თიღვის მუნიციპალიტეტის საკრებულოს ცალკეული დადგენილებების ბათილად ცნობის შესახებ

საქართველოს ორგანული კანონის „ადგილობრივი თვითმმართველობის კოდექსის“ 61-ე მუხლის 1-ლი და მე-2 პუნქტების, აგრეთვე საქართველოს ზოგადი ადმინისტრაციული კოდექსის 60¹ მუხლის შესაბამისად, თიღვის მუნიციპალიტეტის საკრებულო ადგენს:

ბათილად იქნეს ცნობილი მისი ძალაში შესვლის დღიდან შემდეგი დადგენილებები:

ა) „თიღვის მუნიციპალიტეტის საკრებულოს თანამდებობის პირთა, საკრებულოს აპარატის მოსამსახურეთა, გამგეობის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრისა და საკრებულოს აპარატის და გამგეობის საშტატო ნუსხის დამტკიცების შესახებ“ თიღვის მუნიცუპალიტეტის საკრებულოს 2017 წლის 4 სექტემბრის №9 დადგენილებაში ცვლილების შეტანის თაობაზე“ თიღვის მუნიციპალიტეტის საკრებულოს 2020 წლის 1 ივნისის №4 დადგენილება;

ბ) „თიღვის მუნიციპალიტეტის თვითმმართველი ერთეულის ტერიტორიული ორგანოს დებულების დამტკიცების შესახებ“ თიღვის მუნიციპალიტეტის საკრებულოს 2010 წლის 6 სექტემბრის №20 დადგენილებაში ცვლილების შეტანის თაობაზე“ თიღვის მუნიციპალიტეტის საკრებულოს 2020 წლის 1 ივნისის №5 დადგენილება;

გ) „თიღვის მუნიციპალიტეტის გამგეობის დებულების დამტკიცების შესახებ“ თიღვის მუნიციპალიტეტის საკრებულოს 2010 წლის 13 აგვისტოს №12 დადგენილებაში ცვლილების შეტანის თაობაზე“ თიღვის მუნიციპალიტეტის საკრებულოს 2020 წლის 1 ივნისის №6 დადგენილება.