„სენაკის მუნიციპალიტეტის მერიის დებულების დამტკიცების შესახებ“ სენაკის მუნიციპალიტეტის საკრებულოს 2017 წლის 10 ნოემბრის №51 დადგენილებაში ცვლილების შეტანის თაობაზე

ა) დადგენილებით დამტკიცებული დებულების მე-6 მუხლის მე-4 პუნქტი ჩამოყალიბდეს შემდეგი რედაქციით:

„4. მერი უფლებამოსილია მუნიციპალიტეტის ადმინისტრაციულ ერთეულში თავისი უფლებამოსილების ვადით დანიშნოს მერის წარმომადგენელი და ასევე, მუნიციპალიტეტში შემავალ ადმინისტრაციულ ერთეულში დასაქმებული სხვა პირი – ასისტენტი, რომელთა  უფლებამოსილება განისაზღვრება მერიის დებულებით.“;

ბ) დადგენილებით დამტკიცებული დებულების  მე-14 მუხლის პირველი პუნქტი ჩამოყალიბდეს შემდეგი რედაქციით:

„1. მუნიციპალიტეტის მერის წარმომადგენელი არის საჯარო მოსამსახურე – ადმინისტრაციული ხელშეკრულებით დასაქმებული პირი, რომელსაც „საჯარო სამსახურის შესახებ“ კანონით დადგენილი წესით მუნიციპალიტეტის მერის უფლებამოსილების ვადით თანამდებობაზე ნიშნავს და თანამდებობიდან ათავისუფლებს მერი.“;

გ)  დადგენილებით დამტკიცებული დებულების მე-14 მუხლს დაემატოს  შემდეგი შინაარსის მე-3¹ პუნქტი და ჩამოყალიბდეს შემდეგი რედაქციით:

„3¹. მერის წარმომადგენლის არყოფნის შემთხვევაში, მერის დავალებით მის მოვალეობას ასრულებს იმავე ადმინისტრაციულ ერთეულში ადმინისტრაციული ხელშეკრულებით დასაქმებული სხვა პირი – ასისტენტი.“;

დ) დადგენილებით დამტკიცებული დებულების მე-14 მუხლის  მე-4 პუნქტს დაემატოს  შემდეგი შინაარსის „ზ¹“ ქვეპუნქტი  და ჩამოყალიბდეს შემდეგი რედაქციით:

„ზ¹) „მიწის ნაკვეთის უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონის შესაბამისად ცნობით ადასტურებს მიწის ნაკვეთის საკარმიდამო ან/და საოჯახო მეურნეობის მოსაწყობად გაცემას“.

დ) დადგენილებით დამტკიცებული დებულების  მე-15 მუხლის პირველ პუნქტს დაემატოს შემდეგი შინაარსის  „გ“ ქვეპუნქტი  და ჩამოყალიბდეს შემდეგი რედქციით:

„გ) ადმინისტრაციული ხელშეკრულებით დასაქმებული პირი.“;

ე) დადგენილებით დამტკიცებული დებულების მე-15 მუხლს დაემატოს შემდეგი შინაარსის მე-3 პუნქტი და ჩამოყალიბდეს შემდეგი რედაქციით:

„3. ადმინისტრაციული ხელშეკრულებით დასაქმებული პირის უფლება-მოვალეობები განისაზღვრება „საჯარო სამსახურის შესახებ“ საქართველოს კანონის შესაბამისად დადებული ადმინისტრაციული ხელშეკრულებით და მუნიციპალიტეტის სამართლებრივი აქტებით. ადმინისტრაციული ხელშეკრულებით დასაქმებულ პირებთან ადმინისტრაციულ ხელშეკრულებას მუნიციპალიტეტის სახელით დებს მერი“.