ზუგდიდის მუნიციპალიტეტის მერიის სოციალური და ჯანდაცვის სამსახურის დებულების დამტკიცების შესახებ“ ზუგდიდის მუნიციპალიტეტის საკრებულოს 2019 წლის 06 სექტემბრის №35 დადგენილებაში ცვლილების შეტანის შესახებ

ა) პირველი მუხლის პირველი პუნქტი ჩამოყალიბდეს შემდეგი რედაქციით:

„1. ზუგდიდის მუნიციპალიტეტის მერიის სოციალური და ჯანდაცვის სამსახური (ტექსტში შემდგომ – სამსახური) არის ზუგდიდის მუნიციპალიტეტის მერიის სტრუქტურული ერთეული, რომელიც უზრუნველყოფს ჯანმრთელობისა და სოციალური დაცვის, გენდერული თანასწორობისა და ბავშვის უფლებების დაცვის მხარდაჭერას, მუნიციპალური პროგრამების შემუშავებასა და განხორციელებას.“

ბ) მე-2 მუხლის მე-8 პუნქტს დაემატოს შემდეგი შინაარსის ,,გ“ ქვეპუნქტი:

„გ) ბავშვის უფლებების დაცვისა და მხარდაჭერის განყოფილება.“

გ) მე-3 მუხლს დაემატოს შემდეგი შინაარსის ,,ვ¹ “პუნქტი:

„ვ¹) ბავშვის უფლებების დაცვასა და მხარდაჭერას.“

დ) მე-5 მუხლის შემდეგ დაემატოს შემდეგი შინაარსის 5¹ მუხლი:

,,მუხლი 5¹. ბავშვის უფლებების დაცვისა და მხარდაჭერის განყოფილება

„განყოფილება დადგენილი წესით უზრუნველყოფს:

ა) მუნიციპალური პროგრამების მომზადებას, მათ განხორციელებასა და მონიტორინგს;

ბ) მუნიციპალური სერვისების ხელმისაწვდომობას;

გ) საკუთარი საქმიანობის გამჭირვალობას, მასობრივი საინფორმაციო საშუალებებით საკუთარი ფუნქციების, საქმიანობისა და ამოცანების მნიშვნელობის განმარტებას, საინფორმაციო ბიულეტინების, საინფორმაციო ფურცლების, პრესლერიზებისა და სხვა ინფორმაციული მასალების მომზადებასა და გავრცელებას;

დ) სოციალური მუშაკის ქსელში ჩართვას და სამოქმედო უბნების განსაზღვრას;

ე) კოორდინირებულ მუშაობას შესაბამის სახელმწიფო დაწესებულებებთან, კერძო სამართლის იურიდიულ პირებთან, არასამთავრობო და საერთაშორისო ორგანიზაციებთან;

ვ) სტატისტიკური ინფორმაციის, მონაცემთა ერთიანი ბაზის შექმნა და წარმოებას;

ზ) ადმინისტრაციულ სამართალდარღვევათა გამოვლენას;

თ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.