„საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ „დელტას“ დებულების დამტკიცების შესახებ“ საქართველოს თავდაცვის მინისტრის 2020 წლის პირველი მაისის №40 ბრძანებაში ცვლილების შეტანის თაობაზე

1. მე - 7 მუხლის:

ა) პირველ პუნქტს დაემატოს  ლ¹და ლ² ქვეპუნქტები შემდეგი რედაქციით:

„ლ¹) სეტყვის საწინააღმდეგო სისტემების მართვის დეპარტამენტი;

ლ²) საწარმო პროცესების ზედამხედველობის დეპარტამენტი;“;

ბ) პირველი პუნქტის „ჟ“ ქვეპუნქტი ამოღებულ იქნეს.

2. მე-18 მუხლის შემდეგ დაემატოს 18¹ და 18² მუხლები შემდეგი რედაქციით:

„მუხლი 18¹. სეტყვის საწინააღმდეგო სისტემების მართვის დეპარტამენტი

სეტყვის საწინააღმდეგო სისტემების მართვის დეპარტამენტის ამოცანები და ფუნქციებია:

ა) ქვეყანაში სეტყვასაწინააღმდეგო საქმიანობასთან დაკავშირებული სისტემების დამუშავება, მოდერნიზება, შექმნა, დანერგვა, მომსახურების უზრუნველყოფა და მართვა;

ბ) კანონმდებლობით გათვალისწინებული შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.

მუხლი 18². საწარმო პროცესების ზედამხედველობის დეპარტამენტი

საწარმო პროცესების ზედამხედველობის დეპარტამენტის ამოცანები და ფუნქციებია:

ა) წარმოების პროცესთან, საბოლოო პროდუქტის/მომსახურების შექმნასთან  დაკავშირებული ყველა პროცესის მონიტორინგი და კონტროლი;

ბ) ცენტრის ყველა სტრუქტურული ქვედანაყოფის/ერთეულის საქმიანობის პროცესების და პროცედურების წარმოების პროცესთან ურთიერთქმედების ეფექტურობის შეფასება, მონიტორინგი და კონტროლი;

გ) წარმოების საქმიანობის ეფექტიანი ფუნქციონირების შეფასება, მონიტორინგი და კონტროლი;

დ) კანონმდებლობით გათვალისწინებული შესაბამისი უფლებამოსილებებისა და ცენტრის ხელმძღვანელობის შესაბამისი დავალებების განხორციელება.“.

3. 23-ე მუხლი ამოღებულ იქნეს.