დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „გარდაბნის მუნიციპალიტეტის 2020 წლის ბიუჯეტით გათვალისწინებული სოციალური პროგრამის ქვეპროგრამების დამტკიცების შესახებ“ გარდაბნის მუნიციპალიტეტის საკრებულოს 2019 წლის 25 დეკემბრის N20 დადგენილებაში ცვლილების შეტანის შესახებ | |
|---|---|
| დოკუმენტის ნომერი | 18 |
| დოკუმენტის მიმღები | გარდაბნის მუნიციპალიტეტი |
| მიღების თარიღი | 14/08/2020 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 17/08/2020 |
| სარეგისტრაციო კოდი | 010250050.35.161.016471 |
|
„გარდაბნის მუნიციპალიტეტის 2020 წლის ბიუჯეტით გათვალისწინებული სოციალური პროგრამის ქვეპროგრამების დამტკიცების შესახებ“ გარდაბნის მუნიციპალიტეტის საკრებულოს 2019 წლის 25 დეკემბრის N20 დადგენილებაში ცვლილების შეტანის შესახებ
|
საქართველოს ორგანული კანონის „ნორმატიული აქტების შესახებ“ მე-20 მუხლის საფუძველზე გარდაბნის მუნიციპალიტეტის საკრებულო ადგენს: |
| მუხლი 1 |
ა) შეტანილ იქნეს ცვლილება „გარდაბნის მუნიციპალიტეტის 2020 წლის ბიუჯეტით გათვალისწინებული სოციალური პროგრამის ქვეპროგრამების დამტკიცების შესახებ“ გარდაბნის მუნიციპალიტეტის საკრებულოს 2019 წლის 25 დეკემბრის N20 დადგენილებით (ვებგვერდი, 30/12/2019; სარეგისტრაციო კოდი: 010250050.35.161.016453.) დამტკიცებულ დანართი N1-ში - „ავადმყოფთა სოციალური დაცვის პროგრამა“ (ქვეპროგრამის კოდი 06 02 01) - და მე 7 მუხლის - “მუნიციპალიტეტის ბიუჯეტიდან მოსახლეობისათვის სოციალური დახმარების გაცემის ორგანიზება” - მე-4 პუნქტი ჩამოყალიბდეს შემდეგი რედაქციით:
„4. კერძო დაზღვევის, საყოველთაო ჯანდაცვის ან/და სახელმწიფო პროგრამის ფარგლებში დაფინანსების (ან/და არდაფინანსების) შემთხვევაში მოქალაქეთა დაფინანსების შესახებ გადაწყვეტილებას იღებს გარდაბნის მუნიციპალიტეტის მერი დროებითი სამუშაო ჯგუფის ოქმის საფუძველზე არაუმეტეს 3000 (სამი ათასი) ლარისა." ბ) შეტანილ იქნეს ცვლილება „გარდაბნის მუნიციპალიტეტის 2020 წლის ბიუჯეტით გათვალისწინებული სოციალური პროგრამის ქვეპროგრამების დამტკიცების შესახებ“ გარდაბნის მუნიციპალიტეტის საკრებულოს 2019 წლის 25 დეკემბრის N20 დადგენილებით დამტკიცებული დანართი N2-ში - ,,სადღესასწაულო საჩუქრების პროგრამა“ (ქვეპროგრამის კოდი 06 02 03) - და მე-5 მუხლი ჩამოყალიბდეს შემდეგი რედაქციით: „მუხლი 5. პროგრამით მოსარგებლეთათვის საჩუქრის გაცემა პროგრამა ითვალისწინებს პროგრამით მოსარგებლე ბენეფიციარებისთვის საჩუქრების გადაცემას სადღესასწაულო დღეებში." |
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები