„პერსონალურ მონაცემთა დამუშავების კანონიერების შემოწმების (ინსპექტირების) წესის დამტკიცების შესახებ“ სახელმწიფო ინსპექტორის 2019 წლის 2 ივლისის №2 ბრძანებაში ცვლილების შეტანის შესახებ

1. მე-11 მუხლის:

ა) პირველი პუნქტის:

ა.ა) „ა“ ქვეპუნქტის „ა.ა“ ქვეპუნქტი ჩამოყალიბდეს შემდეგი რედაქციით:

„ა.ა) სამართალდამცავი ორგანო ან სახელმწიფო ინსპექტორის ინდივიდუალური სამართლებრივი აქტით განსაზღვრული საჯარო დაწესებულება;“;

ა.ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) კერძო სექტორზე ზედამხედველობის დეპარტამენტის მოხელეებისაგან, თუ ინსპექტირების ობიექტია ფიზიკური პირი ან კერძო დაწესებულება (გარდა ამ პუნქტის „ა“ ქვეპუნქტის „ა.ბ“ ქვეპუნქტით გათვალისწინებული დაწესებულებისა);“;

ა.გ) „ბ“ ქვეპუნქტის შემდეგ დაემატოს შემდეგი შინაარსის  „გ“ და „დ“  ქვეპუნქტები:

გ) საჯარო სექტორზე ზედამხედველობის დეპარტამენტის მოხელეებისაგან, თუ ინსპექტირების ობიექტია საჯარო დაწესებულება (გარდა ამ პუნქტის „ა“ ქვეპუნქტის „ა.ა“ ქვეპუნქტით გათვალისწინებული დაწესებულებისა);

დ) ამ პუნქტით გათვალისწინებული ერთი ან რამდენიმე დეპარტამენტის მოხელეებისაგან, თუ ამ პუნქტით გათვალისწინებული ორგანოები და დაწესებულებები ერთდროულად არის ინსპექტირების ობიექტი.“;

ბ) მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ინფორმაციული ტექნოლოგიებისა და მონიტორინგის დეპარტამენტის მოხელეები.“.

2. 38-ე მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. შემოწმების დასრულების შედეგად, შემოწმების ოქმისა და შემოწმების შედეგად მოპოვებული სხვა მტკიცებულებების საფუძველზე, ამ წესის    მე-11 მუხლის პირველი პუნქტით გათვალისწინებული დეპარტამენტები, თავისი კომპეტენციის ფარგლებში, უზრუნველყოფენ ინსპექტირების დასრულების შესახებ ინსპექტორის გადაწყვეტილების პროექტის მომზადებასა და ინსპექტორისათვის (ან მის მიერ უფლებამოსილი პირისათვის) დასამტკიცებლად წარდგენას.“;

ბ) მე-3 პუნქტი ამოღებულ იქნეს.