დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „იარაღის რეგისტრაციის მოწმობის, სანებართვო მოწმობების ფორმების, აგრეთვე მათი გამოყენებისა და აღრიცხვა-ანგარიშგების წესის დამტკიცების შესახებ“ საქართველოს შინაგან საქმეთა მინისტრის 2008 წლის 22 დეკემბრის №1371 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 120 |
| დოკუმენტის მიმღები | საქართველოს შინაგან საქმეთა მინისტრი |
| მიღების თარიღი | 20/08/2020 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 24/08/2020 |
| სარეგისტრაციო კოდი | 140120000.22.034.017049 |
|
„იარაღის რეგისტრაციის მოწმობის, სანებართვო მოწმობების ფორმების, აგრეთვე მათი გამოყენებისა და აღრიცხვა-ანგარიშგების წესის დამტკიცების შესახებ“ საქართველოს შინაგან საქმეთა მინისტრის 2008 წლის 22 დეკემბრის №1371 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ: |
| მუხლი 1 |
„იარაღის რეგისტრაციის მოწმობის, სანებართვო მოწმობების ფორმების, აგრეთვე მათი გამოყენებისა და აღრიცხვა-ანგარიშგების წესის დამტკიცების შესახებ“ საქართველოს შინაგან საქმეთა მინისტრის 2008 წლის 22 დეკემბრის №1371 ბრძანების (www.matsne.gov.ge, სსმ №181, 22/12/2008, 140.120.000.22.034.012.490) პირველი პუნქტის „გ“ ქვეპუნქტით დამტკიცებული №3 დანართის (იარაღის სარეგისტრაციო მოწმობა) იარაღის სარეგისტრაციო მოწმობის აღწერილობის ავერსი ჩამოყალიბდეს შემდეგი რედაქციით:
„ავერსი დოკუმენტის ავერსის ზედა ნაწილში ორენოვანი წარწერაა: საქართველო, Georgia. დოკუმენტის მფლობელის სურათი განთავსებულია ავერსის მარცხენა მხარეს. ავერსზე გამოსახული საიდენტიფიკაციო კითხვარის წარწერები (ქართულ-ინგლისური) შავი ფერისაა, გარდა წარწერის „პირადი/personal №“, რომელიც შესრულებულია თეთრ ფერში. საიდენტიფიკაციო წარწერები (ქართულ-ინგლისური) შავი ფერისაა. ეროვნულ-სახელმწიფოებრივი იდენტიფიკაციაა საქართველოს სახელმწიფო დროშის გამოსახულება მარცხენა ზედა კუთხეში. მფლობელის სურათის ქვევით დამცავ ბადეზე გამოსახულია მოწმობის ნომერი, ხოლო მის ქვეშ ლათინური ასოს კომბინაციით მითითებულია მოწმობის კვალიფიკაცია – კატეგორია. მარჯვენა ქვედა ნაწილში გამოსახულია დოკუმენტის მფლობელის პირადი საიდენტიფიკაციო ნომერი, ხოლო ორნამენტსა და დამცავ ბადეზე – პირადი ხელმოწერა. კომპოზიციის საერთო დამცავი ბადის ფონზე მარჯვენა ნაწილში, ღია ნაცრისფერ-ვარდისფერ ყელზე გამოსახულია გამჭვირვალე საქართველოს სახელმწიფო გერბი სრული სახით.“. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|
დოკუმენტის კომენტარები