დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს შინაგან საქმეთა სამინისტროში სამხედრო-საექიმო და სამედიცინო ექსპერტიზის ჩატარების წესის დამტკიცების შესახებ“ საქართველოს შინაგან საქმეთა მინისტრის 2020 წლის 11 მაისის №69 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 125 |
| დოკუმენტის მიმღები | საქართველოს შინაგან საქმეთა მინისტრი |
| მიღების თარიღი | 26/08/2020 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 27/08/2020 |
| სარეგისტრაციო კოდი | 140030000.22.034.017054 |
|
„საქართველოს შინაგან საქმეთა სამინისტროში სამხედრო-საექიმო და სამედიცინო ექსპერტიზის ჩატარების წესის დამტკიცების შესახებ“ საქართველოს შინაგან საქმეთა მინისტრის 2020 წლის 11 მაისის №69 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 31 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:
|
| მუხლი 1 |
„საქართველოს შინაგან საქმეთა სამინისტროში სამხედრო-საექიმო და სამედიცინო ექსპერტიზის ჩატარების წესის დამტკიცების შესახებ“ საქართველოს შინაგან საქმეთა მინისტრის 2020 წლის 11 მაისის №69 ბრძანებაში (www.matsne.gov.ge, 13/05/2020, 140030000.22.034.017001) შეტანილ იქნეს ცვლილება და ბრძანებით დამტკიცებული წესის:
1. მე-2 მუხლის: ა) მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით: „ე) სამინისტროში საჯარო მოხელედ, შრომითი ხელშეკრულებით დასაქმებულ პირად მისაღები პირი ამ წესის მე-7 მუხლის მე-14 პუნქტით გათვალისწინებულ შემთხვევაში.“; ბ) მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით: „ბ) სახელმწიფო უსაფრთხოების სამსახურში დამხმარე მოსამსახურედ მისაღები კანდიდატი, აგრეთვე, საჭიროებრისამებრ, სახელმწიფო უსაფრთხოების სამსახურში შტატგარეშე მოსამსახურედ ან სამინისტროში შრომითი ხელშეკრულებით მისაღები პირი.“. 2. მე-7 მუხლის: ა) მე-14 პუნქტი ჩამოყალიბდეს შემდეგი რედაქციით: „14. სამინისტროს შტატით გათვალისწინებულ თანამდებობაზე საჯარო მოხელედ/სამოქალაქო პირად მისაღები კანდიდატი, ასევე საჭიროებისამებრ შრომითი ხელშეკრულებით დასაქმებულ პირად მისაღები პირი ექვემდებარება ექსპერტიზას მხოლოდ ამ მუხლის მე-2 პუნქტით გათვალისწინებული ცხრილის I-II გრაფებით განსაზღვრული ფუნქციების განმახორციელებელ თანამდებობებზე დანიშვნის შემთხვევაში.“; ბ) მე-15 პუნქტი ჩამოყალიბდეს შემდეგი რედაქციით: „15. სამინისტროში შრომითი ხელშეკრულებით დასაქმებულ პირად, სამინისტროს საჯარო სამართლის იურიდიული პირი – დაცვის პოლიციის დეპარტამენტში უმცროსი ინსპექტორის შტატით გათვალისწინებულ თანამდებობაზე სამოქალაქო პირად კანდიდატი მიიღება საქართველოს შინაგან საქმეთა მინისტრის სამართლებრივი აქტით განსაზღვრული სამედიცინო დაწესებულებების მიერ მისაღებ კანდიდატზე გაცემული ჯანმრთელობის მდგომარეობის შესახებ ცნობის (ფორმა №IV-100/ა) საფუძველზე.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|
დოკუმენტის კომენტარები