„აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს დებულების დამტკიცების შესახებ’’ აფხაზეთის ავტონომიური რესპუბლიკის მთავრობის 2019 წლის 31 ივლისის N18 დადგენილებაში ცვლილებების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის მე-3 პუნქტის შესაბამისად,  „აფხაზეთის ავტონომიური რესპუბლიკის აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2019 წლის 31 ივლისის №18 დადგენილებაში (სსმ, ვებგვერდი,  06/08/2019 სარეგისტრაციო კოდი: 010340000.32.061.016268) შეტანილ იქნეს შემდეგი სახის ცვლილებები:

1. დებულების მე-3 მუხლის მე-3 პუნქტის  ,,ე“ ქვეპუნქტი ჩამოყალიბდეს შემდეგი რედაქციით:

„ე) კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს სამინისტროს საჯარო მოსამსახურეებს, სამინისტროს ტერიტორიული ორგანოს ხელმძღვანელებს, მათ მოადგილეებსა და სხვა საჯარო მოსამსახურეებს;“.

2. დებულების მე-6 მუხლი ჩამოყალიბდეს შემდეგი რედაქციით:

„მუხლი 6. სამინისტროს თანამდებობის პირები

1. სამინისტროს თანამდებობის პირები არიან:

ა) სამინისტროს სტრუქტურული ერთეულების (შიდა სტრუქტურული ერთეულების)  ხელმძღვანელები და მათი მოადგილეები;

ბ) სამინისტროს ტერიტორიული ორგანოს ხელმძღვანელები, მათი მოადგილეები, სტრუქტურული ერთეულების (შიდა სტრუქტურული ერთეულების)  ხელმძღვანელები და მათი მოადგილეები.

2. სამინისტროსა და ტერიტორიული ორგანოს სტრუქტურული ერთეულის ხელმძღვანელი უშუალოდ ემორჩილება მინისტრს, მინისტრის პირველ მოადგილეს/მინისტრის მოადგილეს, ტერიტორიული ორგანოს ხელმძღვანელს/მოადგილეს.

3. სამინისტროსა და ტერიტორიული ორგანოს სტრუქტურული ერთეულის ხელმძღვანელი:

ა) ანაწილებს მოვალეობებს მისდამი დაქვემდებარებული სტრუქტურული ერთეულის მოსამსახურეებს შორის და აძლევს მათ მითითებებსა და განკარგულებებს;

ბ) ზედამხედველობს სტრუქტურული ერთეულის მოსამსახურეების მიერ სამსახურებრივ მოვალეობათა შესრულებას;

გ) ხელს აწერს ან ვიზას ადებს სტრუქტურულ ერთეულში მომზადებულ დოკუმენტებს;

დ) ანგარიშვალდებულია სტრუქტურული ერთეულის მუშაობისათვის;

ე) წარმოადგენს სტრუქტურულ ერთეულს თავისი მოვალეობების შესრულებისას და სტრუქტურული ერთეულის სახელით წარუდგენს დასკვნებს მინისტრის პირველ მოადგილეს ან მოადგილეს/ტერიტორიული ორგანოს ხელმძღვანელს;

ვ) წარუდგენს სამინისტროს ხელმძღვანელობას/ტერიტორიული ორგანოს ხელმძღვანელს წინადადებებს სამინისტროს/ტერიტორიული ორგანოს სტრუქტურული ერთეულის სტრუქტურის, მუშაობის ორგანიზების, სტრუქტურული ერთეულის მოსამსახურეების წახალისების შესახებ;

ზ) შუამდგომლობს იმ სახსრების გამოყოფის თაობაზე, რომლებიც საჭიროა სტრუქტურული ერთეულის ამოცანათა შესასრულებლად;

თ) ასრულებს ამ დებულებით, სტრუქტურული ერთეულის დებულებით, მინისტრის ან/და უშუალო ხელმძღვანელის მიერ განსაზღვრულ ამოცანებს.“.