ქარელის მუნიციპალიტეტის საკრებულოს 2017 წლის 16 ნოემბრის №28 დადგენილებაში ,,ქარელის მუნიციპალიტეტის მერიის დებულების დამტკიცების შესახებ” ცვლილების და დამატების შეტანის თაობაზე

ა) დადგენილებით დამტკიცებული  დანართის მე-14 მუხლის 1-ლი პუნქტი ჩამოყალიბდეს შემდეგი რედაქციით:

,,1. მერის წარმომადგენელი არის ადგილობრივი თვითმმართველობის აღმასრულებელ ორგანოში ადმინისტრაციული ხელშეკრულებით დასაქმებული პირი, რომელსაც საქართველოს კანონის „საჯარო სამსახურის შესახებ“ შესაბამისად  ნიშნავს და ათავისუფლებს მერი“.

ბ)  დადგენილებით დამტკიცებული  დანართის მე-15 მუხლის პირველ პუნქტს დაემატოს  შემდეგი შინაარსის ,,გ“ ქვეპუნქტი :

,,გ) ადმინისტრაციული ხელშეკრულებით დასაქმებული პირი – საქართველოს კანონის ,,საჯარო სამსახურის შესახებ“ 78-ე მუხლის პირველი პუნქტის „დ“ ქვეპუნქტით გათვალისწინებული პირი, რომელიც მუნიციპალიტეტის მერს ხელს უწყობს მისი უფლებამოსილებების განხორციელებაში და რომელსაც არ უკავია მოხელისა და შრომითი ხელშეკრულებით დასაქმებული პირისთვის გათვალისწინებული თანამდებობა“;