიცებული ბიუჯეტი;
 ზ) სენაკის მუნიციპალიტეტის მერის მიერ დამტკიცებული ადგილობრივი შესყიდვების წლიური გეგმა;
 თ) ინდივიდუალური ადმინისტრაციულ-სამართლებრივი აქტები, რომლებიც ადმინისტრაციული ორგანოს შეფასებით, საზოგადოებრივი ინტერესის შემცველია;
 ი) ინფორმაცია იმ მოსაკრებლების ან საფასურების შესახებ, რომლებიც დადგენილია ან/და რომელთა გადახდევინება ხდება ადმინისტრაციული ორგანოს მიერ.“;

  ვ) დადგენილებით დამტკიცებული დანართი №2-ის მე-3 მუხლის პირველი პუნქტი ჩამოყალიბდეს შემდეგი რედაქციით:
 ,,1. საჯარო ინფორმაციის ელექტრონულად ან წერილობითი ფორმით მიღებით დაინტერესებულმა მხარემ, ინფორმაციის მოთხოვნის თაობაზე უნდა წარადგინოს წერილობითი განცხადება პირადობის დამადასტურებელი დოკუმენტის ასლის თანხლებით, ფიზიკური პირების შემთხვევაში, ხოლო იურიდიული პირების შემთხვევაში, იურიდიული პირის რეგისტრაციის დამადასტურებელი დოკუმენტისა და წარმომადგენლობითი უფლებამოსილების ქონის დამადასტურებელი დოკუმენტების ასლები. აღნიშნული განცხადება სენაკის მუნიციპალიტეტის საკრებულოში უნდა დარეგისტრირდეს სენაკის მუნიციპალიტეტის საკრებულოს აპარატის საორგანიზაციო განყოფილებაში (კანცელარიაში) ან/ და გაიგზავნოს მოთხოვნა ოფიციალურ ელექტრონულ მისამართზე sakrebulo.senaki.@gmail.com. ზემოთ ჩამოთვლილ განცხადებასთან თანდართული დასკანირებული დოკუმენტების თანხლებით, თანდართული ფორმის შესაბამისად (დანართი №3), ხოლო განცხადება საჯარო ინფორმაციის მოთხოვნის შესახებ სენაკის მუნიციპალიტეტის მერიაში უნდა დარეგისტრირდეს სენაკის მუნიციპალიტეტის მერიის ადმინისტრაციულ სამსახურში (კანცელარიაში) ან/და გაიგზავნოს მოთხოვნა ოფიციალურ ელექტრონულ მისამართზე - senakismeria@.gmail.com  ზემოთ ჩამოთვლილ განცხადებასთან თანდართული დასკანერებული დოკუმენტების თანხლებით, თანდართული ფორმის შესაბამისად (დანართი №3) და გადაეცეს საჯარო ინფორმაციის ხელმისაწვდომობაზე პასუხისმგებელ პირს/პირებს.”.