„საქართველოს ტერიტორიაზე სადაზღვევო საქმიანობის ლიცენზირების წესებში“ ცვლილებისა და დამატების შეტანის შესახებ”

  საქართველოს დაზღვევის სახელმწიფო ზედამხედველობის სამსახურის უფროსის

ბრძანება №36

1998 წლის 2 ოქტომბერი

ქ. თბილისი

 „საქართველოს ტერიტორიაზე სადაზღვევო საქმიანობის ლიცენზირების წესებში“ ცვლილებისა და დამატების შეტანის შესახებ

საქართველოს სადაზღვევო სისტემის შემდგომი სრულყოფის, სადაზღვევო კომპანიების სტაბილური და მდგრადი ფუნქციონირების უზრუნველსაყოფად, აგრეთვე მათი გადახდისუნარიანობის დონის საერთაშორისო სადაზღვევო ნორმებთან მიახლოების მიზნით, „დაზღვევის შესახებ“ საქართველოს კანონის მე-14 მუხლის, დაზღვევის სახელმწიფო ზედამხედველობის სამსახურის უფროსის 1997 წლის 25 აგვისტოს № 1 ბრძანებით დამტკიცებული „საქართველოს ტერიტორიაზე სადაზღვევო საქმიანობის ლიცენზირების წესების“ მე-16 მუხლის მოთხოვნების შესაბამისად, ვბრძანებ:

მუხლი 1

საქართველოს დაზღვევის სახელმწიფო ზედამხედველობის სამსახურის უფროსის 1997 წლის 25 აგვისტოს №1 ბრძანებით დამტკიცებული „საქართველოს ტერიტორიაზე სადაზღვევო საქმიანობის ლიცენზირების წესების“ მე-16 მუხლი ჩამოყალიბდეს შემდეგი რედაქციით:

„1. სადაზღვევო საქმიანობის განხორციელებისთვის მზღვეველი უნდა ფლობდეს აუცილებელ შევსებულ მინიმალურ საწესდებო კაპიტალს მე-11, მე-12, მე-13 და მე-14 მუხლებით გათვალისწინებული დაზღვევის სახეობების მიხედვით ცხრილ №1-ში განსაზღვრული ოდენობით, მათ შორის არანაკლებ 80%-ს ფულადი ფორმით.

ცხრილი 1.

2. დაზღვევის სახეობების მიხედვით საწესდებო კაპიტალი წარმოადგენს მზარდ სიდიდეს, რომლის ზრდის მაჩვენებლებსა და წესს განსაზღვრავს საქართველოს დაზღვევის სახელმწიფო ზედამხედველობის სამსახური.

მუხლი 2

სადაზღვევო კომპანია, რომელიც აპირებს სადაზღვევო საქმიანობის დაწყებას და ამ მიზნით მიმართავს საქართველოს დაზღვევის სახელმწიფო ზედამხედველობის სამსახურს განცხადებით სადაზღვევო საქმიანობის განხორციელებისათვის ნებართვის მიღების თაობაზე, ამ ბრძანების ამოქმედების შემდეგ უნდა ფლობდეს აუცილებელ შევსებულ მინიმალურ საწესდებო კაპიტალს ცხრილი №1-ით განსაზღვრული ოდენობით>.

მუხლი 3

დადგინდეს მოქმედი სადაზღვევო კომპანიებისათვის შევსებული მინიმალური საწესდებო კაპიტალის ოდენობის ზრდის განრიგი:

ა) 1998 წლის 15 ნოემბრისათვის:

ცხრილი 2

ბ) 1999 წლის 1 იანვრისათვის:

ცხრილი 3

გ) 1999 წლის 15 თებერვლისათვის:

ცხრილი 4

დ) 1999 წლის 1 აპრილისათვის ცხრილი №1-ით განსაზღვრული ოდენობით.

მუხლი 4

ეს ბრძანება ამოქმედდეს გამოქვეყნებისთანავე.

სამსახურის უფროსი                                                                   ა. ცერცვაძე