„საჯარო სამართლის იურიდიული პირის – სასწავლო უნივერსიტეტის – ბათუმის სახელმწიფო საზღვაო აკადემიის წესდების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2012 წლის 10 ივლისის №1-1/1439 ბრძანებაში ცვლილების შეტანის თაობაზე

1. წესდების მე-4 მუხლს დაემატოს შემდეგი შინაარსის „ზ“ ქვეპუნქტი:

„ზ) სამეცნიერო-კვლევითი საქმიანობის განვითარება“.

2. წესდების მე-6 მუხლის:

ა)  მე-2 პუნქტს დაემატოს შემდეგი შინაარსის „დ“ ქვეპუნქტი:

„დ) საზღვაო სამეცნიერო-კვლევითი და ინოვაციების ცენტრი“. 

ბ)  მე-4 პუნქტს დაემატოს შემდეგი შინაარსის „დ“ ქვეპუნქტი:

„დ) ფოთის ფილიალი – „ფოთის საზღვაო სასწავლო-საწვრთნელი ცენტრი“ მდებარე ქალაქ ფოთში, წმ. გიორგის ქუჩა N24-ში (ყოფილი ჰიდრომელიორაციის ინსტიტუტის შენობა, საკადასტრო კოდი 04.02.08.452).

გ) მე-5 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საგარეო ურთიერთობებისა და კარიერული მხარდაჭერის დეპარტამენტი;“

2. წესდების მე-15 მუხლის მე-2 პუნქტი ამოღებული იქნას.

3. წესდებას დაემატოს შემდეგი შინაარსის 15¹ მუხლი:

„მუხლი 15¹. აკადემიის დამხმარე საგანმანათლებლო ერთეული – ფოთის ფილიალი – „ფოთის საზღვაო სასწავლო-საწვრთნელი ცენტრი“

1. ფოთის საზღვაო სასწავლო-საწვრთნელი ცენტრის საქმიანობა, მიზნები და ფუნქციები რეგულირდება დებულებით, რომელსაც ამტკიცებს სენატი.

2. ფოთის საზღვაო სასწავლო-საწვრთნელი ცენტრის ქონება და ფულადი სახსრები წარმოადგენს აკადემიის საკუთრებას და აღირიცხება აკადემიის ბალანსზე.