საქართველოს დაზღვევის სახელმწიფო ზედამხედველობის სამსახურის უფროსის 2016 წლის 16 სექტემბრის ბრძანება N16-ით დამტკიცებულ „მზღვეველის საზედამხედველო კაპიტალის ოდენობის გაანგარიშების წესში“ ცვლილების შეტანის თაობაზე

„1. ამ წესის მიზნებისთვის საზედამხედველო კაპიტალის ოდენობა გაანგარიშდება შემდეგნაირად:

მზღვეველის საკუთარი კაპიტალი (სააქციო კაპიტალს დამატებული საემისიო კაპიტალი, გამოკლებული გამოსყიდული აქციები, დამატებული აკუმულირებული მოგება/(ზარალი), დამატებული „პერიოდის წმინდა მოგება/(ზარალი)“, დამატებული „ფასს-ის მიხედვით კაპიტალში აღსარიცხი ყველა სახის რეზერვი“) მცირდება შემდეგი კომპონენტების გათვალისწინებით:

ა) გუდვილი და სხვა არამატერიალური აქტივების (წმინდა) 100%-ით;

ბ) ინვესტიციებით მეკავშირე კომპანიებში (მონაწილეობა კაპიტალში და გაცემული სესხები) 100%-ით;

გ) ინვესტიციებით შვილობილ კომპანიებში (მონაწილეობა კაპიტალში და გაცემული სესხები) 100%-ით;

დ) აქციები, რომელთა მიმოქცევა  ხორციელდება ორგანიზებული ბაზრის გარეთ 100%-ით;

ე) გაცემული არაუზრუნველყოფილი სესხების 100%-ით;

ვ) აქტივების იმ ოდენობით, რომელიც კომპანიის მიერ გამოყენებულია ვალდებულებების უზრუნველყოფის საშუალებად და ასახული არ არის მზღვეველის ფინანსური ანგარიშგების ვალდებულებების ნაწილში (შეზღუდული თანხის  100%);

ზ) გადავადებული საკომისიო ხარჯის 100%-ით¹;

თ) გადავადებული საგადასახადო აქტივის 100%-ით; 

ი) გასაყიდად არსებული ფინანსური აქტივების 10%-ით;

კ) დაფარვის ვადამდე მფლობელობაში არსებული ფინანსური აქტივების 10%-ით;

ლ) რეალური ღირებულებით აღრიცხული ფინანსური აქტივები, მოგებაში ან ზარალში ასახვით 10%-ით;

მ) მოთხოვნები გადარჩენილი ქონებიდან 100%-ით;

ნ) 100 000 ლარს ზემოთ ოდენობის ნაღდი ფული სალაროში 100%-ით;

ო) საინვესტიციო ქონების 30%-ით;

პ) სხვა აქტივები 100%-ით:

პ.ა) მიწოდებიდან და მომსახურებიდან წარმოქმნილი მოთხოვნებით;

პ.ბ) გადახდილი ავანსებით²;

პ.გ) საწარმოო პერსონალის მიმართ მოთხოვნებით;

პ.დ) დამფუძნებლების მიმართ მოთხოვნებით;

პ.ე) მარაგებით;

პ.ვ) სხვა ინვესტიციებით;

პ.ზ) სხვა³;

ჟ) კომპანიის მიერ აღებული ვალდებულებების ოდენობით, რომელიც გამომდინარეობს დადებული თავდებობის ან/და სასესხო (საკრედიტო) ხელშეკრულებებიდან და ასახული არ არის მზღვეველის ფინანსური ანგარიშგების ვალდებულებების ნაწილში (ვალდებულებების 100 %-ით).

_______________________________________

¹ მზღვეველის გადავადებული საკომისიო ხარჯი გაიანგარიშება მზღვეველის კონტრაჰენტი სადაზღვევო ბროკერის/დაზღვევის აგენტის/ცედენტის კუთვნილ გადავადებულ საკომისიოსა და ამავე სადაზღვევო ბროკერის/დაზღვევის აგენტის/ცედენტის წინაშე მზღვეველის არსებულ ვალდებულებებს შორის სხვაობით. თუ მიღებული შედეგი 0-ზე ნაკლებია, ამ წესის მიზნებისთვის აღნიშნული კონტრაჰენტის გადავადებული საკომისიო ხარჯი 0-ის ტოლია.

² მზღვეველის მიერ კონტრაჰენტ სამედიცინო დაწესებულებაზე/დაწესებულებებზე გადახდილი ავანსი/ავანსები გაიანგარიშება მზღვეველის მიერ სამედიცინო დაწესებულების/დაწესებულებების მიმართ ავანსად გადახდილ თანხებსა და ამავე დაწესებულების/დაწესებულებების წინაშე მზღვეველის არსებულ ვალდებულებებს შორის სხვაობით. თუ მიღებული შედეგი 0-ზე ნაკლებია, ამ წესის მიზნებისთვის აღნიშნულ კონტრაჰენტზე გადახდილი ავანსი 0-ის ტოლია.

³ იგულისხმება „მზღვეველის ფინანსური ანგარიშგების ფორმებისა და მათი საქართველოს დაზღვევის სახელმწიფო ზედამხედველობის სამსახურისათვის წარდგენის წესის დამტკიცების თაობაზე“ საქართველოს დაზღვევის სახელმწიფო ზედამხედველობის სამსახურის უფროსის 2013 წლის 24 დეკემბრის №02 ბრძანებით დამტკიცებული დანართი №1-ის, ფორმა №1-10-ის, სტრიქონი/კოდი 00790-ის  შესაბამისი აქტივი, გარდა ფინანსური ანგარიშგების საერთაშორისო სტანდარტ (IFRS) №16-ით განსაზღვრული აქტივის გამოყენების უფლების მიხედვით შექმნილი აქტივისა.