„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე

1. 76-ე მუხლის:

ა) მე-8 პუნქტი ამოღებულ იქნეს;

ბ) მე-9 პუნქტი ჩამოყალიბდეს შემდეგი რედაქციით:

„9. პირის მიერ სპეციალური პროფესიული საგანმანათლებლო პროგრამის ან გამოსაცდელი ვადის წარუმატებლად გავლა წარმოადგენს სამსახურიდან დათხოვნის საფუძველს.“.

2. 77¹ მუხლი ამოღებულ იქნეს.

3. 82-ე მუხლის:

ა) პირველი პუნქტი ჩამოყალიბდეს შემდეგი რედაქციით:

1. სამინისტროს შესაბამისმა დანაყოფმა, სამინისტროს ადამიანური რესურსების მართვის დეპარტამენტმა და აკადემიამ, ურთიერთშეთანხმებით, 2022 წლის 15 ივნისამდე ეტაპობრივად უზრუნველყონ შესაბამისი კურსის/პროგრამის გავლა იმ მოსამსახურეებისათვის, რომლებიც 2020 წლის 1 მაისის მდგომარეობით თანამდებობაზე დანიშნული არიან ამ წესის 25-ე მუხლის მე-3 პუნქტის ან/და 79-ე მუხლის პირველი პუნქტის შესაბამისად სპეციალური პროფესიული საგანმანათლებლო პროგრამის, სპეციალური მომზადების/გადამზადების კურსის გავლის გარეშე. მოსამსახურე დაითხოვება სამსახურიდან ამ პუნქტით დადგენილ ვადაში შესაბამის პროგრამაზე/კურსზე წარუდგენლობის გამო, ამ წესის 50¹ მუხლის შესაბამისად. მოსამსახურე შესაბამისი პროგრამის/კურსის წარუმატებლად გავლის შემთხვევაში პირადი განცხადებით/პატაკით აიყვანება კადრების განკარგულებაში ან ამ წესის 49-ე მუხლის შესაბამისად დაითხოვება სამსახურიდან.“;

ბ) პირველი პუნქტის შემდეგ დაემატოს შემდეგი შინაარსის 1¹–1⁴ პუნქტები:

„1¹. აკადემიამ 2020 წლის 1 ივნისამდე უზრუნველყოს ამ მუხლის პირველი პუნქტით გათვალისწინებული მოსამსახურეების მიერ სპეციალური პროფესიული საგანმანათლებლო პროგრამის/სპეციალური მომზადების/გადამზადების კურსის (შემდგომში – კურსი) 2022 წლის 15 ივნისამდე გავლის გრაფიკის შემუშავება და დამტკიცების მიზნით მინისტრისათვის წარდგენა.

1². ამ მუხლის პირველი პუნქტით გათვალისწინებულ შემთხვევაში ხელმძღვანელ თანამდებობაზე დაწინაურების კურსზე ჩასარიცხად არ გამოიყენება შესარჩევი ტესტირება.

1³. ამ მუხლის პირველი პუნქტით გათვალისწინებული კურსის გავლა განხორციელდეს მათ შორის, დისტანციურად, ელექტრონული საშუალებების გამოყენებით.

1⁴. ამ მუხლის პირველი პუნქტის შესრულებაზე კონტროლი დაევალოს სამინისტროს გენერალურ ინსპექციას.“;

გ) მე-3 და მე-4 პუნქტები ამოღებულ იქნეს;

დ) მე-7 პუნქტის შემდეგ დაემატოს შემდეგი შინაარსის მე-8 პუნქტი:

„8. ამ წესის მე-12 მუხლის მე-3 პუნქტის „დ“ ქვეპუნქტით განსაზღვრული განათლების მოთხოვნები (განათლების ცენზი) არ გამოიყენება იმ მოსამსახურის დაწინაურებისას (განყოფილების უფროსის ჩათვლით), რომელსაც 2018 წლის 1 სექტემბრის მდგომარეობით დაკავებული ჰქონდა შტატით გათვალისწინებული ისეთი თანამდებობა, რომელიც ითვალისწინებდა გამოძიების ფუნქციის განხორციელებას და მას შემდეგ უწყვეტად უჭირავს იმავე ფუნქციის მქონე თანამდებობა.“.