დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს სასჯელაღსრულებისა და პრობაციის სამინისტროს №9 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №120 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 514 |
| დოკუმენტის მიმღები | საქართველოს იუსტიციის მინისტრი |
| მიღების თარიღი | 05/04/2020 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 05/04/2020 |
| ძალის დაკარგვის თარიღი | 01/05/2020 |
| სარეგისტრაციო კოდი | 100020020.22.027.017009 |
|
„საქართველოს სასჯელაღსრულებისა და პრობაციის სამინისტროს №9 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №120 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „პატიმრობის კოდექსში ცვლილების შეტანის შესახებ“ საქართველოს 2018 წლის 5 ივლისის №3128 კანონის მე-2 მუხლის მე-5 პუნქტის შესაბამისად, ვბრძანებ: |
| მუხლი 1 |
„საქართველოს სასჯელაღსრულებისა და პრობაციის სამინისტროს №9 პენიტენციური დაწესებულების დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №120 ბრძანებით („საქართველოს საკანონმდებლო მაცნე“ (www.matsne.gov.ge), 31.08.2015, სარეგისტრაციო კოდი: 100020020.22.038.016535) დამტკიცებული დებულების მე-2 მუხლის მე-8 პუნქტი ჩამოყალიბდეს შემდეგი რედაქციით:
„8. დაწესებულების მისამართია ქ. თბილისი, აბუსერიძე-ტბელის №11. დაწესებულების ნაწილი განთავსებულია, აგრეთვე, ქ. რუსთავში, მშენებელთა ქ. №60-ში.“. |
| მუხლი 2 |
1. საქართველოს იუსტიციის სამინისტროს მმართველობის სფეროში მოქმედმა სახელმწიფო საქვეუწყებო დაწესებულებამ – სპეციალურმა პენიტენციურმა სამსახურმა უზრუნველყოს:
ა) 2020 წლის 7 აპრილამდე №9 პენიტენციური დაწესებულების გარკვეული ნაწილის ამ ბრძანების პირველი მუხლით გათვალისწინებულ ახალ მისამართზე (ქ. რუსთავი, მშენებელთა ქ. №60) განთავსებასთან დაკავშირებული ორგანიზაციულ-ტექნიკური ღონისძიებების განხორციელება; ბ) №9 პენიტენციურ დაწესებულებაში (ქ. თბილისი, აბუსერიძე-ტბელის №11) განთავსებულ ბრალდებულთა/მსჯავრდებულთა ქ. რუსთავში, მშენებელთა ქ. №60-ში მდებარე შენობა-ნაგებობაში გადაყვანა „საქართველოს სასჯელაღსრულებისა და პრობაციის სამინისტროს პენიტენციური დაწესებულებების შესახებ“ საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №106 ბრძანებით განსაზღვრული ლიმიტის ფარგლებში. 2. №9 პენიტენციური დაწესებულების ქ. რუსთავში, მშენებელთა ქ. №60-ში განთავსებულ ნაწილზე ვრცელდება საქართველოს სასჯელაღსრულებისა და პრობაციის მინისტრის 2015 წლის 27 აგვისტოს №120 ბრძანებით დამტკიცებული №9 პენიტენციური დაწესებულების დებულებით პატიმრობისა და დახურული ტიპის თავისუფლების აღკვეთის დაწესებულებისათვის განსაზღვრული პატიმრობისა და თავისუფლების აღკვეთის აღსრულებასთან დაკავშირებული წესები. |
| მუხლი 3 |
ამ ბრძანების შესრულებაზე კონტროლი დაევალოს სპეციალური პენიტენციური სამსახურის გენერალურ დირექტორს. |
| მუხლი 4 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები