დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
,,აბაშის მუნიციპალიტეტის საკრებულოს აპარატის დებულების დამტკიცების შესახებ” აბაშის მუნიციპალიტეტის საკრებულოს 2014 წლის 29 ივლისის №10 დადგენილებაში ცვლილების შეტანის თაობაზე | |
---|---|
დოკუმენტის ნომერი | 14 |
დოკუმენტის მიმღები | აბაშის მუნიციპალიტეტი |
მიღების თარიღი | 17/08/2020 |
დოკუმენტის ტიპი | მუნიციპალიტეტის საკრებულოს დადგენილება |
გამოქვეყნების წყარო, თარიღი | ვებგვერდი, 19/08/2020 |
სარეგისტრაციო კოდი | 010260020.35.110.016418 |
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად აბაშის მუნიციპალიტეტის საკრებულო ადგენს: |
მუხლი 1 |
,,აბაშის მუნიციპალიტეტის საკრებულოს აპარატის დებულების დამტკიცების შესახებ” აბაშის მუნიციპალიტეტის საკრებულოს 2014 წლის 29 ივლისის №10 დადგენილებაში (www.matsne.gov.ge, 31/07/2014, სარეგისტრაციო კოდი: 010260020.35.110.016151) შეტანილ იქნეს ცვლილება, კერძოდ:
1. დადგენილებით დამტკიცებული დებულების მე-5 მუხლი ჩამოყალიბდეს შემდეგი რედაქციით: ,,მუხლი 5. აპარატის მეორე რანგის მეორადი სტრუქტურული ერთეულები აპარატის მეორე რანგის მეორადი სტრუქტურული ერთეულებია: ა) იურიდიულ საკითხთა განყოფილება; ბ) ადამიანური რესურსების მართვისა და საქმისწარმოების განყოფილება; გ) საზოგადოებასთან ურთიერთობისა და საინფორმაციო უზრუნველყოფის განყოფილება; დ)ახალგაზრდობისა და გენდერული თანასწორობის განყოფილება.“. 2. დადგენილებით დამტკიცებული დებულების მე-7 მუხლის შემდეგ დაემატოს შემდეგი შინაარსის 71 და 72 მუხლები: ,,მუხლი 71. საზოგადოებასთან ურთიერთობისა და საინფორმაციო უზრუნველყოფის განყოფილება საზოგადოებასთან ურთიერთობისა და საინფორმაციო უზრუნველყოფის განყოფილება: ა) უზრუნველყოფს საკრებულოს ვებგვერდის ადმინისტრირებას; ბ) უზრუნველყოფს საჯარო ინფორმაციის პროაქტიულ გამოქვეყნებას; გ) ორგანიზებას უწევს თანამდებობის პირთა მიერ მოქალაქეთა მიღებას; დ) ორგანიზებას უწევს საკრებულოს, საკრებულოს თანამდებობის პირებისა და საკრებულოს წევრების შეხვედრებს მოსახლეობასთან; ე) ორგანიზებას უწევს საკრებულოს ურთიერთობას მერიასთან, სახელმწიფო ხელისუფლების ორგანოებთან, დაწესებულებებთან, საწარმოებთან, საზოგადოებრივ ორგანიზაციებთან და მოქალაქეებთან; ვ) ორგანიზებას უწევს საკრებულოს კავშირურთიერთობების ჩამოყალიბებას და თანამშრომლობის განვითარებას სხვა (მათ შორის, საზღვარგარეთ) თვითმმართველ ერთეულებთან და საერთაშორისო ორგანიზაციებთან; ზ) ორგანიზებას უწევს ოფიციალური დელეგაციების მიღებას და საკრებულოს ოფიციალური დელეგაციების მივლინებას; თ) უზრუნველყოფს ჟურნალისტების დასწრებას საკრებულოს ორგანოების სხდომებზე, მათთვის სათანადო სამუშაო პირობების შექმნას, მათ ინფორმირებას, საზოგადოებასთან ქმედითი ურთიერთობების ჩამოყალიბებას; ი) ორგანიზებას უწევს პრესკონფერენციების, ბრიფინგების, ჟურნალისტებთან შეხვედრების ჩატარებას; კ) ახორციელებს საქართველოს კანონმდებლობითა და ამ დებულებით განსაზღვრულ სხვა უფლებამოსილებებს. მუხლი 72. ახალგაზრდობისა და გენდერული თანასწორობის განყოფილება ახალგაზრდობისა და გენდერული თანასწორობის განყოფილება: ა) ახორციელებს ღონისძიებებს ადგილობრივ დონეზე ახალგაზრდული პოლიტიკის განვითარების ხელშეწყობის მიზნით; ბ) უზრუნველყოფს გენდერული თანასწორობის მდგომარეობის შესწავლას და გენდერული თანასწორობის ხელშეწყობის მიზნით შესაბამის ღონისძიებათა დაგეგმვას; გ) ახორციელებს საქართველოს კანონმდებლობითა და ამ დებულებით განსაზღვრულ სხვა უფლებამოსილებებს.“. 3) დადგენილებით დამტკიცებული დებულების მე-9 მუხლის მე-5 პუნქტი ამოღებულ იქნეს. 4) დადგენილებით დამტკიცებული დებულების მე-9 მუხლის შემდეგ დაემატოს შემდეგი შინაარსის 91 მუხლი: ,,მუხლი 91. აპარატის მეორე რანგის პირველადი სტრუქტურული ერთეულის ხელმძღვანელის-საკრებულოს აპარატის უფროსის მოადგილე 1. საკრებულოს აპარატის უფროსს ჰყავს მოადგილე, რომელსაც ,,საჯარო სამსახურის შესახებ“ საქართველოს კანონის შესაბამისად, თანამდებობაზე ნიშნავს და თანამდებობიდან ათავისუფლებს საკრებულოს თავმჯდომარე. 2. აპარატის უფროსის მოადგილე: ა) ასრულებს აპარატის უფროსის მოვალეობას აპარატის უფროსის არყოფნის შემთხვევაში საკრებულოს თავმჯდომარის დავალებით; ბ) ასრულებს აპარატის უფროსისა და საკრებულოს თავმჯდომარის ცალკეულ დავალებებს.“. |
მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები