„საქართველოში ახალი კორონავირუსის (COVID-19) მასობრივი გავრცელების პრევენციის მიზნით საჯარო სამართლის იურიდიული პირის – საქართველოს ნოტარიუსთა პალატის, აგრეთვე ნოტარიუსების საქმიანობის ადმინისტრირებისა და მათ მიერ პირთა მომსახურების კანონმდებლობით დადგენილისგან განსხვავებული დროებითი წესების განსაზღვრის შესახებ“ საქართველოს იუსტიციის მინისტრის 2020 წლის 25 მაისის №548 ბრძანებაში ცვლილების შეტანის თაობაზე

1. პირველი მუხლის მე-6 პუნქტი ჩამოყალიბდეს შემდეგი რედაქციით:

„6. დროებით ბიუროში მხოლოდ პალატის გამგეობის წინასწარი გადაწყვეტილების საფუძველზეა შესაძლებელი სანოტარო მედიაციის განხორციელება.“.

2. მე-2 მუხლის:

ა) მე-2 პუნქტის შემდეგ დაემატოს შემდეგი შინაარსის 2¹ და 2²  პუნქტები:

„2¹. ამ მუხლის პირველი პუნქტის შესაბამისად მოქმედ სანოტარო ბიუროში მხოლოდ პალატის გამგეობის წინასწარი გადაწყვეტილების საფუძველზეა შესაძლებელი სანოტარო მედიაციის განხორციელება.

2². ამ მუხლის პირველი პუნქტის შესაბამისად მოქმედი სანოტარო ბიუროების ფუნქციონირებისას უზრუნველყოფილი უნდა იყოს ამ ბრძანების პირველი მუხლის მე-3 პუნქტის „ვ“–„ი“, „ლ“, „მ“ და „პ“ ქვეპუნქტებისა და ამავე მუხლის მე-7 პუნქტის მოთხოვნების დაცვა.“;

ბ) მე-8 პუნქტი ჩამოყალიბდეს შემდეგი რედაქციით:

„8. ამ მუხლის პირველი პუნქტის შესაბამისად მოქმედ სანოტარო ბიუროში მომუშავე ნოტარიუსი სანოტარო მოქმედებებს ასრულებს მხოლოდ სანოტარო ბიუროს ფარგლებში, გარდა იმ შემთხვევისა, როდესაც საჭიროა მოქალაქეთა პოლიტიკური გაერთიანების დამფუძნებელი ან მმართველი ორგანოს კრებაზე (სხდომაზე) ნოტარიუსის დასწრება და მის მიერ კრების (სხდომის) ოქმის შედგენა. სხვა შემთხვევაში სანოტარო ბიუროს ფარგლებს გარეთ სანოტარო მოქმედების შესასრულებლად ნოტარიუსი წინასწარ მიმართავს სამინისტროს შესაბამისი მოთხოვნით, სადაც ვალდებულია დაასაბუთოს, რომ სანოტარო ბიუროს ფარგლებს გარეთ მომსახურების მიღება დაინტერესებული პირისთვის გადაუდებლად აუცილებელია და მას ობიექტური მიზეზების გამო არ შეუძლია სანოტარო ბიუროში მისვლა. გადაუდებელ აუცილებლობად ჩაითვლება ამ ბრძანების პირველი მუხლის მე-8 პუნქტით განსაზღვრული გარემოებები.“.

3. 2¹ მუხლის:

ა) მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. ამ მუხლის პირველ პუნქტში მითითებულ სანოტარო ბიუროზე ვრცელდება ამ ბრძანების მე-2 მუხლის 2¹ და მე-8 პუნქტების მოქმედება.“;

ბ) მე-4 პუნქტი ჩამოყალიბდეს შემდეგი რედაქციით:

„4. ამ მუხლის პირველ პუნქტში მითითებული ბიუროების ფუნქციონირებისას უზრუნველყოფილი უნდა იყოს ამ ბრძანების პირველი მუხლის მე-3 პუნქტის „ვ“–„ი“, „ლ“, „მ“ და „პ“ ქვეპუნქტებისა და ამავე მუხლის მე-7 პუნქტის მოთხოვნების დაცვა.“.

4. მე-3 მუხლის მე-2 პუნქტს დაემატოს შემდეგი შინაარსის „დ“ ქვეპუნქტი:

„დ) „ა.ე“–„ა.თ“ ქვეპუნქტები მოქმედებს 2020 წლის 13 ივნისამდე.“.