დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საჯარო სამართლის იურიდიული პირის – შემოსავლების სამსახურის სტრუქტურული ერთეულების დებულების დამტკიცების თაობაზე“ შემოსავლების სამსახურის უფროსის 2011 წლის 2 ივნისის №2742 ბრძანებაში ცვლილების შეტანის შესახებ | |
---|---|
დოკუმენტის ნომერი | 22933 |
დოკუმენტის მიმღები | შემოსავლების სამსახური |
მიღების თარიღი | 06/08/2020 |
დოკუმენტის ტიპი | შემოსავლების სამსახურის ინდივიდუალურ-ადმინისტრაციული აქტი |
გამოქვეყნების წყარო, თარიღი | ვებგვერდი, 14/08/2020 |
სარეგისტრაციო კოდი | 000000000.00.00.016579 |
შემოსავლების სამსახურის უფროსის
ბრძანება №22933
2020 წლის 6 აგვისტო
ქ. თბილისი
„საჯარო სამართლის იურიდიული პირის – შემოსავლების სამსახურის სტრუქტურული ერთეულების დებულების დამტკიცების თაობაზე“ შემოსავლების სამსახურის უფროსის 2011 წლის 2 ივნისის №2742 ბრძანებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლისა და „საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-3 მუხლის მე-2 პუნქტის „უ“ ქვეპუნქტის საფუძველზე, ვბრძანებ:
მუხლი 1. „საჯარო სამართლის იურიდიული პირის − შემოსავლების სამსახურის სტრუქტურული ერთეულების დებულების დამტკიცების თაობაზე“ შემოსავლების სამსახურის უფროსის 2011 წლის 2 ივნისის №2742 ბრძანებით დამტკიცებული „საჯარო სამართლის იურიდიული პირის – შემოსავლების სამსახურის საგადასახადო მონიტორინგის დეპარტამენტის დებულების“ (დანართი №10):
1. მე-5 მუხლის პირველი პუნქტის:
ა) ,,მ2“ ქვეპუნქტი ჩამოყალიბდეს შემდეგი რედაქციით:
,,მ2) ,,გადასახადის გადამხდელებთან კომუნიკაციას შესაბამისი საანგარიშო პერიოდის დეკლარაციის წარდგენის სავადო თარიღამდე და სავადო თარიღის შემდეგ;“;
ბ) „მ2“ ქვეპუნქტის შემდეგ დაემატოს ,,მ3“-,,მ7“ ქვეპუნქტები შემდეგი რედაქციით:
,,მ3) ანალიზის შედეგად ანალიტიკური დეპარტამენტის მიერ რისკის შემცველად მიჩნეული გადასახადის გადამხდელის მიერ წარმოდგენილი დეკლარაციების მონაცემების დამუშავებას;
მ4) გადასახადის გადამხდელის მიერ დეკლარაციების ჭრილში წარმოდგენილი ინფორმაციის ვალიდაციის პროცესის განხორციელება;
მ5) ანალიტიკური დეპარტამენტის მიერ, ანალიზის შედეგად, რისკის შემცველად მიჩნეული საგადასხადო ვალდებულების განმსაზღვრელი საგადასახადო დოკუმენტების დამუშავებას, რომლებიც არ არის ასახული შესაბამის საგადასახადო დეკლარაციაში;
მ6) შემოსავლების სამსახურის ერთიან ელექტრონულ ბაზაში გადამხდელის შესახებ არსებული მონაცემთა ხარისხის, ასევე დამქირავებლის მიერ წარმოდგენილ დაქირავებულ პირთა რეესტრის კონტროლს;
მ7) სავარაუდო დარიცხვას „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის N996 ბრძანებით დამტკიცებული ინსტრუქციის შესაბამისად;“;
გ) მე-4 პუნქტი ამოღებულ იქნეს.
2. მე-6 მუხლის მე-4 პუნქტის ,,ი“ ქვეპუნქტი ჩამოყალიბდეს შემდეგი რედაქციით:
,,ი) ცვლის, ძალადაკარგულად ან ბათილად ცნობს დეპარტამენტის უფლებამოსილი თანამშრომლების საქართველოს კანონმდებლობასთან შეუსაბამო ან მიზანშეუწონელ გადაწყვეტილებებს;“.
3. მე-7 მუხლის პირველი პუნქტის:
ა) ,,გ“ ქვეპუნქტი ჩამოყალიბდეს შემდეგი რედაქციით:
,,გ) მიმდინარე კონტროლის სამმართველო;“;
ბ) ,,გ1“ ქვეპუნქტი ამოღებულ იქნეს;
გ) ,,დ“ ქვეპუნქტი ჩამოყალიბდეს შემდეგი რედაქციით:
,,დ) დეკლარირების კანონშესაბამისობის სამმართველო;“;
დ) ,,ე1“ ქვეპუნქტი ამოღებულ იქნეს;
ე) „ზ“ ქვეპუნქტის შემდეგ დაემატოს ,,ზ1“ ქვეპუნქტი შემდეგი რედაქციით:
,,ზ1) საგადასახადო რეგისტრაციის და მონაცემთა ხარისხის კონტროლის სამმართველო;“.
4. მე-9 მუხლის პირველი პუნქტის „თ“ ქვეპუნქტი ამოღებულ იქნეს.
5. მე-10 მუხლის პირველი პუნქტის:
ა) ,,ე“ ქვეპუნქტი ამოღებულ იქნეს;
ბ) ,,ვ“ ქვეპუნქტი ჩამოყალიბდეს შემდეგი რედაქციით:
,,ვ) კომპეტენციის ფარგლებში, საგადასახადო ან/და ადმინისტრაციული სამართალდარღვევების გამოვლენის შემთხვევაში, შესაბამის სამართალდარღვევის ოქმების შედგენა/კანონმდებლობით გათვალისწინებულ შემთხვევებში სანქციის შეფარდება;“.
6. მე-11 მუხლის:
ა) სათაური და პრეამბულა ჩამოყალიბდეს შემდეგი რედაქციით:
,,მუხლი 11. მიმდინარე კონტროლის სამმართველო
მიმდინარე კონტროლის სამმართველოს ფუნქციებია:“;
ბ) ,,ბ“ ქვეპუნქტი ჩამოყალიბდეს შემდეგი რედაქციით:
,,ბ) გადასახადის გადამხდელის საქმიანობაზე მიმდინარე კონტროლის პროცედურების, კერძოდ, საკონტროლო შესყიდვის/საკონტროლო შესყიდვის შეთავაზების, ქრონომეტრაჟის, საგადასახადო მონიტორინგის, გადასახადის გადამხდელის ტერიტორიებისა და შენობა/ნაგებობების დათვალიერების, სასაქონლო-მატერიალური ფასეულობების ინვენტარიზაციის განხორციელება, გადასახადების ადმინისტრირების საინფორმაციო სისტემაში არსებული მონაცემების შესაბამისად ანალიტიკური დეპარტამენტიდან მიღებული ინფორმაციის საფუძველზე სასაქონლო-მატერიალური ფასეულობების ნაშთების მონიტორინგი;“;
გ) ,,გ“ ქვეპუნქტი ჩამოყალიბდეს შემდეგი რედაქციით:
,,გ) კომპეტენციის ფარგლებში, საგადასახადო სამართალდარღვევის გამოვლენის შემთხვევაში შესაბამისი ოქმის შედგენა;“;
დ) ,,დ“ ქვეპუნქტი ამოღებულ იქნეს;
ე) ,,დ“ ქვეპუნქტის შემდეგ დაემატოს ,,დ1“-დ4“ ქვეპუნქტები შემდეგი რედაქციით:
,,დ1) საქართველოს ადმინისტრაციულ სამართალდარღვევათა კოდექსით მინიჭებული უფლებამოსილების ფარგლებში ადმინისტრაციული სამართალდარღვევების გამოვლენა, შესაბამისი ოქმების შედგენა, სახდელის შეფარდება, ადმინისტრაციული სამართალდარღვევის საქმის განხილვაზე უფლებამოსილი ორგანოსათვის გადაგზავნის მიზნით ადმინისტრაციული სამართალდარღვევის ოქმის სამართლებრივ საკითხთა სამმართველოში წარდგენა;
დ2) ადმინისტრაციული და საგადასახადო სამართალდარღვევის ოქმების სამართლებრივ საკითხთა სამმართველოში გადაგზავნა სამართალდარღვევების გადასახადის გადამხდელის პირადი აღრიცხვის ბარათზე, ასევე, შინაგან საქმეთა სამინისტროს ერთიან საინფორმაციო ბანკში ასახვის მიზნით;
დ3) ვადაგასული ან/და გამოსაყენებლად ან შემდგომი მიწოდებისათვის უვარგისი სასაქონლო- მატერიალური ფასეულობის ჩამოწერის დოკუმენტის დადასტურება და აგრეთვე გადასახადის გადამხდელის მიერ დაუძლეველი ძალის ზემოქმედების შედეგად განადგურებული/დაკარგული სასაქონლო-მატერიალური ფასეულობების ჩამოწერის განცხადების მიღება;
დ4) საბაჟო ზედამხედველობას დაქვემდებარებული საქონლის განადგურების უზრუნველყოფა;”.
7. მე-111 მუხლის:
ა) სათაური და პრეამბულა ჩამოყალიბდეს შემდეგი რედაქციით:
,,მუხლი 111. დეკლარირების კანონშესაბამისობის სამმართველო დეკლარირების კანონშესაბამისობის სამმართველოს ფუნქციებია:“
ბ) „ა“ ქვეპუნქტი ამოღებულ იქნეს.
გ) ,,დ“ ქვეპუნქტის შემდეგ დაემატოს ,,დ1-დ7“ ქვეპუნქტები შემდეგი რედაქციით:
,,დ1) გადასახადის გადამხდელის მიერ დეკლარაციების ჭრილში წარმოდგენილი ინფორმაციის ვალიდაციის პროცესის განხორციელება;
დ2) ანალიტიკური დეპარტამენტის მიერ, ანალიზის შედეგად, რისკის შემცველად მიჩნეული, გადასახადის გადამხდელის მიერ წარმოდგენილი დეკლარაციების მონაცემების დამუშავება;
დ3) ანალიტიკური დეპარტამენტის მიერ, ანალიზის შედეგად, რისკის შემცველად მიჩნეული საგადასხადო ვალდებულების განმსაზღვრელი საგადასახადო დოკუმენტებისდამუშავება, რომლებიც არ არის ასახული შესაბამის საანგარიშო პერიოდის საგადასახადო დეკლარაციაში;
დ4) სავარაუდო დარიცხვის განხორციელება, იმ შემთხვევაში თუ პირს წარმოეშვა საგადასახადო დეკლარაციის/გაანგარიშების წარდგენის ვალდებულება და კანონმდებლობით დადგენილ ვადაში არ წარადგინა საგადასახადო დეკლარაცია/გაანგარიშება;
დ5) კომპეტენციის ფარგლებში, საგადასახადო სამართალდარღვევის გამოვლენის შემთხვევაში შესაბამისი ოქმის შედგენა;
დ6) საგადასახადო სამართალდარღვევის ოქმების სამართლებრივ საკითხთა სამმართველოში გადაგზავნა სამართალდარღვევების გადასახადის გადამხდელის პირადი აღრიცხვის ბარათზე ასახვის მიზნით;
დ7) გამოვლენილ სამართალდარღვევათა სტატისტიკის წარმოება და ინფორმაციის სამართლებრივ საკითხთა სამმართველოში წარდგენა;“.
8. მე-14 მუხლის პირველი პუნქტის:
ა) ,,ე“ ქვეპუნქტი ჩამოყალიბდეს შემდეგი რედაქციით:
,,ე) კომპეტენციის ფარგლებში, საგადასახადო (მათ შორის, საქართველოს საგადასახადო კოდექსის 286-ე მუხლის პირველი, 1 1 და 1 2 ნაწილებით გათვალისწინებული საგადასახადო სამართალდარღვევის) სამართალდარღვევების გამოვლენის შემთხვევაში, შესაბამისი სამართალდარღვევის ოქმების შედგენა;”;
ბ) ,,ვ“ ქვეპუნქტი ამოღებულ იქნეს;
გ) ,,ვ“ ქვეპუნქტის შემდეგ დაემატოს ,,ვ1-ვ4“ ქვეპუნქტები შემდეგი რედაქციით:
,,ვ1) საქართველოს ადმინისტრაციულ სამართალდარღვევათა კოდექსით მინიჭებული უფლებამოსილების ფარგლებში ადმინისტრაციული სამართალდარღვევების გამოვლენა, შესაბამისი ოქმების შედგენა, სახდელის შეფარდება;
ვ2) ადმინისტრაციული სამართალდარღვევის გამოვლენის მიზნით, კონტროლის განხორციელებისას, საგადასახადო სამართალდარღვევის ფაქტის გამოვლენის შემთხვევაში საგადასახადო სამართალდარღვევის ოქმის შედგენა;
ვ3) კანონით გათვალისწინებულ შემთხვევებში, ადმინისტრაციული სამართალდარღვევის ოქმებისა და სათანადო მასალების სასამართლოში წარდგენა და აღნიშნულ საქმეებზე სასამართლოში სამსახურის წარმომადგენლობა;
ვ4) ადმინისტრაციული და საგადასახადო სამართალდარღვევის ოქმების სამართლებრივ საკითხთა სამმართველოში გადაგზავნა სამართალდარღვევების გადასახადის გადამხდელის პირადი აღრიცხვის ბარათზე, ასევე, შინაგან საქმეთა სამინისტროს ერთიან საინფორმაციო ბანკში ასახვის მიზნით;“;
დ) ,,ო“ ქვეპუნქტი ამოღებულ იქნეს;
ე) ,,ჟ“ და ,,ჟ5“ ქვეპუნქტი ამოღებულ იქნეს;
ვ) ,,რ“ ქვეპუნქტი ამოღებულ იქნეს;
ზ) ,,რ“ ქვეპუნქტის შემდეგ დაემატოს ,,რ1“-,,რ3“ ქვეპუნქტები შემდეგი რედაქციით:
,,რ1) არარეგისტრირებულ პირთა გამოვლენა;
რ2) გადასახადების ადმინისტრირების საინფორმაციო სისტემაში გადამხდელის შესახებ არსებულ მონაცემთა ხარისხის კონტროლი;
რ3) დამქირავებლის მიერ წარმოდგენილ დაქირავებულ პირთა რეესტრის კონტროლი;“.
9. მე-15 მუხლის პირველი პუნქტის:
ა) ,,ე“ ქვეპუნქტი ჩამოყალიბდეს შემდეგი რედაქციით:
,,ე) კომპეტენციის ფარგლებში, საგადასახადო (მათ შორის, საქართველოს საგადასახადო კოდექსის 286-ე მუხლის პირველი ნაწილით გათვალისწინებული საგადასახადო სამართალდარღვევის) სამართალდარღვევების გამოვლენის შემთხვევაში, შესაბამისი სამართალდარღვევის ოქმების შედგენა;”;
ბ) ,,ვ“ ქვეპუნქტი ამოღებულ იქნეს;
გ) ,,ვ“ ქვეპუნქტის შემდეგ დაემატოს ,,ვ1“-,,ვ3“ ქვეპუნქტები შემდეგი რედაქციით:
,,ვ1) საქართველოს ადმინისტრაციულ სამართალდარღვევათა კოდექსით მინიჭებული უფლებამოსილების ფარგლებში ადმინისტრაციული სამართალდარღვევების გამოვლენა, შესაბამისი ოქმების შედგენა, სახდელის შეფარდება, ადმინისტრაციული სამართალდარღვევის საქმის განხილვაზე უფლებამოსილი ორგანოსათვის გადაგზავნის მიზნით ადმინისტრაციული სამართალდარღვევის ოქმის სამართლებრივ საკითხთა სამმართველოში წარდგენა;
ვ2) ადმინისტრაციული სამართალდარღვევის გამოვლენის მიზნით, კონტროლის განხორციელებისას, საგადასახადო სამართალდარღვევის ფაქტის გამოვლენის შემთხვევაში საგადასახადო სამართალდარღვევის ოქმის შედგენა და შესაბამისი სანქციის შეფარდება;
ვ3) ადმინისტრაციული და საგადასახადო სამართალდარღვევის ოქმების სამართლებრივ საკითხთა სამმართველოში გადაგზავნა სამართალდარღვევების გადასახადის გადამხდელის პირადი აღრიცხვის ბარათზე, ასევე, შინაგან საქმეთა სამინისტროს ერთიან საინფორმაციო ბანკში ასახვის მიზნით;“;
დ) ,,ზ“ ქვეპუნქტი ამოღებულ იქნეს.
ე) ,,ი2“, ,,ი3“ და ,,ი5“ ქვეპუნქტები ამოღებულ იქნეს.
10. მე-16 მუხლი ამოღებულ იქნეს.
11. მე-16 მუხლის შემდეგ დაემატოს 161 მუხლი შემდეგი რედაქციით:
,,მუხლი 161. საგადასახადო რეგისტრაციის და მონაცემთა ხარისხის კონტროლის სამმართველო
საგადასახადო რეგისტრაციის და მონაცემთა ხარისხის კონტროლის სამმართველოს ფუნქციებია:
ა) საკონტროლო შესყიდვა/საკონტროლო შესყიდვის შეთავაზების, გადასახადის გადამხდელის ტერიტორიებისა და შენობა/ნაგებობების დათვალიერება;
ბ) არარეგისტრირებულ პირთა გამოვლენა;
გ) შემოსავლების სამსახურის ერთიან ელექტრონულ ბაზაში გადამხდელის შესახებ არსებული მონაცემების ხარისხის კონტროლი;
დ) დამქირავებლის მიერ წარმოდგენილ დაქირავებულ პირთა რეეტრის კონტროლი;
ე) კომპეტენციის ფარგლებში, საგადასახადო სამართალდარღვევის გამოვლენის შემთხვევაში შესაბამისი ოქმის შედგენა;
ვ) საქართველოს ადმინისტრაციულ სამართალდარღვევათა კოდექსით მინიჭებული უფლებამოსილების ფარგლებში ადმინისტრაციული სამართალდარღვევების გამოვლენა, შესაბამისი ოქმების შედგენა, სახდელის შეფარდება, ადმინისტრაციული სამართალდარღვევის საქმის განხილვაზე უფლებამოსილი ორგანოსათვის გადაგზავნის მიზნით ადმინისტრაციული სამართალდარღვევის ოქმის სამართლებრივ საკითხთა სამმართველოში წარდგენა;
ზ) ადმინისტრაციული და საგადასახადო სამართალდარღვევის ოქმების სამართლებრივ საკითხთა სამმართველოში გადაგზავნა სამართალდარღვევების გადასახადის გადამხდელის პირადი აღრიცხვის ბარათზე, ასევე, შინაგან საქმეთა სამინისტროს ერთიან საინფორმაციო ბანკში ასახვის მიზნით;
თ) განხორციელებული კონტროლის ღონისძიებების და გამოვლენილ სამართალდარღვევათა სტატისტიკის წარმოება და ინფორმაციის სამართლებრივ საკითხთა სამმართველოში წარდგენა;
ი) კომპეტენციის ფარგლებში, გადასახადის გადამხდელის, მისი წარმომადგენლისა და სხვა დაინტერესებული პირის კორესპონდენციის განხილვა;
კ) დეპარტამენტის ხელმძღვანელობის სხვა დავალებებისა და მითითებების შესრულება.“.
მუხლი 2. ეს ბრძანება ამოქმედდეს ხელმოწერისთანავე.
ლევან კაკავა
სამსახურის უფროსი
დოკუმენტის კომენტარები