„საქართველოს სამოქალაქო საჰაერო ხომალდების სახელმწიფო რეგისტრაციის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 11 ოქტომბრის №205 ბრძანებაში ცვლილების შეტანის შესახებ

1. მე-4 მუხლის:

ა) პირველ პუნქტს დაემატოს შემდეგი შინაარსის „ი“, „კ“, „ლ“ ქვეპუნქტები:

„ი) ექსპორტიორი სახელმწიფოს მიერ გაცემული საჰაერო ხომალდის რეგისტრაციის სერტიფიკატი;  

კ) „საჰაერო ხომალდის ტექნიკური მომსახურების პროგრამა „ტექნიკური რეგლამენტის „საავიაციო ტექნიკის ტექნიკური მომსახურების წესის“ დამტკიცების თაობაზე“ საქართველოს მთავრობის 2014 წლის 14 იანვრის N53 დადგენილების შესაბამისად;

ლ) სააგენტოს მიერ სერტიფიცირებულ ან აღიარებულ საავიაციო ტექნიკის ტექნიკური მომსახურების საწარმოსთან გაფორმებული ხელშეკრულება ამ საჰაერო ხომალდის ტექნიკური მომსახურების შესახებ, თუ შესაბამისი ექსპლუატანტი თავად არ არის სერტიფიცირებული საწარმო და არ ახორციელებს აღნიშნული საჰაერო ხომალდის ტექნიკურ მომსახურებას“.

ბ) მე-10 პუნქტი ჩამოყალიბდეს შემდეგი რედაქციით:

„10. რეგისტრაციის სერტიფიკატის მისაღებად წარმოდგენილი განაცხადისა და თანდართული საბუთების განხილვის, სხ-ის იდენტიფიცირების და გადაწყვეტილების მიღების მაქსიმალური ვადა არ უნდა აღემატებოდეს 60 დღეს“.