,,ნინოწმინდის მუნიციპალიტეტში რეგისტრირებული მოსახლეობის 2020 წლის ჯანმრთელობის დაცვის და სოციალური დახმარების პროგრამისა და გაცემის წესის დამტკიცების შესახებ” ნინოწმინდის მუნიციპალიტეტის საკრებულოს 2020 წლის 04 თებერვლის №2 დადგენილებაში ცვლილების შეტანის შესახებ

ა) დადგენილების დანართის მე-3 მუხლის პირველი პუნქტი ჩამოყალიბდეს შემდეგი რედაქციით:

„1. ნინოწმინდის მუნიციპალიტეტის ტერიტორიაზე რეგისტრირებული ყოველი ახალშობილისთვის გაიცემა ერთჯერადი ფულადი დახმარება 300 (სამასი) ლარის ოდენობით, დაბადების დღიდან ერთი წლის განმავლობაში, თუ ახალშობილის ერთ - ერთი  მშობელი რეგისტრირებულია ნინოწმინდის მუნიციპალიტეტის ტერიტორიაზე.“;

ბ)დადგენილების დანართის მე-12 მუხლის სათაური ჩამოყალიბდეს შემდეგი რედაქციით:

„მუხლი 12. ნინოწმინდის მუნიციპალიტეტში რეგისტრირებული პირების სტაციონალურ-ამბულატორიული  და  სამედიცინო მომსახურეობის თანადაფინანსება.“;

გ) დადგენილების დანართის მე-12 მუხლის პირველი პუნქტი ჩამოყალიბდეს შემდეგი რედაქციით:

„1. სოციალურად დაუცველი ოჯახების ერთიან მონაცემთა ბაზაში რეგისტრირებული პირები, რომელთა სარეიტინგო ქულა არ აღემატება 200 000-ს და ესაჭიროებათ სტაციონალური და ამბულატორიული სამედიცინო მომსახურება, დაფინანსდებიან სახელმწიფო დაზღვევის თანხის გადახდის შემდეგ დარჩენილი თანხის 50% -ით, მაგრამ არაუმეტეს 3 000 (სამი ათასი) ლარისა; თუ მოქალაქის მიერ სამედიცინო მომსახურების საფასური გადახდილია, მერია მოახდენს ხარჯების ანაზღაურებას  მოქალაქის სასარგებლოდ მის პირად საბანკო ანგარიშზე“;

დ) დადგენილების დანართის მე-12 მუხლის მე-2 პუნქტს დაემატოს შემდეგი შინაარსის „ე“ და „ვ“ ქვეპუნქტები:

„ე) საფასურის გადახდის  დამადასტურებელი დოკუმენტი (შემოსავლის ორდერი) .“;

„ვ) საბანკო ანგარიშის ნომერი.“.