„ფსიქოსოციალური საჭიროებიდან გამომდინარე ექსპერტიზის ჩატარების წესისა და სტანდარტების დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2015 წლის 29 მაისის №01-16/ნ ბრძანებაში ცვლილების შეტანის შესახებ

„გ) სოციალური მუშაკი – საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ – სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს (შემდგომში – სააგენტო) მეურვეობისა და მზრუნველობის ორგანოს მიერ სპეციალურად უფლებამოსილი პირი;‘‘.

„4. მულტიდისციპლინური ჯგუფის წევრს კენჭისყრისგან თავის შეკავების უფლება არ აქვს . მულტიდისციპლინური ჯგუფის მიერ დასკვნის მიღების მიზნით გასამართ კენჭისყრის პროცესში შესაძლებელია (დასაშვებია), სოციალური მუშაკი  მონაწილეობდეს კომუნიკაციის ელექტრონული ან სხვა საშუალების გამოყენებით, რომლითაც უზრუნველყოფილი იქნება ამ ჯგუფის სხვა წევრებთან სოციალური მუშაკის კონტაქტი, რაც დადასტურებული იქნება შესაბამისი ოქმით. კენჭისყრის პროცესში, ამ პუნქტით გათვალისწინებული პირობებით მონაწილეობის შემთხვევაში, სოციალური მუშაკის ხელმოწერით დადასტურებული გამოსაკვლევი პირის შეფასების ფორმა (დამტკიცებული სააგენტოს დირექტორის ადმინისტრაციულ-სამართლებრივი აქტით), მისი დასკანერებული ვერსია  ბიუროს ეგზავნება ელექტრონული კომუნიკაციების საშუალებით. სოციალური მუშაკის მიერ თავისი კომპეტენციის ფარგლებში, ამავე ბრძანების მე-5 მუხლის პირველი პუნქტის მოთხოვნათა შესაბამისად შევსებული გამოსაკვლევი პირის შეფასების ფორმა  წარმოადგენს მულტიდისციპლინური ჯგუფის დასკვნის განუყოფელ ნაწილს.‘‘.

„მუხლი 10

საქართველოს სამოქალაქო კოდექსის 1305¹ და 1305³ მუხლებით  მეურვეობისა და მზრუნველობის ორგანოსთვის განსაზღვრული  მეურვის, მზრუნველისა და მხარდამჭერის საქმიანობაზე ზედამხედველობის განხორციელების წესი და პირობები განისაზღვრება სააგენტოს  დირექტორის ბრძანებით. ასევე, სააგენტოს დირექტორის ბრძანებითვე განისაზღვრება სოციალური მუშაკის მიერ იმ პირის შეფასების ფორმა და მისი შევსების წესი, რომელსაც უტარდება ფსიქოსოციალური საჭიროებიდან გამომდინარე ექსპერტიზა.‘‘.